أقنعة / بقلمي {رواية مشوقة}

[قدساويه شيطونة]

القصه مطوله ع ماتخلص ؟

 

[cαяless шнispeя]

مادري قدساوية
انا عاد ومحاولتي بالكتابة << مو عارفة ارد ول مرة اكتب خو

 

[cαяless шнispeя]

رجعت الايام تمر عادية والحمد لله الامن مستتب ههههههه
كنت اغير هدومي بروح بيت اهلي ريلي دق يقول بيمرني بعد نص ساعة
يعني يادوب البس والبس عبود بنروح عند امي
وانا اغير جنطتي انقل اغراضها
والا المح الموبايل اللي كانت دانة تكلم فيه عادل !!!
مممم فتحته
والا اقرا 30 رسالة لي انا بالاسم !!
ممممممم مرة كاتب ولهت عليج ومرة كاتب القمر متى موعده مر الشهر وما شفته !
ومن هالسوالف اللي تحسون منها انه مهتم فيني
توني بسكر الموبايل والا اييني اتصال منه
مممم رديت صراحة
عادل : يسعد مسا العيون السود العيون اللي ماغابت عن عيوني لحظة !
يسعدلي قلبج الطيب اللي يحن علي ويرد بعد هالفترة من الاتصالات !!
الاميرة ليش ساكته !
الووو الووو
فاتي : الو نعم انت منو << اتهبل مو عارفة شقول
عادل : انا اللي شغلت لج بالج
انا اللي سريتي وعطرج بيدي
عادل ماعرفتيني يافاتي
تسمحين اكلمج اليوم لو نص ساعة انا راضي مكالمة مو لازم اشوفج لأن دانة ...
قاطعته : نعم دانة @@ شفيا بعد @@
لا يكون كلمتها وربي وربي هالمرة اعلم اخوي
عادل : انتي دقي ولا تحاتين والا اقولج تعالي انا مكانا تلاقيني المغرب
راح انتظرج حتى لو ما ناوية تيين يكفي اني اتخيلج معاي ..
صكيت التلفون
امبيه قلبي يرقع
اف ياربي كلامه معسول
شلع قلبي عمري ما فكرت بريال جذي
ممم هذا الحب معقول ؟
زين انا متزوجة ياربي شلون ؟
فزيت من طقة الباب
والا ابوعبود يزف فيني يا حمارة صارلي ساعة ناطرج
انا فتحت حلجي ماتوقعته بيسبني ترا ما امدانا ردينا وماكو شي مستاهل هالسب !
بجيت وقلت مو مشكلة بروح عند امي ابوي تهون السالفة
رحنا طول الطريج يكلمني يقول مو تخربج امج وتيينني على يوم لابسة شورت !!
ويضحك بصوت عالي نسى انها امي اللي ربتني !
يقول حق عبود وعبود ما يعرف يتكلم عبودي بابا مو تقولها ماما عودة جدام الناس لا تفشلنا !!
فاتي : بس عاد كافي انت ما تستحي هذي امي لو شنو ما سوت
وبعدين كيفها اهي مو على ذمة ابوي كيفها يا خي
ياني كف على خدي حذف راسي وطق الجام
بجيت وقلت بنفسي اصبري مردج بتوصلين عند اهلج
وتقولين لهم انج ماعاد تتحملين الحين اهمه ظروفهم هانت وممكن يوقفون معاج يابنت !
وصلنا واهو يضحك وبسخرية من وضع بيتنا !
نزلت لهم انا وولدي والا ابوي يحضني مشتاقلي حتى اني عند الباب اقوله بابا خليني ادخل هههههه
عبود بحضن ايمان حبيبها
دانو وامي يقولون خنسلم على اختنا ياجماعة وخرو شنو طابور هههههه
فرحتهم باستقبالي نستني الم الكف اللي خذيته !
تغدينا واتصل زوجي علي يقول سيارتج برا طرشي اختج دانة تاخذ المفتاج انا راد البيت مع صديقي
فرحت
قلتله بنام عندهم قال اوكي بس ما وصيج امج لا تلبسج جنز ويضحك باستفزاز هالحقير

للأقنعة بقية ..​

 

[cαяless шнispeя]

بنام حبيبتي باجر اشوف ردود افعالكم وياريت يكون في تجاوب عشان تجاوب اكثر حبيباتي




بنام يماااا تصبحين على خير

 

[TooT*BaRri]

بكمل بس ترا البارت هذا آآآآلمني حيل وسامحوني على اي دمعة تنزل لأني طولت وانا اكتبه كثر ما تعبت
اتمنى يوصل احساسي قبل كلماتي

ياحياتي مثل ما الامج وربي الامني

ولدى تم يوم واحد بالمستشفى بولادته علشان نسبة البوصفاار كانت وايد
وماقدرت انام لي اليوم الثاني
وكان صعب عليي اعطييه الممرضات واروح عنه

شعور ربي يرحمنا فييه بس


واسلوبج بكتابة البارتات حده حقيقي وواقعي ما شالله


ويسلملي احســــــــــــاسج ..........يا ذوق

 

[TooT*BaRri]

بنام حبيبتي باجر اشوف ردود افعالكم وياريت يكون في تجاوب عشان تجاوب اكثر حبيباتي




بنام يماااا تصبحين على خير

نوووم العوافي

كتكوت

 

[OM HOOR]

متابعه معاج و لو تكتبين الف بارت يكفي انج قعد تفضفضين لنا و كلنا نسمعج ونشاركج فطومه

جد ماعمري قريت لحد واهتميت كثرج

حتى لو زايده بالكلام

يكفي إنه الإنسانه اللي كاتبتها عرفنا جزء من شخصيتها و عرفنا انها انسانه تنحب بكل مافيها

ناطرين يديدج ..

 

[الغاليه نونو]

صباح الخير والنوير


وينج فتااااامي لايكون بسابع نومه انطر البارته يمه

 

[أشكي عليك الحال]

رووووووعه حلووووو البارتات اللي نزليتهم وصج يضيقوون الصدر بس اسلوووبج يهبل ويشوووق


وكملي لاتوقفيييييين


كلنا اذان وعيووون صاغيه لج


لا يوقف

لا يوقف

لا يوقف

 

[miss 3yara]

صبااااح الخييييير ماما نونو وفطومه
قريت البارتات الي طافوني وكانو حلووين نفسج
وناطرين التكمله على احر من الجمر

 

[فرح ومرح]

يللا يا فاتي يا حلوة بسج نوم ناطريين البارت الجديد خو احنا صرنا مدمنين علي قصتج يللا نبي نعرف شصار ويا هالمراهق عدول ........لا يقص عليج ترا ايدي علي قلبي فديييتجlist]

 

[mash mash]

تو شفته القصة بتوقيعج ودخلت وااااااااااااي حده تشوق بس ياليت تكملينه بسرعه لاني قليل اجلس ع النت
بليييييييييييييييييييييز كمليه كله اليوم
وتسلم هالانامل ع القصة الاكثرمن روعه

 

[TuTTi^FruTTi]

واااي امبيه @@


تغيير عجيب بالاحداث !!


انزين دانه جم عمرها وايمان ؟؟


وانتي اكبرهم ولا ايمان ؟؟


امبيه @@


كملللللللللي ناطرتججج

 

[ام الصقرين]

متآبعــة

 

[RaAaRy]

مبي ما شالله عليج القصة عجيييييييييييييييبة ما قدرت اقاومها وبعدين بجيتيني ببارت اللي مات فيه اخوج عسى اللله يرحمه ويغمد روحه الجنه تذكرت اخوي لما مات الله يرحمه بس الفرق انه اخوي كان عمره 18 يعني عاش معانا 18 سنة الله يرحمه وتذكرت ويه امي لما كانت تبجي عليه لما مات ولما ادفنوه صج كانت صدمة وليلحين نحسها جنها حلم الله يرحمهم ويصبر اهالينا على فراقهم ان شالله يارب :**** وعورتي قلبي وذكرتيني باشياء صرت بالغزو وخصوصا كسرو اللعبة وتذكرت بعد خالي لما خذوه اسير وردوه بعدين ويدتي تبجي ليل ونهار تدعيله يرد يالله الحمدلله على كل حال الله يديم علينا نعمة الامن والاستقرار يترب وتحفظ لنا ديرتنا وشيخنا يارب وترحم بابا جابر وكل شهدائنا يارب وكملييييييييييييييييييييييييي فدييييييييييييييييييييييييييييييييييييييييييييتتتتتتتتتتتتتتتتتتتتتتتتتتتتتتتتتتتتتتتتج حدي متشوقة ماني قادرة اقوم

 

[miss 3yara]

الله يخليج كملي فطومه

 

[~ MhMh ~]

فطوم الله يعطيج ألف عافيه
صج صج ابداع ماشاء الله عليج
خليتيني خلصت 14 صفحه و موحاسه بنفسي و عيالي حوالي معطتهم سكب حدي اندمجت






واااااااااااااااااااااو صج قصه روعه من وحده روعه
جكجكجكجكجكجكجكجكجك << قاعده أصفقلج _03ba:

 

[cαяless шнispeя]

تعليقاته كانت تجرحني
وبنفس الوقت تخليني اكره تصرفات ماما
لدرجة انه الامر اخذ مني كثير من الوقت اكون معاهم اسرح !
ماكانت ابد شخصيتي هادية لكن الهدوء خذيته قناع من هالاقنعة اللي اعامل فيها البشر !
اول ماوصلت كتبتله مسج انا مابي حياتي معاك وان كان هذي اخرتها تعيب على امي او تصرفاتها وتشككني
بتربيتي فأنا ارحب بقرار الطلاق
رد علي بمسج وكان اهانة للمرة الالف منه !
صج أنج ,,,,,, وماتستحين !!
تعودتو على الشوارع
والشرشحة انتي مو كفو تصيرين ام اصلا انتى عبدالله اشك انه ولدي
وتأكدي انا لو امي ترضى انه اطلقج جان من صيد امس انتي طالق !
عرفت اني بعد هالمسج انه ماراح اقدر اتحمل الحياة معاه وانه مستقبلي صج صج ماراح يترقع
لجأت لخالد اخوي
لأول مرة ادخله بحياتي هو كان انسان منطوي على نفسه
اغلب حياته سفر من عقب ما توظف يجمع هالمعاش ويطير البحرين !
يقول انه وده يعيش هناك انا واثقة انه يبي يهرب من الديرة اللي احنا فيها !
طلبته يوقف معاي ورويته المسج مارفع راسه من الموبايل الا واهو طالع من البيت
الكل قاعد يضحك ويسولف امي وابوي بعد يسولفون واحد يعيب على الثاني
واحنا نضحك على التعليقات
الا انا ...
امبيه خالد وين راح ياترى
اتصلو علينا المخفر يبون ابوي ! ولدك بالمخفر !
ياحسرتي انا اللي مابغيت ابوي يشيل همي !
الله يسامحك ياخلودي
كالعادة ابوي ام خالد انتي روحي اكيد يبون كفيل !!
ماما لبسي فاتي وتعالي معاي استحي يما ادش مخفر
رحت معاها..
وبالطريج خبرتها كل الموضوع اللي صار !
لأني متوقعة الف بالمية انه خلودي طق ريلي
امي ابد ما علقت ولا حتى توقعتها بتعلق بعد شنو بتقول اذا كل السبب كان منها !
اهي اللي يابتلي كل شي صار !!
صج انها ماتدري بس كان من الاولى ماتاخذ حياتها وحياة غيرها
دخلنا المخفر سألنا عن أخوي قالو بالنظارة ياجماعة شالسالفة
والا خالد داخل على ريلي بيذبحه @@
قالنا حجي الشرطي نه لازم يحولونه على النيابة العمة لأنها
جريمة كاملة الشروط !قلنا حق الشرطي عفية ولي يسلمك نبي نشوفه
قال تشوفونه الحين بس نطرو تخف الزحمة
بطرف عيني أشوف امي تتبوسم حق الريال @@
وي وي شفيها ينت هذي @@
تبي تفضحنا اهو ما نزل عينه عنها
وصل خالد يلمني يقول انا عشانج كل شي اسوي
امي تكلمه يقول حق الشرطي وخروها عني لا تصير جريمتين قتل !!
بصراحة امي مستفزة على هالتصرفات الصبياينية !!
لا حول ولا قوة الا بالله
مشينا وامي ما تأثرت !
نزلتها البيت ورحت
مممم مركز سلطان نفس الكافيه !
ادوره كان مفعول رسالته نفس السحر
شلون لو يدري اني محتاجه حنانه !!
لقيته لابس نظارته ومجابل لاب توبه
قربت منه قبل لا يرفع رسه قال فاتي هذا عطرج الحلو شسمه
!! عرفني من عطري
وانا ريلي من على نفس العطر كان يقولي هندية انتي ؟
شنو ريحة دبراملا @@
يربي والله فرق!!
وقف سلم علي طول ما سحت ايدي هالمرة كنت ابي يمسكني حيل
ابي حنانه لو هو غريب
فاتي : طلبتك
عادل امريني على روحي
فاتي : نطلع حدي متضايقة
عادل هذي مفتاح سيارتي نزلي انتظريني تلاقينها تحت بالمواقف بورش كايين لونها كحلي
وكأنها سيارتي نزلت وانا مسلمة نفسي وللي فيها فيها !
خواتي يدقون انتي وين قلت انا بنام بشقتي ريلي بالمستشفى
واحمد بالمخفر وامي عندكم وخلو ولدي عندكم
ماني رادة اليوم باجر الصبح يمكن !
وبالفعل ركبت سيارته
وشغلتها ونطرته
الله عطره حلو
ريحته عجيبة كنت ابي انسى كل همومي معاه
هو قادر على هالشي !انا متأكده انه بينسيني كل مر بحياتي
مع اني ماعرفه !
طيب ليش رحب فيني ؟
معناها يحبني << غبية كنت افكر ان الحب جذي !
وصل عادل ,,
يه من صوبي بطل الباب عدل الكرسي
عادل : مابيج تتضايقين ريولج الطويلة هذي
مابي اتعبها !
اوخ من اولها ضغاط !
سلمت امري له
فاتي : شوف حدي تعبانة وانا مابي ارد البيت
مادري ليش ما عرف احد غيرك ابي اعرف شنو عالمك !!
عادل :انا متعتي اروح البحر
فاتي : الله بحر يلا نروح عادل مستغرب : يعني تبين نروح ؟
من عيوني
نزلنا البحر بس شاليه عادل كان غير
امبيه احلى من بيتنا وايد فخم
حتى فيه خدم @@
من صجهم هذول يعني عندهم فلوس هالكثر يحطون خدم حتى بشاليهاتهم ؟
طول الطريج ابجي واهو ماسك ايدي وبيده لثانيةيسوق اقوله انا ما ابيك انا ابي بس اهتمام
تعبت ماعندي سند لا ام لا ابو وين اروح ؟
كل شي حسيته قلته
كان مثابة دكتور يعالجني هدوءه حتى لمسته كان اذا بعد ايده مممم العب بخاتمي يقول ولهتي على ايدي
بس كنت احط عيني بعينه
كنت ابي هالحنان
اقوله اي وانا مو واعية على الخطأ اللي امر فيه
للأقنعة بقية ..​

 

[cαяless шнispeя]

ياحياتي مثل ما الامج وربي الامني

ولدى تم يوم واحد بالمستشفى بولادته علشان نسبة البوصفاار كانت وايد
وماقدرت انام لي اليوم الثاني
وكان صعب عليي اعطييه الممرضات واروح عنه

شعور ربي يرحمنا فييه بس


واسلوبج بكتابة البارتات حده حقيقي وواقعي ما شالله


ويسلملي احســــــــــــاسج ..........يا ذوق

قلبي والله انتي السموحة عورت قلبج
تسلمين على اساسج الراقي ..
لا تحرميني هالتلعقيات والتشجيع والانطباعات الحلوة نفس روحج
ويخليلج وليدج يارب قولي امين

 

[cαяless шнispeя]

متابعه معاج و لو تكتبين الف بارت يكفي انج قعد تفضفضين لنا و كلنا نسمعج ونشاركج فطومه

جد ماعمري قريت لحد واهتميت كثرج

حتى لو زايده بالكلام

يكفي إنه الإنسانه اللي كاتبتها عرفنا جزء من شخصيتها و عرفنا انها انسانه تنحب بكل مافيها

ناطرين يديدج ..

انتي شنو انسانة وذوق وقمة بالاسلوب وربي اخجل احيانا من لرد
بارك الله فيج يا ام حور
والله ابرك الساعات انه تقرالي رائعة نفسج << بجيت وانا اقرا ردج ياربي بسني بجي :dddds: