سمعنا خبر اعلان قوات التحالف بالعمل على اكبر عملية
عسكرية راح تخلصنا من المعتدي
وهي عاصفة الصحراء !!
http://www.youtube.com/watch?v=GSfH82DD8Qw&feature=related
بكاء الفرح ومشاعر غريبة اجتاحت المكان كلنا نكبر حتى اخوي خلود
اللي كنت احسه اهبل بالعربي كان يكبر
الله اكبر حقيقتا كنا نقوي انفسنا !!
الموضوع ماكان يحتمل اي زعل ابوي ياخذ امي للغرفة
كلنا تيبسنا توقعنا كف ثاني عادي تعونا صار منظر ضرب امي عادي
لكن امي طلعت وهي تبتسم
تصالحو
الله وكأن كنا ناطرين خبر عن ديرتنا يفرحنا ياربي
الايام اللي مرت خلال فترة بداية الهجوم لقوات التحالف
هي من اكثر المراحل صعوبة
لأن كان حضر تجول مرات ومرات ماكو ماي !
غير انه لازم ما نبطل ليتات بليل
وكان الليل نفس الصبح خصوصا اخر الايام بعد ماحرقو ابارنا
الله يحرق صماخاتهم
وتحررت الكويت
هذا المقطع شوفوه وترحمو على ابو الايتام ابوي وابو الجميع رحمة الله عليه باباجابر
http://www.youtube.com/watch?v=mBpuJkEXvhw&feature=related
والله ثم والله ياناس كل الناس تحبه
ياربي والله ولهنا عليه
:0bee2e8d89:
وقلنا الله اخيرا فرجت
ونقدر نطلع نشوف الكويت
اول ايام التحرير ماكان يمدينا نطلع ملابسنا يصير عليها نقط
سودة من الجو
اي صج ما قلتلكم انه احنا يوم سكنا الشقة هذي كانو اصحاب العمارة مو موجودين
والضرورة تبيح المحرمات عشان جذي يوم سكناها
ما استأذنا كسرنا الباب وسكنا
عاد الحين وهقة اهلها بيردون طبعا امي قايلة انه بندفع
اجار الاشهر اللي سكناها
حتى بابا علم عمو ابو نجوان وانه مايبي ياخذ حق مو له !
المهم على يوم الصبح قعدنا على صوت ترفس باب الشقة
يؤ يا ترى منو قلنا اكيد عراقيين يبون ينخشون وي حسرتي وين نولي
بطل بابا الباب والا سلاح موجه على ويه ابوي
صراخ مو طبيعي
طلعو برا يا خونه يا منافقين دشيتو ديرتنا وداشين بيوتنا
@@
جان تيي ماما ركض من المطبخ تقول حق الريال انا كويتية
وهذول عيالي وين اروح يعني اذا على اجار
هالجم شهر بدفعهم لك
قالها مابي شي منج طلعي الحين الحين
جان يقطونا اغراضنا من الدريشة
وهني لأول مرة تنمحي شخصية بابا !!:eh_s(1):
وامي كانت سيدة الموقف !
شلنا اغراضنا وطول الطريج الى بيت يدي
ماماعودة تتحلطم
صج صج مال بوكس يسكتها لأن ابوي انهزت صورته جدام امي
واهي تقول اشوف عبدالله ما نطقت اشوف عبدالله ما تحركت
والله ياحيف والله مادري شنو
المهم من هاللحظة وانا دوبي ودوب هالمرة
وصلنا البيت نزلنا اغراضنا وردينا طلعنا
عشان نعيش فرحة التحرير
وللأقنعة بقية ..
تذكرني بخدامتي اليسوووووووو النيباليه اللي طردتها العام عيوز قريح وتعرف راعي البقاله بالاحمدي خخخخخخخخ
