أقنعة / بقلمي {رواية مشوقة}

[cαяless шнispeя]

ايام مرت ..
والخطاب صارو يطقون بابنا يبون يتزوجون ايمان !!
ومرة طلبو اختي دانوو مع انها بالمتوسطة !
ابوي : فاتي ابيج بموضوع
دشي وصكي الباب
يقول بابا انا ماعاد اقدر اتحمل الحياة بهالوضع
ابي استر خواتج وازوجهم وارد ديرتي
على الاقل اموت بين اهلي وناسي
على طول قلتله اششششششش لا تكمل
انا بنتك مداس ريولك انت شتقول!!
انا بدونك ما اعيش بابا انا فاتي حبيبتك
تذكر يوم قالت امي ابي عيالي انا جييت
عندك انت بس ما ابيهم بابا
انا ابيك
مو مشكلة عندي شنو ظروفنا !
بابا : فاتي يباا دقي على امج قوليلها ترجع البيت !!
انا بخليكم واسلم امري لله
يبا ما يصير احكركم بعد على الاقل اهي تقدر تجابلكم انا مابيدي حيلة !
زين يبا كلهم عادي راح يقدرون يعيشون اتوقع معاها
انت ما فكرت فيني @@
معقول تنسا فطوم بابا
زين اذ امي رضت ترد ميخالف تقعدون فبيت واحد !
كل واحد بصوب بس خلوكم انتو
صرتو ملكنا مو ملك نفسكم !
يبا احنا ما عدنا صغار
يعني انا صرت ام ومداني فهمت هالمسؤولية بابا بليز
قال كلميها اذا ترضى ياريت يبا الناس يخطبونكم ويسألون عنها
شنو متوقعة اقول ؟
انهيت كلامي معاه وركض على غرفة البنات
بنات دريتو ابوي بيرد امي
ضحكو ضحكة استخفاف
والله العظيم انتي وياها اكلمكم جد
ردت دانة بصوت عالي : مو لما اكون ابيها ختولي باعتنا شنبي فيها
وع وع صج اكرهها
حتى ما عنت عمرها وما دقت !
دانة لا تقولين جذي مهما كان هذي امي
انتي يا ايمان ردي شفيج
لمتني تقول فطوم ودي اتزوج وافتك من هالبيت اوف لاعت جبدي من هالمسؤولية
ودي كمل دراستي بنات خلق الله يدرسون واللي كبرو على وشك تخرج الا انا !
ولهت على كل شي بالجامعة
انا صراحة ما اايد ردتها البيت
انا : ليش يا ايمان على الاقل تصرف عليكم !
ايمان : يعني بس يايبينها تكدون عليها
وهذي حالتها والله ومالت على هالحنان الي بقلوبكم انا اقول لو امي بترد
يا اما ترد ترتاح من هالشقا !
يا اما خلوها تعيش حياتها يمكن تتزوج انسان يعوضها عن التعب اللي تعبته
دانو : امبيه تخيلو امي مع كرشها تحب واحد ويتحدا اهله ويتزوجها
كلنا ضحكنا ههههههههه
ما كنا نعتبر انه امنا ممكن احد يعجب فيها غيرنا !
مع انها كانت حلوة لكن متينة !
ما عمرنا شفناها كاشخة !
كله طباخ وتنظيف
فديتج يما ..
ثاني يوم الصبح ..
دقيت على خالتي ام جاسم : خالتي ابي امي اذا دقت عليج خل تحاجيني
ام جاسم : فطوم امج مسافرة !!
انا : نعمممممممم
امي شنو @@
شتقولين انتي
امي ماعمرها ركبت تكسي !
تركب طيارة @@
امبيه
لا ارادي صكيت التلفون ركضت على ريلي اشكيله
ريلي : شنو متوقعة من وحدة صايعة تركت بيتها
وعيالها انتي من صجج تقولين لها يما !
هذي ام هذي !
انا : اظن امي ربتني اني ما ارد عليك حتى لو غلطت علي !
بس هالشي ما يمنع اني ماعاد تفرق وجودك وغيبتك بحياتي
واذا تبي تطلق طلق انا امي اشرف من اهلك كلهم كلهم فاهم يا حقير
تركت البيت وطلعت وخذيت عبدالله معاي
رحت عند خواتي بحجة اني بقعد معاهم ما قلتلهم عن اي شي قلت يومين ويحس بغلطته
ويردني !
وانا عندهم كنت احاول اقوم بوجبات امي
واسولف وياهم
تعلمت بهالمرحلة بحياتي اسوأ طبع فيني
اني اعبر على جرحي عشان لا حد يحس فيني واصير ارجوز بس غيري لا يزعل !!
شهرصابرة وابوي كان بس هو اللي يعرف السالفة اللي بيني وبين ريلي
تخيلو حفاظ ماكان ييب حق عبدالله !!!
بالأيام كنت كل يوم ادق على خالتي ام جاسم اسألها امي ردت ؟او لا
اللي اعرفه انها مسافرة مصر
مانعرف احد مناك ياترى امي شعندها ؟
وكان هالسر مأرقني خصوصا انا من النوع اللي ما يعرف يكتم السر!!
مرت اسبوع والا تتصل خالتي ام جاسم تقول فطوم امج راح توصل اليوم على الكويتية الساعة 11 بليل
قلتلها اهي تبينا نكون مناك قالت اي مسويتلكم مفاجأءة
رحت بلغت خواتي انه بوديهم مشوار وقلت حق اخوي مارضى قال روحو بس لا تتأخرون انا مابي اروح
عباله اني بعشيهم برا وبس
مايدري فديته انه بيشوف امي بعد عمري يما
واخيرا بشوفها
ماحبيت اصر عليه قلت اول وتالي بيشوفها
خذيت خواتي غصب والله قبل كنا نتهاوش منو يركب جدام بالسيارة الحين غصبتهم عشان اييون معاي
الحمدلله على كل حال
وصلنا المطار مع رفضهم التام باقتراحي انه نقعد بستار بوكس لأنهم ما يحبون هالجو ماكانو اجتماعين ابد خواتي
يمكن من الظروف الشينة اللي مرينا فيها
ممم كانو جدا يستحون حتى مني عقب ما اتزوجت
استأذنت منهم اني مشبهة على صديقة لي نزلت بسلم عليها جان ادق على خالتي ام جاسم
الو وينكم
خالتي :امج للحين ما وصلت
انا : خالتي احنا بستار بوكس
ام جاسم : تعالو صالة الاستقبال
أنا :اوكي كاني باخذهم وبنزل .
رحت فوق لقيت لمحت دانة تخش شي بجنطتها !!
ممممم وين ايمان ؟
قالت ها ( مرتبكة ) ايمان راحت الدبليو سي الحين بترد
انا : زين شنو اللي خشيتيه بالجنطة بسرعة
دانة : (اعتفست) ممم بعدين اقولج يلا طلعينا مانبي
نقعد مني
بيني وبينكم ما قدرت اثبت شنو بالجنطة اللي من شافتني اخترعت وخشته !
قلت لا حقة مردي بعرف خليني اعيش فرحة امي الحين نزلتهم تحت ايمان تركض ورا عبدالله هبل فينا ولدي يومها
انا ويمان لابسين عباية عادية لكن دانة كانت كاشخة مادري ليش حسيت انها اوفر
يمكن لأني مو متعودة اشوفها تلبس برا كله عباية كانت
مضى على غياب امي تقريبا عن حياتنا مدة اربع شهور من بعد وفاة علي بشهر !
يعني خمس شهور امي بعيدة عنا عادي جدا نحسها كبرت ملامحها
وصلت طيارة امي انادي خواتي تعالو همه مستغربين شفيني !
منو بستقبل اللي مهتمة لهلدرجة ولا خالتي امجاسم تشوفهم تسلم عليهم وتقولهم امكم الحين بتوصل
ياااااااااااااااااه ما اروع ابتسامة ايمان كانت صج مدمعة بس والله كنت احس بصدق فيها
ركضنا واقفين وحدة ماسكة ايد الثانية
يت مامي
خالتي :كاهي دلوووووووووووولة واااااااااو نيو لوك وايد دلول تهبلين صايرة والله شاطر الدكتور !
امي تمشي ببطء تبوسها دانة يما خلاص بتردين لنا !
امي مو قادرة تمشي تناديني فاتيووو تعالي سلمي على مامي لا وع يما لا لا امبيه مابي اصرخ
مو امي خو
هديتهم ركض على السيارة
رافضة شكل مامي اليديد !!
ايمان قالت يما ما نقدر نطول ابوي قاعد ابروحه روحي انتي ارتاحي نشوفج وقت ثاني
دانة :يما بنام عندج تكفين
امي : مالي خلق ابوج يدقدق وعد لما اقدر امشي راح ازوركم واطول بالقعدة معاكم وعد والله
وصلو السيارة انا راسي على السكان وابجي مستحيل هذي امي ياريتني ما رحت
معقول كلام ريلي صج استغفرالله ليش يما صرتي جذي !
طول الطريج دانة معجبة فأمي والنيو لوك
امي يا جماعة الخير ماعاد عندها كرش ومادري جان لما شالو الكرش شالو معاها العباية
امي اللي ماكانت تقط العباية لابسة جنز !!!!
ياربي والله ارفض هالشي شنو بناتها عبايات واهي جنز !
حجتها انه بابا حرمها من وناستها وانها تعيش عمرها
ما عجبني ابد ستايلها اليديد !
حتى اني غرت عليها واحد لما كنا نسلم عليها مانعرفه كان يطالعها !!
ياريتج يما للحين تلبسين عباية راس!!

للأقنعة بقية ,,​

 

[cαяless шнispeя]

فطووووووووووم يلا عن الربادة نزلي بارت ولا اثنين

كا كا نزلت البارت اطول من ويهي ههههههههههههههههه
شفتي اني مطيعة

 

[الغاليه نونو]

فتااااااامو اشزينج وانتي تكتبين والله اقرا واتبووسم وبعدشوي تلاقيني عيني غورقت دموع وسناسيني كل شوي اسوي ششش ششششششش والشايب يهاوشني يقول اشعندج كل ليله تشنتفين وتصيحين فضيحتي بجلاجل بسبتج


كملي كملييييييييييييييييييي والقلب داعيلج

السموحه بنات قلت سنسون معرف شيقولولها بالنحوي"

 

[cαяless шнispeя]

فاتي من صجج " اخيييييييييييييييييييييييييييييييه علي علاوي الله يرحمه يارب طير من طيور الجنه كسر قلبي هالبارتيشه كملي لاتوقفين كلما وقفتي اقول عسا ماراحت نامت



انزين الحين اخوج توفي الله يرحمه امج شكووووووووووو تتطلق ؟؟؟؟؟؟؟؟؟؟؟




كملي علي ماروح اسويلي قهوه تركشيه وارجع

اي والله
كانت ايام صعبة
انتي وين يما ماشفتج من امس
حجية لا يكون حاكة رموش ههههههههه احسج تتغلين على حبايبج يماااااااااااا
تشربين من زمزم يارب

 

[cαяless шнispeя]

فتااااااامو اشزينج وانتي تكتبين والله اقرا واتبووسم وبعدشوي تلاقيني عيني غورقت دموع وسناسيني كل شوي اسوي ششش ششششششش والشايب يهاوشني يقول اشعندج كل ليله تشنتفين وتصيحين فضيحتي بجلاجل بسبتج


كملي كملييييييييييييييييييي والقلب داعيلج

السموحه بنات قلت سنسون معرف شيقولولها بالنحوي"

ههههههههههههههههههههههههههههههههههههههههههههههههههههه
فديت ام سنسون انا
ي خو هالشايب مناشبني فأميمتي
قوليله بناتي يبوني :0bee2e8d89:
واذا حنج وصمم على رايه طلعي صوت لما تمشين خشمج هههههههههههههههه
بنام برا الغرفة بسبتي ههههههههههههههه
احبج يماااااااااا

 

[miss 3yara]

الله يخليج كملي فطومه

 

[miss 3yara]

ماما نونو قولي لها نبي بارت اطول من هذا

 

[الغاليه نونو]

حبتج العافيه يااااااااابعد قلبي سكتي الشايب مطنقر صار له يومين مايكلمني اخاف اكتب فيه موضوع ويراضيني ويحوشني تأنيب الضمير بصبر لي باجر اذا ماتكلم اراويه شغله هههههههههههههههههههههههه



منااشبني يقول لي ابي ياهل وآنا ويني وين الحمل مافيني شده طلوق وولاده وتعالي ربي يهال شهالحاله الكسيفه ههههههههههههههههههههه


خليها علي الله مردي بسوي فيه سالفة حياة الفهد بتمثيلية البزه شريب بحط مخده واقول له اتنسا فيك مومشتهيه شوفتك هههههههههههههههههههههههه ياحسرتي بسسسسسسسسسسسسسس

كملي كملييييييييييييييييييييييييييييييييييييييييييييييييييييييي البراريت ملوتج)

 

[cαяless шнispeя]

اصول والله الحين الحين خلصو البارتات اللي مزهبتهم من قبل يعني لازم اكتب اول بأول عرفتي فديتج الحين اكتب نطري
احبج اصووووووووووووولة

 

[cαяless шнispeя]

حبتج العافيه يااااااااابعد قلبي سكتي الشايب مطنقر صار له يومين مايكلمني اخاف اكتب فيه موضوع ويراضيني ويحوشني تأنيب الضمير بصبر لي باجر اذا ماتكلم اراويه شغله هههههههههههههههههههههههه



منااشبني يقول لي ابي ياهل وآنا ويني وين الحمل مافيني شده طلوق وولاده وتعالي ربي يهال شهالحاله الكسيفه ههههههههههههههههههههه


خليها علي الله مردي بسوي فيه سالفة حياة الفهد بتمثيلية البزه شريب بحط مخده واقول له اتنسا فيك مومشتهيه شوفتك هههههههههههههههههههههههه ياحسرتي بسسسسسسسسسسسسسس

كملي كملييييييييييييييييييييييييييييييييييييييييييييييييييييييي البراريت ملوتج)

لا لا تمرد الحجي خخخخخخخخخخخخخخخخخخ
نطري خو انتي لا تصيرين نفسي ما يمديه يمد بوزه قلت حق مامي هههههههه
والله ماكو غير تكتبين فيه قصة هالعمو
كاني بكتب برب

 

[miss 3yara]

اصول والله الحين الحين خلصو البارتات اللي مزهبتهم من قبل يعني لازم اكتب اول بأول عرفتي فديتج الحين اكتب نطري
احبج اصووووووووووووولة

انا امووووت فيج
وعاشت فطومه وعاشت فطومه :ggdw:

 

[الغاليه نونو]

كتبي وبعدين اقول لج سالفته وبسوي براريت نفسج


ابي ابتدي فيه من قبل لا يصلع يوم كان شعره علي جتوفه سايح وبكل بارت اعطيج سالفه عنه بس كتبي انتي لا تعلين قلبي يابنت

 

[miss 3yara]

البارت باجر بقراه لان دخت
تصبحون على خير ماما نونو وفطومه

 

[cαяless шнispeя]

ردينا البيت كلنا مستنكرين هاللي شفناه
حقيقة كانت صدمة !
معقول امي جذي هذي امي ام العباية والكرش
لابسة جينز @@
زين معقول ماما سافرت بروحها !
مادري احاجي زوجي والا لأ ؟؟
يعني اللي ما يحن على ولده بحفاظة تهقون
بيحس فيني لا قلتله امي تغيرت علي
بيلمني لا بجيت من الوله على لوك ماما قبل!
حطيت بقلبي وسكت حتى بابا ما قلتله
ايمان اذكر مانامت يومها بس تتقلب
دانو خاشة شي عني مادري شنو قمت اراقبها !
بعد جم يوم لقيت دانة تعدل بستاينها واهي طالعة من الحمام
والا يطيح منها تلفون !!
اوخ @@
أنا :موبايل منو هذا ؟؟
دانة : مال صديقتي ..
انا : هاتيه دانووو
دانة : لاعفية فاتي ما اقدر مال رفيجتي
انا :دانة هاتيه لا ادق على خالد يتصرف بنفسه !
دانة : والله اقول كل شي والله والله بس تكفين خالد لا بليز فاتي
انا : اوكي هاتيه وروحي قعدي نطريني بالدار
خذيت منها الموبايل ورحت دارنا
انبش فيه وال مافيه غير رقم واحد
مكتوب باباتي !!
اجيك والا مو رقم ابونا @@
امبيه حسرتي اختي قامت تحاجي @@
ياربي مو عارفة شلون اتصرف
صج انا ام بس مو عارفة اكون ام عشان وحدة طولي !
زين ياترا ادق على الريال ؟
والا شسوي ؟
خشيت الموبايل ورحت شلت فيشة تلفون البيت هم خشيتها
على طول دشيت عليها الدار طق طق طق مو طبيعي لما فججت عظامها
واهي ما عندها كلمة على لسانها الا انتو السبب!!
ابوي وامي السبب
انتو كلكم ماتحسون كلمن يبي راحته وشايل همه بروحه
ماقلتو اني ابي اهتمام
انتو ما تبويني
انا ما غلطت
والله ماغلطت
لما حسيت بعوار بيدي
لميتها حيل اقولها يابقرة وربي نحبج وربي بس امي وابوي مايقدرون يردون
دانة : ليش فاتي شدعوة اذا ردو يعني بيسون شي !
ايمان دشت الغرفة تقول فاتي هدومج كلها دم من ورا !!
قلت اخيرا نزلت دورتي تأخرت شهر وشوي علي !
ماكان دم دورة !
نزيف ما تحملت الالم
دقيت على خلود يه وداني مستشفى الصباح
قالتلي لازم دخول حبوبة بنسويلج تنظيفات هذا اجهاض
قلت الحمد لله على كل حال دقيت على ريلي ابيه يكون معاي بهاللحظة
تفل بويهي وقال روحي شوفي امج تشيش بمقاهي يلا ذلفي يا حقيرة مالت على تربيتج !!
اصلا ان اشك حتى بعبدالله يكون ولدي !!!!!!
ياربي شسوي انصدمت بس ابي اتدارك الموقف عشان خالد لا يعرف شنو قال ريلي
ولا يروح يسويله مصيبة وتزيد مشاكلنا !
خذيت جنطتي بلغت اخوي
وقال انا اييج باجر الصبح ارتاحي ولا تشيلين همنا
بليل عقب التنظيفات قاعدة بروحي
والا اسمع رنة غريبة !مصدر الصوت جنطتي ...
ذكرت انه تلفون اختي دانة
رديت قلت هلا منو @@ << كان نك نيمه بالموبايل باباتي
قال حبيبتي نايمة !!
قلت لا
قال ادري ما تنامين اذا ماسمعتي صوت باباتج !!
بفهمه اني مو دانة
ما يمديني الا وهو يقول هاتي بوسة @@
عاد انا هني انصدمت وصكيت الخط !
امبيه صج صوته حلو بس امبيه معقول ببوسه !!!
احنا فاتن حمامة يوم تبوس انور وجدي بالفلم كنا نغمض عيونا هههه
شيبي هذا
صار الصبح وانا مانمت !
عوار خف وايد لكن التفكير اكثر زاد !
دانة ليش جذي تسوين حجي براعة مع الغريب !
ياترى هل امي سبب بعلاقة دانووواليديدة مع هالريال !


للأقنعة بقية ,,​

 

[cαяless шнispeя]

البارت باجر بقراه لان دخت
تصبحون على خير ماما نونو وفطومه

فديتج امي خلاص نامي باجر اقري نوم العوافي قلبووو:ggdw:

 

[cαяless шнispeя]

كتبي وبعدين اقول لج سالفته وبسوي براريت نفسج


ابي ابتدي فيه من قبل لا يصلع يوم كان شعره علي جتوفه سايح وبكل بارت اعطيج سالفه عنه بس كتبي انتي لا تعلين قلبي يابنت

ههههههههههه
بعد قلبي قلبج
سمعي انتي انوي وانا بكون اول وحدة تابع القصة ابي اعرف ملامح عمو شلون كانت هههههه

 

[الغاليه نونو]

اصووله وانتي من اهل الخير

فتاااااااااااااااااااااامي كمل عفيا


شخير بابا عوووووود شق طبلةاذني اليمين وطلع من اذني اليسار دعست كلينكس بإذووني الثنتين صايره جني ولد الخرتيت الصغير

كملي لا توووووووووقفين واذااااااااااااااا تعبتي قوليلي يمه

 

[mn.mn]

عااااااااااااااااااااااااااااااااااشت فطوم والله عاشت اللي تسمع الكلام

تسلم هالأنامل وناطرين الباجي عفية نبي بعد بارت اليوم

 

[الغاليه نونو]

ايوه ياااااااااااااااااااافطوم عاشت فطاااااااااااامي وشيلوها صفقه يابنااااااااااات <<< تلفح وترقص تنطر فطوم



كللوووووووووش فطوم بالطريج

 

[mn.mn]

فطووووووووووووم عبرينا في بارت بعد ولا نسكر الصفحة واتم بقسم السمينات احوس فيه لين يأذن