قمت أكره يصير عندنا غبار بسبة الإشاعات
أكره يطق مطر بسبة الإشاعات
أكره يطلع لنا عضو مسكين ويقترح ( لاحظوا هذي حطوا تحتها مليوووووووووووون خط ) زيادة الرواتب بسبة الإشاعات
أكره يطلع متنبيء أرصاد جوية يديد مسكين بعرف الناس فيه ويقوم يقط له قنبلة قوية يقص علينا فيها بسبة الإشاعات
والله كرهت المنحة بسبة الإشاعات
ما خليتوا شيخ إلا وبيعطينا منحة لا وقسمتوها بعد 750- 500 دينار
كرهت اقتراحات حقوق المرأة بسبة الإشاعات
بسسسسسسسسسسسسسسسس ترا لاعت جبدنا وين ثقافتكم يا أهل الكويت
ماشاء الله هذا ونسبة المتعلمين اللي عندنا عاااااااااااااااااااااااااااااااااااالية ونفتخر بشبابنا وبناتنا من دكاترة ومهندسين ومهندسات مدرسين ومدرسات وغيرهم
ماكو بيت ما فيه جامعي ولا خريج دبلوم
وين ثقافتكم ؟ وين أصحاب البعثات اللي الدولة قاعدة تخسر بالملايين عليهم ؟
شالسالفة من تطلع إشاعة صغيرة ترتبكون؟
ماشاء الله عليكم مجابلين النت 24 ساعة وقت اللي تسمعون إشاعة صغيرة تفاهه محد يفكر يدش عالمواقع الرسمية ويتأكد منها
غبار أمس مسكين يا جماعة ترا غلطان غلطة حياته دش الكويت اللي يسمعكم يقول كللللللللللللللش جو الكويت مطر وثلج مسرع ما تحول اسمه من غبار أو عاصفة رملية لإعصاااااااااااااار ؟؟؟؟؟؟؟؟؟؟؟ ترا الإعصار مو جذي الله يكافينا شره
عيل شحقه الدولة مخسرة عمرها وكل سنة مسوية معرض كتاب ؟ مو علشان نتثقف
شحقه شركات النت تارسة الديرة مو علشان نقرأ المفيد من النت ؟
تكفوووووووووووووووووووووووووووووون رحموا بحالنا والله ملينا من الإشاعات
الله عرفناه بالعقل
خلصنا من سالفة البدون طلعت لنا سالفة شيعة وسنة
يبا عيشوا حياتكم
مع احترامي للكل منو إحنا علشان نتكلم بالسياسة ؟ منو إحنا علشان ندخل فلان النار وندخل علان الجنة ؟
اللي قاعدين يتساببون بالمواضيع شدراج يمكن اللي سبيتيها أختج ولا بنت خالتج وإنتي مو عارفة نكها ؟ ترا كل اللي قاعد يصير ما منه فايدة ولا جان حلينا مشكلة فلسطين هههههههههههههههههههههه
آنا سنية بس ما أرضى على شيعة الكويت تدرون لييييييييييييش لأنهم كويتيين كلنا عايشين على تراب هالديرة ربي يحفظها
اتركوا الفتن عنكم والتفتوا لأموركم الشخصية عيالكم أولى باهتمامكم فيهم
هدف موضوعي مو الدفاع عن فئة معينة لالالالالالالالالالالالالالالالالالالا والله وربي يشهد هدفي كلنا نوقف هالإشاعات
يعني شدعوة عليكم صدقتوا سالفة الزلزال أقول اليابانيين ترا أشطر مني ومنكم بهالسوالف لو في شخص واحد بهالدنيا يقدر يتنبأ بالزلازل جان اليابانيين أول من تنبأ فيها بدال الخساير اللي صارت عندهم
موتوا نص فنانين الكويت بسبة الإشاعات
حليمة بولند الله رزقها بالحمل قلتوا مسوية تلقيح صناعي إحنا شكووووووووووووووووو فيها صناعي ولا طبيعي مو شغلنا الله يرزقها
صج من راقب الناس مات هما
أي اقتراح يقترحه أي عضو مسرع ما يتحول ثاني يوم بقدرة قادر إلى قرار ولا بعد يأكدون بيصرفونه لنا بأثر رجعي
يبا الاقتراح يرفع بمجلس الأمة ويصوتون عليه ولو وافقوا عليه يحال للحكومة للموافقة عليه ولو الحكومة وافقت عليه يحال لمجلس الوزراء لإصدار القرار فيه ولو أي جهة من اللي ذكرتهم رفضته يعين خلاص انسوا الموضوع
مو كل اقتراح يوافق عليه مجلس الأمة يعني خلاص نقوم نبارك لبعض فيه
حكموا عقلكم شوي مو كل شي نسمعه نصدقه
والله والله والله صرت أكره أقرأ الصحف اليومية بسبة هالإشاعات والأخبار اللي تضيق الخلق
الحمد لله محنا قاعدين على بساط الفقر كل شي عندنا وعايشين بخير ونعمة على تراب هالديرة اللي ربي حارسها من العين
يمكن في وايد منكم ماراح يعجبهم موضوعي بس آنا نزلته أفضفض اللي بقلبي من حقي مواطنة كويتية مو عاجبها اللي قاعد يصير بالديرة ومن حقي أعبر عن رايي
تكفوووووووووووووووووووووووووون يا جماعة لو كل وحدة فينا من خلال هالمنتدى تحاول تغير الوضع اللي صاير بالديرة واللي أقصده تحديدا إطلاق الإشاعات التافهه ونشر الفتن
والله جان تشوفون الكويت رجعت مثل قبل أيام الغزو يا حلاتها من أيام عايشين عالبركة كلنا أهل وحبايب
ربي يحفظ يا كويت ويحرسج من العين
وترابج آنا أبوووووووووووووووووووووووووووووسه
عالية يا كويت محروسة يا كويت تاج راسي يا كويت
