أقول أنســــاه تمر ذكراه الكاتبة :_ رحلة ألم ... 29 جزء

[رضاب]

سعد: هه هههه لأن إلي شفتوه هااااااااااااااااااااااي
وكل ماسألتهم وحده من البنات جلسوا يضحكون
ساره: وبعدين معاكم ليش تتضحكون
فهد : لأن إلي شفتوه حمامه مش صقر
البنات :حمـــــــــــــــــــــــــامه

الحمامه كانت هي سبب دخول الصقرين لأنهم كانوا يلحقونها ومن قرادة الحظ مالقت تنخش إلا بخيمة البنات

&&&&&&
إنتهت الكشته والكل رجع بيته بعد هالأحداث الحلوه

و بدت الدراسه وهمها ومشاكلها والكل إنشغل فيها


وفي أحد الأيام فبيت فهد

الساعه 5:30 المغرب
توني صاحي من النوم ....... على أذان المغرب

توضيت ولبس ثيابي وطلعت رايح المسجد
بعد ماصليت رجعت البيت أبي آخذ مفتاح سيارتي مع كم شغلة
وبرجع أطلع مواعد زيد أمر عليه ونروح نحضر مبارات المنتخب مع.......
أم فهد : فهد يبه بغيتك شوي
فهد : خير يمه
أم فهد : الخير بوجهك يبه تعال
فهد: تامرين آمر ياالغاليه وهذي جلسه ... تكلمي
أم فهد: فهد يالدي ألحين أنت رجال ماشاءالله عليك وماعليك قصوركلها شهر ولا إثنين وتتخرج وتمسك أشغال أبوك

فهد: يمه وشعندك ...
أم فهد : بصراحه ياولدي انا أبي أخطبلك
فهد: ....................
أم فهد: يابوك إحنا كبرنا وإنت ولدنا الوحيد من بعد خواتك وخاطرنا نشوفك مرتاح ومستانس بحياتك
فهد: بس انا ماأبي أتزوج الحين توني مابعد أكون نفسي والزواج مسؤليه أنا مش قدها ألحين
أم فهد : الزواج بهاالوقت أحسنلك وإنت رجال وإذا على المسؤليه إنت قدها
وبعدين إلي أنا أبيها لك إنت تعرفها وميب غريبه عليك
فهد: يعني إنتي مختاره وخالصه وجالسه تعطيني الخبر
أم فهد: لا ... أنا معطيتك الحريه إذا تبي تختارها على مزاجك وإذا تبي رايي وشوري ترا البنت إلي أبيها لك هي سمر بنت عمك
منك وفيك وإنت تعرفها وتعرف أخلاقها وتربيتها
فهد: بس أنا........
أم فهد: شوف يبه أنا ماتعودت لاأنا ولاأبوك نغصبك على شيء إنت فكر وخذ الوقت إلي تبيه باالتفكير وبعدين قولي وش إلي إنت تبيه
فهد: على خيــــــــــر إنشاءالله
طلعت من البيت وأنا خلقي ضايق مريت على زيد وختها وحضرنا المباراه إلي إنتهت بفوز المنتخب 3/0 وبعدين رحنا للكورنيش
وهناك على شط البحر
زيد: فهيدان شفيك حالك ماعجبني من أول مامريتني البيت
فهد: تعبان يازيود تعبان
زيد: وش فيك وأنا أخوك
فهد: الوالده
زيد: وشفيها عسى ماشر
فهد: تبيني أتزوج
زيد: لا.. ألف مبروك ياراجل وأخيرآ هتتجوز وإتخوش الأقفص >>باالمصري
فهد: والله إنك رايق
زيد: طيب وإنت وش إلي مضايقك تراها ماقالتلك إلا تزوج
فهد: وانا ماأبي أتزوج
زيد بهبال: ليه بخاطرك تصير عانس
فهد: عانس بوجهك ياالخبل
زيد: وشفيك عصبت علي ترا كلمة عانس تنقال للرجال والمره ..
فهد: صحيح تصدق توني أسمع هاالمعلوه المفيده
زيد: آفا عليك أنا باالخدمه ....بصراحه حتى أنا بديت أخاف على نفسي يفوتني القيطار وأصير عانس مثلك
فهد: لا ومن هالمقروده إلي بتاخذك
زيد: المقروده مرتك ياالجحش
فهد:تخسي ياالشاذي .... وقاموا يتهاوشون ويتلاحقون زي البزران >>>معذورين حالة طفوله متأخره

بعدها بكم يوم

بمكان ثاني ببيت الريم

كنت جالسه أرتب غرفتي وأعدلها لما دخلت علي جدتي
أم محمد: الريم يمه تعالي هني شوي أبيش فموضوع
الريم : سمي يمه شبغيتي
أم محمد: يمه اليوم جدتش لأبوش كلمتني
الريم: جدتي شعندها
أم محمد: تقول إنهم يبونش لأحمد ولد عمش
الريم : لاء
أم محمد: ليش يمه ... هذا ولد عمش وحسب ماأنا سمعت إنه رجال سنع حرام تضيعينه من إيدينش
الريم: يمه انا ماأفكر باالزواج ألحين أنا بكمل دراستي
أم محمد : عادي تزوجي وكملي دراستش بنفس الوقت محد بيمنعش ولا إنتي أول ولا آخر وحده يصيرلها هاالشيء​

 

[رضاب]

شوفي فلانه نت فلان ماشاءالله عندها 3 وهذي مرتاحه لا وبآخرسنه كليه
الريم : ماأبي ماأبي
أم محمد : يايمه فكري زين وإستخير ربش .... وأبيش تفهمين شيء واحد
إن هاالموضوع صعب ... وتراش إذا رفضتي أحمد بتكون هذي السالفه بداية المشاكل
الريم: أي مشاكل
أم محمد: يايمه أنا ماأبي أضيق خلقش أو أغصبش على هاالزواج بس أنا خايفه عليش إذا أهلش دروا إنش رافضه ولدهم ياخونش عندهم ومايخلونا نشوفش إلا باالسنه حسنه
الريم: مايقدرون هذي حياتي وأنا حره فيها
أم محمد : يابنتي هذولا أهلش ويقدرون لو يبون ألحين ياخذونش ومحد بيقدر يقولهم لاء
الريم: والحل يمه الحل
أم محمد: شوفي يمه انا بحاول أئجل باالموضوع بتعذرلهم باالدرسه والإختبارات وإني ماقدرت أقولش لأنش مشغوله بها وبقولهم يأخرون هاالموضوع شهرين ثلاثه أبيش تفكرين فيهم زين والله يعين ويقدم إلي فيه الخير
الريم : آميـــــــــن يمه آميــــــــــن


وبدت الإختبارات وكان هااليوم آخر يوم فيها
الساعه الـ11 مساء

ساره كانت على وشك إنها تنام لأن اليوم كان آخر يوم إختبارات لها
كانت تعبانه ومرهقه من التفكير .... كان باقي على زواجها شهر ونص
وهي بعدها ماجهزت شيء

( أمممممم ... محتاره .ماأدري شسوي الفستان وطلبته من لبنان تصميم زهير مراد .. والمسكه وطلبتها من محل فلاورز بشارع الحمرا ...وأنا بسافر لبنان بعد كم يوم عشان أشوف وأكمل إلي ناقصني...
ياالله فيه شيء غريب كاتم على صدري... تعوذت من الشيطان وقريت المعوذات... وقمت أشغل نفسي بتفكيري بجهازي..
حاولت أنام وأخيرآ نمت والتخطيطات تحوس براسي)

اليوم الثاني
الساعه الـ9 صباحآ

صحيت من النوم قمه فاالروقان لو أحد يطلب عيوني بذي اللحظات كان عطيته وبدون مقابل ..... بعد ماتغسلت وتوضيت وصليت الفجر
طلعت من غرفتي ونزلت للدور الأرضي
وأنا أنزل الدرج كنت أسمع صيحات مكتومه ... وهمهمات غريبه ... إنقبض قلبي ..حسيت إن فيه شيء كبير صاير..
يارب سترك ... ماأبي أعرف ( قمت أرجع على ورا الدرجه بثنتين)
إلا بأمي توها ترقى الدرج .... يوم شفت هيئة أمي كان التعب والحزن ساكن كل خطوه من خطواتها كأنها شايله هم كبير ماتدري وين ترميه
إلتقت عيني بعيونها ..
إنفجعت بسيول من الدموع أشوفها قدامي .. ماعاد قدرت أتحرك جلست على الدرج مثل السجينه إلي تنتظر حكم الإعدام
وأنا أجر الحروف من لساني جر:
يمه وشفيكم شصاير
}الأم ماقدرت تتصرف إلا بطبيعة الأمومه وهي حماية عيالها{

لوت عليها بأقوى ماعندها وهي تصيح الألم من جور الأيام

إنتهى الجزء
الجزء العشرين

بيت الريم

الكـل كان بالصاله ماعدا الريم ( الجده أم محمد ,, ام الريم , خالتها , وحمود وحمد خوالها)

سوالف وضحك وغشمره وفجأه
إنسمعت صرخة وحيده من غرفت الريم
أم الريم بخوف : يمـــــــــــه بنتي
أم محمد : قوموا نشوف شفيها البنيه
راحوا لغرفة الريم وفتحت امها الباب
كانت جالسه على الأرض تصيح والتلفون طايح علأرض جنبها
أم الريم جلست علأرض وضمت بنتهاهي تصيح : يمـــــــه الريم بسمله عليج ... شفيتج حبيبتي ...
الريم :........ ( وشهقاتها كلما لها تزيد)
أم محمد : يمه قومي من على الأرض
الريم : ..............
أم الريم: شفيتج يايمه ردي علي خوفتيني .... إنزين قومي... ماتقدرين تقومين
الريم إكتفت بإنها تهز راسها
أم محمد : يارب سترك .. إعنبوا داركم ماتشوفون البنت طايحه شيلوها
(حمود وحمد صايرين مثـل الأطرش بالزفه ... منصدمين بشوفة الريم بهاالحاله )
فزعوا خوالها وشالوها وإسدحوها على السرير
حمد: رويـــــم شفيتس ..... أحد مزعلتس
حمود: علميني إنتي بس من يقدر يزعلتس وخوالتس موجوديـــــن هاه
الريم : ...........
أم محمد: لاحول ولاقوة إلا باالله ..... يايمه ياالريم علمينا شصاير
أحد من أهلج صايرله شيء
الريم تهز راسها بمعنى لا
أم الريم ( تعرف غلا الريم لصديقاتها وإنهم مثل الخوات: وحده من خواتج صايرلها شيء
الريم بعد ماهدت شوي: ســـــــــاره يمه ساره ....... وااااااااااااااااااااع إهئ (رجعت لنوبة الصياح)إهئ
أم محمد: يايمــــــه إهدي شوي خلينا نفهم السالفه
أم الريم : شفيها ساره عسى إمها ماصار فيها شيء
الريم : لاء أمها ما ..مافيها شيء...​

 

[رضاب]

حمود وهو طفشان بخاطره أكيد متهاوشين والله هالبنات عليهم سوالف: إنزين علمينا شصار ماعادت سالفه ذي
الريم : ولد عمها عطاكم عمره
الكل: إنا لله وإنا إليه راجعون
حمد بشك: طيب إذا كان هو ولد عمها إنتي وشلج تصيحين
أم الريم : لايكون إلي مالك عليها
الريم : إيه هو
حمود: لاحول ولاقوة إلا بالله ..
حمد : من هو من عيالهم
الريم : سعد بن .....
حمود: إيـــــــــــــــــــــــــــــه عرفته الله يرحمه كان رجال والنعم
حمد : إحنا لازم نروح نعزيهم يستاهلون من يوجبهم إلا هو متى توفى
الريم : اليوم الصبح

*****




اليوم ثالث يوم من أيام العزا

حالتها نفس ماهي من شدة الصدمه فقدت القدره على الكلام حتى الدموع جفت ماعاد باقي لها غير الآثار

كل شيء صار فجأه مثل الحلم أو ومضة خيال

(( طلعت من غرفتها ونزلت للدور الأرضي وهي نزل على الدرج كانت تسمع صيحات وصرخات مكتومه ... إنقبض قلبها ...
حست بأنه فيه شيء كبير صاير .. يارب سترك... أبي أعرف ..>>>قامت ترجع الدرجه بثنتين
إلا أمها توها ترقى الدرج... حست بالدهشه من هيئة أمها .. التعب والحزن ساكن بكل خطوه من خطواتها كأنها شايله هم كبير ماتدري وين ترميه...
إلتقت عيونها بعيون أمها ...
ماعاد قدرت تتحرك جلست على الدرج مثل السجينه إلي تنتظر حكم الإعدام...

يمه وش صاير >>> صرخه ضاعت بالهوا
وكل إلي قدرت عليه الأم إنها تلوي عليها ... بأقوى ماعندها

الكل حاول معها كانوا طوال الأيام الثلاث يتمنون لو يسمعون صوتها لو مره بالغلط ...الكل كان حولها يساندها باالفاجعه إلي صارت وفاة
سعـــــــــــــــــــــــــــد

موته ماكان بحادث أو مرض لاء ... كانت سكته قلبيه .. موته طبيعيه 100 %100
الكل إنفجع ... الكل إنصدم ...
شاب توه فبداية حياته لكن إرادة الله وقدرته فوق كل شيءإنـا للـــــــــه وإنـا إليــــــــــه راجعون


بعدها بثلاث شهور

أيام حلوه كانت أيام حبك كنت في روحي تسري كنت بجنون أحبك
قاسي القلب لكن كان قلبي بقلبك
وين موعد جمعنا .. وين ذاك المكان ..
ضحكنا الي ضحكنا والوله والحنان
تقلب الكون كله لوتأخرت خطوه
ضعت مني في ثواني.... والله دنيا
ماتسوى

كاالعاده حابسه نفسي بغرفتي أعيش مابين ذكرياتي الحزينه وبين الإحساس باالذنب

طق طق طق
إنفتح الباب ودخلت علي


مشاعـل : هاه شخبارها الحلوه اليوم
ساره :.........
مشاعل: ياساره ياحبيبتي مايصير إلي تسوينه غلط
إنتي مؤمنه وعارفه إن الموت والحياه بيد الله سبحانه
ساره بصوت حزيـن وتعبان: سبحانه
مشاعل : سعد الله يرحمه ويسكنه الجنه .. هذي كتبت ربه له
ومافي بها الدنيا إنسان بيعرف متى مماته هذا بعلم الغيب
وإنتي لازم تكملين حياتج
ساره : ...........
مشاعل بإبتسامه حنونه: طيب بروح شوي وبرجع ترى اليوم بيجونا ضيوف عزيزين وغالين


ساره بصوت واطي: ميـــــــــــــــــــــــــــــــن
مشاعل وهي تغمز بعينها قبل ماتطلع من الغرفه: ماأدري
بعدها بربع ساعه
فتحت مشاعل الباب: سارونتي عدي من العشره إلى الصفر تنازلي وإنتي مغمضه عيونك
ساره: ليه
مشاعل:بدون ليه يلا بسرعه خلصيني عدي
ساره: إنتي شكلك رايقه وانا مالي خلق
مشاعل: سويروه يلا عدي
ساره: طيب ...........​

 

[رضاب]

10......9.....8.......7.......6.......5....4......3....2
إنفتح الباب علأخير وإدخلوا أغلى الناس
أول ماشافتهم صرخت وركضتلهم....
ضموا بعض ...من متى ماتلاقوا ...آخر مره كانت أيام العزا

(الريم & ندى & مشاعل )
}ندى كانت مسافره لديرتهم كان لها تقريبآ أكثر من سبع سنين ماراحتلها ولا تحب حتى طاريها بسبب إلي صارلها هناك. ورجعت قبل يومين...الريم كانت مع خوالها رايحين مكه والمدينه وتوهم يرجعون امس....
ومشاعل كان لها يومين جايه من قطر{

ساره والدمع حاير بعيونها: وحشتوني وحشتوني حيـــــــــــــل
ندى : وإنتي أكثر ياعمري .... أخبارك وأخبار دنياك
مشاعل: هاه شرايك بالمفاجأه الحلوه هذي
ساره: تجنن ماتتخيلون شكثر كنت محتاجه لوجودكم جنبي
الريم:وهذا إحنا عندك وحواليك
مشاعل: شوفي سارونه إحنا جيناك كلنا اليوم عشان نطلعك من هاالحزن والهم إلي عايشه فيه
ساره:.........
الريم: شفيك ...ليه الحزن صار طاغي بحياتك ...الدنيا ماتنتهي بوفاة شخص .... وين ساره البشوشه المتفائله إلي كانت بالنسبه لنا رمز للأمل
ندى: شوفي ساره إحنا عارفين إنه فيه شيء ثاني غير وفاة سعد مأزمك ...... ندري إنك حزنتي وزعلتي على موته ...... لكن فيه شيء ثاني ...
وعلى فكره لاتحاولين تنكرين الكلام كله موجود نقراه بعيونك

مشاعل: إنطقي تكلمي قولي كل إلي بخاطرك
الريم : سارونتي ...... لاتصيحين مانتحمل نشوف دموعج تراها غاليه
ساره ( والدموع بدت ترسم طريقها):
شقولكم أقولكم إن إحساسي بالذنب يقطع عظامي وباإني إنسانه خاينه ماكانت تستاهل حب سعد ولا حتى إنها تشيل إسمه
مشاعل: شهاالكلام ساروووووووه شتقصدين

ساره: أنا ماكنت احبه ......حاولت وحاولت ولكن ماقدرت دايم كان إحساسي بأنه مش نصيبي قدام عيوني ... كان بالنسبه لي ولد عمي وبس
حبني انا متأكده إنه كان يحبني لكن إحساسه ماوصلني مادخل قلبي
أعزه إيه كنت أعزه احبه وأغليه بس كإخو وولد عم وكنت اتأمل إني أقدر أحبه كزوج بعد الزواج لأني بكون قريبه منه اكثر ........

وبلحظة تهور لقيت نفسي أفكر واميل بأفكاري لإنسان ثاني ... كيف ومتى وشلون تغلغل بعقلي وقلبي ماأدري ... بس إلي أعرفه إنه بمكالمتين منه
هزني إلا زلزلني ... إنصدمت انا ساره البارده العاقله إلي ماكانت تعترف بهالأحاسيس والمشاعر وإنها ماتجي إلا بعد الزواج شلون ...شلون قدر يوصلي بمكالمتين وكم مسج بس.....

إتحطمت كنت احس إني إنسانه هوائيه من كم كلمه تلقت وحبت
كنت أشوف سعد وتصرفاته معاي وأحس بالذنب أكثر وأكثر
وباالنهايه قررت وصممت امحي هالإنسان وأنسه وأحول هالأحاسيس والمشاعر الحلوه لسعد لأنه هو زوجي وهو الوحيد إلي يستحقها ويستاهلها
كنت أقرب منه وأدخل نفسي بحياته بكل صغيره وكبيره .... أحاول قد ماأقدر أشغل نفسي فيه عشان ماأفكربغيره ...

تعبت وتعبت حيـــــــــل كنت ماأحاول أكبت أحاسيسي وبس لاء كنت أحاول أحولها من صاحبها لشخص ثاني يستحقها أكثر منه
وفعلآ بديت أنسى ويمكن إلي عطاني دافع أكبر وإصرار أكثر خبر خطوبته وزواجه القريب
وآآآآآآآآآآآآآآآآآآآآآآآآآآآآآآآه لما قدرت راح كل شيء
راح سعد وخلاني .... راح سعد وتركني مع إحساسي بالذنب والخيانه
وبدت تصيح بصوت مسموع والبنات عيونهم معلقه فيها وهي مليانه دموع

هدووووووووووووووووووووووووووووووووووء

لثواني............. لدقايق بعدها

ندى: إحساسك بالذنب والخيانه غلط هذا الشيطان يوسوسلك إن إلي كنتي تسوينه غلط .......لا إنتي كنتي صح ... إنتي ماعطيتي (.....) أي أمل أو دافع أو حتى سمحتيله بإنه يقرب منك ..هالشيء صار غصب عنك وبدون علمك ... اما أحاسيسك وحبك له شيء مش بيدك ...هذا مقدر ومكتوبلك إنك تحبينه ...بالعكس إنت كبرتي بعيني لأنك حاربتي إحساسك بالحب له لأنك عارفه إن سعد هو صاحب الحق فيه لأنه زوجك وبعدهذا تقولينلي خنتيه إنتي ماخنتيه إنتي صنتيه وصنتي إسمه
ساره : بس أنا
مشاعل: إنتي إيش كلمتي (......) أو حتى رديتيله بمسج او حتى عرفتيه او علمتيه بالي بقلبك له .... ياعمري هو حتى مايدري إنك تحبينه لأنك ماحسستيه وكنتي رافضه إن مشاعرك تتحكم فيك
الريم: ساره ياقلبي عمر الإنسان مايقدر يتحكم بمشاعره وأحاسيسه ويحاول يوجهها ويسيرها ... الله سبحانه هو الوحيد العالم فيها وإلي يحكمها ويسيرها تحت امره

ساره : بس انا حبيته وهو بعيد عني وماأعرف عنه إلا القليل وسعد إلي كان زوجي ومن أقرب الناس لي ماقدرت حتى احس يمه بشيء
ندى وبدت العصبيه تفور منها: يابنت الناس قلنالك هالشيء مو بيدك هالشيء إنكتب عليك من كنتي ببطن امك....وبعدين تعالي مش كل قريب ينحب إنتي ووجهك

مشاعل: صح كلم ندى ...بس تدرين فيه شيء محيرني.. هو شلون تجرأ وكلمك وإنتي بذمة رجال غيره لا ومش مره ثنتين رغم إلي أعرفه عنه إنه رجال سنع والنعم فيه ومش راعي هالحركات غير كذا إنتي مافي يوم عطيتيه أي أمل بالعكس إنتي مابديتي تحبينه وتتعلقين فيه إلا بعديـــــــــــن

ساره: وهذا إلي مجنني شلون تجرأ وقدر يوصلني​

 

[رضاب]

ندى: والله المثل يقول ياما تحت السواهي دواهي

الريم: حرام علكم لا تظلمونه كل إنسان تمر عليه لحظات يتصرف فيها بقلبه وينسى إن له عقل ممكن يمنعه إنه يغلط ويسويه حتى لو كان من احكم الحكماء......... مافيه إنسان بهاالكون يقدر يوقف بوجه قلبه لا دق ونبض لإنسان ثاني ويقوله لا لاتخليني أحبه انا ماأبيه .... الحب شيء غريب أنواع وأشكال .... طرق ومتاهات.... حزن وفرح ...شوق وجفا ....عالم كبيــــر
وعجيــــــــــــــب

مشاعل: أقول غيروا هالمواضيع يلا خلونا نسولف ونستانس من زمان ماجلسنا مثل هالجلسه الحلوه
ندى: إي والله إنك صادقه
مشاعل: عجل يلا فرحوني وقولولي إنشاءالله وحده فيكم إنخطبت بسرعه وباالتفصيل
الريم وهي تضحك: أنــــــــــــــــــــــــــــــا
ندى بعبط: قولي والله
الريم وهي تأشر بيدها وتسوي حركات تموت من الضحك: حبج ماجد عبدالله وعطاج ريال وقالج يلآ
ندى : إنشاءالله إنتي مش أنا

ساره والإبتسامه بدت تنرسم على شفاتها: ههههه ماتغيرتوا لحد ألحين على هالمناقر بسكم عاد ترى كبرتوا >>>> تسوي نفسها جديه
ندى : تكفين عاد ياجدتي العجوز ترى حدك إخوي أبو عذاب
( ندى من إنطقت بهاالإسم الكل فقع ضحك حتى ساره وكانت هذي أول مره تضحك فيها من بعد وفاة سعد يمكن لأنها إتذكرت ايام الدوام فالكليه وخبال الشلة وجمعتهم ..صدق أيـــــــــام حلوه ماتنشرى بكنوز كل الأرض)


صوت الضحكات وترددها بأنحاء الغرفه قشع غيوم الحزن إلي انت متكتله بكل زاويه من زواياها وبدت ترسم خط جديد من أيام المستقبل القادم بفرح


بعدها بأكثر من ساعه كل وحد راحت لبيتها ومشاعل راحت لبيت جدي
( هم لاجاو من قطر يسكنون بشقه لهم فبيت جدي)
وبقيت انا لحالي .... أتذكر كلام ندى والريم ومشاعل

الريم: وين وين ساره المؤمنه والواثقه والعارفه بقضاء الله وقدره...
إنج تلفين نفسج بسواد الحزن وتخلين غيومه تطوف حولج بايج هذا الحل
سعد خلاص الله إختاره وخذاه والموت حق وكل نفس بتذوقه ...
ولوكان الحزن والدمع بترجع أحد كان ناس كثار رجعوا كان ماشفتي بهاالدنيا شيء....

هذي حكمه من رب العالمين إنه يخلقنا من نطفه فبطون إمهاتناوباالنهايه يحتضنا تراب عشان ناخذالعضه والعبره من الموت ونفكر بآخرتنا
وبالي إنتي تسوينه وتسمحين للشيطان يوسوسلج فيه وتسمعين كلامه تعصين الله سبحانه (( إن الله على المؤمنين رؤف رحيم))
إنسي إلي صار وإبدي عيشي حياتج من جديد .... شوفي ندى على كل إلي صارلها ماإستسلمت مثلج وربي عوضها عن صبرها بخير

}الريم تقصد الفحوصات إلي سوتها ندى وإلي أثبتت إن ندى لاتزال بنت {
ندى: نسيتي كلمك لي بإن الحياه حلوه وماتسوى نهتم فيها بذرة حزن لأنها مش مهمه الأهم الآخره .... وإحنا بنعيش هالدنيا بحلوها ومرها لين مايكتب لنا نفارقها
مشاعل: إحنا نبي ساره القديمه ترجعلنا وهي تقول الحمدلله على كل حال وتعيش حياتها من جديد


رحت للتسريحه وجلست اتأمل ملامحي بالمرايه
ملامحي إلي سكنها الحزن وإلي برمجت عليه حياتي من توفى سعد


ياالله غيوم الحزن مغطيه كل شيء حلو بعيوني ....لكن لاء
انا ساره ....... ساره القويه وعمري ماأنكسر ممكن أحس بالضعف لكن ماأنكسر .... مافيه إنسان كامل بهالدنيا
آآآآآ ه خلاص أنا راجعه أعيش وأحيا بدنيتي بالطول والعرض هذا قضاء ربي علي ولا راد لقضائه شيء
الله يرحمك ياسعد ويغفرلك ويوسع قبرك ويخلي القرآن نوره ويسكنك بفسيح جناته .....

سامحني لأني ماقدرت أحبك...........

سامحني لأني ماحسيت فيك..........

سامحني لأني خدعت نفسي ورضيت بك.........

سامحني لأني فكرت بغيرك ....... غصب عني وعنك....... الحب ماكان
بيدي ويدك.......

ولا بشوري أو شورك........ هذا قدر مكتوب عني وعنك........

سامحني لأني برجع اعيش دنيتي بدونك...........
بدنيا ثانيه ساهي ولا هي بأفكاره

غلاك بداخل عروقي ولايوصل غلاك إنسان
يمر الوقت ويثبتلك غلاك إن الله أحياني
ياوحشة عمري لعيونك تنام إنت وانا سهران
وأنا وجروحك بقلبي تجي واحد ورا الثاني

آآآآآآآآآآآآآآآآآآآآآآه ><<<< ياكثرالآهات
شخبارها ..... أكيد تعبانه إلي صارلها مش شوي ....
خاطري أعرف عنها و عن اخبارها بس شلون ...... مافيه غيرها مالي إلا هي​

 

[رضاب]

عهـــــــــــــــــــــــــــــــــــــــــــود

أول ماوصل لبلب غرفتها وقف محتار ومتردد
شلـون أقدر أوصل لأخبار ساره من عهود بدون لاتشك .... عهود ذكيه وماراح تمشي عليها اي كذبه...........مالي إلا أدخلها عن طريق إني أسئلها عن أحوال أهلها وبعدين أسئل عن ساره من باب الفضول والعلم بالشيء

طق طق

عهود: تفضل خالي الباب مفتوح
فهد: بسملله يالساحره شلون عرفتي إنه انا إلي ورا الباب
عهود: لأنه مافيه احد بيكون صاحي بها الوقت غيري أنا وياك
فهد: هذي عاد غلبتيني فيها ....

عهود: هاه شعندك مسير علي بهاالوقت مش من عادتك
فهد: أبد بس كنت طفشان شوي ومافيني نوم قلت أجي أسولف معك شوي
عهود: بس كذا ماطلبت آمر تدلل كلي آذان صاغيه
فهد: أموت ياللغه انا أشهد إن التخصص يلعب دور
عهود: طبعآ عجل طالبه بقسم اللغة العربيه ولا أتحدث بها وبمفرداتها الجميله والمؤثره

فهد: بصراحه يعذبني التأثير ........ إلا شخبار أهلك من بعد المرحوم سعد
عهود وهي تقلده: إلا شخبار اهللك من بعد المرحوم ...
الحمدلله والشكر ماكنهم أهلك انت بعد ولا نسيت إنهم خوالك
فهد: حشى عليك من بنت أدري إنهم خوالي وعلى الراس والعين ... وأنا سألتك عنهم وعن أخبارهم
عهود: الحمدلله إنشاءالله أحسن هذا قضاءالله وقدره وهم راضين بحكم الله
فهد: سبحانه .. وأمه شحوالها مسكينه ايام العزا سمعت إنها كانت تعبانه
عهود: هذي مسكينه على حالها كاتمه الحزن وصابره محتسبه أجرها عند الله وألحين بتسوي بإسم ولدها وقف للأيتام وعمامي بيبنونله مسجد
فهد: الله يجزاها الخير وياهم إنشاءالله ويغفرله ويسكنه فسيح جناته
عهود: آميــــــــــــــــــــــن
فهد : طيب وبنت عمك إلي كان مملك عليها
عهود: هاذي عاد عالم ثاني
فهد بخوف: ليــــــــــــــه

عهود: آآآآآآآه ساره تغيرت ماعادت ساره إلي نعرفها صارت ماتعرف إلا الحزن والدموع نادر ماتتكلم أو تطلع من غرفتها ... حتى الإبتسامه إلي كانت ماتفارقها إختفت وصار بدالها العبوس والإكتئاب
تدري إن إحنا ماعاد نحب ندخل عليها الغرفة .... مانقدر نتحمل هيئتها
الكئيبه من نشوفها نحس بالغصه ... حاولنا قد مانقدر إنطلعها من الحاله إلي هي فيها وماقدرنا ....

فهد وهو مصدوم: بس المفروض إنكم ماتتخلون عنها كان لازم عليكم توقفون بجنبها ماتتركونها وحيده

عهود : ساره رافضه رافضه كل مساعده أو حتى تدخل بإختصار ساره
ساره خلاص صارت جسد من غير روح

ساره خلاص صارت جسد من غير روح

ساره خلاص صارت جسد من غير روح

ساره خلاص صارت جسد من غير روح

ساره خلاص صارت جسد من غير روح

طلع من غرفتة عهود وتوجه لغرفته وهو حزيــــــــــــــــــــن ومهموم
حاول ينام وكلام عهود يرن بإذنه وبعد محاولات صعبه رضى سلطان النوم يرحمه أخيرآ ويزوره وآخر أفكاره كانت

لهالدرجه كنتي تحبينه .... وماتتحميلين أحد يقولك إنسيه

اليوم الثاني

صحى من النوم تعبان وكل ضيقة الكون فيـــــــــــــــه

أوووووووووووووووف وراي دوام وأنا احس إني تعبان ومالي خلق
برسل لزيود ياخذلي إجازه....مسك تلفوه وارسل لزيد مسج
< صباح الخير احس نفسي تعبان اليوم شكلها بداية إنفلوانزا ماراح أداوم خذلي إجازه وأشوفك المساء كالعاده
يوم دوام سعيد يالدب>

( طبعآ فهد وزيد تخرجوا من الجامعه <<أخيرآ
ويشتغلون سوا بشركة أرامكــــــــو)

ثواني ويوصله الرد
< صباح النور
أبرك الساعات بفتك منك ومن إزعاجك وبخلص هالشغل إلي عندي وانا مرتاح من هذرتك علي الثور نومآ سعيدآ
سلامات>

هههههه مايخلي لازم يتحركش فيني ..... قمت وغسلت وجهي
لبست ثيابي وطلعت من غرفتي ونزلت للدور الأرضي

لقيت أمي وإختي ام عهود​

 

[رضاب]

فهد: صباح لخير
أم فهد وإخته: صباح النور
فهد: سوما يا سوما جيبيلي لفطور <<< ينادي على الخدامه
أم فهد: فهيد ماكنك تأخرت على دوامك
فهد: مانيب مداوم الوم ماخذ إجازه
أم عهود: ليش شفيك
فهد: أبد بس حسيت بشوية تعب شكلها بداية إنفلونزا
أم فهد: تستاهل من هالمكيف إلي ماتنام إلا وهالغرفه مثل الثلج

جابت سوما الفطور لفهد وجلس يفطر

أم فهد: زين إن اليوم عندك إجازه نبي نودي المهر لبيت عمك اليوم
فهد: مهر أي مهــــــــر؟؟؟؟
ام فهد: مهر سمر بنت عمك وشفيك نسيت إنك خاطبها ....

سمر شلون نسيت ...إن امي خطبتها لي ..... يالله وش السواة هالحين
بعد مارجعلي الأمل بيضيع مني
انا لازم أتصرف .... وانهي هالسالفه بأسرع وقت انا ماأبي سمر وعمري مابغيتها زوجه لي ....... بس
أبوي وعمي

أم فهد: فهد فهــــــــد وين رحت
أم عهود بضحك: تلقينه يفكر بالعرس والعروس
فهد: أي عرس وأي عروس الله يهداك
أم فهد : وليش تقولها بدون نفس
فهد: يمــــــه أنا ماأبي اتزوج
أم فهد بعصبيه: وشتقول أنت صاحي ألحين تقول هالكلام بعد ماخطبنا البنت و جهزنا كل شيء
فهد: يمه أنا قايلك من قبل إني ماأبي أتزوج ألحين
أم فهدوهي شوي مرتاحه: بس إحنا إتفقنا نخطبلك وتملك على البنت وبعد كم شهر الزواج لاتخاف مش ألحين
فهد: يمه لا ألحين ولا بعدين أنا سمر
ماأبيهــــــــــــــــــــــــــــــــا

وطلع من البيت وهو متنرفز وزعلان
وجلس يحوس ويحوط بهالشوارع ولقى نفسه قدام بيتها
آآآآآآآآآآآآه وش الحل جاوبيني
أبي أعرف جوابك والله لوماكان هالشيء حرام كان ألحين لقيتيني
عند أبوك طالب يدك
مالي إلا أصبر كلها شهر

بس أمي أنا أعرفها بتجلس تحن وتزن فوق راسي وأنا ماأبي أزعلها وبنفس الوقت ماأبي أورط نفسي بهاالزواج

ليــــــه ياساره .... ليــــــــــه سمحتي لنفسك تكونين لغيري

الحقيقه غير حبك مانبي
والحقيقه بالحلا فقت الخيال
أشهد إن الوصف فيك إحتاربي
كامل وللــه ياعمري الكمال
بك غرامي ياغرامي هامبي
لوتظيمه بالجفا لعينك حلال
فدوتك لوتضيق الدار بي
ولوظلمت الظلم من يدك عدال
تامر وتنهي وتشرط ماتبي
حاضر وحاضر لومابه مجال
يابعد من حبني ثم خانبي
وخلا ذاك الليل من غدره ليال

إنتهى الجزء
الجزء الواحد والعشرون

الساعه الـ 9:30 صباحآ
يوم الأربعاء
بيت ساره

صحيت من النوم والتفكير شاغلني آآآه من يومين كان آخر يوم لي بالعده وخلاص إنقضى وألحين أقدر أرجع أكمل حياتي ....
والدراسه لها إسبوع من بدت وأنا ألحين بآخر سنه ولازم أشد حيلي وأغير كل شيء بحياتي .... طبعآ مش كل شيء يعني إني أنسى إلي مر وراح لا ... كل شيء يعني إني أتذكر التجربه إلي مريت فيها وأعتبرها منعطف مهم لي بها الحياة خذت منه الإصرار على العيش بها الدنيا وتحيق أحلامي وطموحي .....السنه هذي راح تكون الأهم بحياتي وانا لازم انجح فيها وآخذ اعلى الدرجات والمراكز .... دايم كان حلمي إني أتخرج وأقدم بعدها على الماجستير ويمكن بعدها على الدكتوراه .... دائمآ كانت كم كلمه هي نبراسي بالحياه وهي ... إن الله سبحانه وتعالى خلقنا عشان مانعبد إلا هو سبحانه لاإله إلا هو وهو رب العرش العظيم ....وعشان يكون لنا بصمه ودور ببناء المجتمع ونشر أساسيات الدين بها الكون وتطبيقها.....
السنه راح تكون أول المهام الصعبه إلي بتمر علي هي بحث التخرج والبحث إلي كنت أخطط سنين وسنين عليه لازم يكون شيء متميز وغريب ومتعمق بالتخصص حقي هالشيء بالنسبه لي يعتبر تحدي وأنــــــــــا قبلت فيه وإنشاءالله مايخيب ظني....
بداية الإسبوع الجاي برجع لدراستي وانا كل التفاؤل والأمل والنشاط معاي لأنه ماخاب من توكل على رب العالميـــــــــــــنـ

جلست اتمطى عشان اطير النوم من عيني .... بعد هالقرارات لمهمه إلي إتخذتها عن حياتي وايام المستقبل القادم قررت إني أنزل أتمشى بالحديقه منها رياضه ومنها تغيير جو​

 

[رضاب]

غيرت ملابسي لبستلي برمودا وردي مع تي شيرت أبيض مرسم عليه بالوردي ونزلت للحديقه وكنت فاتحه شعري أبي احس بالهوى وهو يلعب فيه
( الحديقه موجوده بالوسط يعني بين البيوت إلي متحاوطتها من جميع الجهات)
يوووووووووووووه نسيت أجيبلي شيء أتغطى فيه .... بس يلا مافيه أحد من العيال بهاالوقت كلهم ياإما بالمدارس أوبأشغالهم

جلست أتمشى بالحديقه يالله وشكثر كنت فاقدتها أربع شهور وعشر أيام مرت علي وأنا مااطلع من البيت ولهت على الشمس والهوى والشجر وكل شيء حلو بهالدنياههههههههه حتى عيال عمي وهواشي معاهم ..... عيال عمي ...(نزلت دمعه حزن) الله يرحمك ياسعد ويغفرلك ويسكنك بأوسع جناته يارب...
وهي تمشي لقت نفسها قدام المرجيحه ....... يااااااااااااه هههههه إنتي لحد ألحين موجوده تصدقين ولهت عليك وعلى لعبنا انا والبنات فيك بذيك الأيام ... جلست عليها وتمرجحت وبكل مره تروح فيها فوق أو تنزل تحت تتذكر شيء صارلها من أيام طفولتها بحلوها ومرها ....

هههه بوحده من المرات كانت هي وفي يتهاوشون من إلي تركب قبل
ساره: أنا الكبيره يعني أنا اول
في: لاء انا الصغيره يعني أنا قبلك
ساره: لا لا لا انا أكبر منك لازم تتحترميني
في: وأنا أصغر منك يعني لازم تعطفين علي

وهم في غمرة نقاشاتهم الحاره إلتفتوا بالصدفه ولقوا إن بشاير طنشتهم وركبت قبلهم

ههههههههههههههههههههه

مسكينه يابشاير ياإنها إنضربت ضرب بذاك اليوم من في

ياحلوك ياأيامي كل ما تذكرتك عرفت إني لازم أكمل وأشوف الباقي منك حتى لو كان مر مثل العلقم

أممممممم صح إتذكرت أبروح لأمي وسميه أسلم عليها وأكلمها بموضوع العزيمه إلي تبي تسويها لي بمناسبة إنتهاء العده أنا لازم أفهمها إني ماأبي أحد يسويلي لاعزيمه ولاماهم يحزنون

مشيت واناأغني منطربه خطوه تمشيني وخطوه أنط فيها من الوناسه والسرور كنت أحس بأحلا إحساس الحـــــــــــــــــــــريه من بعد إنقضاء العده

الجده كان لها مثل الجلسه ورا البيت إلي كان لها وهي ساكنه فيه لحالها مع جداني الكبار

كنت أغني وبصوت عالي

ماشفت كيف القمر عقب الظلام أنور
بالضبط نفس الشعور إن شفت بسماتك
إن كان في خاطرك حاجه علي أبشر
والله لأسوق العمر كله لمرضاتك
لاتترك الدمع فوق الخد يتحدر
حاسب ترا كل عمري فوق وجناتك
يانور عيني مادام العين بك تنظر
حرام تبخل على خلك بنظراتك

وأول ماوصلت
كانت الجده وسميه جالسه إطالعني وعيونها تضحكلي من ورا البرقع ....بس لحظه هي ماكانت لحالها لاء كان هنـــــــــا
ساره وهي منصدمه وترجع الخطوه بعشر على ورا إلا وبطراااااااااااااااااااااااااااااااااااخ صدمت بشيء

إلتفتت

أأأأأأأأأأأأأأأأأأأأأأأأأأأأأأأأأأأأأأأأأأأاااااى دفته ورجعت ركض لبيتهم
الجده وسميه: هههههههه ياحليلتس ياساره مسيكينه تخرعت من شوفتكم هههه عاد هذي أول مره تطلع فيها من البيت من بعد عدتها
نايـف وهو مبتسم : عجل خربنا عليها طلعتها
(نايف كان جالس مع الجده وإلي معها وقبل ثواني كان رايح يشربله ماي من المطبخ وأول مارجع صدم بهاالقمر إلي طلعله)

الجده وسميه : ماعليه بعد ماتروحون بأتصل فيها وبخليها تجيني
نايف : أهاه يعني طرده صح
الجده وسميه : لايبه آفا عليك إن ماشالتك الأرض تشيلك عيوني
أما الثاني كانت أحاسيس كثيره تلعب فيه منها الفرح والحزن ..الغيره القاتله
وقف يبي يمشي

فهد: يالله يمه تآمرين على شيء أنا رايح
الجده وسميه: مامداك ياولدي حتى ماكلمتني على الموضوع إلي جايني فيه
.فهد...: مره ثانيه إنشاءالله
الجده وسميه: على راحتك ياولدي سلم على أمك وإختك
فهد: يوصل إنشاءالله
وطلــــــــــــــــــــــــــــــــــع من البيت

في غرفة ساره

دم دم ددم دم دم ددم

دقات قلبها صايره مجنونه ورافضه ترجع لحالتها الطبيعيه من شافته .....

ليــــــــــــهـ أشوفك ليــــــــــهـ
ليـــــــــهـ لاجيت أبنساك أتذكرك
ليـــــــــهـ ماتفارق خيالي صورتك
ليــــــــــهـ بكل حالاتي أشتاقلك
ليــــــــــــهـ لا قلتلك أنا أكرهك
يرجع علي صوت الصدا الله ماأكبر كذبتك​

 

[رضاب]

بعد ماطلع من بيت جدته رجع لدوامه وفكره والبال مشغول بحبه إلي كل لحظه يكبــــــــر ويزود
بعد ماإنتهى دوامه ماكان له نفس يرجع البيت مايبي يشوف إمه
أخذ زيد وطلعــــوا يتمشون ويرفهون عن نفسهم مع الشباب بما إنه اليوم كان أربعاء يعني بداية عطلة الإسبـــــوع

بعد مافرفش وتونس بطلعته مع ربعه قرر يرجع البيت وكان الوقت تقريبآ الساعه الــــ 10 مساء


دخل البيت وعلى طول رقى لغرفته قبل ماتنتبه امه لجيته وترجع تفتحله موضوع بنت عمه والخطبه
دخلت غرفتي وقفلت الباب وراي ورميت بنفسي على لسرير
ههههههه

من كان يتوقع إن بشوفها اليوم وانا إلي كنت رايح لجدتي عشان أكلمها بموضوعها وموضوع أمي وحنتها على خطبتي لسمر

ياه نحفت كثيــــــــــر والحزن آثاره على ملامحها واضحه ....
بس الحمدلله شكلها بدت تطلع من لحزن إلي هي فيه بدليل إن أمي وسميه قالت إن هذي هي اول مره تطلع فيها من البيت وهذي بشاره حلـــــــــــــوه
لوكنت أدري إني بشوفها عند جدتي كان كل يوم أنا مسنتر هناك ماأتعدا الباب
ياحلـــــــــــــوها وياحلو الوردي عليها
آه ولا صوتها وي تغني آآآآآآآآآآآآآآآآآآآآه يـــــــــــاقلبي
معقوله معقوله ان عندها خبر إني كنت عند جدتي وجات عشان تشوفنــــــــــــــــــــــــي

تشوفني أي شوفه أنا ووجهي مالـــــــــــــت مصدق عمري أنا على إلي أعرفه عنها إنها لوتدري بس إني موجود كان حتى ماجلست ببيتهم وهجت منه ماتنلام على حركات البزران إلي كنت أسويها معها ....أنا لازم أبينلها العكس وإني ماسويت كل هالشيء إلا لأني أحبهـــــــــــــــــا وأبيها لي ...لي أنـــــــــا وبس محد يشاركني فيها..

وفجأة تذكر إنه ماشافها لحاله
أووووووووف وذا النايف مالقى يجي يزور جدتي إلا اليوم مالت عليه لا وواقفلي عشان تصدم فيه لاجات بتطلع .... حسبي الله على عدوه خرعها مسكينه بغت تجيها سكته بسبته بسملله عليها جعله بعدوينها يــــــــــــارب


غلبه النوم وهو يتحرطم ويتحلطم ويسب ويدعي والأغلب على نـــــايف المسكـــــــــين

أما الجده وسميه بعد ماطلعوا الشباب من عندها أرسلت خدامتها تنادي ساره

وكان اللقاء كما يلي



أول مادخلت ساره سلمت على الجده و حبت راسها >>>> وكانت محتشمه بلبسها حرمت بعد إلي صار ( كانت لابسه جلابيه تدريجات الأزرق)

الجده وسميه: هلابتس يمه شلونتس إيه هذا اللبس السنع موب إلي كنتي لابسته من شوي لبس هالكفره
ساره: هههههه يمه هذا الموضه
الجده وسميه: يويـــــــــــلي والله إنكن ياذا البنيات ماتعرفون شيء كل ماشفتوا هالمخبل يسوون شيء قلدتوهم والله لوإنهم يلبسون لهم خيشه إن تلبسونها وراهم
ساره: ههههههه لايمه مش لهدرجه
الجده وسميه: المهم ماعلينا منهم ...هاه الوجه صاير صافي وفرحان ماشاءالله
ساره: الحمدلله يمه ..... إلا يمه بغيتس بسالفه
الجده وسميه : آمـــــــــري فديتس
ساره: مايامر عليتس عدو إنشاءالله ...بس أنا سمعت إنتس تبين تسوينلي عشاء بكره عشان طلعتي من العده
الجده : إي يمه إلي سمعتيه صحيح
ساره: بس انا يمه مابي لا عشاء ولاغيره ....ماأبي أحد يسويلي شيء
الجده وسميه: ليـــــــــــــــهـ يابنتي
ساره وبنبره حزينه: بس يمه ماأبي

الجده وسميه:.... يابنتي الدنيا ماتوقف على موتته إنسان وإنتي يابنتي صغيره ووبداية شبابتس .. ومثل مالتس الحق إنتس تفرحين لنا الحق نفرح فيتس .... (( وبإسلوب ضاحك))وبعدين وشتبين الناس تقول
إن آل ........... مايقدرون يسون لبنتهم عزيمه ...خلاص ولايهمتس إذا إنتي ماتبين هالعزيمه لاتحضرين
ساره: لاوالله مسوينها عشاني وماتبوني أحضر
الجده وسميه: هههههههه إلا تحضرينها ونص


اليـــــــــــو الثاني
الخميــــــــــــــــــــــــس الساعه الـــــــــ 9 صباحآ

الصوت ينسمع بكل أنحاء الغرفه .... صوت عذب وحلو

فيـــــــــــروز ومع إشراقة اليوم الجديد​

 

[رضاب]

نسم علينا الهوى من مفرق الوادي
ياهوى دخل الهوى خدني على بلادي
ياهوى ياهوى يالي طاير باالهوى
في منظوره رسمة وصوره خدني لعندن ياهوى
إلى متى ياقلبي وأنا في هالغربه إرجع على بلادي
خدني آآآآآآآآآآآآآآه خدني على بلادي
لللللا للللا للا للا ترللا للللا

ترن ترن ترن

يالله صباح الخير مين بيكلمني بهاالوقت
أوه هذا رقم بيت خوالي
ألــــــــــــــــو
مشاعل: هلا صباح الخير
ساره: صباح النور والسروريارب
مشاعل: يالله سارونه إتجهزي كلها عشر دقايق وإحنا عندج
ساره: بسملله شعندكم بتسيرون علي من صبح
مشاعل: لا ياحلوه بنطلع كلنا نفطر سوا منها تغيير ومنها نتسوق وإنجهز لوضحى مابقى على زواجها إلا شهرين

(( الدراسه بقطر كانت مابعد تبدى يعني كان باقي إسبوعين تقريبآ عشان كذا مشاعل ووضحى تموا عند خوالهم عشان تجهيزات زواج وضحى وإلي كانت تبي تتجهز هنا لأنه خواتها وخالاتها والبنات كلهم هنا وماعندها هناك إلا مشاعل تساعدها ))

ساره : أوكيك ماعندي مانع بس دقايق أستأذن من أمي وأبوي وأرجع اكلمك
مشاعل: شوفي أدري إنهم ماراح يعارضون أصلآ هم يبونها من الله إنج تطلعين من البيت تغيرين جـــــــــو

وفعلآ مشاعل ماكذبت اول ماساره طلبت من أبوها وأمها أبدآ ماعارضوا هالشيء بالعكس إلا فرحوا بطلعتها من البيت

بعدها بنص ساعه

جلست استنى خالتي نور والبنات بالصاله وأنا أقلب بقنوات التلفزيون

طاط طاط طاط

ياويلي بيفضحونا بالحاره .... وبسرعه لبست عباتي وطلعت لهم
بعد ماركبت
الســـــــــــلام عليكم
البنات : وعليكم السلام تومانورت السياره
ساره: منوره فيكم أخباركم ياصبايا
البنات: تمام الحمدلله وإنتي أخبارك
ساره : الحمدلله
طول الطريق وهم سوالف وضحك
وكانوا إلي بالسياره ((خالتي نور , فاطمه, سهام مرت خالي, وضحى , مشاعل , ضحى , وأنا))
وأول ماوصلنا للمجمع ((مجمع الراشد))
نور تكلم السواق: جبـــــار روح ألحين البيت وإحنا لما نخلص بنتصل عليك
السواق: إنشاءالله ماما

نزلنا ودخلنا المجمع وبعدها ركبنا اللفت
وإحنا فيــــــــــــهـ جلسنا نتناقش أي مقهى نختار
نور: هاه أي مقهى تبون
سهام: شرايكم بكوستا كوفي
ساره : ولا ستار بكس
ضحى: لالا صحاري
فاطمـــــــــه: خلونا نروح مقهى رومـــــا أحلى
نور: وبعدين إنتي وياها إختاروا واحد
مشاعل: خلاص نروح ستار بكس وإلي بخاطرها شيء من المقاهي الثانيه تروح تشتري منه وتجينا بستار
نور: خلاص هذا الحـــــل

دخلنا ستار بكس وجلسنا فيه
نور: يلا كل وحده تقول شتبي قهوه
ساره: أنا كابتشينو
مشاعل : وأنا بعد
سهام: انا أبي قهوه فرنسيه
وضحى وفاطمه: إحنا موكا
ضحى: وان أبي عصير برتقال فرش
ساره: أموت أنا بالفرش
مشاعل: أقول ضحى
ضحى: هلا
مشاعل: إنثبري بس عليكم قل برتقال ببيتكم إطلبي شيء عدل ولا إسكتي
ضحى: كيــفي ماأبي أبدا يومي بقهوه مضره على الصحه أول شيء عصير بعدين القهوه كذا الأتكيت
وضحى: أقول ياأمج ترانا بدو بلا إتكيت بلا خرابيط
البنات: ههههههههههههه
ساره: ياقلبي ياوضحى والله إنتس شيء وماأدري ليه عندي إحساس إن سعيد ((زوجها)) بيطلع رومنسي وراعي إتكيت
وضحى: لاحبيبتي تطمني إخواني يقولون لي إنه بدوي ملح وراعي مقناص

(( سعيد من عايله ثانيه غير عايلتها وماكانوا يعرفون عنه شيء إلا لما جاوا وإخطبوا عندهم ووضحى من بعد الملكه وهي رافضه تشوفه أوحتى تكلمه محرمه عليه المسكيـــــــن لدرجة إنه كان مجهز نفسه وكاشخ على الأخير بيوم الملكه يبي يدخل ​

 

[رضاب]

يسلم عليها ويلبسها الشبكه وهي رفضت هالشيء رفض قاطع تقول مافيه لاشوفه ولا مكالمات إلا بعد الزواج يكفي خواته شافوني تقول إنها تستحي))

مشاعل: لايغرج كلامهم شكلهم يلعبون عليج
ساره : إي والله بس تصدقين حرام عليتس معذبته حتى الشوفه الشرعيه حرمتيها عليه
وضحى وهي معصبه منهم: أقول إنتوا جايبينا نتونس ولا عشان تناقشون سالفتي وسعيد
ضحى: الإثنين تدرين نبيتس تتكلمين براحتس بدون أي مقاطعات من أحد
نور: هييييييييي خلصونا وحده فيكم تروح تطلب
ساره : أنا بروح إلا إنتي شتبين
نور: بلاك كوفي
ساره: اولالا إنشاءالله
فاطمه ووضحى : طيب إحنا بنروح نشتري كيك من المقهى الثاني
نور: طيب لاتتأخرون
بعد مارجعت ساره بدقايق إلا وفاطمه ووضحى راجعين وهم محملين بأكياس
ضحى : حشى وش شارين
وضحى : شرينا فول وحمص
البنات: فـــــــــــــــــــــــــــــــــــــــــــــول
مشاعل: رايحيت تشترون كيكات ترجعولنا بفول
فاطمه: طلبنا الكيكات من الـ senboon وعلى ماتجهز رحنا مطعم..... وشرينا الفول
ضحى: ومن هذي صاحبة هالراي العظيم
وضحى: أنا بصراحه أنا ميته من الجوع وهالكيكات الصغار ماتشبع
ساره: ههههههههه والله ياحوينتك ياسعيد
نور: إنزين والكيكات وينها
فاطمه: يوه نسينا نجيبهم
مشاعل: خلاص انا بروح اجيبهم من تجي معي
ساره: أنـــــــا

طلعنا من ستار بكس ورحنا للسينبون

ساره &مشاعل: excues me
الكشيرyes madam :
لما كانت ساره ومشاعل يطلبون الغرض إلي يبونه كان بنفس المحل 2 من الشباب يشوفونهم ويعلقون عليهم..
راشد : بــــــــــــل ياللغه إلي عليهم بلبل
عبد الرحمن : قول ماشاءالله لاتحسدهم على بالك كل الناس مثلك ميـــــح
راشد: ليه وشقالولك عني أصلآ أنا متخرج من جامعة هارفارد بس ماأبي أعلم أحد عشان ماأنصك بعين أوكي
عبد الرحمن : ههههههههههه ياشيخ عطنا وجه أوكييات

وهي تتكلم مع الكشير كح كح كح كح
ساره: شفيتس بسملله عليك
مشاعل وهي يالله تتكلم: ما.كحكح ماأدري
ساره: تبين ماي
مشاعل تهز براسها بمعنى إيه
عبد الرحمن : حسبي الله على بليسك عينك حاره
راشد: لاوالله إني ماسويت شي عيني بارده
عبدالرحمن وهو يضحك: عينك بارده هاه بغت تروح فيها البنت وتقولي بارده

بعد ماشربت الماي
مشاعل: ساروه ماتلاحظين إن هالإثنين إلي جالسين هنا حاطين عينهم علينا
ساره : ماعليتس منهم طنشيهم ولا كاأنهم موجوديـــن
بعد ماخذوا طلبهم طلعوا من المقهى ورجعوا للمقهى الثاني

بعد مافطروا البنات وخلصوا>>>> هني وعافيه على قلوبهم

طلعوا من المقهى وراحوا يتسوقون كل ثنتين بجهه
وأول ماأذن الظهر دخلوا المصلى وصلوا وبعد ماصلوا وقضوا باقي الأغراض إلي يبونها قرروا يرجعون البيت وهم يمشون بواحد من الممرات متجهين للسلم الكهربائي.........

كان فيه مجموعه من الشباب سادين الطريق واقفين يسلمون
وبما إن الشيخه نور هي رئيسه الشله قامت تمشي وبكل ثقه لأنها متأكده لما يشوفونهم جايين من هالطريق بيوسعون لهم الدرب........

نور وهي كلمالها وتقرب من المكان إلي واقفين فيه والشباب ماإنتبهولها منشغلين بالسوالف .......
وصلت عندهم ووقفت وهي تقول لنفسها
(( لالا ألحين بينتبهون وبيستحون على وجيهم وبيوخرون عن الطريق))
والشباب أبد لاحياة لمن تنادي
قامت نور وبكل ثقه تأشرلهم بيدها حركه بمعنى ..وخروا

واحد من الشباب راشد إلي كان بالمقهى من شوي
راشد: لاحول لله حتى بالممرات عوائل
الشباب من سمعوا كلمة خويهم وهم كل واحد طايح على الثاني من الضحك

هههههههاااهاههااااااااااا

والبنات نفس الشيء إلا نور إلي من بعدولها مرت من عندهم بكل ثقه ((ياجبل مايهزك ريــــــــــــح))
ورجعوا بعدها للبيت عشان يتجهزون للعزيمه إلي مسويتها الجده وسميه لســـــــــــاره
وكانت الساعه وقتها بحدود الـ 2:15 ظهرآ

إنتهى الجزء
تكملة الجزء الواحد والعشرون​

 

[رضاب]

يوم الخميس الساعه الـ 7 مساء

كنت جالس بغرفتي محتار..... أنا خلاص ماعادفيني صبر أبي أعرف راسي من رجلي .... أنا لازم أعرف راي ساره فيني
تحبنـــــــــي وتهواني ولا ماتدري بهوا داري
مالي إلا أكلم عهود بهالسالفه عشان تكلمها .... لو كان عندي لو ذرة امـل إنها بترد علي كان إتصلت عليها وسألتها بس أنا متأكد إنها من بعد آخر مره ماراح ترد علي لوتنهد الأرض
بــــــــــــس كيف بقدر أفتح الموضوع مع عهود صعبه أجيهــــــــا كذا من الباب للطاق أقولها أنا أحب بنت عمتس
السالفه يبيلها تخطيط وتخطيط عدل ......

قمت طلعت من غرفتي ورحت لعهود غرفتها
طق طق
عهود: ميـــــــــــــــــــــــــنـ
فهد: انا فهد
عهود: حيــاك خالي تفضل
بعد مادخل
فهد: الله عهودوه شهاالكشخـــــــــــه شهالحلا ذا كله (( المصلحه تلعب دور))
(( عهود كانت لابسه تنوره زيتي مموج مع تيشير أورانج و الميك آب كان أورنج خفيف وكانت تظبط بشعرها لما دخل عليها فهد))

عهود: ههههه عيونك الحلوه
فهد: إنتي الأحلى
عهود: الله شكـــــــــــل المزاج رايق اليوم غزل ومديـــــــــح من وين طالعه الشمس
فهد: حشى مايسوى علي مدحتس صدق إنتس منتي بوجه مديح
عهود: لالا عاد حدك أنا كنت أمزح معاك
فهد وهو متردد: عهود بغيت أكلمتس بموضوع
عهود: إيــــــــــه أنا أقول أكيد ورا هالمديح شيء
فهد : عهود خلي المزح وخلينا نتكلم جد
عهود ((بعد ماحست إن الموضوع إلي جايها فيه خالها مهم))
: آمر خالي شبغيت

خلال ربــــــــــــــع ساعه قضاها فهد يعلم عهود قصته هو وساره من أول مره شافها فيها إلين إلي صار اليوم الصبح بدون مايعلمها عن سالفة الإتصالات والمسجات

عهود ( وهي مش مستوعبه )): يعني إنت تحب ساره
فهد وهو معصب من حالة الغباء إلي فيها: شرايك يعني لو أنا ماكنت أحبها بجيك واكلمك وأقولك كلميها عشاني

عهود: بس إنت خاطب سمر وبعدين جدتي بتعصب
فهد: أنـا سمر ماأبيها وقلت لأمي هالشيء وإذا على أمي مافيه أم ماتحب إن ولدها يكون سعيد بحياته
عهود: وساره تدري إنك تحبها
فهد: إيــــــــــــــــــهـ تدري
عهود: وهي تحبـــــــــــك ؟؟؟؟؟؟؟؟؟؟

فهد: هذا إلي أبيك تعرفينه منها
عهود: نعـــــــم لالا ماأقدر فشلــــــــه تبيني أروح أقولها ساره إنتي تحبين خالي
فهد: إيــــــــــــه عادي إنتي بنت عمها وأكيد تمونين عليها
عهود: ماأدري أحسها قوية شوي بعديـــــــــن تعال هي شلون إعرفت إنك تحبهـــــــــا (( وهي تخزه بعيونها))

إلا إذا.........
فهد وهو منحرج : عهود بقا شيء ماعلمتس عنه أنا سويتــــــــــــــــــه
بعد ماشرحلها عن سالفة الإتصالات والمسجات إلي كان يرسلها
عهود: لا أكيـــــــــــــــــــد إنت إنجنيت
فهد: غصب عني
عهود: شلون غصب عنك ماكان عندك عقل تفكر فيه قبل ماتسوي هاالحركات
فهد بنبره غريبـــــــــــه: أحبـــــــــــــــــــــــــــــــهــــــــــا

بعدهـــــــا بأكثر من ساعه ونص

جالسه بيــــن البنات وأشوف فرحتهم لي بعيونهم كنت لابسه تنوره رمادي مع بلوزه لونها أصفر فاتح وفاتح شعري بس رافعه منه شوي من فوق ومكياجي كان عباره عن كحل وجلوص كنت رافضه إني أكثر بالمكياج وهالشيء زعل البنات لكن كان هذا راي شخصي ومحد بيقدر يثنيني عنه

الكل كانوا يسولفون معي ومعتبريني أول إهتاماتهم بهاالليله ...أسعدنـــــــي هالشيء كثير لأني حسيت بقيمتي وغلاي فقلب كل شخص منهم ...

إحساس حلو ورائع إنك حقيقة المشاعر والأحاسيس إلي يكنها ويخبيها غيرك لك ...كنت مستمتعه بقوة هالأحاسيس هذي وإلي كانت مثـــــــــــل الدافع القوي لي إني أكمــــــــــــل باقي حياتي وأفكر أكثر من أول بمستقبلي بدون ماألتفت خطوه لورا لأني عارفه إن وراي عزوه وسند بيوقفون معي ليـــــــــــن النهايه

كنت أتوجه بنظراتي لكل شخص منهم وأحفر ملامحهم الغاليه علي في وسط مخيلتي عشان إذا فيوم صار وحسيت بالضعف أسترجه بذاكرتي صورهم ونظرات الحب والحمايه بعيونهم ....

لكن لحظه فيه إنسانه اليوم مش على بعضها كانت متباعده ومضطربه وكأن فيه شيء كبيــــــــــــــر جاثم على صدرها...​

 

[رضاب]

ونظراتها لي كانت غريبه......... غر يبــــــــــــــــــــــــــهـ حيل
نظرات مجهـــــــــــــــــــــــــــــــــــــــــــــــــــــــــــــــوله


كنت أحس بعهود تناظرني بطريقه غريبه بعيونها كان كلام كثيـــــــــر ....
كأنها متردده تبي تقوله ومحتاره .... أنا لازم أعرف شفيها لأنها مش على عادتها وشكل الموضوع مضايقها....
ساره: عن إذنكم بنات بروح شوي غرفتي وبرجع .... عهود لوسمحتي تعالي معاي
في: خيــــــــر إنشاءالله شمعنى عهود
ساره: كيفيـــــــــــ أبيها تجي معاي عندتس مانع
في: لا والله ملفي با السلامه (( المانع والسلامه يعتبرون من أكبر المستشفيات بالشرقيه))

ساره بإستهزاء: كر كر كر تصدقين ضحكتيني
في: هذا هو المطلوب طال عمرتس
ساره : يلا عهود
بشاير: أقول عهود الله الله بساره شكلها خايفه تروح غرفتها لحالها فطلبت منتس الفزعه
عهود: ماطلبت شيء تآمر أمر

وإحنا نرقى الدرج كان كل تفكيري بهالفرصه إلي جت لحد عندي ...ألحين بقدر أفاتح ساره بالموضوع بعيــــــد عن البنات بس عسى ماتزعل .........الله يسامحك يافهد ورطتني بهاالموضوع والمشكله إنت خالي وهي بنت عمي وأنا ماأبي أزعل واحد منكم

أول مادخلنا غرفة ســـــــــــاره

ساره : هاه عهود وش إلي بخاطرك قولي ولاتحاولين تنكرين لأن هالشيء واضح بعيونك

عهود ملامح الصدمه مرسومه بوجها: هاه شلون دريتي إني أبيك بموضوع
ساره: بصراحه طريقة نظراتك لي من شوي حسيت إنك تبين تقولينلي شيء بس متردده أو خايفه

عهود: أممم بصراحه إيه بغيتك بموضوع وهو شوي خاص بس أرجوتس لاتزعليـــــــــــن مني ترى أنا بس مرســــــــــــال
ساره وهي مستغربه من الموضوع: عهود شفيك خوفتيني

عهود: أول شيء إوعديني ماتزعلين مني ولاتتغير معاملتك لي
ساره والضيق بدا عليها: أوعدك بس إنتي تكلمـــــــــــــــي

بدت عهود تكلـــــم ساره وتعلمها بالكلام إلي قاله فهد لها وطلب منها توصله لســــــاره

عهود: وهذا كل شيء
ساره وهي منفعله: بس هو خاطب
عهود: على كلامه إنه بيلغي الخطبه
ساره: يلغيها
عهود: يقول إنه من الأساس ماكان يبي هالخطبه ... وإن جدتي خطبتله سمر وهو مايدري.... الله يهداها جدتي كلنا قلنالها بس ماتسمع إلا شورها

ساره: طيب وليش كان ساكت طول هالفتره
عهود: ماأدري ماعندي أي رد بصراحه
ســــاره: أ........

قطع كلامهم فتح الباب ....
إنفتح الباب وإدخلوا كل البنات

مشاعل: هذي الشويه إلي تقولين عنها
ضحى: ليـــــــــه ماتدرين إن شوية ساره بساعه
من بعدها ساره وعهود ماحصلتلهم الفرصه ينفردون ببعض ويكملون كلامهم في الموضوع


بعد ماراح الكل وبقيت لحالي جلست أفكر بالسالفه إلي قالتها لي عهود.......

هي ألحين ماقالتلي شيء جديد بس أثبتتلي إن فهد يحبني ...

لكن هالحب محكوم عليه بالفشل ... أنا خلاص شلت فكرة الزواج من راسي من بعد سعد الله يرحمه وخصوصآ هالوقت يمكن بعد ثلاث أو أربع سنين ممكن أرجع أتقبل فكرة الزواج لكن

ألحيــــــــن
مستحيــــــــــــــــــل يكفيني التجربه إلي مريت فيها

وغير كذا سمـــــــر المسكينه وش ذنبها إذا كانت عمتي أم فهد خطبتها لفهد بدون ماتاخذ شوره .... والغلط على فهد إلي مانها هالموضوع من البدايه أنا مستحيل أكون سبب بتحطيم إنسانه ثانيه

وبدت الدموع تتجمع بعينها

أحبـــــــــــــــــــــــك إيه

أحبــــــــك بس ماأقدر أكون لك أشياء كثيره تمنعني وأولها ذكرى سعد وأحاسيس سمر

أنــــا لازم أقول لعهود تقوله إنه مافيه نصيب بينـا يمكن ساعتها يقدر ينساني ويفكر ببنت عمه...​

 

[رضاب]

قامت تكلم خيـــــال فهد وصورته أو بالأصح أطيافه

أدري يمكن تحقد علي بس صدقني إلي لك بقلبي ماأحد يقدر يوصل لربعه أو جزء منه حتى إنت ماتدري وشكثره

شغلت الستريو وكانت الأغنيه (( إنسان أكثر))
كانت تسمع لكلمات الأغنيه وهي تفكر .......... يالله شكل الكل بيوقف ضدي وهذي أولها
إنت منت إنسان أكثر قلبي مو من قلبك أصغر مثل ماتشعر تأكد إني أشعر
فيني منك فيك مني غصب عنك غصب عني إلتقينا واللقا قسمه مقدر
هان طعن السيف و لا طعن الكلام من حبيبي إللي وسط حضني ينام
مالي غيرك و مالك إلا أنا حبايب يكرهك نصفي ونصفي فيك ذايب
الهوى غلاب و أمر الله غالب ألزمك طول العمر لا أجي و لا أروح
كني مقيد قيدي مو سلاسل قيدي إخلاص و وفـــاء و لا إنت قايل
لو يقوم الكون تخسف بي زلازل ما أحرك ساكن بك ميــر مسموح

(( للشاعر تركـــــــــــــــي غناء عبد المجيد عبدالله))


بمكــــــــــــان ثاني كانت غرفة فهد

يالله أنــــــــا وشيصبرني هالكم يوم ليــــــن أعرف ردها على كلامي........

أووووووووووووف من عهود يعني ماقدرت تعرف ردها بنفس الوقت ...قال أعطيها كم يوم فرصه تفكر فيهم...
يلا صبرت سنتين وشوي ماراح أقدر أصبر هاليومين...

مشاعري وأحاسيسي مختلطه مابين الشعور بالخوف من الرفض والفرح والأمل بالقبول ... اللحظات إلي تمر علي ألحين من أصحب اللحظات في حياتي فيها بيتقرر مصيري ....

ياليت ياساره لو إنتي تدرين بالي لك بخاطري كان مافكرتي تبعدين عني لو لحظه ....
وبدى التفكير المتشائم يدخل بعقله ...

ساره توها طالعه من تجربه صعبه وياخوفي إنها ترفضني ... يمكن أنا إستعجلت شوي بس ماعاد فيني صبر....

تكفيــــــــــــن ياساره فكري عدل لازم تعرفين إنه بردتس ياتنقذين حياتي أو تحكمين عليها بموت المشاعر والأحاسيس.....

أحبــــــــــــــــــك ...

أحبــــــــــــــــــــــك..

لاتتركيني بها الدنيا ضايع وحيد من دونك..........ياغلا عمري وسنينه
خلونـــــــــــا ننسى ساره وفهد شوي ونروح لزيــــــــــــد والريم


الريم تأجلت سالفة خطبة ولدعمها لها لأن جدتها لبوها كانت تعبانه شوي
الريم طول فترة الإجازه كانت تفكر بهاالموضوع خايفه ومحتاره بس ماتدري وش السواة وشلون توخر ولد عمها عن طريقها

أم الريم : يمه شخبار جدتش إنشاءالله بخير
الريم: ماأدري يمه لي يومين ماكلمتها
أم الريم: إنزين قومي إتصلي فيها
الريم: إنشاءالله
راحت للتلفون وإتصلت
الريم: ألــــــــــــــــــــــــــــــو
الطرف الثاني: ألــــــــــو ((كان رجال))
الريم: السلام عليكم
أحمد: وعليكم السلام هلا الريم شلونتش شخبارتش
الريم: الحمدلله بخير من معاي
أحمد: أنا أحمد ولد عمتش
الريم بدون نفس: هلا أحمد شلونك وشلون الأهل
أحمد: الحمدلله كلهم بخير
الريم: لوسمحت أحمد جدتي عندك
أحمد: على طول جدتي طيب سولفي سإليني عن أخباري وعلومي تراني ولد عمتش ولا نسيتي

(( أحمد كان يقصد بكلامه سالفة الخطبه))

الريم: لامانسيت بس أنا مستعجله وأبي أكلم جدتي
(( الريم فهمت قصد أحمد بس حبت تسوي نفسها غبيه وماتدري عن هالموضوع))

أحمد: الله لايجيب العجله ... بس أهم شيء سمعنا صوتش دقايق بس
بعد دقايق
الجده: ألـــــــــــو
الريم: هلا جدتي شلونتش

بعد إتصالها مع جدتها رجعت لغرفتها وحبست نفسها بالغرفه

وبعديــــــــــــــــن مع هالسالفه .... متى بفتك منها ..... انــــــــا أحمد ماأبيه ولا بيوم ممكن أتخيـــــــــل إني أبعد عن أمي وأسكن مع أهل أبـــــــــوي....​

 

[رضاب]

إي نعم هم أهلي بس عمري ماكنت قريبه منهم إلا من كم سنه بس ...وصعبه علي إني أتآلف معاهم لأني تربيت وعشت أكثر من 17 سنــــــــــــــه وأنا ماأعرف عنهم شيء حتى إني ماكنت أعرف إلا إن عندي أبو وجده بس .... لاكنت أدري إن عندي لاعمام ولاعمات...


وبعديـــــــــــــــــــن أنا أحب زيد ... صح إن الزواج قسمه ونصيب وأنا عارفه إن زيد عمره ماراح يكون من نصيبي ... بس ماأقدر أوافــــــــــــق على أحمد وهالشيء أنـا خالصه منه ومقررته خلاص...


بس الخوف من أبوي وعمامي لا إعرفوا إني رافضته ياخذوني من أمي ... ويغصبوني أعيــــــــــــش معاهم وممكن يزوجوني إياه غصب.... ساعتها بمــــــــــــــوت...


أنا لازم ألقى الحــــــل ..وبصراحه أنا ماأشـــــــــوف إلا حــــــــل واحد وهو إني أخلي أحمد يرفض هالزواج بأي طريـــــــــقه...

صدق إنه أعمى ألحيــــــن هبه تحبه من كانت صغيره وبتموت عليه وهالشيء واضح للكل يتركها ويختارني أنـــــا صدق لاقال المثـــــل مانحب إلا الصعب...

مسكيــــــــــنه ياهبه هي الوحيده من بنات عماتي إلي دخلت قلبي بسرعه من طيبة قلبها......

هبـــــــــــــــه هبـــــــــــــــــه شلون راحت من بالي محد بيساعدني إن أحمد يشيلني من بـــــــاله إلا هبـــــــــــه أنا لازم أخلــــــــــــي أحمد يفــــــــــــكر بهبه وبس ماأحد غيرها وبصراحه أنا أشوف إنها هي أكثر وحده تناسبه......

بس شلــــــــون ...سارونه مالي إلا الله ثمــــ سارونه ماأحد عنده هالعقليه المخططه وإلي تقدر تسنعلي هالموضوع إلا

ســــــــــاروه فديتها أنا.........


هههههههههههههههههههههه

وأخيـــــرآ بفتك منك ياأخ أحمد
الجزء الثاني العشرون


عسى ربي يخليك لعيوني ..عسى ربي يخليني لعيونك
حبيبي دنيتك صعبه بدوني... ولاشيء دنيتي تسوى بدونك
أنا مغرم ياغالي فيك وأدعي ربي يخليك
إذا عني بعدت يجن جنوني... لأنك صرت أغلا من عيوني
عسى ربي يهنيني بغرامك.... ولا يحرمني من رقة كلامك
ياأغلا إنسان أنا عندي ياحزني وفرحتي وسعدي
أخاف الناس عنك يبعدوني .......حبيبي صرت أغلا من عيوني
حبيبي فيك راضاني زماني............ لغيرك مايطاوعني حناني
سكن حبك بوجداني ....وإتعوض فيك حرماني
غرامك غير إحساسي ولوني........ حبيب الروح ياأغلا من عيوني


اليوم السبت
الســـــــــــــــــــــــــــاعه الـــــ10 صباحآ


اليوم قررت إنه يكون أول يوم لي بحياتي الجديده وراح أبتدي فيه أول الخطوات بروحتي للكليه ...
طبعآ أنـا ماعلمت أي وحده من البنات بمخططاتي برجعتي للدوام اليوم حبيت أسويها لهم مفآجأة ... يالله شكثــــــــــــر إشتقت للكليه بكل مكان و كل زاويه وركن فيها..........
وصديقاتي فقدتهم حيـــــــــــــل وفقدت جمعتنا اليوميه .....سوالفنا وهذرتنا ..وطماشتنا على الرايح والجاي ....
وصلت للبــــــــوابه ...دخلت وفصخت العبايه ولفيتها وأنا ملاحظه نظرات البنات .....منهم من يعرفني من زمان وجاء يسلم علي ... ومنهم من سبق وشافني بس مايعرفني ..... ومنهم من أول مره يشوفني وطبعآ هذولا بنات سنه أولى إلي نظراتهم لي وكأني نازله من كوكب المريخ........

كنت فاتحه شعري إلي طول وصار يوصل لنص ظهري... ولابسه تنوره سودا مكســره مع بلوفر رمــــادي ((لأن الوق كان برد)) وحاطه مكياج خفيف مجرد إني محدده عيوني بالكحل الأسود وروج وردي فـــاتح .... كان شكلي مره كيوت ...
رسمت على فمي إبتسامه ناعمه ومشيت متجهه للصاله الرئيسيه وأنا ملاحظه نظرات البنات إلي تلاحقني .... أول مادخلت للصاله توجهت للوكر حقنــــــــا ... هههه حتى إنت وحشتني تصدق
سمعت صرخه من وراي إلتفت بســـــــــــرعه.....
إبتســــــــام: ســــــاره ساروه حبيبتي (( وركضت يمي وضمتني حيــــــــل )) ماأصدق وأخيرآ رجعتيلنا
ساره : هههههه وبكامل قواي العقليه
إبتسام: ياعمري ياساره والله إن الشله مو حلوه بدونك... تعالي نجلس نستنى الشله كلها دقايق ويجي وقت البريك ونتجمع سوا كلنا زي قبـــــــــل
ساره بفرح: واحسن ياإبتسام وأحسن من قبل
تجهت ساره مع إبتسام لمقر الشلة وجلسوا هناك يسولفون ....

إنفتــــــــح الباب
واااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

كل الشله دخلوا ((ندى ,الريم, ماجده, نوره, سميره , تغريد, بدريه ,ضحى , عهود., ريم, منى..........إلخ >>>تعبت ههههههههه))

الكل يضم ساره ويسلم عليها فرحانين بوجودها معاهم وبعد ماخلصوا سلامات إشتغلوا بلأسئله عنها وعن الأيام إلي قضتها فترة العده​

 

[رضاب]

بعد إنتهاء الدوام بالباص ((ندى , الريم , ساره))

وهم في غمرةالسوالف والضحك .... بدى تليفون الريم يدق ...من شافت الرقم حست بمويه بارده تنكت على وجهها...

ندى: بسم الله شفيك يبستي مين المتصل
الريم:.............
ساره: ريومه شفيك
التلفون كان يدق بشكل مجنون إتصال ورا إتصال مايوقف بلأخير إظطرت الريم تحول الجهاز على الصامت عشان ماتلفت نظر بقية البنات باالباص
ساره بجديه: ريوم مين إلي يتصل فيك
الريم بصوت واطي: زيد
ندى بصدمه وبصوت عالي: ميـــــــــــــــن
كل إلي بالباص إلتفت عليهم بسبب صرخة ندى
الريم: سكتي فضحتينــــا حسبي الله على العدو
ندى: هاه طيب
ساره: وش يبي متصل
الريم: ماأدري
وصل عدد المكالمات التي لم يرد عليها 15 مكالمه
ندى: شكله يبي يقولك شيء
الريم : شيبي يقول هذي أول مره من 3 يحاول يتصل فيني
ساره: الريم واضح إن عنده شيء ولا كان ماإتصل بهاالطريقه
الريم : هالخبل بيفضحني إذا تم يدق
ندى: طيب ردي عليــــــــــــه وإسمعي شبيقول
الريم: لاء أنا غلطت مره لأما كنت أرسله مسجات ..وماني مستعده أكرر الغلط بشيء اكبر منه وهو المكالمات
ساره: صح كلام الريم المسجات ممكن تترقع لأنها كانت مسجات عاديه ممكن إتكون إنرسلت بالغلط لكن المكالمات بتكون غلطه كبيـــــــــره
ندى: أنـــــــا ماقصدت إنك تكلمينه بس ردي عليه وإسمعي شبيقول وبعدين صكري بوجهه
الريم: ياويلي قربنا نوصل البيت وهو ماوقف إتصالاته وش أسوي
ساره: إقفلي التليفون إلى بكره
الريم: بس يمكن أبوي ولا وحده من خلاتي تتصل علي شبقولهم إذا لقوا تلفوني مقفول وإتصلوا على البيت
ساره: عــــادي قوليلهم قفل علي لأن البتري فضى وأنا ألحين أشحنه
ندى: صح كلام ساروه .... يلا بسرعه أشوف إقفليه
الريم: قفلتــــــــــــــــه

وصلت كل وحده منهم بيتها وهي توعد الثانيه غنها بتكلمها المساء على تلفون البيت بما إن الريم قافله جهازها

من جهه ثانيه كان زيد المجنون في أوج حالات الحزن

ليش ماترد هاه...... لاوألحين قافله الجهاز طيب يالريم ياأنــا ياإنتي
غمض عيونه وتذكر كل الكلام إلي إنقال على الغدا اليوم فيبتهم

كان هو وأبوه وإخوه على الغدا ... وأمه وشوق جالسين معهم يسولفون
أم زيد: أقول يمه شوق شخبار الريم
شوق: الحمدلله يمه زينه
زيد من جابوا طاري الريم وقف عن الأكل وجلس يتسمع لكلامهم
أم زيد: إلا سمعت إنها إنخطبت صحيح هالكلام
شوق: لا مين إلي قال
أم زيد: جارتنـا أم.......... تقول إن ولد بنت خالتها يصير ولد عم الريم وإنه خاطبها بس ماعلموا أحد يستنون الجده تقوم بالسلامه ويعلنون الخطوبه
شوق: أي واحد من إعيالهم
أم زيد: أحمد بن..........
شوق: إي عرفته شفته كم مره جاي مع أهله يزورون الريم بالمستشفى
أم زيد: شكله كان حاط عينه عليها ....و............و..........
ماقدر يسمع أكثر فز من غداه تغسل وطلع من البيت
أم زيد: يبه ماكلت ........وين بتروح تعال....
لكن زيد ماكان عنده أي رد لأسئلة أمه لأن إلي بخاطره كان معميه عن أي شيء ثاني

محد كان منتبه لزيد إلي ملامحه تغيرت من الصدمه بإن الريم بتروح من بين إيدينه وإلي بياخذها منه أحمــــــــــــــــد
أحمــــــــــــــــــــــــد انـا من شفت الورد إلي جايبه لها وأنا حاس إنه حاط عينه عليها بس يخسي .......
وينه عنها من زمان ولا ماحلت بعيونه إلا ألحين ......عمرهم لاهو ولاأهله ..سئلوا عنها ولا جاو يشوفونها وهي صغيره ...لكن أحلين لما كبرت وإحلوت بعينهم يبون ياخذونها من بين إيديني ...بأحــــــــــــلامهم ..... الريم تحبني وأنـــــــــــــا أحبهـــــــا
أنـا ماأحبها وبس إلا أتنفس هواها

الريم ماراح تكون لحد غيـــــــــــــــــري ......أبدـــــــــــــ مهما يصير

وضرب يده بأقوى ماعنده على مكتبه طرااااااااااااااااااااااااااااخ

فهد وهو يدخل على كتب زيد

فهد: شوي شوي عليه كسرته مسكين يطلب الرأفه
زيد : فهد أنا ماني بفاضي للمزح ألحين
فهد: ليــــــــه الله يكافينا الشر وشفيك

زيد حكى لفهد كل الي صار وسمعه من أهله

فهد وهو سرحان: الظاهر مكتوب علينا كلنا نذوق من هالكاس
زيد: لا وأي طعم مر وعلقم
فهد: ياذا عيــــــــــال العم إلي كل مانبي نخطي الخطوه وقفوالنــــا مثل العظم
زيد: صدقت ياخوي بس وش السواه
فهد: مالك إلا تنتظر وتعرف رايها بالموضوع
زيد: وشلون وهي رافضه ترد علي لا وقفلت التلفون بعد
فهد بمزح: أكيد تخرعت من صوتك
زيد: ليه هي سمعته أصلآ
فهد: تمهل ياخوي وفكر زين يمكن إنت ظالمها وإنها ماتعرف شيء عن هالسالفه يبقى الموضوع هذرت حريـــــــــــــــم مافيها من الصدق ذره
زيد : يمكن
فهد: طيب وش رايك ألحين دام الدوام إنتهى نطلع أنــــا وإنت نتمشى ونروح أي مقهى على حسابك
زيد: وليـــــــه مايكون على حسابك انت
فهد: ماطلبت إنت بس إمش وآمر بالي تبيه
##############################

نفس اليوم الساعه 9:45 ليلآ

الريم تكلم ساره عن مخططها الإجرامي للفكه من أحمد بالتلفون​

 

[رضاب]

الريم: هاه شرايك بتساعديني
ساره : آفـــــــــا عليك مايبيلها سؤال أنتي عارفه إن أهم شيء عندي سعادتك .......بس إنتي فكرتي بالموضوع زين ...
الريم: فكرت وإستخرت وحسيت إن أرفض الموضوع أكثر وأكثر
ساره: يمكن إحساسك بالرفض نابع من كونك رافضه بلأساس تفكرين فيه بطريقه جديه
الريم: لاياساره صدقيني أنا فكرت بالموضوع زين ولقيت إن أحمد مايناسبني ...
ساره: طيب من كلامك عن هبه واضح إن أحمد مش حاطها فباله أصلا
الريم: وهذا دورنا بالموضوع غن إحنا نلفت نظره لها
ساره: بس إحنـــــا يالريم مانقدر نسوي شيء بدونها ...لازم هي تكون راغبه بها الشيء وتبيه
الريم: ماعليج من موضوع هبه انا بكره بروح بيت عمتي وبكلمها بها السالفه
ساره وهي تضحك: أشوفك مشتطه على هالسالفه شكلتس من الخاطر تبين الفكه منه
الريم: أووووووووووووف مايحتاج أوضحلج أكثر
المهم بكره نكمل السالفه أنا ألحين بروح انام من رجعت من الكليه ماغفت عيني
ساره: ليش
الريم : ماأدري كله يتهيألي إنه بيدخل علي واحد من خوالي ولا أمي يسألوني ليه قافله تلفونج
ساره: ههههههههه روح يالخوف مسوي سوالف
الريم: شنسوي المسأله حياة أو موت
ساره بنبرة حزن خفيفه: بسم الله عليك من الموت يومي قبل يومك إنشاءالله
الريم: ساروووووووووه بس ...بسم الله عليج بعد عمر طويل إنشاءالله
ساره: أوكي حبيبتي أشوفك بكره بإذن الله
الريم : على خير مع السلامه

اليـــــــــــــــــــــــــــــــوم الثاني
الساعه الـ6:25 صباحآ


كعادتها القديمه صحت من النوم متأخره وعلى عجله إختارت ملابسها وبها اليوم كانت مختاره ألوان غريبه لكن متناسقه وهالشيء ميزه عندها إنها تقدر تناسق بين الألوان الغريبه وإلي تعتبر كمغامره لما تكون في حالة نفسيه متقلبه او منزعجه .... وهالشيء صار عندها مثل الطبع يعني الشلة من يشوفون الألوان الفاقعه أو الغير معتاده إعرفوا إن مزاجها بهااليوم متعكـــــــر شوي أو فيه شيء يشغلها.....لأنه المعروف عنها إنها تعشق الألوان الســــــــاده والألوان الهاديه.....

الألوان إلي إختارتها ساره لها اليوم كانت عباره عن بدي أورانج مع تيشيرت أزرق كحلي .... فعلآ لونين غريبين لكن طلعوا مره روعه (( طبعآ لما تكون درجات الألوان مناسبه يعني مو أي لون تركب على اللون الثاني))
مع تنوره سودا ميدي وجزمة رياضه أورانج وشراب كحلي
والمكياج كان عباره عن جلوص أورنج خفيف وتحديد للعين بالكحل الأزرق

على الساعه 7 دق التلفون برنة ندى وكانت تقريبآ خالصه كل شيء

وكعادتها بأقصى سرعه جمعت كل الأغراض إلي تحتاجها وحذفتها بشنطتها وخذت الشنطه والعبايه على السريـــــــــــع وطيران على الباب الخارجي للبيت وطبعآإحنا بعصر السرعه العبايه إنلبست وهي تنزل على الدرج ....

لما طلعت من الباب كان الباص واقف ....فركبت

ساره وهي تجلس: الســـــــــــــــــــــــــــــــــــلام عليكم ياصبايا
ندى والريم: هلا هلا وعليكم السلام حياالله من جاء
ساره : رووووووووووويم امسات بالليل دقيت عليكي الساعه 2 ليش ماتردي (( باللهجه المغربيه المعدله))
الريم: ليش ماتتذكري إني قفلتو
ساره: آه نسيت سامحينا ألحين عرفنا عذرك طوالت أمس وإحنا مشغولين البال عليكي
الريم: لا لا تخافي مافيناش إلا السلامه
ساره: عالسلامه خيتو
الريم: عالسلامه
ندى: هلا والله عاشوا بنات المغرب متى أقمتوا عندنا بالسعوديه
ساره: امسات لساتنا واصلين من المطار ...سافا
ندى: سافا

تلفون ساره يدق..... طلعت الجوال من الشنطه بشوف من المتصل

ساره: ريووووووم هذي إمتس تتصل
الريم: يوووه ردي عليها بسرعه أكيد تحاتني لأن جهازي مقفل
ساره: ألو هلا خالتي شلونتس .... لآخالتي مافيها إلا العافيه بس جهازها طافي بسبة البتري ... لاماعليك أول مانوصل الكليه بنخليها تشحنه .... خذي كلميها وتطمني عليها بنفسك..
وعطيت الريم التلفون

الريم: هلا يمه .... لاالحمدلله مافينا شيء ....لاتخافين ..حوادث... بسم الله علينا...لا تطمني... الشوارع فاضيه والسواق سرعته خفيفه تقولين سلحفاه (( والعكس صحيح لأنها كانت تبي إطمن أمها)) خلاص ... إنشاءالله مع السلامه

بعد ماقفلت

ندى: هذا سرعته سلحفاه إذا هالسرعه شبهتيها بالسلحفاه عزا الله رحنـــــــــا وطي
الريم: عاد إنتي لاتجلسينلي عالوحده أنا قلت هالكلام أبي أهدي امي
ساره: طيب إنتي إلى متى بتمين قافله جوالك
الريم : انا ألحين بظطر غني أفتحه عشان امي
ندى: هذا إحنا وصلنا خلينا ننزل وبعدين إفتحيه
الريم: بس أخاف إنها لحد ألحيت تزعجني (( تقصد زيد))
ساره: خلينا ننزل وبعدين نشوفلنا حل معاها​

 

[رضاب]

بعد مادخلوا الكليه وحطوا أغراضهم باللوكر كانت الساعه 8 تقريبآ

ندى : يلا بنات انا رايحه محاظرتي متى تطلعون
الريم : ماعندنا محاظره ألحين محاظرتنا تبدى 11
ندى: خلاص أشوفكم الساعه 10 ... وإذا صار شيء علموني بالمسجات لاتنسون (( تقصد سالفة زيد))
الريم & ساره: إنشــــــــــــاءالله

بعد 10 دقايق الريم وسار كانوا جالسين بالساحه الخارجيه

ساره: يلا ريومي إفتحي تلفونك
أول مافتحت الريم تلفونها بدى سيــــــــــل المسجات يهل
الريم: وااااااااااااااااااو 15 مسج
3 من بنت خالي
2 من إختي
1 من عمتي
4من البنات
1 منج
1 منج mised cool
1\ mised cool 45 من زيد
2 ومسجين منه بعد يبيني أرد عليـــــــــــــه
ساره: 45 مكالمه الريم أكيد فيه شيء كايد إنتي لازم تعرفين شيبي
الريم: شلون
مامداها تخلص جملتها إلا والتلفون يرد
ساره: هو
الريم تهزلها راسها بمعنى إيـــــــــــــه
ساره: طيب أرسليله مسج وقوليله شتبي
الريم : أوكي

الريم (( ممكن أعرف شتبي من أمس وإنت تتصل))
زيد(( الناس تسلم أول وبعدين تسأل))
الريم(( السلام ..يلا شعندك))
زيد((بل ... مايسوى علينا السلام.. الموضوع مهم وماينفع بالمسجات لازم أكلمك))
الريم(( آسفه ماأقدر ... إذا تبي شيء قوله بالمسج))
زيد(( وليــــــــه ماتقدرين))
الريم(( يمكن انا غلط لأني كنت أراسلك لكني مستحيل أزيد الغلط بغلط أكبر منه))
زيد(( مش واثقه فيني))
الريم((مش سالفه الثقه فيك أنا ماأقدر أخون ثقة أهلي فيني وأكلمك))
زيد(( بس أنـــــــا زيد يالريم))
الريم (( ولو كنت زيد ماأقدر... ولوسمحت إدخل بالموضوع))
زيد (( وش سالفة أحمد ولد عمك))
الريم فاتحه عيونها علأخير
ساره:ههههههه شوي شوي لا عيونك تطلع من مكانها
الريم: وش قصده بسالفه أحمد
ساره: ياذكيه إنتي أكيد وصلته طراطيش كلام عن خطبة ولد عمك لك .... وعاد إنتي وذكائك إعرفي شلون تستثمرين هالسالفه وتخلينها بجيبك

الريم (( أي سالفه))
زيد(( خطبتة للك))
الريم ((وإنت وش دراك بهاالسالفه))
زيد(( يعني السالفه صدق))
الريم(( إيــــــــــــه ..بس إنت وشلك بالموضوع))

زيد منقهر :لاوالله أنا إلي وشلي بالموضوع ... يعني أنا أطلع بره والأخ أحمد يتربع زين يالريم
(( لاأبد بس حبيت أستفسر عن الموضوع عشان أباركله ... ))

الريم وهي منقهره: ساروه شفتي وش كاتب يبي يقهرني قال يبي يباركله
ساره: تستهلين ماجاك عجل تقولينله وشلك أنت بالموضوع
الريم: يعني وشتبيني أقوله
ساره: قوليله إن جدتك هي إلي تبيك تاخذين ولد عمك وإنتي مش متقبله الموضوع وخايفه إذا رفضتي إن أبوك ياخذك تعيشين عنده

الريم(( ماأظن إنك بتباركله))
زيد والضحكه شاقه الوجه(( ليـــــــــه إنتي مش موافقه))
الريم (( ماأدري لأني خايفه من هالسالفه ))
زيد (( وش إلي مخوفك))
الريم(( جدتي... لأنها هي إلي تبي تزوجني من أحمد وأنا خايفه إذا رفضت تخلي إبوي ياخذني أسكن عنده ويبعدني عن أمي))
زيد ((مايقدر ليه هي الدنيا فوضى ...إنتي كملتي 21 وماله حق يجبرك إنك تعيشين عنده))
الريم((هالكلام لوكنت ولد لكن انـا بنت وله الحق ياخذني بأي وقت))
زيد ((ماأظن هالشيء بيرضي جدتك لأنها هي إلي طلبت من أبوك إنه يخليك عند إمك من كنتي صغيره وأكيد ماراح تهونين عليها))
الريم (( إنت ماتعرف جدتي ... إذا صممت على شيء تسويــــه ..
وهي تبي تزوجني من أحمد ..والظاهر إلي تبيه بيصير))
زيد ((معصــــــــــي والله ماتاخذينه وراسي يشم الهوا))
الريم (( أووووووف وش كل هالعصبيه ... لوكنت إختك ماسويت كل ذا))
زيد (( ليـــــــــــــــــه ماتدرين إنتي مين))
الريم (( لا ماأدري... ليه أنا من أكون))
زيد (( إنتي قلبي وروحي وعقلي ودنيتي كلها))
الريم وهي فرحانه(( واااااااااااااو كل ذا أنـــــــــــا))
زيد(( وأكثــــــــــر .... بس ممكن سؤال))
الريم (( إسأل... وأنا أجاوب))
زيد (( أنا من أكون بالنسبه لك))
الريم بهبل((ماأدري...... إنت علمني))​

 

[رضاب]

زيد : هاذي ناويه تجيبلي الجلطه ((وهو يتطنز)) إنت علمني .. ولايهمك أبشري

(( أمم حبيبك ... حياتك ... هواك ... قلبك ... نبضك وكل شيء بحياتك))
الريم(( الأخ واثــــــــــــق))
زيد(( أكيـــــــــــــــد ... مايحقلي))
الريم بجرأه(( يحقلك ونص ...... مو إسمك زيد ... وإنت تقول إنك حبيبي عجل أكيد يحقلك))

ساره : يـــــــــاقويه إنتي تبين تذبحينه بكلامك من وين جاتك هالجرأه
الريم وهي تأشر على قلبها : من هنـــا تعبت وأنا أخبي كل هالكلام خليه يعرف ويحس

زيد كان بحاله ثانيه : ياويل قلبي أنـــــــــــا والله إني أحبها هالبنت ذابحتنــــــــــــي
زيد (( أحبــــــــــــــك))

الريم : يابري حالي ياسوير وأخيــــــــــــــرآ من متى وانا أنتظر هالكلمه منه 10 سنين وبالنهايه وصلتلها
ساره: مبـــــــروك حبيبتي وألحين خلاص بسكم مسجات راح الرصيد
الريم : فدوة لعيونه
ساره: ياويلي على الحب .. بس خلاص لازم تثقلين عليه
الريم : صح كلامك

.........
زيد : ليه ماردت على المسج .... أكيد أحرجتها ... بس أبيها ترد علي
(( أنا إلي أعرفه إن البنت إذا أحد قالها كلمة أحبك ترد عليه وتقوله وأنا بعد احبك ... أموت فيك .. أعشقك .. ومن هالكلام))

الريم وهي ميت غيض(( وإنت ماشاءالله عندك خبره بالبنات))
زيد يبي يغيضها أكثر(( يقولون ))
الريم(( إمم ويقولون إني بعد بوافق على أحمد ))
زيد (( يخســــــــــي أحمد إنتي لزيد وبس فاهمه))
الريم (( ومن زيد على خير))
زيد (( زوجك المستقبلي))
الريم (( بأحلامك))
زيد (( شوفي يارويم عندك إسبوعين تفكينا من سالفه أحمد ولد عمك واليوم إلي بعده عللى طول خطبتنا))
الريم(( خطبة مين على مين))
زيد (( رووووووووووويم بلا عبط وهبال ... أحمد ولد عمك ترفضينه ..وتوافقين علي فاهمه))
الريم (( لاصار الشور بيدك ذيك الساعه نشوف شبيتسوي))
زيد (( شوفي لاتحديني أروح له بيتهم وأدوسه بالسياره عشان أفتك منه ومن شره))
الريم (( بسم الله وش هالإجرام ...تبي تذبح ولد عمي ..لاتنسى تراه ولد عمي وماأرضى عليه))
زيد (( لاإدافعيــــــــــــــــن عنه لاأذبحه صدق))
الريم (( أنا ماأدافع عنه أنا أقول إنه ولد عمي وماأرضى عليه))
زيد ((والله إنتي إلي يبيلي أذبحك بدل ملتقولين فدوه عن راسك تقولينلي ولد عمي وماأرضى عليه))
الريم (( وأهون عليك تذبحني ))
زيد (( لا أول شيء أخطبك وأتزوجك وبعدين أذبحك))
الريم ((مجـــــــــــــرم))
زيد (( عادي أهم شيء إنتي تحبيني وتوتين فيني ))
الريم (( يالمسكيـــــــــــــن من لاعب عليك))
زيد (( قلبك إلي ساكن عندي))
الريم (( وأنا وش ذابحني إلا قلبي...... ألحين بما إني عرفت وشتبي ... وإنت عرفت رايي بالموضوع...بس من المسجات))
زيد(( ليــــــــــــه تو الناس عندك محاظره ألحين))
الريم (( لا ... وأي تو الناس اليوم كانت حاله إستثنائيه ... يعني ياويلك لو ترسل مره ثانيه))
زيد (( هادمــــــــة اللذات إنتي ... وبعدين خير إنشاءالله على بالك ميت عليك أنا ... أصلآ هذا آخر مسج يوصلك مني))
الريم (( بنشوف))

زيد:طيـــــــــب يالريم خلينا بس نفتك من ولد عمك ... وأخطبك ساعتها بتشوفين وش يصير

نفس اليوم المساء الساعه الـ 7
بيت عمة الريم

الريم كانت معزومه ببيت عمتها على العشاء.....الريم اول ماكلمتها عمتها تعزمها عندها وافقت بدون أي تردد ....لأنها شافت إنها بتكون فرصه حلوه تلتقي فيها بهبه بنت عمتها وتكلمها عن المخطط إلي براسها.....
كانت جالسه مع جدتها وعمتها وبناتها بمجلس الحريم سوالف وضحك ...
الريم
كنت أستنى الفرصه المناسبه عشان أكلم هبه بموضوع أحمد...بس للأسف ماقدرت كانوا الكل موجودين حولنـا ....ياربـــــــي أنا جايه اليوم عشان أكلمها....خلاص ماعاد فيني صبر خصوصآ بعد ماعرفت اليوم إن زيد يحبني ويبي يخطبني ... بس وين الفكه

وجاتني الفرصه لحد عندي لمــــــــا

العمه:هبه حبيبتي روحي جهزي غرفة الضيوف مع الخدامه حق جدتج
هبه: الله جدتي بتنامين عندنا
الجده: إي حبيبتي بنام ...والله أنا متعوده على داري بس إمج حلفت علي الله يهديها
هبه: زين سوت معاج ولا إنتي ماتباتين عندنا إلا بحلف ماتحبين إلا بيت عمي أبو احمد... ماكن إحنا بناتج عادتنا غرب عنج
الجده:حرام عليج يابنتي كلكم غلاكم واحد ... بس بيت بوأحمد بيتي
العمه: وهذا بيتي يمه وبيتي بيتج
هبه : يلا عن إذنكم بروح أجهز الغرفه​

 

[رضاب]

الريم: خذيني معاج بساعدج
العمه: لايمه الخدامه بتساعدها
الريم: لاوالله ماخليت الخدامه ترتب فراش جدتي وأنا موجوده
الجده: يالله جعلني ماأذوق حزنج قولي آميـــــــــــــــــن ويرزقج بالرجال الصالح
العمه: يمه الريم خلج مرتاحه إنتي ضيفتنا يمه وإذا ماتبون الخدامه ترتب فراش إمي بخلي وحده من البنات تروح مع هبه
الريم: حشى والله ولا وحده تقوم مع هبه غيري الله يهداج عمتي إنتي تحسسيني كأني غريبه عنكم
العمه: لايمه الريم شهالكلام إنتي وحده من بناتي

غرفة الضيوف
بعد مارتبت انا وهبه الغرفه .... رحت وقفلت الباب وهبه إطالع فيني مستغربه

الريم : هبه حبيبتي بغيتج بموضوع
هبه: آمري الريم شبغيتي
الريم:هبه أنا بكلمج بموضوع أحمد ولد عمي
هبه: أحمد شفيــــه أحمد
الريم: هبه أكيد إنتي تدرين إن أحمد ولد عمي خطبني
هبه وبصوت حزين : إيه أدري
الريم: وأنــــا ياهبه ماأبيــــــــــه ورافضه الزواج منه
هبه: ليش وبعدين أنا وشدخلني بالموضوع
الريم: هبه انا أدري إنج تحبينه وأنا واثقه إنج أكثر وحده تناسبه
هبه وهي منصدمه: ليش لهاالدرجه واضح علي
الريم: لا بس بصراحه أنا بعد أحب ومن سنين عشان كذا حسيت فيج
هبه: من خوالج
الريم : إيـــــــــــه
هبه: طيب وبعدين
الريم: شوفي أنا بساعدج وبخلي أحمد يعوف بنات هالدنيا كلها ويتمناج إنتي وبس
هبه: يالريم أحمد يبيج إنتي وبعدين دامه ماحس فيني إلسنين إلي راحت كلها بيحس فيني ألحين
الريم:هبه أحمد يبيني لأني إنسانه صعب يوصلها مش لأنه يحبني أو لأني داخله مزاجه.... وبعدين هو ماحس فيج لأنج ماحاولتي تحسسينه بمشاعرج إتجاهه
هبه : شلون يعني تبيني أروحله وأقوله ياأحمد ترى أنا أحبك
الريم: لاء هذا بيكون أكبر غلط تسوينه الرجال إلي من نوعية أحمد عمره مايحب إن البنت تلاحقه لأنها بترخص بعينه هو يحب إنه هو إلي يلحقها ويعلقها فيه ويختار دايم النوع الصعب إلي يكون بعيد عن يده .... لأنه يشوف إنه إذا يقدر يوصلها ويوصل لقلبها فهذا دليل على مقدرته وذكائه
هبه: طيب شلون برايك أقدر أخليه يشيلك من باله ويفكر فيني وبس
الريم : أنـــــــــأ أقولك شلون

#############

بعدها بيومين

بيت فهد
دخلت غرفتي وأنا ماني بطايق حتى نفسي..........
جلست اظرب وأرمي وأكسر أي شيء قدامي .... العطور ...... الأمشاط ....الكريمــــــــات .... كل شيء وأي شيء يطيح بيديني ........
الدنيــــــــــــــا ظلمت بوجهي وماعدت أشوف فيها إلا السواااااااااااااااااااااد
ليـــــــــــــه كذا ليـــــــــــــه........ حرام والله حرام إلي سوته .....
ظلمتنــــــــــي وإظلمت نفسها معي .... ياناس فيه أحد يظلم نفسه ولا قطعه منه ....ردوا خلاص مافيني عقــــــــل....
هي تبي إدمرني .... ولا إدمر حياتها.... تبيني أكرها و أشيل بخاطري منها..... ياليتها تجاوبني بس
وش تستفيد إذا دمرت حياتي بها الطريقــــــــــــه



الجزء الثالث والعشرون

غـــــــــرفة فهد

صحيت من النوم وأنـــــــا أحس براسي بأي لحظه بينفجر وتذكرت ساعتها وش صار بيني وبين إمي أمـــــــــــــس

كنت راجع من برى وأنا مبسوط وفرحـــــان أول مادخلت إتفجأت بوجود مرت عمي وبنتها سمـــــــر .... بصراحه أنا شاك بهاالزياره يعني مو بالعاده يزورونا إلا باالمناسبات وماأدري ليه حاس إن إمي لها دخــــــــــــــــل بالموضوع

أم سمر: هلا فهد شلونك وشخبارك
فهد: الحمدلله بخير ..إنتوا وشخباركم وعمي شلونه عساه طيب
أم سمر: الحمدلله كلنا بخير وعمك دايم يسأل عنك يقول ماتجيه تزوره
فهد : له الحق ...بس تدرين مشاغل هالدنيا
أم سمر: سمرسلمي على ولد عمك
(( سمــــــر ماتتغطى من فهد لأنها متحرره شوي))
سمر: هلا فهد شلونك
فهد بدون نفس: الحمدلله بخير إنتي شخبارك
سمر: بخيـــــــــــر

(( سمر يطلق عليها لقب حليوه طولها متوسط عيونها كبار وسود وملامحها حاده يعني الخشم طويل والفم وسيع شوي وهي بشرتها حنطيـــــــــه و شعرها بوي قاصته قصة السبايكـــــــي وهيئتها أقرب لولد منها لبنت بإختصـــــــــار مسترجــــــــــــــله.... كانت لابسه بنطلون جنز LowWest مع تيشيرت كروهات أحمر وازرق ...))​