ألفاظج .. ألفاااظج !!!!

[لوازم العائلة]

يابنات
براطمي=براتمي

 

[Vouge]

رد : ألفاظج .. ألفاااظج !!!!

شانيل .. أكرمينا من علمج و عطينا جم كلمة حلوة






فراولة .. شفتييي !! و الله فشلة ..حتى كلمة خشمي بايخة
بس مو لايقلة لها بديل بالعربي
:gr4uu:





بلو .. لول حبيتج





ضحاوي .. الله يخلي لج بناتج
ما ألومهم لي مسكوها عليج .. لأنها قوية قوية






مشتاقة لك يبا .. ديري بالج حبيبتي
مو شرط إنه ما يتكلم يعني ما يلاحظ
:tongue22:






ام حمني و ايمان .. لي تذكرتو شي لا تبخلون علينا بمشاركاتكم




توم وجيري .. اي صح معاج حق
كلامنا مو كله دفش .. و عاد إنتي اخذي و خلي من هالموضوع
الكلمات اللي تحسين انها مناسبتج لا تغيرينها
و الكلمات اللي تحسينها ثقيلة بدليها بكلمات أخف





سعودي دندست ... اييي والله .. حرف ال(ط) .. ثقيل
و مع إن لغة بديلة ممكن تكون حل .. بل ما أفضلها ودي شي منا و فينا
لكن في كلمات لو شنو ما تلاقين لها مرادف ذرب

حياج

 

[Vouge]

رد : ألفاظج .. ألفاااظج !!!!

ميج رايان ... أول شي وااو .. أحب هالممثلة ..
صج دفشة و عفوية .. و تحذّف ودايما عفسة
و مشيتها ترقل .. بس كلها أنوثة .. ما أدري شلون جامعة هالصفتين



أنا عن نفسي .. ما أفضلةالكلام السعودي مع احترامي لكل السعوديات حبيباتي

مثل ما أقول احنا مخلين اللهجة .. و الجيم مالنا غنا عنها
بس نبدل كلمات بكلمات منا و فينا

و إذا بنقتبس من لغات ثانية .. ولا لهجات ثانية مو مشكلة
بس الأصل يظل كلام كويتي

تدرين ليش .. لأن ما نبي نصلح شي و نخرب شي ثاني


يعني ما نبي نقط كلمة غلط حيييل و جدا بعيدة عن اللهجة
فيقولون هذي الظاهر عندها عرج ثاني

:eh_s(3):

 

[كويتيه مذهله 87]

هذا اسلوبي وكلامي دفش مو دفش مالي شغل بأحد
,,,

 

[al-musk]

خخخخخخخخخخخخخخخخخخخخخخخخخخخخخخخخ صراحة الموضوع خطير

 

[Vouge]

رد : ألفاظج .. ألفاااظج !!!!

ون تو 3 .. حياج



زعفرانة .. ما ضحك عليج يوم شاف الجاتوه .. لول



جروح خالدة .. فديت اللي عندهم ولاء ;**



بيبي فيس .. لول على قولتج لغة الضاد
بس ما يمنع مثل ما ذكرتي بردج
نبدل الكلمات الـ"غلجة" بشي أخف و تظل بإيطار اللهجة الكويتية
منورة حبيبتي



بلو دايمن .. الوطنية أغلى شي:q8:



غلا ستاسل .. حياتي إنتي
:eh_s(21):

و مثل ما قلتي الرقة شي لازم يكون متكامل
من كلمات و أسلوب و حتى نبرة الصوت


سمايلنج .. دشتيه .. أم الغالين ... منورين حبيباتبي

 

[بنت.المطيري]

وااااايي اسمالله علي انا فطره الفاظي رقيقه


<< يعني موتو حره خخخخخخخ

انا حرف القاف موموجود بقاموسي
كله انطقه "غ"

صادي مو قويه والظا نص ونص

بس مااحب استعمل الا الكلمات الكويتيه

 

[Vouge]

رد : ألفاظج .. ألفاااظج !!!!

أوبرااا .. واااي تنحبين ;**
اي والله ترى لهجتنا حلوة .. والله العظيم حلوة
بس يعني ما ننكر فيها جم كلمة صعبة
لول




لمسة حزن .. تسلم لي عيونج .. ناطرينج



ريح النرجس .. لا تكفين لا تقولين هالمثل ما احبه
لول





لوازم العايلة
لووووووووول .... و الله إنتي جذي :icon30:
صج صج حبيت مشاركتج




كويتية مذهلة .. للثقة سحر بعد .. منورة



المسك .. شاركينا و حياج يا الغالية

 

[ليتني ما حبيت]

بقولكم كلمات اسمعها وايد من بنات واموت من الضحك لاني لها بديل احسن مثل كلمة صبغ اظافر(الاحسن تقولين مناكير ) وكلمة خمطت شنو خمطت (الافضل اخذت ) وكلمة حمرة (الافضل روج ) كلمة نفنوف (الافضل فستان ) كلمة بلوزة (الافضل تيشرت ) كلمة بموت حرة (والافضل بموت قهر ) كلمة نعال (الافضل تقولين جزمتي ولا شوز ) كلمة ضروس (الافضل اسنان ) كلمة عيزت (الافضل يئست او استسلمت )كلمة تهاوشت (الافضل تناقشت ) كلمة سيرت على ناس والافضل (زرت ناس ) وغيرها وغيرها لوووووووووووووول

 

[بنت.المطيري]

^^^^

لاشنو وبن فاعدين روج وجزمه هذا مو كلام كويتي اصلا

انا اقول مت قهر او مت حره بدون الالف واللام وبدون (من الجر )

ونفس الشي فطست ضحك
خخخخخخخخ انا كنت اقولها جذي الحين اقول غشيت ضحك


ادري ضحكتي البعض يقول دفشه بس بلكتابه اونس خخخخخخخخخخخ


اي صج وكلمة نفنوف بنظري احلا من فستان احسه انعم
فستان احس حجي زلمات لول

 

[حياتي فراغ]

رد : ألفاظج .. ألفاااظج !!!!

أنا ما اسمي أصباغ الاظاعر إلا منكير ..
وزوجي يسميه وسمة
و المكياج أسميه ميكب
و زوجي يسميه كحل وديرم
انا اقول لبنتي .كوفينق . ومعلمتها بنتي
و زوجي يقول كدي شعرج << وعلى فكره كلمة كدي اللي نضحك عليها ترى يايو من موفينق بس الكويتيين اول خذوها من البريطانيين و حرفوا فيها


أنا زوجي مربيته يدته اهي مواليد 1930 ... فكلامه كويتي قديييييييييييييم

 

[blue diamond]

بقولكم كلمات اسمعها وايد من بنات واموت من الضحك لاني لها بديل احسن مثل كلمة صبغ اظافر(الاحسن تقولين مناكير ) وكلمة خمطت شنو خمطت (الافضل اخذت ) وكلمة حمرة (الافضل روج ) كلمة نفنوف (الافضل فستان ) كلمة بلوزة (الافضل تيشرت ) كلمة بموت حرة (والافضل بموت قهر ) كلمة نعال (الافضل تقولين جزمتي ولا شوز ) كلمة ضروس (الافضل اسنان ) كلمة عيزت (الافضل يئست او استسلمت )كلمة تهاوشت (الافضل تناقشت ) كلمة سيرت على ناس والافضل (زرت ناس ) وغيرها وغيرها لوووووووووووووول

مشكوره فديتج
بس :
صبغ انا افضلها صبغ مثل ما اهيا
خمطت صح اخذت اذرب منها
حمره افضلها مثل ما اهيا ما تعجبني كلمه الروج
نفنوف مثل ما اهيا
بلوزه مثل ما اهيا
بموت حره بموت قهر نفس الشي عندي
نعال انا افضل سليبر
ضروس صح افضل انه نقول اسنان
عيزت مثل ما اهيا لانها كويتيه قديمه وحلوة
تهاوشت غييير تناقشت >> تهاوشت فيها صرخ وشد وجذ اما النقاش فكلام عن موضوع معين وانا افضل اقول تش لتهاوشت
سيريت افضلها مثل ما اهيا لانها كلمه قديمه

بنات ترا في كلمات كويتيه قديييييييييييمه اتينن وذربه بالعكس احب اقولها ما تنقص من ذرابتنا وانوثتنا شي ​

 

[السما الزرقا]

واي بنات شحلاتكم وشحلات دفاشتكم

 

[بنت.المطيري]

رد: رد : ألفاظج .. ألفاااظج !!!!

فراولة .. شفتييي !! و الله فشلة ..حتى كلمة خشمي بايخة
بس مو لايقلة لها بديل بالعربي


^^^^^


لوووووووول


نسيت لااشكرج عالموضوع

بالنسبه لكلمة خشمي حتا انا استصعبها حتا عندي موضوع منزلته بالعنوان كاتبه حااااسمي ~


ووووو بس ترا عموما مهما كانت الكلمات اللي تقولينها دفشه انتي بنفسج لما تقولينها لج لمسة غير عن غيرج
وانتي تميزين الكلام مو اهو اللي يميزج وانتي اللي تخلين الكلمة الدفشه حلوة بلسانج اذا كان اصلا كاركتيرج حلو


بتوفيق قلبو

 

[~LiBrA~]

رد : ألفاظج .. ألفاااظج !!!!

صج كلامنا حلو بس في كلمات متعودين نقولها بس تفشل

امبيه بداية زواجي كنت ذربه اقول(سليب) بس مرات تطلع لا اراديه (سرواااااال) خخخخخ

وريلي يضحك علي

 

[*سوسو ستار*]

انا زوجي الدفش واذا سمع مني كلمه انثويه يبدا الطنز

نفس الحاله بس بعدين تعود على كلامي بس حبيبتي ..


بس حبيبتي صاحبة الموضوع لاتعممين ان البنات الكويتيات حجيهم دفش بالعكس أكثرنا حجيها كله ذرابه وذوق

 

[e.ngland]

رد : رد: رد : ألفاظج .. ألفاااظج !!!!

البدائل كلها سعودية حبيبتي

طالعي للي قبلك وش كاتبه

ليش _ كلام
هاذي كلهااا , تبعنا

any way , i wish u luck in your search



:hjy5jewf:

كلام وليش متى صارت بمعجمكم
يمه قاعدين يتحجون عن البدائل بنفس اللهجه
وبعدين انتم تقولون شلونك للبنت وللولد او كيف الحال
شسالفه يا معودة < :eh_s(22): <

 

[Miss Cherry]

ماتذكر كلمة قلتها وحسيتها دفشه


انا عموما صوتي واطي وهاديه .. كله همس همس هههههههههههههههههههه

وبعدين احس طريقة نطق الكلمة اهي اللي تخليها دفشه ولا ناعمه .. ومااحس كلامنا فيه دفاشه بالعكس

بس الكلمة اللي صج ماحبها كلمة برااااطم ..

 

[زعفرانه]

رد : ألفاظج .. ألفاااظج !!!!

لا حياتي ليش يضحك والله ع بالي كلمه وبيفهمها لان الجاتوه معروف كيك بس ما دريت ان البعض ما يعرفها...

وموضوع حلو .... تسلمين

 

[bal8es]

انا عيل زين الحمدالله ألفاضي انثوييه بس لو ما اقول يااعمــــي هههههههههه و داايم بدال نعم ولا هاا اقول هلا ولا امري ولا تفضلي وطبعا ع هلا اختي كلا تطنز علي :/