أللي عندها خبره بأمراض القطاوه تدخل <3

[كثيريه وافتخر]

السلام عليكم
بنات قطوتي بطنها مادري معدتها يطلع صوت
لاحظته من جم يوم يعني باليوم مره وحده طبيعي هالصوت او لا ؟
ثانيا شواربها بدال ما تصير سيده صايره منحنى على بره .. هذا امي لاحظته
خرعتني تقول لازم سيده .. صح كلامها ؟
بعد يومين تكلم شهرين اول ما تكمل اوديها سيده او انطر ؟
ودي اوديها سيده عشان يعلمني على كذا شغله
-
بنات ردوا علي تكفون
ترى امي تكرر موضوع البيع جدامي ><"

 

[pink shosh]

وودييها البيطري

 

[pink shosh]

اب اب اب اب اب اب اب

لعنوونها

 

[كثيريه وافتخر]

مشكورة حبيبتي
بس مو بكيفي كل ما مرضت اوديها

 

[Ańwăr Almlěssờń]

صوت مثل كيف

مثل الشخير ( خرخرخرخرخرخر) و لما تمسكين بطنها تحسين بحركه مع الصوت ؟

اذا هذا
فهذا خرخره القطط شيئ طبيعي لما احد يمسكها تدلع و يدل على انها سعيده و مرتاحه تلاقينها تسكر عيونها و تطلع هالصوت

اما الشوارب المايله شي طبيعي و لااااااااا تقصينهم اذا قصيتيهم راح يصيبها خلل في التوازن

ولا تخافين ماكو الا الخير

بس لا تنومينها على السراميك ولا توكلينا سمك كل يوم او حليب بقري او خضروات يوميا وماكو الا العافيه

 

[كثيريه وافتخر]

مادري شلون الصوت
مشكورة ريحتني
لا انا انومها على كوشايه مو على سراميك
وما أشربها جليب ولا اوكلها سمج
انزين أنوار
شنو اوكلها اكل بيت ؟
تأكل عيش بس
حطيت لها مره كوسا مع خيار مسلقوين ماكلت

 

[Ańwăr Almlěssờń]

لا الخضره مره بالاسبوع

الاسماك و الخضره يفضل استعمالهم بالاسبوع مره


تقدرين تاخذين صدر دياي فيلي بدون عضم ولا جلد و تسلقينه مع كوسا مبروشه وجزره و لما يخلص السلق تخلطين شويه نشا ذرا مع ماي و تحطينه عليه لين يثقل الخليط و تستخدمينها كوجبه غدا او عشا باليوم

اذا كانت قطوتج بالغه وكليها 3 وجبات يوميا

اذا كانت صغيره 4 وجبات

استعملي جبنة الكيري المكعبات وحده مثلا مع بيض مسلوق منزوع الصفار

و تقدرين تعتمدين على اللحوم البيضه فقط ( دجاج , ديك رومي , بط , ارانب ) اذا امكن

وقلوب الدجاج و الجبد الدجاج بعد يستعمل مره بالأسبوع وكذلك العيش

اما الخيار لا تعطينها مضر لها و القطط حيوانات لاحمه

تقدرين تييبين دراي فود تستعملينه بين فتره و فتره و حلو

هذا الي انا استخدمه بس مو بشكل يومي بين فتره و فتره او مره وحده باليوم

قواج الله

 

[كثيريه وافتخر]

مشكورة أنوار
عل انا اوكلها يوميا عيش :/
انزين ما تأكل مثلا نقانق ؟

 

[Ańwăr Almlěssờń]

اي يصير تستخدمين نقانق بس مو بشكل يومي لان حرام النقانق تحتوي على املاح معدينه كثيره و الاملاح يسببون انحسار البول و ممكن يصير عندها التهاب < يعني لو استمرييتي على النقانق لمدة شهر تقريبا راح تلاحظين البول يكون دم !
تعالي عاد عالجيها زين ما يصير فيها فشل كلوي و تموت :/ الاملاح مضره حيل

استخدمي نقانق اسبوعيا مو بشكل يومي

الي بشكل يومي تعتمدين عليه هو اللحم الابيض دياي و غيره و السمك لا السمك اسبوعي بعد

وانا انصحج تاخذين ديايه كامله و تسلقينها
و تطلعينها و تشيلين الجلد و العظم و تنتفين اللدياي

وتقسمينهم 3 اقسام

قسم تحطينه و تخلطين معاه جبنة كيري و تسوينهم دوائر << تعجنينهم و تحفظينهم بالثلاجه << تستخدمينهم كفطور

والقسم الثاني تحطين جزره صغيره مبروشه مع ماي شويه و تحطين الدياي عليها و اول ما يغلي تحطين قفشه فيها ماي و نشا ذرا او طحين و تحركينه لين يثقل و تشيلينه وتحطينه بروح < كوجبة غداء

والقسم الثالث تخلطين الدجاج مع نقانق مقطع صغار و كوسا مبروشه و معكرونيه

المعكرونيه << اطحنيها طحن خفيف يعني كسريها و سلقيهم كلهم مع بعض ولين يثقل و تقدرين تبدلين بين المعكرونيه و تحطين عيش بس موو اثنينهم مو وايد بش سويه << تستخدم كوجبة عشاء


طبعا هالوصفات تحطين كل وحده بطبق بروح مغلق عدل ومحفوظ بالثلاجه

طريقة الاستخدام لازم تدفين الاكله تاخذين على قد قطوتج مثلا للغدا و تحطينه بالمايكرويف 20 ثانيه يكون دافي و تقدمينه لها

و جذي يوميا هذا غذاء صحي و تقدرين توفرينه ويبقى عندج لي سبوع او 10 ايام

 

[كثيريه وافتخر]

أركي مشكورة أنوار
كنت محتاره بأكلها
ما تقصرين و اسفه علئ الإزعاج

 

[طول عمري حلوة]

انا اقول وديها بيطري