ألم الظهر في الشهور الأولى من الحمل

[لحن التناهيد]

السلام عليكم

حبيت استفسر الم الظهر اول شهر للحمل شو معناته ربيعتي تسأل ياريت تفيدوني ،، للعلم هيه مسقطة قبل وكان قبل ينزلها افرازات ولكن احين ماشي افرازات ولكن الالم لكامل ظهرها .. في أحد مر بها التجربه في بداية الحمل وعدى الحمل عخير ؟؟ افيدوونا بليز يزاكم الله خير وادعووولها

هيه مامقصره تاخذ كل انواع التثبيت والسيوله

وهيه تشتغل ولكن ماتبذل اي محهود وماتشل شي ثقيل بس تقعد ايعورها ظهرها بس تمشي شوي بعد يعورها شو تسوي​

 

[أم عبداللطيف]

والله بعد هذي حالتي الم بالظهر

افيدونا اهل الخبرة

 

[Miss-_-Fl0wer]

الله اثبت حملها وحمل كل حامل انشالله

 

[c a t w o m a n]

ظهرها رجيج دايما خل ترتاح تنسدح لا تنحني حق الأرض حتى لو ما تبي تشيل شي ثقيل أهم شي الراحة وأهم شي تراجع دكتورها .. الله يتمم عليها انشالله ويرزقها ويانا بالذرية الصالحة

 

[طفلي حياتي]

رد : ألم الظهر في الشهور الأولى من الحمل

ماتشوف شر ان شاءالله وهذا انا معاناة مع الظهر لدرجة مرات اصير كأني مشلوله ماقدر اتحرك ولا خطوه
كله بأجر وربي يتمم لنا وياها على خير

 

[كـ غلا ــلي]

انا خبري الم الظهر يكون بالاشهر الاخيره مال الثقل احسن شي هل تراجع دكتورها

 

[om MaRyooM]

انا باول الفترات صار معاي جذي . .

ترا جسم عن جسم يفرق .. وموشرط يعني بتطيح الياهل لأن حمال عن حمال يختلف بعد

والله يهون عليها ويرزقها الذرية الصالحة

 

[@الياسمين@]

انا الحين بالشهر الرابع وذابحني عوار الظهر

 

[mlakiya]

الله يثبت حملها ان شاء الله

 

[om al ghaleen]

عوار الظهر بالاشهر الاخيره شي طبيعي
بس بالاشهر الاولى يفضل تراجع لانه صارت معاي وعطتني الدكتوره مثبتات
وابر مسكنه .. وطبعا حاله عن حاله تفرق "

\\

 

[دآنة آلرشآيده]

عآدي آنآ كنت جذي
بس خل ترتآح..
الله يثبت حملهآ وحمل كل حآمل

 

[*الجادل*]

أنا معاي دايم عوار الظهر من قبل ما احلل اني حامل يصير معاي الم مو طبيعي ولما احلل اطلع حامل

يستمر معاي العوار كل الشهور ... بس الشهور الاولى ... عوارها اخف من الشهور الاخيره لما الوحده تثقل

 

[الصعيريه]

رد : ألم الظهر في الشهور الأولى من الحمل

انا من أول حماالي لحد الحين وظهري داااااايم معورني
وعسى الله يثبت حملها ويهون عليهاا

 

[لحن التناهيد]

انا البس كعب طبي؟؟؟ هل هو السبب

 

[لحن التناهيد]

انا كل مااركب السيارة يجيني الالم احس الشوارع متعرجة

 

[moraje3a]

الله يسهل الحمل والولادة

 

[محبة زوجها]

رد : ألم الظهر في الشهور الأولى من الحمل

شي طبيعي انا يعورني ظهري وسالت دكتوري قال عادي كل وحده حامل تحس في

 

[كويتيه مذهله 87]

انا البس كعب طبي؟؟؟ هل هو السبب

توني بقولج اكيد تلبسين كعب
وهذا خطر لظهرج

 

[لحن التناهيد]

الله يعين انا من قبل حملي السابق ماكنت البس كعب بس بعد ظهري كان يعورني