أكلمه ولا أسكت

[om_dodo]

طنشى

 

["اسطورة العشق"]

انا رايي لا تطحنين قلبج و لا تحرين اذا صج لهدرجه الموضوع حارج .. قوليله ما فيها شي نوع من الفضفضه عاااااااااااادي ترى
يمكن يقولج شي يريحج او يخفف عنج .. لا تذمينهم حيل جدامه عشان لا يعاند بس قوليله باسلوب هادي ان السالفه حازه بخاطرج و البنت بنتهم و من هالكلام .. بس اهم شي باسلوب هاااااااادي و بدلع اذا قدرتي ...


و اذا على البنت سوي لها عيد ميلاد في بيت اهلج عزمي كل خوالها و عيالهم او في زوارتكم و سوي لها احلى عيد ميلاد ..
و لما تخلصين ودي لصور حق اهل ريلج و سولفي عن الحفله عااااااادي لا تبينيلهم انج محتره لانهم طنشوج
بينيلهم انج مو مهتمه فيهم و عندج اهل تستانسين معاهم و يونسون بنتج

 

[Maryam]

عطيييييييهم الف تطنيشة
ريلج بطلعج ما عندج سالفة
خلي الموضوع ورا ظهرج

 

[ماكنتوشة***]

:eh_s(15):

انا لويصير فيني جذي عادي اتحجى مافيها شي .. عشان ريلي يفتح عدل ويعرف اللي قاعد يصير

بس مااقوله كل شي بالتفصيل .. اذا شي يسوى ومبين اشكره عيني عينك طبعا تكلمي بعدين يصير شي ماشيات ضدج الا ريلج مايدري ويفاجئونه بشي مثلا حزتها بيصدقهم لأن ماشاف عليهم شي من قبل ولامنتبه لحركاتهم ..
هذي نصيحة مني ولايهمج اللي تقول سكتي ولاتقولين لزوجج انا من كنت اسكت ماقول ولاشي فعلا طعنوني بظهري جدام زوجي وحزتها زوجي قلب علي لأن ماكان يدري عن نواياهم من قبل وعن سوالفهم معاي لأني كنت طرمة ماأتحجى واخشها بقلبي ..

بس الحمدلله عدت الامور على خير ومن وقتها اي شي جايد يصير اقوله .. فتلاقينه مفتح باللبن وعارف نوايا كل واحد واهو الحين اللي قاعد يقارن وانا سااكتة

خلج شطورة وذكية واخذيها من ناحية ان اليهال مايصير يحسو بالتفرقة وانج مستغربة وجذي...لاتنتقدين احد او تذكرين اسامي
بس قطي نغزات مرة ومرتين وذكري جم موقف وخليه اهوا الحكم .. واذا كان فهمان بيعرف شاللي قاعد يصير






اسفة طولت عليج بس حبيت افيدج بتجربتي يمكن افيدج بشي ولوبسيط

:eh_s(15): :eh_s(15): :eh_s(15):

 

[Sarooii]

سوييلها عيد ميلاد لاا صار ولا استوى في بيت اهلج ،، و غرقوها هدايا و ختروح لهم توريهم
و لا تحرين عمرج و تضيقين خلقج .. كيفهم بالطقاق مو ملزومين يعطون بنتهم شي ..

 

[هيبة ملك]

مالج شغل فيهم

ولاتغثين بالج وبال زوجج بأمور تافهة

 

[شربات]

رد : أكلمه ولا أسكت

تسلمون ما قصرتوا

وعسى الله يخفف عليكم ويبرد على قلوبكم مثل ما بردتو قلبي (( والله موقصدي الهدية بالموضوع _ موضوعي هو المعاملة الخايسة مالتهم ))

عيدميلادها سويته 3 مرات والله حتى بنات خالتي قالولي (( حشاعيد ميلاد صدام )) يوم عند أمي وخواتي وخالاتي ، ويوم وديناها فرايديز

وصفقة وهيصة ، ويوم عند بنات خالتي وخالي ، كل يوم كيكه شكل والحمدالله استانست مع اليهال وخذت المقسوم

وقاعدة اشوف منه اشياء تخلي لساني ينربط وما أتكلم لأ صج صج ما يهون علي أكدره ومثل ما قلتو ماراح يعجبه وراح احط نفسي بموقف ما

يسوا

بسمع كلامكم وراح أطنششششششششششششششششششششششش هم بدال المره ألف ، لأنهم قاصدين يغثوني

وجزاكم الله ألف خير ، ومبارك عليكم الشهر مقدماً

 

[اميرة-الاحجار]

مو غصب ايبون هديه وهاذا مو موضوع تتحجين فيه فشله بتطلعين جنج ميته عالهديه خيولون مدام مو مقصره على بنتج هديل شكلهم نظام غيره وحسد
وبعدين اهما جذي ومو معبرينج شحقه مخليه بنتج يومين عندهم ؟؟

 

[أنا Top أنا]

رد : أكلمه ولا أسكت

الهديه مو غصب واذا هم ما جابوا لبنت كيفهم ما تقدرين تجبرينهم يحبون بنتج غصب

واذا تبين نصيحتي وسوي لها حفله بمكدونالز او برجر كنج وونسي بنتج ... اعزميهم بعد ووريهم انج مو ناطره من احد هديه ... وبس !!

 

[^مرايم^]

انا بالنسبة لي عادي أقول لريلي كل شي يضايقني سواء من أهله أو أهلي أو أي أحد ..

مو لهدف إنه يتصرف أو يسبب مشاكل لأ .. لهدف إن يعرف كل شي يصير حوالينه و لهدف إنه يحس فيج و يعرف اللي يضايقج

بس أهم شي إنج ما تشيشينه يعني بس فضفضيله مو أكثر ..

و هذي الأشياء تصير حبوبة عادي و أحياناً الأم و الأبو يحبون عيال واحد من عيالهم قريب منهم و بار لهم و بصراحة ما ينلامون تلقين الولد قايم بأمه و أبوه و شايلهم بعيونه و باقي العيال ما يدرون عن أهلهم ..

لا يحز بخاطرج حبوبه و حطي في بالج إن مو هذا المهم دام إنج موجوده لبنتج و مو مقصره معاها .. و بعدين اليهال ما يحسون والله احنا اللي نفتح عيونهم ..

 

[غصن الغلا]

استغفرالله العيد الميلاد حرااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام وتسوين منه مشكله مع زوجج


يارب غفرانك يارب غفرانك ياناااااااااااااااااااااااااااااس تقربوااااااااااااااا إلى الله بالحلال مو بالحرااااااااااااااااااام

 

[شواخي]

شوفي رد
om MaRyooM


عين العقل .. انا مثلها ،، قبل اسكت والحين يخسون

 

[رحيل المرافيء]

رد : أكلمه ولا أسكت

شتبين تقوليله ماعطوا بنتك هدية ؟؟؟؟؟
الهدية مو غصب هااا
بعدين انتي مو ذاك الزود معاهم شلون تبينهم يوجبوونج وانتي تسلمين وتطلعين يمكن هم باركوا لها وبس
انتي يبتي هدية لعيالهم ؟؟؟؟؟؟؟؟ ولابس تبين يوجبوونج وانتي لااا
هذا درس لج ليش مقاطعة اهل زوجج؟؟؟ واصليهم عشان عيالج على الاقل
والظاهر انتي ماعندج مشكلة وقاعدة تحوسين وتدورين تبين مشكلة غصب طيب تبين تتطلقين الظاهر
خوو ماترتاحوون الا لما تتطلقووون
ايه والله ياتعطوونا هدايا ولا نقلب الدنياا عليكم اسوب مشكلة عشان عيد ميلاد وخرابيط ؟؟؟؟
ماينلامون الرياييل فيكم واللهواهل زوجج ماينلامونفيج اذا هذي عقليتج

 

[@شمس الضحى@]

والله ياقلبي ، اسمحيلي مالك حق اتكلمين زوجك ولا اتحلطمين الا اذا ناوية تجيبين لنفسك مشاكل وتكرهينهم فيك و فالجاهل أكثر !!
كيفهم ! موملزومين يجيبون لكم ولا يحطون لكم ! ومو ملزومين يحبونكم غصب !!
دامهم ماتعرضولك شخصيا مالك حق اتحاسبينهم ليش ماجبتولنا والا ليش ماعطيتونا !!!
وعيالك انتي وابوهم يكفيهم حبكم لهم ،، وانتي كيفك ،،
​

:ggdw::ggdw:

 

[كويتيه مذهله 87]

نصيحه مني لا تسوين مشاكل علشان هديه او معامله خليها براحتهم لا تحتكين معاهم
ترى مهما يكون حتي لو اهله غلطانين ماراح يصف معاج

 

[أنفاسي دخون]

والله ياقلبي ، اسمحيلي مالك حق اتكلمين زوجك ولا اتحلطمين الا اذا ناوية تجيبين لنفسك مشاكل وتكرهينهم فيك و فالجاهل أكثر !!
كيفهم ! موملزومين يجيبون لكم ولا يحطون لكم ! ومو ملزومين يحبونكم غصب !!
دامهم ماتعرضولك شخصيا مالك حق اتحاسبينهم ليش ماجبتولنا والا ليش ماعطيتونا !!!
وعيالك انتي وابوهم يكفيهم حبكم لهم ،، وانتي كيفك ،،
​

نفس اللي بقوله

لا تغثين عمرش وزوجش على شي ما يسوى والله يخليكم لعيالكم وتجيبون لهم

 

[جوري 2007]

الريال وايد يقدر المرة اللي تتحمل خمال اهله وماتتشكاله على طول

لاتقوليله شي عشان لايسوي معاهم مشكله وتصيرين العدوة اللدودة

من رايي تكلمين خالتج بالتلفون او حماتج باسلوب ذرب

اشدعوة ياحافظ كنسلتوا الزوارة ، احنا مومتفقين عالعيدميلاد ؟؟ انا كنت متكلفة ومزهبة ومن هالحجي

احس الموضوع مومال يكبر وهم مومال يطنش لان حركتهم فيها قلة ذوق

لاتطوفينها عشان لايستغلونج او يعتبرونج سوري طوفة هبيطة

ومرة ثانية لاتسوين عندهم اي مناسبات يمكن مايحبون المناسبات في بيوتهم

 

[أم ورود الحلوه]

اقول عيد الميلاد حرام رايحه بتصكينها هوشه على حرام
أقول احسني تربية بنتج ترى هالشي بتحاسبين عليه
ولا تستهينين بالشياء الصغيره ,,,,
الله يهديج بس