أكيد كل بنت مرة في هذا الموقف...زواج المطلق من بنت...

[كندية]

حبوبه لاتقولين مطلق ولا ارمل بو طبيع مايغير طبعه
يعني اذا كان اول مره يتزوج او سبق له الزواج وبعدين فركش طبعه هو هو ماراح يتغير
وفي شباب مطلقين لما تزوجوا صاروا ناجحين بزواجهم الثاني
بس المهم تتسألين عن اسباب طلاقه يعني اذا كان شكاك او بخيل او نحيس هذا غسلي ايدك منه ام اذا كانت زوجته السابقه نسره وموقادر عليها هذا اخذي وانتي مغمضه

وعلى العموم انا اؤمن باحساس المراه انتي بنفسك اللي تحكمين من خلال لقاءك معاه اذا حسيتي انه صادق بكلامه راح يوصل الكلام للقلب بدون مقدمات ام اذا حسيتي انه مو مرتاحه من الوضع فآمني باحساسك
اخيرا اذا الله قسم وتزوجتي مو تنسينا من صالح الدعاء
الله يوفقك

هلا والله اختي كناري..شكرا على مرورج..
والله كلامج صح بوطبيع ماايوز عن طبعه...مو كل مره تسالين بتلقين احد يقولج الصج ...لان كل واحد عنده قصه والعالم شعرفهم منو صح ....
وعن حساس المرأه:eh_s(6): مو كل مره يصيب ...لو كل مره يصيب كان ماصار في طلاق ...اتعرف المثل اللي يقول الحب عمي...ماتشوفين اي عيوب اللي بعد مافات الاوان ...مشكوره اختي على مرورج

 

[كندية]

ما تفرق اهم شي التوفيق من رب العالمين الزواج نصيب محد يدري شنو ربنا خاش لنا فعشان جذيه امشي على طريج الصح وربنا راح يكافئج بالزوج الصالح باذن الله

هلا والله اختي أميرة الورد..شكرا على مرورج..وكلامج صح 100%..

 

[كندية]

توج اصغيرة

نطري نصيب احسن من جذيه

هلا والله اختي الرسامة...اي انا ناطره ناطره بعد اللي يابوهم تعقدة قلت احسن لي ارد الجامعه واخذ شهادة ثانيه احسن من القعده على الاقل استفيد ...مشكور على مرورج

 

[كندية]

انا معاك على طول الخط ... الله يوفق جميع البنات ويرزقهم النصيب السنع
الله يستر عليك ويوفقك في قرارك

مشكوره اختي على مرورج

 

[كندية]

ما انصحج بالمطلق انتى توج صغيره وانتظرى نصيبج ...وكثير من المطلقين ظالمين حريمهم فتلقينهم يحطون فيهم البلاوى علشان يتزوجون ...وانتى اشحادج على المطلق مدام تملكين الزين والأخلاق وصغر السن تزوجى واحد ماجرب وهذا من حقج....

هلا والله اختي ديره وفا...والله كلامج صح انا اللي اشوفه اكثر العيب من الريايل ...بس نقطه اقولها لج الحين مافي ريال مو مجرب ...هذا نادري ماتلقينه....
يعني احس المطلق مادري مجازفه حيل كبيره...
مشكوره اختي على مشاركتج

 

[كندية]

والله حبيبتي موضوعج وايد مهم
انا اقولج تجربتي
انا اول ما تقدملي زوجي وقالولي مطلق زعلت وقلبت الدنيا ليش انا طايحه بجبدكم وهذا كان عمري 20 وامي سكتت على السالفه وعقب سنة يو وتقدمو رسمي وقالتلي امي وكان عمري 21
فاستخرت وسالنا ليش كان مطلق واهلي اسالو عنه اذا كان زين والا عليه مشاكل والحمدلله الكل يمدح فيه الصراحه
وتزوجنا والحمدلله الله وفقني وياه والصراحه لو ادري اهوه جذي جان قبلت فيه من اول مره
والله لا يغير علينا انشالله
فانصحج اذا اخلاقه زينة والكل يمدحه توكلي على الله
ومع العلم ريلي ماكان عنده عيال من زواجه الاولي
الله يوفقج انشالله

الله يوفقج حبيبتي والله رفعتي معنوايتي ..القصص اللي مثل هذي اتريح الواحد...انا المشكله 2 من عايلتي تزوجوا مطلقين ومافي داعي اقول قصصهم كل وحده اسوء من الثانيه ..فتعقدة
مشكوووووره مره ثانيه على مشاركتج

 

[كندية]

انا هم بنت عمتي مسكينه كانت كله لاهيه بالدراسه وخذت الماستر من لندن وردت الكل طاير فيها مسكينه اتينن حدها جمال واخلاق وشهاده ورزينه المهم تقدملها واحد مطلق وحده اهو مستانس عليها واهله ميتين عليها فجأه رد حق مرته وطلقها المسكينه واهله لي يومج ميتين عليها ..الله يرزقها باللي احسن منه يارب ...

السالفه سالفة نصيب لا أكثر ولا أقل ..والاستخاره الاستخاره اهم شي حق الزواج والله يوفقج

هلا والله اختي البنوته...مشكوره على مرورج...
شنو هذي موضه يديده يعني؟؟ يتزوج وبعدين الاولى تحلى بعينه...لايكون يسون لهم سحر بس....مشكوره اختي مره ثانيه...

 

[Raveena]

انا ضد الزواج من واحد مطلق او ارمل

لأنج ما تدرين المطلق ليش طلق مرته يمكن اهو ما يعامل مرته زين

ولد عمتي كان متزوج و مرته كانت ام لسان طلقها و راح تزوجله فلبينية هههه اغلب اللي يطلقون حريمهم ياخذون فلبينيات ولا اندونيسيات

 

[girl_in_abottle]

انا اعتقد انة كلا من المطلق او المطلقة الحق انهم يبدون حياة يديدة و يسعدون فيها
اذا انتي حاسة انه بيدج تسعدين شخص, و انتي اهم شي راح تسعدين معاه فليش لاء؟
بس السؤال السؤال السؤال عن اخلاقة و تفكيرة و كللللل شي عنة قبل الواج, و الطبة الطويلة اهم شي
و بالتوفيق

 

[مستقبلي احلى]

واله بصراحه صت اخاف من هالموضوع

ياكثر اللي من أهلنا ومعارفنا يطلق ويتزوج وبعد ما يتزوج وحده ثانيه تحلى بعينه الأوليه ويردها لها

وصارت مع ولد عمي طلق مرته وعنده بنت وقعد كم سنه وتزوج وصار عنده بنتين فجأه وبدون مقدمات رد للأوليه بعد يمكن 6 سنين من طلاقه حلت بعينه وردها

وبنت خالي خذت واحد مطلق جم شهر وطلقها ليش

طلع يبي يرد طليقته بس زفته وتزوج يبي يحرها عاد غيرت رايها ووافقت تردله وطلق بنت خالي

طلع شنو متزوج بنت خالي عشان توافق ترد له طليقته

يلعبون في بنات الناس حسبي الله عليهم

عشان جذيه انا لو شنو ما آخذ واحد مطلق لو اتم بدون زواج

صج مالهم أمان​

صح كلامكم شايفة كثير سوالف بنفس الحاله

 

[rainbow_brite]

شوفي اختي انا عندي اذا مطلق من غير عيال عادي حتى الارمل من غير عيال وايد من رفيجاتي خذو مطلقين من غير عيال وكاهو مرتاحين مع رياييلهم وعيال عمي ثلاث انفصلو بالملجه ومن غير عيال وخذو بعدين بنات وحريمهم مستانسين منهم شوفي انا وحده من خواتي يوها مرتين مطلقين من غير عيال واهي ترددت وبعدين قالت مابي عمرها 22 سنه وقالت تنطر على قولة البنات يمكن ايي نصيب احسن من جذي وبالاول وبالاخير كل شي قسمه ونصيب والشي يرجعلج انتي

 

[Dancing^Queen]

قبل لا اقرا ردود البنات احب اقول رايي


من وجهه نظري اذا خيار بين مطلق وارمل ارمل مو مطلق المطلق مرته موجوده يعني المنافسه موجوده ولو اهي طالبه خلع ودرت انه تزوج بيحلا بعينها والمقارنه موجوووووووووووووووده وتلقينها بتتلزق باهله علشان تحرج وتطلب منه اشياء سخيفه وعيالك علشان تحرج غير جذي خل يصير ريال زين ويتسنع وياج ويسفرج ويونسج حتا لو اهي متزوجه ومستقره بستكثر هالشي عليج بتدق عيالك بيسافرون ادفع عيد ادفع (طبعا غير النفقه اللي تنشال من راتبه) صج هالشي حق بالشرع والقانون حق عياله بس والله اعرف وحده ريلها يدفع حق بنته 100 دينار نفقه واهي بنت وحده وامها مليونيره بمعني مليونيره والبنت ماتشوفين عليها لبس الا من بوخمسه زين؟ وهالريال معاشه مولي هناك وطرق المعاش ومرته الثانيه فقيره وتبي الستر وتبي عيله وعيال اهي تصرف علي البيت وعلي اليهال والخدم وكل شي تقول مدام الله مغنيني موشين عيالي واهو مسكين اساعده ، حلا بعين الاولي باعت بيتها وشرت بيت يم البيت اللي ساكنينه وتروح وترد جدامهم بالشارع كل مناسبه كل مايصير ششششي دقت بنتك تبي مصرف غير النفقه شسوي فيها 100 دينار (للعلم الريال مايصرف ديننار علي اولاده يقول ماعندي معاشي منهوب) وترفع قضيه وترفع النفقه والمره ساكته وماتتحجا اخر شي وماوصلتله مرته تقوله بنتك بتسافر قصبا عليييييييييييييييييك تدفع تذكره وفندق ومصرف وحرضت البنت علي ابوها ومرت ابوها وسوت فضايح وسوالف لان قالها انا من ويني احطلج؟؟؟؟ قالتله والله؟ اولادك احسن لبس ومدارس خااااااااااااااصه وسفر كل سنه الظاهر صار جنه الابو يصرف والباطن المره قاعده تصرف !!!!

الارمل مرته ماتت والله يرحمها ويحسن اليها حتا لو صارت مقارنه او حن لها اهي موموجوده ، والارمل يبدي يبدي يديد ويرتاح وتكسبينه اسهل من المطلق اللي يكون متعقد من مرته ومتازم ويطبق فشله عليج



ومن وجهه نظري بالنهايه انتي صغيره 25 سنه وتاخذين بوعيال؟ ليش؟ توج حبيتي لي صرتي 35 مو 25 المفروض هالشي يصير

 

[كندية]

انا ضد الزواج من واحد مطلق او ارمل

لأنج ما تدرين المطلق ليش طلق مرته يمكن اهو ما يعامل مرته زين

ولد عمتي كان متزوج و مرته كانت ام لسان طلقها و راح تزوجله فلبينية هههه اغلب اللي يطلقون حريمهم ياخذون فلبينيات ولا اندونيسيات

هلا والله اختي رفينا...كلامج صح...طبعا يتزوج من هذول لا مهر ولا بيت ولاسياره لا حتى خدامه مايحتاج هي موجوده ليش يطلب خدامه هههههههههههههههههه...يبون محده مااتكلم ولاتسمع ولاتشوف اكمخه...شكرا على مروروج اختي

 

[كندية]

انا اعتقد انة كلا من المطلق او المطلقة الحق انهم يبدون حياة يديدة و يسعدون فيها
اذا انتي حاسة انه بيدج تسعدين شخص, و انتي اهم شي راح تسعدين معاه فليش لاء؟
بس السؤال السؤال السؤال عن اخلاقة و تفكيرة و كللللل شي عنة قبل الواج, و الطبة الطويلة اهم شي
و بالتوفيق

هلا والله اختي Girl in a bottle صح كلامج وعين العقل..بس المشكله في السؤال ...يعني تعتقدين لو لما الواحد يروح يسأل بقولون لج الصج جان محد تزوج..ياماتطلقوا من اول اشهر والسبب والله أسالوا وماطلع شي..
ثنتين من عايلتي تزوجوا على ابو اسالو واحد طلع يتعاطى ليل ونهار والثاني ياخذ حبوب اعصاب....الاهل ماراح يقولون ولدنا فيه عيب والناس اللي يعرفونهم مو معاشرينه على شان يعرفون كل شيء وبذات اذا مطلق ...
ومشكوره اختي على مرورج

 

[كندية]

صح كلامكم شايفة كثير سوالف بنفس الحاله

هلا والله اختي احلى مسقبل ..شكلي صج اخترعت ههههههههههههه والله شغله راحت عن بالي كلش...شكرا على مشاركتج

 

[كندية]

شوفي اختي انا عندي اذا مطلق من غير عيال عادي حتى الارمل من غير عيال وايد من رفيجاتي خذو مطلقين من غير عيال وكاهو مرتاحين مع رياييلهم وعيال عمي ثلاث انفصلو بالملجه ومن غير عيال وخذو بعدين بنات وحريمهم مستانسين منهم شوفي انا وحده من خواتي يوها مرتين مطلقين من غير عيال واهي ترددت وبعدين قالت مابي عمرها 22 سنه وقالت تنطر على قولة البنات يمكن ايي نصيب احسن من جذي وبالاول وبالاخير كل شي قسمه ونصيب والشي يرجعلج انتي

هلا والله اختي مستقبلي احلى...صج كلامج لان اذا ماعنده عيال زوجته ماتناشبه...انا ياني واحد كانت متزوج 6 اشهر بس وعرف ان زوجته ماخذته غصب فطلقها وولد عايله معروفه وابوي يعرفهم بس عمره 39 ..قلت لهم شسالفه شنو شايفيني عيوز...يعني صج مواصفاته كانت روعه بس ماقدرت اضغط على نفسي ..على شان لااظلمه وينظلم معاي ...حرام...شكرا على مروروج احتي

 

[كندية]

قبل لا اقرا ردود البنات احب اقول رايي


من وجهه نظري اذا خيار بين مطلق وارمل ارمل مو مطلق المطلق مرته موجوده يعني المنافسه موجوده ولو اهي طالبه خلع ودرت انه تزوج بيحلا بعينها والمقارنه موجوووووووووووووووده وتلقينها بتتلزق باهله علشان تحرج وتطلب منه اشياء سخيفه وعيالك علشان تحرج غير جذي خل يصير ريال زين ويتسنع وياج ويسفرج ويونسج حتا لو اهي متزوجه ومستقره بستكثر هالشي عليج بتدق عيالك بيسافرون ادفع عيد ادفع (طبعا غير النفقه اللي تنشال من راتبه) صج هالشي حق بالشرع والقانون حق عياله بس والله اعرف وحده ريلها يدفع حق بنته 100 دينار نفقه واهي بنت وحده وامها مليونيره بمعني مليونيره والبنت ماتشوفين عليها لبس الا من بوخمسه زين؟ وهالريال معاشه مولي هناك وطرق المعاش ومرته الثانيه فقيره وتبي الستر وتبي عيله وعيال اهي تصرف علي البيت وعلي اليهال والخدم وكل شي تقول مدام الله مغنيني موشين عيالي واهو مسكين اساعده ، حلا بعين الاولي باعت بيتها وشرت بيت يم البيت اللي ساكنينه وتروح وترد جدامهم بالشارع كل مناسبه كل مايصير ششششي دقت بنتك تبي مصرف غير النفقه شسوي فيها 100 دينار (للعلم الريال مايصرف ديننار علي اولاده يقول ماعندي معاشي منهوب) وترفع قضيه وترفع النفقه والمره ساكته وماتتحجا اخر شي وماوصلتله مرته تقوله بنتك بتسافر قصبا عليييييييييييييييييك تدفع تذكره وفندق ومصرف وحرضت البنت علي ابوها ومرت ابوها وسوت فضايح وسوالف لان قالها انا من ويني احطلج؟؟؟؟ قالتله والله؟ اولادك احسن لبس ومدارس خااااااااااااااصه وسفر كل سنه الظاهر صار جنه الابو يصرف والباطن المره قاعده تصرف !!!!

الارمل مرته ماتت والله يرحمها ويحسن اليها حتا لو صارت مقارنه او حن لها اهي موموجوده ، والارمل يبدي يبدي يديد ويرتاح وتكسبينه اسهل من المطلق اللي يكون متعقد من مرته ومتازم ويطبق فشله عليج



ومن وجهه نظري بالنهايه انتي صغيره 25 سنه وتاخذين بوعيال؟ ليش؟ توج حبيتي لي صرتي 35 مو 25 المفروض هالشي يصير

هلا والله اختي...Dancing^Queen
والله قصه اتخرع وللاسف سامعه فيها كثير...ماتبيه يتزوج ولا هي تبيه...
انتي على قولتج انا صغير ..شرايج يابو لي واحد والله العظيم عياله كبري ..حتى عمي ين يقولي انتوا شفيكم من صجكم ...والله عشان ولد عياله وعنده خير اتقول اي...انا هني حدي صكت فيني الدنيا ...قلت لايكون انا طلعت صج جيكره وانا مادري..قلت لهم انا قلت بتزوج بس عاد مو جذي اخذ اي واحد .....
مشكوره اختي على مرورج

 

[LaSt WoMeN]

صلي استخارة ... هذا اللي اقدر اقول له لج مطلق و الا ارمل و الا ما سبق له الزواج .. هذا مو معيار لقياس امكانية نجاح الزواج من فشله ..

اهم شي تعطين نفسج فرصة تعرفينه عدل قبل لا يصير شي رسمي و ملجة

 

[مـسـك العجمي]

مافي فرق الغاليه بالنهايه رجل
وانا عن نفسي تزوجت مطلق بس ماعنده عيال يعني اخذت مستعمل بس استعمال خفيف وكنت 18 سنه والله لا يغير علي حبيب الله يحفظه

 

[كندية]

صلي استخارة ... هذا اللي اقدر اقول له لج مطلق و الا ارمل و الا ما سبق له الزواج .. هذا مو معيار لقياس امكانية نجاح الزواج من فشله ..

اهم شي تعطين نفسج فرصة تعرفينه عدل قبل لا يصير شي رسمي و ملجة

هلا والله اختي فلانه...بصراحه انا ماصليت ولاشيء ...رفضت حتى اقابلهم ..لاني حيل مو متقبله الفكره بصراحه....
شكرا على مرورج اختي...