أكاديمية سعد العبدالله _ الدفعه الثانيه

[al7b '7ald]

والله يوم المقابله كانت صج مصخره والبنات حاطين مكياج عرس والشعر موطبيعي واللبس الضيج حييييل وين راح يقبلونها جذي اذا على اللبس لازم يكون مقبول عشان رئساء الاكاديميه نفسهم قاعدين وهم يحكمون باللبس بعد لانه وحده من الضباط اهي قالتلي جذي بس حزتها صج صج خووووف فوق 12 واحد وانتي تقعدين بالنص وطايحين اسأله
بس عاد مصختها
لووووووووووووووول

١٢ واحد
ليكون الوا يوسف المضاحكه وياهم
قوليلي كل شي شلون مصختيها

 

[al7b '7ald]

هلا والله بشرطياتنا
بشروا اقبلوكم ولا لأ؟؟؟؟؟؟
انا زميلتكم بالمهنه بس انا مدنيه مو عسكريه والله مفكره انقل عسكريه

والله بقالنا المقابله الشخصيه او نخلص
إدعيلنة

صج شلون مدنيه شنو شغلكم

 

[كويتيه ذربه]

والله بقالنا المقابله الشخصيه او نخلص
إدعيلنة

صج شلون مدنيه شنو شغلكم

الله يوفقكم يارب
وانشاءالله يقبلونكم
ونطق لكم تحيه بعد

والله شغلنا نفس العسكرين بس فرق المسميات ولا الشغل كلنا مع بعض نشتغل بنفس الشغله

 

[al7b '7ald]

الله يوفقكم يارب
وانشاءالله يقبلونكم
ونطق لكم تحيه بعد

والله شغلنا نفس العسكرين بس فرق المسميات ولا الشغل كلنا مع بعض نشتغل بنفس الشغله

إن شاء الله
الله يسمع منج

موفقه حبيبتي

 

[كويتيه ذربه]

تسلمين

 

[hello.kitty_85]

هاااا بناااات شلونكم بشروا انشالله اقبلوكم لا تغطون نبي نعرف اخباركم وعسى الله يوفقكم يارب وتوصلون اعلى المراكز

 

[al7b '7ald]

هاااا بناااات شلونكم بشروا انشالله اقبلوكم لا تغطون نبي نعرف اخباركم وعسى الله يوفقكم يارب وتوصلون اعلى المراكز

ما صار شي يديد
بروح أشوفهم الاسبوع الياي بعرف شسالفتهم
الله يسمع منج يارب

 

[hello.kitty_85]

اشدعوه ؟ ليلحين الله يعينكم .. يالله عسى الله يوفقكم وينولكم مرادكم وانا معاكم

عاد انا بعرف اخباركم علشان اقدم شهر 6
انزين الحب خالد شلون نظامهم وايد صعبين بالقبول ؟ انا احاتي الفحص الطبي وفقر الدم شكلي بروح اراجع الطبيب من الحين

 

[al7b '7ald]

اشدعوه ؟ ليلحين الله يعينكم .. يالله عسى الله يوفقكم وينولكم مرادكم وانا معاكم

عاد انا بعرف اخباركم علشان اقدم شهر 6
انزين الحب خالد شلون نظامهم وايد صعبين بالقبول ؟ انا احاتي الفحص الطبي وفقر الدم شكلي بروح اراجع الطبيب من الحين

شوفي إذا فيج فقر دم تعالجي من الحين لان العلاج يطول شوي

و أنا بروح يوم الأحد الكاديميه بشوف شسالفتهم لا حس ولا خبر
توها وحده من البنات تقولي راحت و سالتهم او قالولها مرفوضه بسب فقر الدم

 

[hello.kitty_85]

وي يا حسرتي .. بس انشالله يقبلونج تفائلوا بالخير تجدوه
وانا انشالله بروح اتعالج وبشوف انشالله خير

 

[sweet dashttya]

السلام عليكم ورحمة الله وبركاتة

مشكورة حبيبتي على الموضوع الحلوو

بس بغيت اسأل انا ان شاء الله بعد سنتين راح اتخرج من الجامعة

انزين وين اقدم وين مكانهم بالضبط لان مادري اسأل منو ممكن تساعديني ؟؟؟؟؟

وبالنسبة حق الشروط ممكن تكتبن لي عشان اعرف

بس قريت من كلام البنات اهما يبون ما تكون ضعيفه وايد ولا متينه وايد يعني زين

بس انا ضعيفه

​

 

[الجريحه]

هلا حبيباتي عندي سؤال ياريت تفيدوني يا شرطيات المستقبل مو يقولون الشرطه بخدمه الشعب هههههه

ابي اعرف متى يفتح التسجيل لابناء الكويتيات وهل يقبلون اذا كان خليجي وشنو شروطهم

 

[حباري المملوحه]

لووووول الله وناسه

شرطيات بنات:$

هلله هلله ما اوصيكم ابيكم تقضون على الشر مو ليه :$

 

[أي معزه!!]

واااي ياحلاتكم شرطيات

مو مستوعبه السالفه لي الحين !!

بتوفيق إن شاء الله

 

[hello.kitty_85]

هلا حبيباتي عندي سؤال ياريت تفيدوني يا شرطيات المستقبل مو يقولون الشرطه بخدمه الشعب هههههه

ابي اعرف متى يفتح التسجيل لابناء الكويتيات وهل يقبلون اذا كان خليجي وشنو شروطهم

حبيبتي يقولون التسجيل شهر 6 ويقبلون ابناء كويتيات

 

[الجريحه]

حبيبتي hello.kitty_85 فديتج والله ما قصرتي بس ما عندج فكره عن شروطهم للالتحاق ووتسلمين ياقلبي

 

[hello.kitty_85]

شروطهم
اللي اعرفه لازم من عمر 18 الى 37 وماينزل الطول عن 150 والوزن لا ضعيفه حيل ولا متينه و يقبلون ابناء الكويتيات عادي والشهادات من المتوسطه ليه الجامعه عادي يعني شهادة المتوسط والثانوي مادري شنو رتبهم عريف ووكيل عريف جنه بس الدبلوم رتبته وكيل ضابط والبكالوريوس ملازم اول
واللي سمعته مو مشددين وايد بالقبول يعني فيه استثناءات وايد نطري ليه شهر 6 ونروح انقدم انا معاج لووووووووووووول

 

[hello.kitty_85]

وطبعا فيه فحص طبي وفحص لياقه خلج متابعه اخبار البنات اهني وانشالله خير


شرطيات الكويت وينكم طمنونا شصار معاكم بشروا
الحب خالد بشري انشالله انقبلتي يارب يارب تنقبلين علشان نفتخر فيج انتي وباجي البنات

 

[الجريحه]

حبيبتي hello.kitty_85 الله يعطيج ااااااااااااااااااالف عافيه ما قصرتي يا عمري بس انا ابي اسجل حق ولدي مو لي

:dddds: من جذي سألت عن ابناء االكويتيات ولدي بحريني وعمره 21 سنه ان شاء الله يقبلونه بس تسجيل الرجال نفس

النساء راح يفتح شهر 6 وله يختلف وثنكس يا االغاليه على المعلومات :33_1185028183: ​

 

[hello.kitty_85]

لوووووووول حسبالي حقج
والله مادري متى تسجيلهم بس هم يصير اذا ابناء كويتيات الخليجيين وانشالله يارب يسجلونه ويتخرج ضابط قد الدنيا وتشوفينه معرس وتفرحين فيه يارب اذا عرفت اي شي عن تسجيلهم اقولج بس ترى الشروط عندهم غير حاولي اتدشين على موقع الاكاديمية فيه شروطهم بس التسجيل مو حاطين متى يبدي اتوقع شهر 6