..أمبييييييه خالتـي ســوت شقلبــه انقلــبت فــوووق تحت

[bal8es]

ماعندج سالفه
متى ماتبيه الولد نزلي لها واذا بتنومه بعد يزاها الله ألف خير
شلج بدوخت الياهل مو مقصره
بالعكس يصير لج وقت مع زوجج اكثر وخالتج تهتم فيه ولا الخدامه
و ياخذ حنان منها مثل حنانج لي بغا ياكل ولا ينام وانتي مشغوله اهيا ما تقصر احسن من لا تقطينه ع الخدامه
طولي بالج معاها شوفيها من الناحيه الايجابيه
انا لي الحين ما رحت بيت ريلي وخالتي تقولي ان صار عندكم بيبي مالج شغل فيه حتى غرفته بتصير عندي
توفر عني قعدة الليل

 

[زوجة عزيز]

الظآهر أخذتي ولدي و أخذت ولدج

لآ حول ولآ قوة إلآ بالله مآدري شقوولج والله ربي يعينج و يفرج همج و يردهـآ طبيعيه

ههههههههه يمكن جذي الله يعينج :yaaaaaarb:

 

[PuPa^^SWeeT]

ماعندج سالفه
متى ماتبيه الولد نزلي لها واذا بتنومه بعد يزاها الله ألف خير
شلج بدوخت الياهل مو مقصره
بالعكس يصير لج وقت مع زوجج اكثر وخالتج تهتم فيه ولا الخدامه
و ياخذ حنان منها مثل حنانج لي بغا ياكل ولا ينام وانتي مشغوله اهيا ما تقصر احسن من لا تقطينه ع الخدامه
طولي بالج معاها شوفيها من الناحيه الايجابيه
انا لي الحين ما رحت بيت ريلي وخالتي تقولي ان صار عندكم بيبي مالج شغل فيه حتى غرفته بتصير عندي
توفر عني قعدة الليل

ايي والله صااجة


هههههههههههههههه

 

[shak!shoka]

شتبين احسن من جذي
شايله ولدج و زوجج بعد
موفره عليج

قطي الولد عليها اهيا تبي جذي بعد اهوا ولد ولدها وانتي بكل الاحوال مستفيده
اول شي
ولدج بيد يدته ، توكله . تشربه . و تنومه و ضامنه انسانه حنونه و تموت فيه ! في احلا من جذي ... ولا تبين خدامه جدامج ويه و من وراج ويه ؟!
طبعا ماكو مقارنه بين الخدامه و بين خالتج بس هذا مجرد مثال تقريبي

والله خالتج مبين طيبه و حنونه و فقيره زهقانه خلي ولدج يسليها
يبيلها هديه حلوه
و تقبلي كل شي منها مثل بنتها اهيا هم ما قصرت معاج بزواجج و حمالج و الحين شايله ولدج بعيونها

يا بختج فيها صراحه

اعرف يدات جدام عيالها تسوي نفسها تموت على ولده و بس يطلع تصرفه ويا الخدامه حتى ما تكلف نفسها توكله لقمه ! او تلعبه

تحمليها الحريم الكبار مزاجيات نوعا ما بس قلوبهم طيبه

 

[قسوة الزمن]

عطوج عين اقري المعوذات وكتي على شقتج ماي وملح

 

[دلع العتبان]

طاااف لانها مرحله انتقاليه الزمي الصمت اي رده فعل منج تجي عكسيه وتخسرين الاطرف كلها

الله يغير الاحوال

 

[جيكره(و)تتغلى25]

امبيه ليش نفسها جذي؟


عطيها طاف


اذا حملتي بثاني والثالث تتمنين كل عيالج عندهااا هههههههه انا جذي كنت حساااسه واموت وامووت لما تاخذه مني الحين اوديهم كلهك وانامم وارتاح

 

[دلع العتبان]

عطوج عين اقري المعوذات وكتي على شقتج ماي وملح

سوالف ام عباس وام صبري اتركيها يارفيقتي ههههههههههههااااي

:eh_s(9):

 

[ام كوثر2007]

يبه يدته اشفيج انتي الله يهدينا وياج ..


يقولج المثل ما اعز من الولد الا ولد الولد .. والله يا بختج هذى خالتج


الحين الخالات يتحلطمون اذا الجناين حطو عيالهم عندهم


وانتي المقروده ادوره دوااره


عطيه ايياا ه اي وقت


قوليلها خالتي خلي فلان اليوم ينام عندج ..


حطي عندها اربع ايام بالاسبوع علي الاقل خو انتو في بيت واحد خايفه من شنو الله يهدييج ..


مسكينه هالخاله والله كاسره خاطري فديتها متشفقه علي الياهل تشفق

 

[كويتيه شقرا]

انتي تفاهمي مع ريلج الضاهر امه كبرت وخرفت

 

[سكوتي بذوقي]

تحب حفيدها مافيها شي عادي

لاتكبرين الموضوع

 

[noorq8]

أحد يكون عنده خاله مثل خالتج ويتضايق !!!

تمسك الولد وتفكج من أذيته وتتضايقين , الا يازينها من خااااااله بس انتي ماشفتي باجي الخالات

 

[حرم جسومي]

حبيبتي عادي ولد ولدها الوحيد ومستانسه فيه ولاتنسين ماعندها احفاد غيره لمسكينه شكلها وايد تحبه ماسمعتي بالمثل لي يقول ما اغلى من الولد اله ولد الولد وبعدين لو في احد قالب راسها عليج انتي بيني لها العكس نزلي عندها وديلها ولدج قولي لها شكله اشتاق لج وقعدي سولفي وياها والله احسن لج لو شاركتج بتربيته خالتج قلبها مبين وايد ابيض لا تخسرينها صدقيني وتعندين وياها خلج رحومه وياها واتوقع وسوري على هالحجي لو كانت امج لي مسويه وياج هشي ماكنتي راح تتكلمين سوري يعني والله يوفقج ويسعدج

 

[Om_Ksha]

مااااااااااافهمت اهيا تغيرت عشان ولدتي !!

وهـــني بــدت الشقــــــــــــلبه:eh_s(16):

لمــاا ولدت قــالهاا زوجــي يمــه اللــه عطـااااج هالــولد<<<:rgewrg:


شنو يعني هالجمله ..اسمالله عليه بعد عمر طويل انا عبالي طرحتي بس لمن عرفت انه حي وموجد استغربت من التغير
!!

 

[النوري نور عيني]

ولد وحيدها ...وطول على ما جا .. فرحانه فيه ...احمدي ربج ...تمسكه وتحرص عليه ....باجر لو داومتي ..اتداومين وقلبج مرتاح ...منتي تحت منة خدامه ...لو تعطينها عيونج ...ما يبين بعينها ....

ولو اني مثلج .. احملي بسرعه ...ومخلي المسكينه تفرح بعيال ولدها ...

 

[كويتيه مـزيونه]

ااحمدي ررربج خالتج حاااارصه عليج وانتي حامل مافي خاله بهزمن داري مرت ولدها
ومبين على خالتج تقدرين تغيرنها بسسسسسهوله واذا بغت منج الولد نزليه لها عادي قعدي
ولدج وبدليه ونزليه تحت ؟؟؟؟؟

 

[اميره1980]

خالتج مسكينة و اسمحيلي انتي اللي ماسكه عليها الكلمة اشدعوا ؟؟ مثلا على موقف ان طاح و انتي عندج عادي و تقولين دايم يطيح شنو تبين خالج ترد عليج؟؟؟ يعني مستانسة ان وايد يطيح ؟؟

ابيج تتخيلين ان خالتج باجر تقولج ولدج مالي شغل فيه و لا امسكه و لا تنزلينه عندي بعد شنو بيصير فيج ؟؟
و الله جزاها الله خير انها مراعيته و ماسكته
و لا تنسين مواقفها الزينة وياج و بلسانج تقولين انها كانت زينة يعني تحبج و معتبرتج امها
يعني الحين لو امج مسويه وياج نفس هالمواقف بتتضايقين ؟؟ اكيد عندج عادي

 

[@ DLOO3TAH@]

الله يعينج ..

 

[بيتي بوب بس كويتيه]

عطيني خالتج
اصلا والله راحه تأخذ الياهل ينام عندها

ويبين عليها مستانسه بالياهل مثل خالتي لانه بجري اول حفيد لهم فكانت طايره فيه
وعادي كنت مستانسه

 

[نونو العصله]

الحين تامنون على اليهال مع الخدم و خايفين عليه من يدته لحمه ودمه


شلحجي
تحمدو ربكم ع النعمه لا تزول منكم
شفيها اذا شالته يدته
زين ومنها بعد

تعوذي من ابليس وعيشي حياتج
المره مومقصره معاج ولا مع ولدج

حتى العشا هي تسويه لولدها