السلام عليكم
حبيبتي ام اسيل انا عندي بنتين بالمدرسة واحدة kg1 والثانية gread 1 راح اقول لك بالضبط او مثل ما اعرف عن المدرسة
اول شي بنتي الي بقريد 1 كانت ياية من الحكومة يعني ميييييييح بالانجليزي وانا كنت وايد احاتيها بس الحمد الله الحين تقرا وتكتب انجليزي وماشاء الله عليها تتكلم انجليزي حتى ساعات نكون بمطعم او بالسوق تتكلم معاي انجليزي انا انحرج لانه ودي تكلمني عربي
اما بالنسبة ل kg1 ما شاء الله عليها تتكلم انجليزي وتقرا بعض الاحرف الانجليزية الي معطينهم اياها ورعايتهم واااايد زينه يعني انا بنتي الي ب kg تدرين انها كانت تبجي من شهر 9 لي شهر 2 والله من غير مبالغة بصراااااااااااخ وتمسك هدومي وكله احط كرسي بالمسرح وافهمها اني انا اقعد لين تنهد من المدرسة يوميا على هالحاله وماشاء الله عليهم حببوها بالمدرسة اليوم ان وديتها المدرسة تقول لي خلاص لا تنزلين معاي انا كبيرة قطيني وروحي طبعا نزلتها بروحها بس قلبي ما طا وعني رحت شوي شوي طليت عليها لقيتها تلغب مع اليهال ومستانسة
بس انا الي موعاجبني بالمدرسة انها لي gread 6 عشان جذي انا الحين راح انقلهم مقدمة على كذا مدرسة يعني حدي معاهم هالسنة ويمكن السنه الياية اذا ما حصلت مكان بمدرسة ثانية
الحين انتي اذا بتكملين ان شاء الله معاهم اهم لي قريد 6 يعني راح تتاذين بالنقل في امتحان القبول لقريد 6
انا من رايي المدرسة في الروضة مستواها ممتاز فدخليها الروضة بهدها شوفي اذا بتنفلينها
ونصيحتي اذا بنتك برتوح kg وديها عند صف مس شاميله صف بنتي لاني اشوف عيال المدرسات الي بالمدرسة كلهم عندها يعني زينه وبالها وسيييييييع على اليهال وعلى فكرة الكورس الاول بال kg راح تلاحظينهم يتكلون الصف كله عربي بس بالكورس الثاني ممنووووووع يتكلمون عربي بينهم حتى الاطفال ما بين بعض
اتمنى انا وفيت واي سؤال انا حاضرة
