أقوى تجمع للعنـــاية ببشرة الوجه (بياض +صفاء+نعومة)

[دنيا الغموض]

لاخت دنيا الغموض اذا ماعندج نقص حديد استخدمي زيت جنين لقمح تحت عيونج والشفايف قشريهم بسكر وزيت زيتون وشوفي خلطة انوله الشفايف وهم كانت منزله عن مرطب الشفايف او اشتري مرطب من الصيدليه يحتوي على شمع العسل اهم شي او فيتامين اي وانا نفسج عندي شفايفي تقشر كله من لقولون والمعده التعبانه الله يعين

يالبى قلبتس شذونه
نعي نقص حديد لكن قلييل
لكن المعده عندي دماااااااااااااااااار
رايحه فيها والله
ودايم تطلع لي مر بحلقي
كل شي اكله يصير طعمه مررر

 

[وردة سلفر]

ببرنامجي لويهي :

اولا : بشكل يومي ​

صابونتي المر والكركم .. باشرتها وضايفه عليها قفشة حليب بودر وقفشة عسل ونص غطا
زيت البابونج . (صارت احسن ماتنشف الويه)​

تونكاتي طبعا : ماي الورد ومغلي الخزامى والبابونج (احطه حاليا ببطل زجاج عشان تطول صلاحيته)
بالاضافة الى مكعبات ثلج ماي الورد بدم الغزال حق الصبح وقبل اي ميك اب .​

​

بعدين ادلك ويهي بزيت البابونج 5 دقايق وامسحه بماي ورد (اينننن يرطب بس مايدهن ويمنع البكتيريا)
وتصير بشرتي نفس البيبيي .​

​

مرات عالمزاج ادلك خدودي بزيت النعناع 5 دقايق
يوردهم ويعطيهم امتلاء ( حددها يازتلي الطريقه )​

​

ثانيا: اسبوعيا​

مرة كل اسبوعين اسوي بخار حق ويهي ..
عندي نفس هالجهاز بالضبط ​

​

احط بالماي شوية ورق نعناع وبابونج واغطي
راسي بفوطة واعرض ويهي للبخار 10 دقايق
لين يقوم ويهي يقطر ..​

ساعتها اخذ هذي الابرة الخاصة وانظف فيها مساماتي
من الدهون والروس السودة (بطريقة مسح من براس
الابرة المدور على البشرة) .​

​

وانظف ويهي بالمسحات الطبية بعدين اعرضها بعد 5 دقايق
للبخار واسوي سنفرة المشمش .
بعدين اغسل ويهي واحط ماسك طيني .​

هذي ماسكاتي الاسبوعية :​

​

عاليمين برواكتيف ماسك برو اكتيف للحبوب (عجيييييييييييييييب) يموت الحبة
بسرررعه وان حسيتي بعوار من داخل وللحين ماطلع للحبة راس
تحطينه عالمكان وتموت الحبة قبل لاتطلع عالبشرة .. اعشقه هالماسك .
طبعا مايي بروحه لازم مع مجموعته ينباع (سعرها ب 18) .​

الثاني احطه بعد البخار ينظف المسامات .​

والثالث مال ايفون على ليمون حييل حلو يصقل البشرة قبل الميك اب .​

وهذي مجموعة حبوب البشرة المفاجئة :​

​

مرهم فيسودين غني عن التعريف واحط منه مسحه قبل
النوم كل يوم قبل دورتي ب 5 ايام ، عشان ماتطلع لي حبوب ,
ولما تتحسس بشرتي من ليزر او سنفرة او اي شي .​

مال برو اكتيف قلتلكم عنه .​

والكحلي مال قيرلان اسميه كريم الطوارئ .. لانه عبارة عن كفر
لونه ناايس اغطي فيه الحبة وهو يعالجها بنفس الوقت وينشفها
ويقشرها شوي شوي لين برد لون البشرة .
احطه بالبيت وبالطلعه على الحبة .​

والاسبرين مع العسل وقت اللي تكون بشرتي تعبانه
ومو صافية (حبوب صغااار يم بعض) وبالغالب وقت
الدورة .​

** كل يومين طبعا لازم ماسك طبيعي : اما خلطة بودراتي +
قفشة روب .. او بياض بيض و3 لوزات مطحونين + عسل​

وخلطة بودراتي : (سدر ترمس حلبة حليب كركم خزامى بابونج
ونشا ) وحاطتهم بعلبة .​

 

[ريومه2011]

قوووووه بنات شلوونكم؟؟
ويه عاد الحين انا تشتت اكتب هني واكتب هناك!!!!!!!!!
بس اذا شفتوووني كاتبه عنااايتي بوجهي بيوميااتي مالت جسمي ماعليه طوفولي>>البنت نسااايه ههههههههههههههههههههه
المووهيييييييم
عنااايتي ببشرتي
بالليل اغسل وجهي بصابوونتي البيزلين

واخلط براااحة يدي كل من افالون واليكا واوزعه ع بشرتي ورقبتي.......

ووووو

واذا قعدت اغسل بنفس الصاابووونه

الهاالااات>>>كريم بووووندس للعيووون "بس مااحس بفاايده "

وسلااااااااممتكم
ريوووووووووووووووووووووووومه..............

 

[وردة سلفر]

ريومة شلون صابونة بيزلين معاج ؟

وعن نفسي كريم بوندز العيون ماتحملته احسه يكبر بشرة تحت العين
اصلا .. يوم احطه يبين الخطوط مع ان انا مافيني خطوط :| عاد خليته يولي

 

[بنت بني تميم]

الله يوفقكم بنات

الي تبي شيء للنضارة انصح بشي خفيف وبسيييط

حظي يوميا قبل النوم زيت اللوز او جنين القمح وسوي تليك خفييف لكل بشرتك وخصوصا منطقة الهالات واهم شيء في الظلام

واعتمي ماسك الزبادي والحلبة المطحونة وشوي موية ورد

استمرري بس وشوفي طبيعي وحلو باذن الله

مشكوووووووووووووووووووووورة ياقلبي الله يسعدك وين ماكنتي
عسى ايدينك ماتمسها النار قولي آمين :yaaaaaarb:
ان شاء الله بجربها من اليوم
الله يوفقك ويفرجها عليك من أوسع أبوابه ويرزقك من خيري الدنيا والآخرة ..

 

[بنت بني تميم]

خـــــــوش تجمــــع

بحــاول اتابعكم واقولكم عن تفاصيل عنايتي
بس لاتسجلوني لأني موملتزمة بدخولي المنتدى < مشغولة هالأيام
بحــاول اجرب جم خلطة واوافيكم بالنتائج ان شاءالله
طبعا : (خلطة انل فيتامين س) أول شـــــــــــي
(وخلطـــة الراعي للكتكــوت)
(وخلطة داهيـــــة للجسم والإيدين )
(وخلطات طبيعية للبشـــرة)
((وبس ناقصني خلطة للرموش وخلطة للشفايف ..؟؟؟))
وللشعر ملييييييييييت من كثــر الخلطات وكثرة الزيوت الحين مجربة بس
(زيت الصبار والخروع) ومرتاحة ولله الحمـــــد
ووو بــــــــــــــــــــــث
لـــــــــي عــــودة

موفقيــــــــــن​

سؤااااااااااال يطرح نفسه :
شنو خلطة داهية للجسم واليدين ؟
وخلطة انل هي نفسها اللي سوتها للأختها ؟
مشكوووووووووووورة مقدماً .

 

[shayto0oNa]

ورده سلفر ابي كريم مرطب ويكوون تفتيح مره وحده ؟؟؟ شرايج شنوو استخدم ؟؟


لان بتبع هالنظام

صابونة فير اند وايت بعدها بمرر ثلج ماي ورد على ويهي بعدين مرش ورد ومغلي البابونج
بعدين ابي مرطب


واسبوعيا ماسكات

والابره وجهاز بخار الويهه من وين ماخذتهم وبجم

 

[زهره الجوري]

سلام ياحلواااااات
عنايتي بوجهي
الهالات خلطه اخذتها من المنتدى هنا موذاكره اسمها يعطيها الف عافيه فتحت شوي ولي 9ايام ماشاء الله
الشفائف فازلين زيت اللوز المر مويه ورد دم الغزال جونااااااااااااااااااااااااااااان قبل النوم بنات رووووووج احمر تعرفون لو اقولكم تاتو ماتصدقون ثابت يوم كامل ومع الوقت يفتح لونهم لما اصحى اغسلهم يصيرون حمرا شفافي تهبل وبس احط مرطب بالفرراوله عشان يلمع بس
اما وجهي قناع طحينيه وزبادي والله يابنات وجهي ابيييييييييييييييض منور
اغسل وجهي الصباح باي صابون صراحه
وبعدها مكعبات ثلج مويه اومكعبات بابونج
واذا جف كريم النهار جونسون بس
وقبل النوم احط قناع الهالات وبعدها كريم انا خالطه زبده الشيا زيت زيتون زيت جنين القمح تقومين وجهك زبدددددددددده جونان يابنات
هاااااذي عنايتي بوجهي
على فكره والله يابنات اخواتي يقلون انتي غشاشه وجهك ابيض وجسمك مصفر ههههههههههههههه
واخوي يقول اعطيني خلطاتك هههههههههههه

 

[لسعة شوق]

اب اب اب
اب اب
اب​

 

[A.N.L]

وين باجي البنات ؟؟

 

[ريومه2011]

ريومة شلون صابونة بيزلين معاج ؟

وعن نفسي كريم بوندز العيون ماتحملته احسه يكبر بشرة تحت العين
اصلا .. يوم احطه يبين الخطوط مع ان انا مافيني خطوط :| عاد خليته يولي

هلا حياااتي والله الصاابونه حلوووه اهم شي ماتنشف الوجه
يعني ملمس بشرتج ناااعم
وغير جذي ماتحسس البشره منها يعني منااااسبه......

اي سؤااااااااااال انا بالشوووووفه.............:ggdw:

 

[Fashion]

هذا برنااامج عنااايتي بسيط وسهل بحكم درااستي
:eh_s(7)::eh_s(7)::eh_s(7)::eh_s(7):
المهم اول شي اغسل الفيس بصااابونيه حقة مزيونه وشقره انا مسويتها ​

بعدين امرر ثلجه سويتها بشاي الاخضررر تعطي نظااره عجييبه







بعدين احط الحمااايه <<<



وذا رديت من الدوام امسح ويهي بمناديل جونسن واغسل بعدها بصابونيه


واحط تونك عجيبب مسويته يشد الوييه ويخفف الحبوب

بابونج + مره







وادهن شفااايفي بدم الغزال + فازلين









ومره بالاسبوع اسوي سنفره للفيس بسنفره المشمش






واسوي ماااسك المفضلل صج عجيب حق الحبوب وانتم تعرف بعد فايده العسل للويهه؟؟







وبث وهني تكوون عناايتي خلصت <<<

 

[شذونه]

سلام عليكم وين البنات بالنسبه لاخت للي تسال شمعنا لووووووووووووول هاذي طول الله عمرج وحده ميته ضحك يعني هههههههههههه ..... اختي دنيا الغموض اكلي خبز اسمر سمعت انه ينضف المعده وانا الصبح على الريق اخذ ملعقه عسل مع نصف كاسة مويه دافيه لده شهرر بس انا اتكاااسل سويتها تقريبا اسبوع وبرد وتعطا صفاء الويه

 

[وردة سلفر]

ورده سلفر ابي كريم مرطب ويكوون تفتيح مره وحده ؟؟؟ شرايج شنوو استخدم ؟؟


لان بتبع هالنظام

صابونة فير اند وايت بعدها بمرر ثلج ماي ورد على ويهي بعدين مرش ورد ومغلي البابونج
بعدين ابي مرطب


واسبوعيا ماسكات

والابره وجهاز بخار الويهه من وين ماخذتهم وبجم

اولاي للتفتيح حلوو .. اخذي اللي فيه نسبة حماية

والابرة والجهاز من النسائم .. الجهاز ب 10 يمكن او 8 حتى
والابرة يمكن دينار على ما اذكر

 

[۞ ؏ﯥـون الﺤﺐُ ۞]

ناااايس خووش تجمع

goooo on

 

[(توته مربربه)]

والله الصراحه اليوم ماسويت شي عدل بوجهي
الصبح غسلته بصابونة الكركم وحطيت ماي المره على حبه عوده طالعه لي مادري ليش
الظهر ..حطيت مرطب جونسون وحطيت مكياج وطلعت
المغرب رديت تعبانه غسلته بصابونة الكركم وحطيت كريم اولاي
بنات انا بشوف عنايتكم بالوجه وبختار منكم ولا من انول الي يعجبني وبضيفه على جدولي وبرتب نفسي بكره ان شاء الله
سوري عالتاخير ولاتزعلون :eh_s(7):​

 

[Just w]

الجو أبدا مايساعد أهتم بس ضآمة المخده ونآيمه :eh_s(2):
ووه ياملآ الصلآح يا أنا =(

بحآول أبدأ الحين

بس بكره إن شآء الله بصور وأنزل لكم الجدول بتآع فيسي

:ggdw:




​

 

[Just w]

بآك << مآ أمدآك رحتي اصلا


شسمه بسألك وردة سلفر :$
تونيك منقوع موية الورد والبآبونج واللآفندر .. كيف طريقته ؟
بسويه بكره ومدري كم المقدآر والطريقة ..
وبعد موية الورد ودم الغزآل كم المقدآر ,
أخآف أحووس الدنيا فوق تحت

فديتس يابت



​

 

[ورود خذلتها العاصفه]

اب اب

 

[شذونه]

:eh_s(2)::eh_s(2):