أقـول لـريلي وإلا لأ ... هو ما يقـولي :(

[نوره في وسط صوره]

حبيبتي من الناحيه الشرعيه لازم وحق تقولين له وتستاذنينه بعد وممكن يمنعج
ومن ناحيه التقاليد والعرف دام انج مو ابيته ماله حكم عليج
بس بما انج متعدين هالمرحله ....اذا لازم تقولين له بس هاه ترى انتي جذي
قاعده تعودينه بهالشي فراح تتعبين بعدين وتقبلي رايي وانتي بكيفج
ولاتنسين تدعين لنا بالحرم بالهدايه والله يتقبل منكم يارب

 

[نشيج الروح]

طبعا قولي له ... لا تكررين غلطته بسبب شخصي وهو الانتقام ... أما ليش هو ما يقولج تفاهمي معاه ... بس الي مو فاهمته أنتوا الحين مملجين ولا بس خطبة ؟؟؟
لأن إذا بس خطبة هو مو مسئول عنج ... أما ملجة أنتي بذمته وتقولين له

 

[فله]

لاحبيبتي انت ملزومة تقوليله ماراح تخسرين شي

 

[RoWaIsHeDyA]

رد : أقـول لـريلي وإلا لأ ... هو ما يقـولي

لحظه الحين لانه ماقالج بتقومين ماتقولين له انزين انتي قلتي انه الريال ولا يقول يمكن يحس انه شكو يقولج كل شئ يحسه انه يبالغ فيقول شكو اقولها يمكن تقول انا شكو لي الحين ماصرنا لحالنا اقولها كل شئ اكيد بتمل مني
بس نصيحه من اخت قوليله لو بمسج بتصيرين رسميه معاه طرشي مسج لاتتصلين

 

[شوكة رنانه]

شوفي اولا قوليله صيري احسن منه وراح تكبرين بعينه..

وبعدين فهميه ان اهوا لي بغى يسافر خل يعطيج خبر ..قوليله لاني ودي اعرف وين تروح ووين اتيي ..لاني احاتيك..

ومن الهالحجي بين له انج تخافين عليه..

الللللللللله يوووووووووووووووووووووووووووووووووووووووووووووووووووفقج ويجمعكم انشاءالله على خير

 

[ScarletteO'Hara]

حبيبتي لا تزعلين مني بس احسج انسانة وايد سلبية
المفروض من اول مرة يسافر فيها من غير ما يقول لج تعاتبينه
تبي صاحبك دوم حاسبه كل يوم
مو عيب و لا حرام اذا سألتيه ليش ما قلت لي
انتي سكتتي اول مرة فسواها مرة ثانية
يمكن ما قال لج لانه ما شاف منج اي اهتمام لما سواها اول مره

و الحياة الزوجية مو حلبة مصارعة و لا تحدي ما بين المرة و الريال
على ابو انه غلط انا اغلط نفسه؟
كونج كنتي باردة معاه لما سافر تتوقعين اهو راح يكون له نفس رده الفعل؟
ما تتوقعين بيعصب و بيقلبها مشكله لج؟ و انتوا للحين على البر ما عشتوا تحت سقف واحد؟
لا حبيبتي مالج شغل بالبنات الي شيشووج و قالوا لج لا تقولين له
كل وحدة قاعدة ببيتها مع ريلها مرتاحة
يعني اذا الريال زعلج بكلمة و ضيق خلقج و لا وحدة فيهم بتتأثر
انتي الي بتاكلينها

حياتي هذا ريلج بما ان بينكم عقد زواج حبيبتي يعتبر ريلج جدام الله و زواجكم رسمي مو العرس الي بيسوويه رسمي
انتي مو ملزومة بس تقولين له
لا طبعا لازم تستأذنين منه
اذا قال لج ما تروحين لازم تطيعينه
هذا مو كلامي هذا كلام الشرع الي امرج بطاعة ريلج
هل انتي واثقة انه العمرة الي بتأدينها راح يقبلها ربج و انتي طالعة من الديرة من غير علم زوجج؟
انتي مسئولة منه و لازم يعرف كل تحركاتج

انا انصحج الحين تدقين عليه و تقولين له الي بخاطرج
انا اقول لج هذي النصيحة مو لهذي السالفة بس
هالشغلة بتستفيدين منها طول حياتج معاه
لا تفتعلين المشاكل لمجرد ان شغلة يسويها تضايقج
كلميه عن هذي الشغلة و اكيد بترتاحين

 

[اكسبلانكا]

مسج منج ماراح يأثر
والله يوفقج حبوبه

 

[شووكولاته]

وأي يالحريم حق التشيش. حبيبتي بالشرع. والأصول لازم تقولين ترى كلش مو حلوه. بحقك ولا بحقه

 

[زوجة عزيز]

قولي له انج رايحه وصارحيه ليش ماقال لج مافيها شي الصراحه زينه

 

[UNICORNA]

كيف يعنى هو رجال مو ملزوم يقولك مافهمتها !!!!!!!!!!!

حتى اللى معه رفيجه ملزوم يقولها وانتى زوجته

بصراحه احسك انتى اللى غريبه يعنى كيف عدت عليكى انك ماتكلميه بخصوص انه يسافر من راسه

بدون حتى مايعطى خبر

ومفروض دامه مايقولك انه مسافر انتى بعد ماتقوليله ولا تتلزقى فيه بالغصب

ولو عتب عليكى او شى كلميه عادى وقوليلى عادى ماجاه ببالى

ولو زاد قوليله بشكل عادى انه بعد مايقولك ودام ان الموضوع مضايقه ليش يقبل انه

يسويه معاكى ومايقبله على نفسه

ولا تنسى انه الحين فى مرحله انه يسستمك ويدربك على طريقته وحياته

فلازم انتى بعد تدربيه على طريقتك وخاصه ان علاقتكم رسميه شوى يعنى

مافى شى جابرك تقولى كل شى ولا انتى ميته عليه فهمتى قصدى

 

[ديمة بنت غنيمة]

رد : أقـول لـريلي وإلا لأ ... هو ما يقـولي

اول شي شكرآ لكل وحده ردت علي وعبرتي فديتكم على اهتمامكم

بخصوص الي قالت مبين علي ذوق تسلمين هذا من طيب اصلج يالغاليه
فعلآ مو هاين علي ما اقول بس ماخذه بخاطري


وسالفة اهو مو ملزوم يقولي لا المفروض يقول

لان انا انصدم وينصفق ويهي لما ادق والا مسافر امبي احس نفسي ولا شي
مع انه طبعه مو جذي ولا متسلط هذا اللي مينني


الحين احترت اكثر

بس استقريت على اني اقوله عشان لا اغضب ربي
بس مع هذا بـبين له ان انا احسن منه واقوله اني بروح مو مثله يصدمني

 

[ديمة بنت غنيمة]

رد : أقـول لـريلي وإلا لأ ... هو ما يقـولي

وبخصوص الي قالو ليش ما بينكم طلعات وليش المكالمات قليله


لا ياقلبي حلاة كل شي بعد العرس

شحقة اطلع كل يوم ؟

شبنسوي مثلآ

لا انا مع ان البنت تكلم ريلها بس مو واااااااااااااايد

نفس حالتي

وانا مرتاحه بحالتي بالعكس ما ابي 24 ساعه معاي
ابي كل شي بعد العرس

 

[ديمة بنت غنيمة]

رد : أقـول لـريلي وإلا لأ ... هو ما يقـولي

ان مو بارده ولا سلبيه


بس مابي اسوي سين جيم من الملجه

شحقه ياخذ فكرة اني دعله وحنه من الحين

لا ياقلبي انا ما احب ابين له اني من الحريم اللي يحنون وليش وشحقه واطنقر



دامي ما رحت له ماني زعلانه

بس ماخذه بخاطري شوي ولا همني خيـسافر انا واثقه منه نوعآ ما

بس بما اني رايحه العمره بقوله عشان تنقبل عمرتي

 

[وين الفرح]

حبيبتي اتي الحين على ذمتة ولازم تقوليله اصلا حتى يستانس اذا قلتيلة وانتي موخسرانة

 

[ديمة بنت غنيمة]

رد : أقـول لـريلي وإلا لأ ... هو ما يقـولي

اي ان شاءالله بقوله

 

[ScarletteO'Hara]

رد: رد : أقـول لـريلي وإلا لأ ... هو ما يقـولي

ان مو بارده ولا سلبيه


بس مابي اسوي سين جيم من الملجه

شحقه ياخذ فكرة اني دعله وحنه من الحين

لا ياقلبي انا ما احب ابين له اني من الحريم اللي يحنون وليش وشحقه واطنقر



دامي ما رحت له ماني زعلانه

بس ماخذه بخاطري شوي ولا همني خيـسافر انا واثقه منه نوعآ ما

بس بما اني رايحه العمره بقوله عشان تنقبل عمرتي

عفية عليج الله يكملج بعقلج ان شاء الله و الله احاتيج من امس
بس لا تفهميني غلط حبيبتي انا ما قلت لج حني عليه
لا طبعا لان تصرفه غريب نوعا ما
الواحد لازم يستفسر
مو عيب السؤال ما بينكم
و ان شاء الله انتي مو قاعدة عنده يوم يومين لا بإذن الله العمر كله
عشان باجر لي عشتوا مع بعض لا يتكرر هذا التصرف
بالعكس راح يعد لج خاطر اذا بينتي اهتمامج
و اهم شي انج واثقة منه و مالج شغل بالي يقولون سفر الربع ما ايي من وراه الا الخراب
لان الخربان خربان بالديرة او بره ممكن يكون خربان حتى جدام مرته السفر عمره ما كان مقياس درجة خيانة الريال
الله يوفقج ان شاء الله و يسهل عليج عمرتج يا رب

 

[ديمة بنت غنيمة]

رد : أقـول لـريلي وإلا لأ ... هو ما يقـولي

تسلمين يالغاليه حبيبتي انتي


ان شاءالله ببين له بطريقة حلوة وذربه ان انا ماخذه بخاطري من سالفة السفر
بس بعد الزواج

وبالعكس راح اكبر بعينه اني ما ناشبته


بدعيلكم كلكم

 

[مندوبة ام بندر]

طاف روحي مع امج وابوج مو ضروري

 

[shayo0oma]

اكسر الشر وغنيله:lolo:
يا حبكم للمشاااااااكل

 

[**miss 3sola**]

رد : أقـول لـريلي وإلا لأ ... هو ما يقـولي

ولوو لازم تقوليله ماقالج نطري لاتحااسبينه بعد العرس قوليله يعني صارحيه ليش ماكان يقولج بس لازم تقوليله انج بتساافرين