أمبيه بنات بقولكم سالفة صارتلي مع دكتوري

["اسطورة العشق"]

اممممم

اهو مبين عليه شيطان و لعوب بس انتي بعد ما جذبتي خبر
يعني سوري على الكلمه بس انتي تبين تضبطينه و ضبطته !!
لان مبين من البدايه ان الميانه طاحت بسرعه و شكو يعطيج رقم موبايله ....... اوكي يلا عشان العمليه الا ما سويتها و لا تبين تسوينها بس يبي يشرحلج درس الطب عشان تزيدين ثقافتج العامه .. ماشي
ثاني مره ليش داقه ؟؟؟ تسالين عنه و في وحده تبي تنهي الموضوع و تسكره تبي تسوي روحها مشغوله تقوله دقلي مره ثانيه ؟؟
حبيبتي انتي جذي ما بينتي مشغوله بس بينتي انج ما تبين المكالمه تصير على حسابج !!
شكو تتطمنين عليه و تسالين وينه و ليش الموعد يتاجل بعد السكرتيره قالت مو موجود يعني مو موجود !!
الحين لو دكتورج بالجامعه يعتذر عن 3 محاضرات ورا بعض تاخذين رقمه و ادقين تتطمنين عليه !!

مادري بس انتي عارفه السيناريو و تدرين ان هذا الي بيصير فاستغرب منج انج تقولين منصدمه و امبيه
على شنو امبيه داقه على رقمه الخاص تقوليله تسالين عنه و تقوليله تقريبا فقدناك شنو تتوقعين رده فعل واحد مرقمج اكيد بيقولج معجب فيج و و عشان يفك روحه من الارتباط يقولج متزوج يعني انسي اخذج و عشان يصير في عذر يكلمج يقولج مو مرتاح مع مرتي .. مع اني اشوفج مو محتاجه عذر عشان ادقين




هذا تعليقي على الموضوع يمكن ما يعجبج بس انتي طرحتي الموضوع و تبين راينا

 

[عاشقه رويشد]

وخري عنه احسن لج احس تحت راسه شي مادري شنو

 

[روحي زوجي]

رد : رد: أمبيه بنات بقولكم سالفة صارتلي مع دكتوري

حبوبه

اهو مااحترم مهنته علشان يحترمج

انت تعالج شكو تلعب باعراض الناس

ماوفى وظيفته ولا حشم ام عياله

شنو بترجين من وراه غير الاذيه وشقى عمر

 

[N O R A]

( من خان لاجلك بكرا يخونك )

مثل ما خان زوجته على شان عيب فيها

باجر حتى لو تزوجتية يخونج علشان عيب فيج

 

[شنوووفه]

رد : أمبيه بنات بقولكم سالفة صارتلي مع دكتوري

مبين انه كلاك الله يعيينج عله مابلالاج وخري عنه احسن لج
يعني الحين ماكو ريااييل غيره بالدنيا احنا نصحنااج وانتي كييفج :>
موفقه

 

[M!Ss Smart]

رد: رد : أمبيه بنات بقولكم سالفة صارتلي مع دكتوري

سبحان الله مبين جذاب لانه تشكى حيل واللي يجذب اعذاره دايما يكثرها عشان يحط نفسه ان الانسان المسكين
وبعدين شالعلاج اللي سنتين ؟؟ اخاف يبي يمدد معاج عشان يجذب على راحته ويشوفج

 

[بنت اكابر]

هذوله الرياييل اذا عجبتهم وحدة غير مرتهم
صارت مرته فيها مليون عيب وقام يشووف عيوبهاا

يبا هذا جذاااب اذا الحين يعتبر خاين مرته معاج

 

[Do I Care]

رد : رد: أمبيه بنات بقولكم سالفة صارتلي مع دكتوري

جذاب وعلى مستوى بعد

 

[×× شموخ أنثى ××]

رد : رد: أمبيه بنات بقولكم سالفة صارتلي مع دكتوري

كل واحد يبي يسوي علاقه غير شرعيه الزم يسوي فيلم ..

ويلعب في بنات الناس ..

لاتصدقينه باليوم تراجعه ألف وحده يعني أنتي بالذات من كل هالحريم اللي غير عنده ..

هذا شافج صغيرة وطيبه ..

قال لعبتي الجايه واذا لقى صيده جديده قالج أنا بتوب وبكمل مع مرتي ..

انتبهي على نفسج ولاتصدقين هالاشكال ..

ومن عذرها مرته تشك فيه لأنه لعوب والدليل كاهو كلمج ..

حسبي الله عليه اللي ماخاف ربه ..

 

[أنا Top أنا]

رد : رد: أمبيه بنات بقولكم سالفة صارتلي مع دكتوري

انا صارتلي سالفه قبل مع دكتور نفس الكلام بالضبط ..

ولا يقول مطلق مرته ويمرهم عشان ياخذ عياله كل خميس ..بس ما كنت اكلمه كان يسولف لما كنت اجيه بموعدي بس !!
ويقول مرته كبيره ومو حلوة وما تعجبه ومن هالنوع يعني .. وسبحان الله انا عكسج ماااا إرتحت له كلشششششششششششششش وكل ما يدق طااااف .. وتخيلي يمرني الكليه يشوفني واعطيه طاااااف

عقبها بجم يووووم شفته بسوق شرق ومنو معاااااه مرته شكلها مرته يعني مو شكل رفيجته لانه مثل ما وصفها كبيره و عبايه راس وملفع ولا تعرف للمكيااااج وشكلها غلللللللط ولبسها مو ذااك الزود ولما شافني قام يتصدد وجيت جدام وجهه وعطيته ابتسامه لطيفه نقدته على عمره ..

هالحجي من سنين قبل اتزوج < لا تعلمين أحد

 

[ام ناصر 2009]

رد : رد: أمبيه بنات بقولكم سالفة صارتلي مع دكتوري

مع اشتياااق

 

[Relaxation]

الريال اذا بغى يحب غير زوجته يحط فيها الف عيب

 

[سارووونه22]

حبيبتي بقول لج معلومة دوووم خليها براسج اخوي يقول الريال صياد وعنده متعة الصيد موطبيعيه ويستخدم اسلوب على حسب الفريسه يعني الدكتور عرف شلون يخليج تحبينه مع انج موغلطانه لانه دكتور وكلامج معاه حييييييل عادي بس اهوه الي ينخاف منه ديري بالج على نفسج

 

[DooLy88]

والله مو معور قلبي الا زوجته وعليه

تلقينها ماسوت جذي - الا معناها ذاقت منه العذاب واهي تجوفه مع البنات اللي مثلج

حاسبي على روحج ولاتهدمين بيت المرة ولاتهدمين حياتج

انا بنت مثلج واعرف مصلحتج - خليه يولي الجذاب راعي النسوان

استغفري ربج وتوبي

 

[دلع العتبان]

جذاب وعيار ولعاب ومشلوعه عينه
لي يت الصجيه ماله الا زوجته وعياله
وانتي تسليه
شيقولج بالله؟؟
مرتاح وشحليلي بس بقزرها؟؟
اكيد بيقولج مرتي فيها ومافيها ويطلع فيها عيوب الدنيا
كل المتزوجين اللي يكلمون نفس طقته
وتأكدي اذا مرته تنبش يعني مو مريضه نفسيه ياحسره
لا الا من كثر ما شافت منه ومن البنات اللي يعرفهم ويقزرها معاهم مثل ما قاعد يسوي معاج الحين ..

انتي غلطتي فتحتي معاه مجال من البدايه
واذا مايبي مرته خل يطلقها وياخذج وهني تبين الصجيه..
وعاد لي راحت السكره ويت الفكره بيقولج ام بنتي واحبها وعشرة عمر وتسرعت بقراري..!
اكليها عاد
مابي اخرعج بس لا تصدقينه زياده
والرياييل مالهم امان
خاصة اللي مايخلي ذم بأم عياله مايقوله
اصبح منشف ريج المره مسكينه ..
ديري بالج تحوشج حوبتها ياقلبي
وحاولي تبدين صح وتنسينه والله يوفقج..

معاج مية بالمية _03ba:

 

[Ciel~]

بنات والله كلامكم واايد أثر فيني

صج أني ياهل وللحين عاطفيه زيادة عن اللزوم وعندي كل الناس طيبين

وثقت فيه لانه دكتور وكبير

وانا ما احب اخون ثقة ربي واهلي ولا ابي علاقات

قررت اخليه لويه الله

و ربي بيعوضني

مشكورين والله يوفقكم مثل ما نبهتوني ونصحتوني بهالشهر

 

[Ms. luxury]

بارك الله فيج يابعد قلبي احنا حتى لو قسينا شوي عليج بالنصيحة بس والله والله العظيم نشوفج اختنا اللي أصغر منا ..حبيبتي والله فرحتيني انج موقاعدة تبررين حق روحج ياقلبي..
يارب يرزقج بولد الحلال اللي يصونج ومايشوف غيرج ويكون لج انتي بروووووحج

 

[غَـنْـجَـى و دَلـوعْ]

والله دامه جذي ما يستحي و داق على بنيه ما يعرفها يقول هالحجي
ما ألوم مرته اللي تشك فيه و تغار عليه مع إن هالأشكال مو كفو
الله يستر عليج منه و يكافيج شره حبيبتي لا تروحين له مرة ثانية هذا قليل أدب ما أدري ليش أحسه جذااااب @@
شنو كل هالحجي لو صج يقعد يخره بإذن وحده توه يعرفها و بعدين لو صج ما يقول و لا يعترف لأنه دلالة على ضِعف شخصيته!!

 

[نيولوفر]

الله يكتب لج اللي فيه الخير

 

[Un-6be3iya]

مافي متزوج يبي يخربط يقول انا مرتآح مع زوجتي ضروري يطلع مليون عذروب حتى لو بنت الحلال مافيها شي بس عشان يخربط وبعدين اهو لو ما سوا هالشي معاج بيسويه مع غيرج لان اهو مو معجب فيج انتي كـ شخص اهو مجرد معجب بإن في أحد يثق فيه وهالشي اهو فاقده ابيـته
الي تسوينه الحين تقطعين علآقتج فيـه اذا مو عشانه ولا عشان زوجته عشآن ولـده لاتصير مشآكل باجر ينفصلون والولد يضيع بينهم