أللي كانت سمينه ونحفت تدخل

[زرعه]

السلام عليكم ..

بنات تكفون تكفون تكفووووووون اللي مجربه شاي تنحيف أو حبوب تنحيف تقولي عنه
لأني تعبت نفسيا من جسمي تعبت نفسيا ما القى شي بالسوق يليق على جسمي
وانا وحده احب اللبس والكشخه بس جسم ماياساعد وانغبن يوم اشوف بنات الجامعه نحاف وكلشي يليق لهم
الحمد لله على الصحه والعافيه لكن نبغى ننحف :eh_s(11)::eh_s(16):

طولي158ووزني 85 .. أرجوكم ساعدوني ابغى انحف خلال 3 شهور قبل الإجازه

​

++ لا إله إلا أنت سبحانك إني كنت من الضالمين ++

 

[ابتهال الفجر]

جربي رجيم السوائل كل يوم بكيلو
لكن لازم بعد عشر ايام .. 3 ايام راحه < راحه بدون تخبيص
مع اي نشاط بدني لمده 20 الى 30 دقيقه بتشوقين نتايج روعه
وان شاء الله تضعفين بصحه وعافيه

 

[علاج طبيعى]

بالنسبة لطولك ووزنك

معدل كتلة الجسم عندك 34% معناها سمنة متوسطة وهذة الدرجة الاخيرة قبل السمنة المرضية التى تحتاج عملية

من هنا عليكى ان تلحقى حالك قبل ما تزيدى اكثر من خلال..

1-نظام غذائى مناسب
2-مشروبات يومية تساعد على التخسيس كالشاى الاخضر او القرفة بالزنجبيل والليمون

3-اكيد الرياضة من خلال جيم وطبعا ياريت المشى يوميا ساعة بخطوات سريعة

اذا طبقتين ذلك ستخسين

اما تخسى بسرعة وسحر هذا كلام فاضى ...احترسى من الانظمة الكيميائية!!!

التخسيس يكون تدريجى خلال 6 شهور

لابد من عزيمة وصبر


الحل بيدك لا تضيعين الفرصة

وابدأى من الآن

 

[تووته البسكوته]

والله الحبوب اغلبهم يقولون انها كلام فاضي وتضر ع المدى البعيد
احنا مشكلتنا نجمع متن خلال جم سنه ونبيه يرووووح بشهر
طبعا انا امتن منج لووووول
بس قاعده احاول اخفف
كثري سلطات
لا تثقلين بالعشا او اكلي روووب عجيييب حق البطن
روحي قسم الانظمه الغذائيه بتلاقين واايد رجيمات اختاري اللي يناسبج ياحلووه
وكثري من المااي

 

[طريق السعاده]

خلي نظامك بروتيني لمده شهر تقريبا اقطعي النشويات نهائيي وخليك ع مشوي + سلطه ومشي ساعه او نص ساعه كبدايه وكثري مويا كل ماحسيتي مشتهيه تاكلين اشربي مويا تسد نفسك وتساعد تخفيف وزن وبطلي كسل انا بعيد الفطر الي فات كنت 86 يعني نفسك تقريبا والحين ماشاء الله صرت 62 تقريبا بعد الشكل تغير تغيير جذري وللعلم والله لاستخدمت حبوب ولا شيء كل الموضوع اني حطيت براسي بنحف ونحفت

نفس الي قالو بالردود الحبوب والخرابيط هذي خساره فلوس ع الفاضي المساله مو *** ! بثلاث شهور يمديك تنزلين نزول حلووو وبدون حرماان انتي صلحي لك نظام وانتي ادرى بنفسك


بالتوفيق حبيبتي الله يسهل امرك

 

[طريق السعاده]

خخخ المشفر كلمه سسسحر مدري ليش مشفرها عبالي جبت العيد

 

[زرعه]

يعطيكم ألف عافيه على الردودعسى الله يكتبها بميزان حسناتكم
بس بسألكم وش اكثر شي ينحف المشي ولا السير

قالولي السير يعضل بالكتوف وانا الحين محتاره

​

 

[طريق السعاده]

انا صراحه استخدم السير الجو حر عندنا بالخليج ووبذات اني ماصحى الصبح مادري اذا وقتك يسمح تصحين بدري ع سبع او ست ونص قبل تحتر الشمس حلو لو تمشين برا ساعه او ع المغرب كذا لكن بالنسبه لي السير افضل لان امشي بالوقت الي يناسبني ماتقيد بوقت ومتى طق براسي شغلته ومشيت

مايسوي تعضل ولا شيء بالعكس مريح نفسيا وصار يفرغ الطاقه الي فيني كلها

حطي لك شيء تتابعينه قدامك وامشي بالبدايه نص ساعه اسبوع بعدين زيديها عشر دقايق كل يوم لين تكملين ساعه وخلك عليها

المهم تحددين سرعه معقوله مو تحطين سرعه 10 او 11 وانتي توك باديه !

لا خلي سرعه المشي ع 3او 4 كيلو وشوي ومع الوقت زيديها يعني تبدين اول عشر دقايق 3 كيلو بالساعه وبعدين تزيدينها شوي شوي لين توصلين اربعه كيلو بعدين تزيدين لين توصلين 5 كيلو وكذا

 

[طريق السعاده]

ايه ترا مو شرط تمسكين فالمكان حق اليدين الي محطوط فالسير انا ماعمري مسكته يطفش

عادي امشي طبيعي وحركي يدينك بشكل طبيعي انا احركها كاني امشي عادي مو ع الجهاز واحيننا احركها نفس حركه المشيه العسكريه

^

يارب تفهمين قصدي خخخ ادري تعبيري مدري وش يبي هع

 

[زرعه]

مشكورات يامال العافيه الله يسعدكم دنيا واخره

​

 

[ضــمــاد]

أنا جربت حبوب ألمانيه + حبوب د أوز + أحد أنواع الشاي + أحد أنواع القهوه


هذا غير الاعشاب ..


نصيحه لوجه الله .. لاتفكرين بأي منتج تخسيس وفري فلوسج أحسن لج

لانه كل منتجات التخسيس , بأختلاف أنواعها أشكالها , كلها خــــــــــــــــــرطــــــــــــي

هذا غير انها تعدم الشعر والجسم من داخل , وماراح تكتشفين هالشي الا بعد سنتين او 3

صحيح أنها تضعف .. لكن مجرد ماتقطعينها , تنفتح الشهيه أكثر من قبل , وبلمح البصر يرجع الوزن القديم

ومعاه جم كيلو مجانا ً لووول


أفضــل طريقه يا أختي الغاليـــه ,,

1: نظام صحي + 2: رياضه + 3: ثقافه صحيه

أهم شي وأهم نقطه ..

اذا نظامج فيه دهون .. قللي من الكاربوهيدرات

والعكس صحيح ..


لانه الجسم لو ما لحق يحرق هالدهون والكاربوهيدرات .. بكل بساطه راح يخزنهم بأماكن معينه بالجسم


ويحولهم على هيئة ( دهووون ) لأماكن هذي تختلف من شخص لـ الثاني


مثلا ً في بنات أماكن تجمع الدهون عندهم تحت , وفي بنات فوق , وفي بنات بالبطن


أهم مافي الموضوع

1: نظام صحي + 2: رياضه + 3: ثقافه صحيه

وخلال 3 شهور تقدرين تنزلين فوق الـ 10 كيلو


موفقه يارب ​