أكيد كل بنت مرة في هذا الموقف...زواج المطلق من بنت...

[كندية]

مافي فرق الغاليه بالنهايه رجل
وانا عن نفسي تزوجت مطلق بس ماعنده عيال يعني اخذت مستعمل بس استعمال خفيف وكنت 18 سنه والله لا يغير علي حبيب الله يحفظه

هلا والله اختي مسك...
حلوه هذي استعمال خفيف..انا ابي واحد بقراطيسه لا والسعر عليه بعد...بس اذا استعمال خفيف مو مشكله اعتقد...شكرا لج اختي على المرور

 

[الغــ مرت ــالي]

السلام عليكم

بغيت اقولج ان مافيها شي ان تتزوجين مطلق
انا اختي بنيه وعمرها 18 اتزوجت مطلق والحمدالله عايشه زين

يعني اهو يمكن ماتفاهم مع زوجته الاولى او مايتفاهمون عادي مافيها شي

 

[كـ غلا ــلي]

شوفي حبيبتي عن تجربة شفتها بعيني اهي بنت خالي وحسبة اختي اخذت لها واحد مطلق لكن المشكلة مو في الريال
المشكلة في مطلقتة حسبي الله عليها

اشتغلت مطلقته على بنت خالي بالتيلفونات تبهذلها وتسب فيها
تقولها : اخذتي الريال مني ... وشلون سمحتي لنفسج... لين درجة تتصل وتدعي على بنت خالي.... ومرات تقولها اهو يحبني وخذاج نزوه...و..,..و..و

يعني حجي يغث واااايد عانت المسكينة ..و بعدين اطلعت المطلقة بسالفة نفقة العيال وكل يوم رافعة دعاوي على طليقها اللي اهو زوج بنت خالي ... ما خلت في الريال حيل زهقته عيشته كل مره تبي زياده في النفقة لي درجة المشاكل انتقلت بين بنت خالي وريلها

وحتى لمن تزوجت طليقته ما خلص شرها بس للامانه الريال سنع وزين بس هاذي السعلوه الا بتخرب بينهم

بالنسبة لي المطلق احمتال اخذة شرط مطلق بدون عيال
ثانيا راح نسال عنه وعن اهله واذا الكل امدحه .. راح ترتفع اسهمه عندي
ثالثا اقعد معاه عشان اكتشف طريقة تفكيره ... ارتاح له ولا لا
رابعا لين وصلت اواخر العشرين بفكر بمطلق لانه مجرب

 

[كندية]

السلام عليكم

بغيت اقولج ان مافيها شي ان تتزوجين مطلق
انا اختي بنيه وعمرها 18 اتزوجت مطلق والحمدالله عايشه زين

يعني اهو يمكن ماتفاهم مع زوجته الاولى او مايتفاهمون عادي مافيها شي

هلا والله اختي مرت الغالي..شكرا على مروروج...
صح في ناس ماعندها مانع تتزوج مطلق ..وتعيش احسن عيشه..بس مو الكل يتقبل الموضوع...
اعتقد كل شخص له رأي وهذا سبب البيئه اللي هو عايش فيها...الله يوفق اختج انشاءالله دوم ولا يغير عليها...ومشكوره اختي على مرورج

 

[كندية]

شوفي حبيبتي عن تجربة شفتها بعيني اهي بنت خالي وحسبة اختي اخذت لها واحد مطلق لكن المشكلة مو في الريال
المشكلة في مطلقتة حسبي الله عليها

اشتغلت مطلقته على بنت خالي بالتيلفونات تبهذلها وتسب فيها
تقولها : اخذتي الريال مني ... وشلون سمحتي لنفسج... لين درجة تتصل وتدعي على بنت خالي.... ومرات تقولها اهو يحبني وخذاج نزوه...و..,..و..و

يعني حجي يغث واااايد عانت المسكينة ..و بعدين اطلعت المطلقة بسالفة نفقة العيال وكل يوم رافعة دعاوي على طليقها اللي اهو زوج بنت خالي ... ما خلت في الريال حيل زهقته عيشته كل مره تبي زياده في النفقة لي درجة المشاكل انتقلت بين بنت خالي وريلها

وحتى لمن تزوجت طليقته ما خلص شرها بس للامانه الريال سنع وزين بس هاذي السعلوه الا بتخرب بينهم

بالنسبة لي المطلق احمتال اخذة شرط مطلق بدون عيال
ثانيا راح نسال عنه وعن اهله واذا الكل امدحه .. راح ترتفع اسهمه عندي
ثالثا اقعد معاه عشان اكتشف طريقة تفكيره ... ارتاح له ولا لا
رابعا لين وصلت اواخر العشرين بفكر بمطلق لانه مجرب

هلا والله اختي ...مشكوره اختي على مروروج...والله هذي الشغله لاحظتها في الموضوع...بصراحه زين اني حطيت الموضوع قاعده اكتشف اشياء كنت غافله عنها ....
الحين مطلقها وتقولها خذاج زله والله ماتستحي...في ناس عينهم ضيجه ماتبيه ولا تبي احد ياخذه تبيه يعيش بروحه طول عمره وهي تستانس...انا اقول خل العيال وخليها تاكل تبن لانفقه ولا شيء...الله يعين اللي خذاها...مشكوره اختي على مروروج

 

[توت عنكبوت]

عادي مطلق بس ما عنده عيال اهم شي

 

[كاكاوة سايحة]

إيه عادي أتزوج مطلق بس ما يكون عنده عيال

 

[كندية]

عادي مطلق بس ما عنده عيال اهم شي

مشكوووره اختي توت على مرورج

 

[كندية]

إيه عادي أتزوج مطلق بس ما يكون عنده عيال

مشكوره اختي كاكاوة على المشاركه

 

[&&بروق&&]

بقوووولج رايي بس ما تزعلين؟؟؟


الغلط بالبدايه منج انتي؟؟ (( ليش؟؟ ))

انا اقولج ليش ياطويلة العمر يعني معقوله خطبوووج واجد ولا عمرج فكرتي تصلين استخاره هالشي حبيبتي اخذيه نصيحه مني واعتبريني اختج وبكلمج مثل ما اكلم خواتي

اهم شي الاستخاااره يعني تتوقعين لو يجيج واحد ما تزوج واموره زينه ووافقتي وتزوجتيه --- حلووو ؟؟؟ تضمنين نجاح زواجكم ؟؟؟ محد يقدر يضمن النجاح ولو اننا نتمنى لكن اهم شي انج تاخذين الامور وتوازنينهم بعقلج ولا يهمج كلام الناس والنبات والمظاهر في ناس ما تدرين عن نواياهم اهم شي راحتج انتي


اللي ابيه منج تفكرين معاي دقيقه بس --

بالعقل انتي بنت وماعليج كلام ولله الحمد وتزوجتي رجال هم ما عليه كلام وحطوكم بغرفه وحده وقالوا يلا عيشوا ... انتي متربيه ببيئه غير بيئته او انتي لج اهدافج وآرائج وتفكيرج غير عن رايه وتفكيره شي بديهي بيصير خلاافات لانج ما اخذتي واحد تفصال لا اخذتي شخص من مجرد المدح والخطبه


اللي ابي اوصل له اني اقولج ترا مو مقياس اذا كان مطلق او ارمل (( بدون عيال طبعا)) او اعزب

لا حبيبتي ياما عزاب وماكو اسفل من اخلاقهم وفي مطلقين واخلاقهم عاااااااليه وهالشي طبعا حاله حال الحريم في بنات تلقينها حبوبه وماتستاهل وتتطلق والعيب من الرجال او ما تأقلموا والطلاق حلال وحق شرعي لاي شخصين ما اتفقوا او ما ارتاحوا مع بعض ... وفي بنات تشوفينها عوبه ونسره انتي بنفسج اكيد مر عليج نفس هالحالات وتقولين الله يعين زوجها عليها او زين والله زوجها صابر عليها --- صح كلامي ولا لاء؟؟


يعني اخذي الموضوع من عدة جوانب مو من جانب المظاهر والشكليات

اهم شي تستخيرين ... (( لاني انا من الناس اللي ولله الحمد كنت رافضه بس لما استخرت ربي مشت اموووري تمام التمام وارتحت للرجال ولله الحمد مبسوووطين ))

والشي الثاني اخواج او ابوج او عمامج او اي رجال يقربلج لازم يسأل عن اخلاقه وين يقعد؟؟ بأي دوانيه؟؟ شلون احواله؟؟ واخلاقه واخلاق ربعه ؟؟ (( لان يمكن مايعرف اخلاقه الا من اخلاق ربعه اللي يقعد ويروح ويجي معاهم )) وليش مطلق؟؟ شنو سبب طلاقه؟؟ طبعا غير عن سؤالكم لاهله ... وطبعا بعد التحريات والكلام اللي ينقال عنه لو انشاءالله شهر او شهرين وانتو تسألون مافي اي مشكله هذا حق مكتسب لج

وبعد كل هذا اذا كان ماعنده عيال انا اقولج توكلي على الله لان هالشي رحمه يكون عارف الزواج وماخذ درس ويبي يرتاح ويستقر وفوق كل هذا مافي شي يضايقج او يخوفج ان بيوم يحن حق عياله ويرد مرته الاوليه

وحتى لو كان عنده عيال اذا سألتوا عدل وعرفتوا انهم متفقين بسالفه الطلاق وامورهم ماشيه تمام لا مشاكل ولا قضايا ولا تعال ولا اخذ يعني رواتب عياله ينزل عن طريق البنك ولا له علاقه بمرته ولا اي احتكاك لا قريب ولا بعيد هذا انا اقول بعد لو تفكرين وتستخيرين واذا ارتحتي كان بها

واذا عن سالفة العمر انتي مو صغيره بالعكس سنج للزواج مناااااااسب حيل ومو كبيره لدرجه اني اقولج وصلتي لمرحلة العنوسه لا حبيبتي اذا ما ارتحتي بعد الصلاه انطري واحتسبي الاجر عند ربج وادعي بالليل وبعد اذان العصر

(( يارب يا جامع الناس في يوم لا ريب فيه اجمعني مع ابن آدم بالحلال وارزقني الزوج الصالح ))

وربي يكتبلج اللي فيج الخير ولكل البنات ولا يضيق صدرج من كلام البنات بس اعرفي ان اهلج ما يشاورونج الا باللي اهم موافقين انهم يناسبونه ويحطون ايدهم بإيده ولو انه شخص ما يشرف او اخلاقه وسمعته بالحضيض كان والله يرفضونه بدون اي تردد



واتمنى اني ما ضايقتج وريحتج ولا طولت عليج


وربي يوفقج وييسرلج امورج لما يحب ويرضى


اختج

برووووووووقه

 

[كندية]

بقوووولج رايي بس ما تزعلين؟؟؟


الغلط بالبدايه منج انتي؟؟ (( ليش؟؟ ))

انا اقولج ليش ياطويلة العمر يعني معقوله خطبوووج واجد ولا عمرج فكرتي تصلين استخاره هالشي حبيبتي اخذيه نصيحه مني واعتبريني اختج وبكلمج مثل ما اكلم خواتي

اهم شي الاستخاااره يعني تتوقعين لو يجيج واحد ما تزوج واموره زينه ووافقتي وتزوجتيه --- حلووو ؟؟؟ تضمنين نجاح زواجكم ؟؟؟ محد يقدر يضمن النجاح ولو اننا نتمنى لكن اهم شي انج تاخذين الامور وتوازنينهم بعقلج ولا يهمج كلام الناس والنبات والمظاهر في ناس ما تدرين عن نواياهم اهم شي راحتج انتي


اللي ابيه منج تفكرين معاي دقيقه بس --

بالعقل انتي بنت وماعليج كلام ولله الحمد وتزوجتي رجال هم ما عليه كلام وحطوكم بغرفه وحده وقالوا يلا عيشوا ... انتي متربيه ببيئه غير بيئته او انتي لج اهدافج وآرائج وتفكيرج غير عن رايه وتفكيره شي بديهي بيصير خلاافات لانج ما اخذتي واحد تفصال لا اخذتي شخص من مجرد المدح والخطبه


اللي ابي اوصل له اني اقولج ترا مو مقياس اذا كان مطلق او ارمل (( بدون عيال طبعا)) او اعزب

لا حبيبتي ياما عزاب وماكو اسفل من اخلاقهم وفي مطلقين واخلاقهم عاااااااليه وهالشي طبعا حاله حال الحريم في بنات تلقينها حبوبه وماتستاهل وتتطلق والعيب من الرجال او ما تأقلموا والطلاق حلال وحق شرعي لاي شخصين ما اتفقوا او ما ارتاحوا مع بعض ... وفي بنات تشوفينها عوبه ونسره انتي بنفسج اكيد مر عليج نفس هالحالات وتقولين الله يعين زوجها عليها او زين والله زوجها صابر عليها --- صح كلامي ولا لاء؟؟


يعني اخذي الموضوع من عدة جوانب مو من جانب المظاهر والشكليات

اهم شي تستخيرين ... (( لاني انا من الناس اللي ولله الحمد كنت رافضه بس لما استخرت ربي مشت اموووري تمام التمام وارتحت للرجال ولله الحمد مبسوووطين ))

والشي الثاني اخواج او ابوج او عمامج او اي رجال يقربلج لازم يسأل عن اخلاقه وين يقعد؟؟ بأي دوانيه؟؟ شلون احواله؟؟ واخلاقه واخلاق ربعه ؟؟ (( لان يمكن مايعرف اخلاقه الا من اخلاق ربعه اللي يقعد ويروح ويجي معاهم )) وليش مطلق؟؟ شنو سبب طلاقه؟؟ طبعا غير عن سؤالكم لاهله ... وطبعا بعد التحريات والكلام اللي ينقال عنه لو انشاءالله شهر او شهرين وانتو تسألون مافي اي مشكله هذا حق مكتسب لج

وبعد كل هذا اذا كان ماعنده عيال انا اقولج توكلي على الله لان هالشي رحمه يكون عارف الزواج وماخذ درس ويبي يرتاح ويستقر وفوق كل هذا مافي شي يضايقج او يخوفج ان بيوم يحن حق عياله ويرد مرته الاوليه

وحتى لو كان عنده عيال اذا سألتوا عدل وعرفتوا انهم متفقين بسالفه الطلاق وامورهم ماشيه تمام لا مشاكل ولا قضايا ولا تعال ولا اخذ يعني رواتب عياله ينزل عن طريق البنك ولا له علاقه بمرته ولا اي احتكاك لا قريب ولا بعيد هذا انا اقول بعد لو تفكرين وتستخيرين واذا ارتحتي كان بها

واذا عن سالفة العمر انتي مو صغيره بالعكس سنج للزواج مناااااااسب حيل ومو كبيره لدرجه اني اقولج وصلتي لمرحلة العنوسه لا حبيبتي اذا ما ارتحتي بعد الصلاه انطري واحتسبي الاجر عند ربج وادعي بالليل وبعد اذان العصر

(( يارب يا جامع الناس في يوم لا ريب فيه اجمعني مع ابن آدم بالحلال وارزقني الزوج الصالح ))

وربي يكتبلج اللي فيج الخير ولكل البنات ولا يضيق صدرج من كلام البنات بس اعرفي ان اهلج ما يشاورونج الا باللي اهم موافقين انهم يناسبونه ويحطون ايدهم بإيده ولو انه شخص ما يشرف او اخلاقه وسمعته بالحضيض كان والله يرفضونه بدون اي تردد



واتمنى اني ما ضايقتج وريحتج ولا طولت عليج


وربي يوفقج وييسرلج امورج لما يحب ويرضى


اختج

برووووووووقه

اختي بروقه مشكووووووووووووووووووووووووووور حبيبتي على مرورج وكلامج اللي كله حكم...ياريت كنت عارفه المنتدى لما انخطبت...لان ماتدرين كلامك اشكثر ريحني بصراحه لان صح متعقده...

والرد على كلامج هو ان تبين الصج السبب اني ماصليت استخاره لان كنت حيل مو تقبله الموضوع من اساس واللي اعرفه لما تصلين استخاره لازم يكون بالج فاضي وماتكونين اتميلين حق القرار ...
يعني حاولوا فيني بس اشوفهم على الاقل...يعني للاسف في ناس كانت اتقولي شتبين بعد كويتي ولد عايله وعندها خير من الله حمدي ربج غيرج مولاقي ...بس انا مايهمني ولا واحد فيهم ...

وتبين الصج انا عارفه اني غلطت ولي الحين اروم نفسي لان اختي مطلقه ومااعتقد اني برضى ان احد ينظر لها بنفس النظر اللي انا ماخذتها عن المطلقين..


مشكوره اختي على كلامج والعكس لاطولتي ولاضايقني ...كل وحده فيكم ردها هون علي...

 

[&&بروق&&]

اللــــــــــــــــه يسلمج ويعافيج والحمدلله انج تقبلتي كلامي وفهمتي شنو اقصد بالضبط ونصيحه ابتعدي عن الشكليات والمظاهر خصوصا بهالامور بالعكس دوري راحتج واستقرارج لو كان ورا القمر واسعي له

 

[الوردة المكنونة]

انا زوجي مطلق قبلي مرتين وتزوجته وانا عمري 23 سنه يعني انا اعتبر الزوجه الثالثه عادي الحمدالله عايشين بس اعتقد السبب في طلاقه مرتين اهله مافي وحده اتحمل اهله الا انا تحملتهم ومشى الحال وانا الحمدالله قدرت انسيه طليقاته ومسويته يا دهينه لا تنكتين

 

[كندية]

اللــــــــــــــــه يسلمج ويعافيج والحمدلله انج تقبلتي كلامي وفهمتي شنو اقصد بالضبط ونصيحه ابتعدي عن الشكليات والمظاهر خصوصا بهالامور بالعكس دوري راحتج واستقرارج لو كان ورا القمر واسعي له

هلا اخاي بروق..لا اختي كلامج كان حيل واضح وحلو بنفس الوقت...ومثل ماقلتي التشكيلات ماتفيد...مشكوره اختي مره ثانيه على مرورج

 

[كندية]

انا زوجي مطلق قبلي مرتين وتزوجته وانا عمري 23 سنه يعني انا اعتبر الزوجه الثالثه عادي الحمدالله عايشين بس اعتقد السبب في طلاقه مرتين اهله مافي وحده اتحمل اهله الا انا تحملتهم ومشى الحال وانا الحمدالله قدرت انسيه طليقاته ومسويته يا دهينه لا تنكتين

مشاءالله عليج اختي الوردة...23 ورضيتي بواحد مطلق مرتين...بين عليج نيتج كان يحل صافيه اللي الله وفقج بهذي الزواجه...
للاسف اكثر المشاكل من الاهل الله ياسمحهم...خالتي مسكينه تطلقت من ريلها والسبب اهله..وكان عندها بنت توها عمرها 3 سنين..ولما تطلقت مارضت تتزوج ولا حتى هو..والحين بعد ماصار عمر البنت 16 ارجعوا على بعض ويابت ولد...والحين مسكينه متحمله بس ريلها سوى لها سلم خارجي على شان لااحد ياذيها...
الله يصبرج حبيبتي على اهله ويوفقج

 

[حبيبته آنا]

انا وقت اللي تزجت كان عمري 21 و زوجي مطلق وبدال المره مرتين والله يشهد اشكثر مدللني وعازني ورازني وعسل على قلبي

 

[الريادة]

الله يكتبلج اللي فية سعادتج

انا معاك على طول الخط ... الله يوفق جميع البنات ويرزقهم النصيب السنع
الله يستر عليك ويوفقك في قرارك

أنا أأيدج ..
مو شرط إلا السعادة مع العازب .
ساعات المطلق يتمسك بالمرأة و يبي الأستقرار و يتنازل عن وايد أشياء و يمكن تكون فية عيوب يصلحها من نفسة عشان يصلح أخطائة و يستقر.
و عليييج بالدعاء

 

[جوري الكويت]

المطلق في حاله وحده ممكن ان يكون زين اذا تعلم من زواجه الأول يعني اذا كان بخيل يغير من البخل و يحاول يكون كريم مع الثانيه

أو اذا كان يسهر واايد و طلعات و ديوانيات يغير و يقعد في البيت

و المطلق حالتين اما يكون واحد مثل ما قلت يبي يغير حياته للأحسن أو في الحاله الثانيه انه يكون متعقد خصوصا اذا كانت زوجته الأولية هي الللي طلبت الطلاق

اما انج تتزوجين واحد مطلق فماااا انصحج خصوصا انج صغيره توج 25 سنه

و انا اشوف ان اغلب المطلقين يدورن على بنات و ما يفكرون يتزوجون مطلقات , مع انهم مناسبين حق وضعهم

لأن تلقينه يبي يحر مرته الأولى ان تزوج بنت .. مو متزوجه

استخيري ربج و الله يوفقج يارب

 

[كندية]

انا وقت اللي تزجت كان عمري 21 و زوجي مطلق وبدال المره مرتين والله يشهد اشكثر مدللني وعازني ورازني وعسل على قلبي

الله يهنيج حبيبتي ...والله المشكله واحد يخرب على الكل يعني في ريايل مالهم ذنب ...​

 

[كندية]

أنا أأيدج ..
مو شرط إلا السعادة مع العازب .
ساعات المطلق يتمسك بالمرأة و يبي الأستقرار و يتنازل عن وايد أشياء و يمكن تكون فية عيوب يصلحها من نفسة عشان يصلح أخطائة و يستقر.
و عليييج بالدعاء

اي والله اختي صج كلامج ...يعني في ريايل لما يتزوجون مايعرفون شيء عن الحياة الزوجيه ويغلطون وايد بس المره الثانيه يكون عنهم خبرة اكثر ​