أكمل ولا لأ

[B e r r y]

محتارة حدي أكمل دراستي بالثانوي ولا لأ ........
طبعا أكيد البنت ما تنفعها إلا شهادتها كاني قلت بلساني
آنا بعاشر وتوني بالثانوي وما باجي شي وأتخرج بس المشكلة

حاشني إحباط تام واكتءاب حاد من الدراسة صارت فيني نفسية وقمت أتعب وأطيح

والله إني العام اللي طاف قبل لا أدش الثانوي كنت امتياز وعمري ما يبت جيد جدا أصلا واذا يبت تحت 95 قبل اعتبر نفسي كسلانة أصلاً .................

ولمن دشيت بعاشر تخيلوا النسبة اللي كرهت نفسي بعدها








66 % مقبوووووووووول :| :|


كرهت شي اسمه دراسة فعلاً

قبل جم اسبوع كان عندنا امتحانات فترة ثالثة وكان علي وقتها امتحان رياضيات وطبعا ذبحت عمري من الدراسة قطعت الكتاب وتخيلوا والله ما حليت شي مع إني يبت مدرس وسقطت يبت بالإمتحان 4 من 16 يعني ساقطة أول مرة بحياتي أطلع من لجنة امتحان منهارة قبل أطلع شاقة الحلج بإبتسامة بس هالمرة بجيت وانهرت .. والسبب الرياضيات
انا كان طموحي علمي كنت بصير مهندسة كمبيوتر وخططت ورسمت أحلامي وآخر شي فشلت وانهدم كل شي رسمته يعني ما تسوى علي

خذيت امتحان قدرات للميول عشان ما أظلم نفسي سقطت فيه بالمواد العلمية انا عارفة نفسي
ميولي أدبية بحته من غير ما أدرس والله العظيم درجاتي كاملة بالإمتحانات المواد الأدبية

المهم سقطت بالرياضيات بجيييييييييت دم :eh_s(11)::eh_s(11): والله بجيت دم
حبست نفسي بداري ألوم نفسي ليش آنا جذي وشنو اللي خلاني جذي

تخيلوا صارت فيني نفسية كرهت الطلعة والأكل وكل شي لدرجة قبل أضحك أسولف ألحين لأ
صرت بسرعة أعصب وما أتحمل كلمة وصرت أدور أي شي يقثني عشان أبجي ومن هالشي

طاااااااااحت رموشي بعيني اليمين اللي تحت والله طاحت وكله أسخن وترتفع حرارتي إذا بجيت أو زعلت أو انقثيت يعني كله طايحة بفراشي

عاد آنا مني والطريج قلت ماني مكملة مابي أشوف نفسي دور ثاني لأن وقتها :eh_s(16):مادري شيصير فيني !!!!!!!!!!!!!

وصرت أبجي جني ياهل أبجي عشان ماروح المدرسة وهذا آنا قبل من الأوائل كل شي تغير صرت أسقط وغيري ينجح ويروح ويخلص وانا قاعدة وألوم حظي !!!!


ما أدري شسوي لأان اللي تييب دور ثاني وخاصة بعاشر ما ينجحون 8 بنات بالصف عايدينها رياضيات ع نص درجة والله ع نص درجة واللي تعيد عاشر مستحيل تنجح بعدين يصير فيها احباط خلاص تزهق !!!!!


الصراحة خايفة حيل لأن امتحان الرياضيات الفترة الرابعة حيل صعب الكل يقول جذي وانا لو اذبح نفسي عارفة نفسي ما راح أحل لأن درجاتي بالفترات خربوا علي ومابي دور ثاني لأني ما راح أنجح ومابي أعيدها ..............


أكمل !!!!!!!!!!!!!

 

[تمنيت قلبك]

هلا حبيبتي .. شووفي يا قلبي انا اقولج كملي وحاااولي تدرسين عددل حق الفتره الرابعه عدل عدل على الاقل بس نجااح عرفتي وبعدين اذا انتي شاايفه نفسسج ادبي خلاص ادخلي ادبي وشدي حييييلج وتطلعين من الاوائل ان شااء الله وتردين مثل ما كنتي بس فكرة انج ما تكملين والله راح تنقهرين بعدين والله بنات اصغر منج يدخلون وياج راح تتضايقين وانتي اساسا شااطره يعني حررام اضيعين سنه من عمرج لا كملي وان شااء الله راح تنجحين وحتى لا سمح الله دور ثااني الحمدلله على كل حاال حااولي تدرسين له عددل عددل وتحلين مسائل وبتنجحين ان شاء الله بس فكرة انج تعيدين سنه كاامله والله صععبه .....

 

[B e r r y]

تمينتك :

مشكورة قلبي ع النصيحة
بس آنا نفسيتي ألحين ما تساعدني إني أجابل كتاب .........
أحس الدنيا انتهت باختصار بالنسبة ليّ حايشني احباط واكتئاب قوي

و بالنسبة لعلمي ولا أدبي غيرت وحطيت أدبي بس شلون بطلع من عاشر مادري ّ
الأبلة قطتها بويهي من الحين وقالتلي إنتي ساقطة يعني بسببها صار اللي صار !!!!!!!!!!!!

ولمن قلت لها أبلة حرام عليج ساعديني لا تسقطيني انا شسويت ؟!
تقولي انتي ماتستاهليش ؟!!!!!!!!!!!!!!!!!!!!!!!!!!!!!!!!


عشان مرة بنت قطتها بالصف وقالت ابرار عندها مدرس والأبلة عصبت يعني إهانة بالنسبة لها
يعني ما تفهم !!!!!

وقالت يلا ابرار عندها مدرس ومش فالحة بالرياديات <بالمصريّ

حبطتني ...................................

ظلمتني وايد الله يظلمها !!!!!!!!!!!!!!!!!!

 

[الروسا]

شوفي اختي قبل لا تدخلين المدرسه اقري المعوذات كل يوم الصبح
وحاولي تدرسين مره ومرتين وثلاث حتى لو سقطتي

الله يـــوفقج ...​

 

[تمنيت قلبك]

الله يوفقج حبيبتي ما عليج منهااا هالابله عششان كلمه بتخليج محبطه لا بالعكس انتي شااطره وتقدرين تثبتين لهااا العكسس وخليج داائما متفائله وطمووحه وانج رااح توصلين لاعلى المراتب شدي حيلج وانتي تدرسين ادري بتقولين ماالي نفس للدراسه وجذي بس اول شي فكرة انج ما تكملين دراستج شيليهاا من باالج وخليهاا من المستحيلات وبعدين ابدي ادرسي وحطي في بالج انج راح تثبتين العكس لابلتج وانتي تدرسين حااولي تتذكرين ايام المتوسسطه والتفوق وشلون كاانت درااستج وهالشي بيعطيج داافع قوي للدراااسه وخليج متفاائله اهمم شي والله يوفقج ياااقلبي وتتفوقين ياااااااااااارب

 

[بنتmbc1]

شفتي هذه انا حالتي قبل سنتين
لما كنت بعاشر
لكن انا مو امتياز
انا لما ييت لسابع بالفردوس
نزل مستواي360ـْ
المهم ما علينا
انا عدت السنة بعاشر بالرياضيات والله
و الحين انا ب11 أدبي
و ندمت كثر شعر راسي اني دخلت ادبي
لان ميولي علمي
و انا الحين افكر اعيد السنة عشان ادخل علمي
لكن خايفه
لان بودي اكمل مع بنات عمري
بس المستقبل اهم من البنات و المعلمات
انا راح استخير و استشير
واللي كاتبه ربي راحج يصير
فقررت قبل جم يوم ان لو خذيت دور ثاني بأي مادة
ما راح اروح اقدم الدور الثاني
و راح اعيد السنة و ادش علمي
لكن لحد الحين الكل معارض هذه الفكرة
ويقولي انتي حابه تقعدين بكل صف سنتين
لا و بتدخلين علمي يعني راح تعدينها و تصير 3
و تحولين ادبي
و اللي نحشني من العلمي مدرسة تقول الرياضيات صعب و مستحيل تنجحين فيه
المهم انا دخلت مشكلتي معاج
الله يوفقج
و ييسر لج و يكتبلك النجاح
لكن ترى العين حق
خلي امج تقرأ عليج و انتي اقرا على نفسج
قبل لا تنامين و قبل لا تفتحين اي كتاب
و التزمي بالصلاة و صلي على الرسول
و الزمي الاستغفار لان في الحديث يقول
من لزم الاستغفار جعل الله له من كل ضيق مخرجا و من كل هم فرج و رزقه من ما لا يحتسب
في ما معنى الحديث

 

[روح مغليهآ]

معروف عاشر سنه ثقيله شوي لانها تجمع مابين العلمي والادبي
انتي كملي ونجحي اهم شي حتى لو عالحفه وب 11 شدي حيلج اكثر
اهم شي شهادتج ومستقبلج لانج لو وقفتي دراسه بتبجين دم لي شفتي البنات تخرجوا ودشو الجامعات والمعاهد
شدي حيلج

 

[أم*سلمان]

نصيحه من اخت كملي يا اختي ..

والله باجر تندمين ..

لما تشوفين رفيجاتج كلهم اللي داشه الجامعه واللي كليه


وانتي بالبيت

 

[shine girl]

ياحيااااتي فديييتج
لا تعورين قلبج كلنا نمر بفترة احباط بس هذا مايعني نستسلم له مهما كانت الظروف
شنو يعني ماده توقفج وتوقف مستقبلج يعني شنو رياضيات ؟
الكل يواجه صعوبه مع الرياضيات مو بس انتي وايد ناس بس ما استسلموا حاولوا وحاولوا لين تغلبوا ع الاحباط
شوفي حبيبتي انا لما كنت بعاشر كرهت نفسي تمنيت انجح وبس للانها صج صج كانت صعبه حيل بس ما استسلمت
وفعلا واجهت صعوبه بالرياضيه كنت اخذ ع الحفه انصدم بس هم ما استسلمت شديت حيلي والحمد الله ... الله وفقني ونجحت
وعلى فكره الفتره الرابعه اسهل بووووووووووووووايد من الكورس الاول والله العظيم الكورس الثاني اسهل من الكورس الاول
حبيبتي شدي حيلج وانتي تدرسين لاتدرسن عشان نجاح ادرسي عشان درجه كامله صدقيني وبانسبه للابلتج حاولي تعطيها مشاريع شي عشان ترفعج باللاعمال اوك حياتي واهمممم شي لاتنسين الصلاه بوقتها وقراءة القرآن
اسفه طولت عليج وكثرة حجي >.<
الله يوفقج يااارب

 

[~عيون الحب~]

حبيبتي اكيد كملي وبدون لا تفكرين !!
اهم شي عشان تتجاوزين حاله الاكتئاب انشالله تكونين ملتزمه بصلاتج بوقتها
اقري قرآن كل يوم لو صفحه وحده
عودي نفسج تقرين المعوذات قبل لا تنامين واول ماتقعدين حق المدرسه
كثري دعاااااء بالقومه وبالقعده وعقب الصلاه لان فعلا الدعاء شي عظيم سألي المجرب ! أي شي تبينه تطلبينه من رب العالمين انه يسهل عليج ويفرج همج ويوفقج بدراستج وتقديمج للاختبارات
بالنسبه حق ابله الرياضيات
الكلام اللي سمعتيه من هني طلعيه من اذنج الثانيه
انا مستواي بالرياضيات مو زين بصراحه ودشيت ادبي
بعاشر بالفتره الاولى نجحت بس درجتي كانت مو زينه
بالفتره الثانيه سقطوني على درجه
تحبطت احباط موطبيعي
بس شديت حيلي بالكورس الثاني والحمدلله عديت وبدرجه ماتوقعتها
ترى ليلحين باقي لج امل لاتفقدين الامل كلش !!
ومنو قص عليج وقالج الفاينل صعب ؟!
انا شقيت روحي وانا ادرس حق الفاينل ويبت مدرس.. واللي اذكره ان رياضيات الكورس الثاني اسهل من الاول بوايد
والفاينل يانا سهل !!
ويبت بالفاينل 46 من 52 اذكر .. بالنسبه حق مستواي بالرياضيات واااااااااااايد زين
لاتفقدين الامل كلللللش.. حتى لو الامل نوعا ما مفقود انتي شاللي لازم تسوينه؟
1-لازم لازم تسوين اللي عليج وتجتهدين وتنسين اللي راح .. وبجذي تكونين اخذتي بالاسباب
2- الاتكال على رب العالمين .. وانشالله تعبج مايروح بلاش وثقي بالله انج راح تاخذين حقج دامج اجتهدتي وتوكلتي على الله
وانشالله تعدييييينها وسهالات يارب وكل هذا يصير ذكرى ..
بس شدي حيييلج مابقى الا شهر الله يوفقج انشالله :**
واذا تبين اي شي لايردج الا لسانج

 

[عادت ذكرياتي]

كملي دراستج وحاولي لا تتحبطين واقري أذكار الصباح والمساء وخلي ذكر الله على لسانج دايم وكل يوم اقري جم صفحة من سورة البقرة واختميها كل أسبوع وشوفي النتيجة شلون وراح تدعيلي آنا صارلي تقريبا إحباط مثلج وكنت على شفا حفرة كرهت الدراسة برابعة ثانوي يعني 12 وكنت ما أبي أكمل الكل كان حاط عينه علي كنت نشيطة وامتياز والأولى بعد وماكو نشاط إلا مشتركة فيه بعدين أمي غصبتني يزاها الله خير قالتلي تداومين غصبن عليج وداومت عالأذكار وكل شي صار أوكي وتخرجت بامتياز ومن أوائل الكويت وطلع اسمي وكرمني الوزير والشيخ وخلصت ألحين الجامعة الحمدلله



هذي تجربتي بين إيدج سوي مثلي وراح تتخرجين بأعلى نسبة وقولي ما قلت إن شاء الله

 

[الجوووددي]

وافديتج اناه بكل بساطه اخذيها لان بهالطريقه راح تسهلينها عليج وشيلي من راسج فكره انج محبطه او منهاره بكذأ راح تحطين ف بالج انج مستحيل تنجحين وتفائلي بربي النفسيه لها تأثير كبير بالدراسه و الابله لاتأخذين بكلامها بالعكس حطي كلامها دافع انج تنجحين وفكره ماتكملين دراستج انسيها لان الحين الشهاده اهم شي فديتج

 

[faith1]

ياحياتي والله ماعليه الي تمرين فيه طبيعي انا شخصيا مريت فيه في سنه من السنين جبت 65 بالرياضيات والله انصدمت لانه مومستواي بس استخرت وقررت اكمل علمي والله ثم والله اول مقرر رياضيات بالعلمي جبت فيه96 والحين انا الحمدالله تخرجت من الجامعه وتخصصي كيميا ..............تعوذي من الشيطان وكملي هذه الدنيا مره فوق ومره تحت بس الشاطر الي يصبر ويكمل مو يوقف باول طيحه......والله يوفقك ان شاءالله ويعطيك على قد اتعبك

 

[ϻʟǎƙ ཞǿ7ყ*]

ااااااه انا مريت بالهالحاله و قلت خلاص بوقف قيدي و صارت تجيني خرعه كل ما اجي المدرسه احس رجولي تتشنج ما اقدر امشي و لما افتح كتاب اشوفه اسود بس اخذيها مني مالچ الا القرااان والله يريح اخذيها مني ترتاحيين حيييل و بعدين حبيبتي خلي عبارات التحبيط هذي علا جنب انا ماراح انجح و لا راح احل عدل بالرياضيات ليش ما تقولين لا انا اقدر و اللي قاع يتفوقون الحيين مو احسن مني بشي بالعكس انا احسسن منهم چذي راح يصير عندچ حماس انچ تدرسين بس هالحماس لازم يكون معاه نفسيه حلوه يعني مو معقوله بتدرسين و انتي نفسيتچ اكس اقعدي مع رفيجاتج و اضحكي و سولفي بتتتغير النفسيه و مع القراان بتصير احسسن و اذا حسيتي انچ مو قادره تتكلميين صلي ركعتين و ادعي ربچ و لاتدعين الادعيه اللي تقرينهم بكتب لا طلعي اللي بقلبچ خليچ علا السجاده و اشكي لربچ بطريقتچ و اسلوبچ و ابچي بترتاحيين حيييل ترا انا مثلچ الحين بعاشر ما عليچ الرياضيات حيل سهل بس يبيله تركيز وابدي من الحين جيبي مدرس كل اسبوع و انشالله بتفهمين و كل المواد مو بس الرياضيات ابدي دراستهم من الحين عشان ما تنضغطين فترة الامتحانات و الله يوفقچ انشالله ..

 

[blue lady]

لااا لا يكون تطلعين من المدرسة اهم شي الدراسة والحين ماكو احد ما عنده ثانوية
ميخالف ضغطي على نفسج واهتمي بالدراسة اول باول مو بس ليلة الامتحان وان شاء الله تصيرين مهندسة مثلي
اعرف وحدة كانت قاصة بالثانوية بالغصب تنجح وبعدين شدت حيلها ودشت اداب ومنها بتحول حقوق ما شاء الله
اهم شي حطي هدف بحياتج وتفائلي وبالتوفيق حبيبتي

 

[cucce]

يا حياتي ..
قولي لنفسج انا اقدر
وبتقدرييييييييييين ومن الحين ابدي درسي
واقري المعوذات من العين الي يتج
واستغفري ربج ووبكل صلاه ادعي لعمرج التوفيييييق

اذا كنتي بتدرسين ومالج خللللللق قولي يلا لازم ادرس عشان انجح

ويارب تنجحيييييييييييييييييين ووتفوقين