أقـول لـريلي وإلا لأ ... هو ما يقـولي :(

[ديمة بنت غنيمة]

السلام عليكم



بنات انا مسافره العمرة بإذن الله يوم السبت

ادعولي الله يتمم علي


المهم خل اشرح حالتي بإختصار عشان تعطوني رايكم بصدق



بنات انا صارلي سنه مالجه وباقي لعرسي شهرين ان شاءالله

علاقتي بريلي مو حيل


يعني بالشهر مرتين يصير تواصل بيننا سواء مسجات او اتصالات


طلعت معاه مرتين بس

وإييني البيت كل شهر الحمدلله


يعني علاقتنا ببعض زينه مو قوية ولا مانعرف بعض



رحت دبي قبل فتره وقلت له ان بسافر ويا اهلي



ومره دقيت عليه طلع مسافر .. سبحان الله اتسلط عليه لما يسافر ادق



يعني 3 مرات ادق ويطلع مسافر


مره سفره كبيرة بالعيد ( مع ربعه)

ومرتين دول الخليج ( مع اهله)


وما قالي كلششششششش


الحين انا بسافر
ومحتاره حيل اقول له ولا لا

امي تقول اهو يروح مايقولج


وانا اقول اهو ريّال مو ملزوم يقولي

بس مرات اقول مافيها شي لو دز لي مسج انا بسافر وجذي عالاقل يكون عندي خبر
مو انصدم لما ادق


امي تقول دامج مع امج وابوج مافيها شي لو ماقلتي


للعلم تعامله معاي راقي الحمدلله ماشاءالله وحبوب



بنات بليز محتاره شسوي ؟؟؟ ادز والا لا ؟؟؟؟؟

 

[krkosha]

قوليله موخسرانه شي !!

 

[You FOR Me Only]

الله يتمم عليج وتسافرين وترجعين بالسلامه

عشان ماتغضبين ربج لازم تقولين له انتي ملزوومه

انا خطيبي نفس خطيبج يطلع ومايقول لي بس ماتوصل لسالفه انه يسافر ومايقول واتضااايق لانه يبي يعرف وين اروح وجي وهو مايقول لي وين يروح بس اطرش له مسج واقوله عشان ما اغضب ربي بقولك انا طالعه خخخخخ يعني مقصوده انه مو عشانه

 

[شالعه ضرس العقل]

لا تقولين له
وتعمدي لما تسولفين معاه تقولين له انج سافرتي عشان اذا قالج ليش ماقلتي لي قولي له في بالي عندك مو لازم اني اقولك لانك كنت تروح وماتقولي عشان جذي خذيت هالفكره
وانتي ادرى بطبع زوجج

 

[جذابه بنت ذيابه]

رد : أقـول لـريلي وإلا لأ ... هو ما يقـولي

قوليله حبيبتي

 

[% نسناس %]

قوليله
واطلبي منه يبلغج لا سافر
على الاقل قوليله حلو يكون عندي خبر

 

[ديمة بنت غنيمة]

رد : أقـول لـريلي وإلا لأ ... هو ما يقـولي

بنـآت انا ادري مو خسرانه شي بس حطو نفسكم مكاني



ليش ما قالي


انزين لو ما قلت له !!!!!!



اهو حلو اني اقوله بكبر بعينه


بس هم شايله بخاطري منه ليش مايقولي انا مو طوفه هبيطه
مرته

عالاقل مسج على طريقة سوالف


مادري شراي الباجي


تسلمون عالرد ياقلبي ماقصرتو

 

[Miss McDonald]

رد : أقـول لـريلي وإلا لأ ... هو ما يقـولي

,



وعليكم السلآم ,


قوليله آحسسن لج !


الله يوفقج =)

 

[DooLy88]

شكو ريال مو ملزوم يقول لي

اهو مورايح مشوار
اهو مسافر لازم يبلغ خطيبته او زوجته
ليش الفرق بين الريال والمرة

لو انا منج ماراح اقول له
بس بخليه يعرف
واذا قال ماقلتي له بقول له
انا للحين عند امي لي صرت عندك بتعرف عني كل شي - مثلك بالضبط

 

[ديانا سبنسر]

لاقوليله اهوريال يروح يرد كيفه لكن انتي ملزومة تقوليله

 

[ســتارز]

علميه ياقلبي ولا تصير حياتج معاه وحدة بوحدة

اذا حبني بحبه واذا علمني بعلمه واذا خبا علي بخبي عليه

الحياة الزوجية موجذيه انتي لج شخصيتج المستقلة عيشي فيها مو من خلاله ومن ردات فعله


موفقة

 

[د.شريفة]

رد : أقـول لـريلي وإلا لأ ... هو ما يقـولي

طاف روحي مع امج وابوج مو ضروري

 

[دهن العــود]

رد : أقـول لـريلي وإلا لأ ... هو ما يقـولي

حطيت نفسي بمكانج صراحه بقوول له على اخر لحظه يعني مسج قبل روحتج بساعه تقولين فيه (انا رايحه العمره تامر على شي من هناااك غير الدعااء )

 

[سارووونه22]

انا اقول قوليله يمكن مايعرف طبعج وعشان للحين ماتعود عليج ماقال لج بس انتي لازم تقولين له وبلمرة قوليله احب اعرف اذا كنت مسافر

 

[بتبوتااا]

. قوليله بمسج وبطريقه حلوه .
مثلاا : انا مسافره مع اهلي هالفتره وحبيت اقول لك تامرني على شي من هناك ؟. ,

 

[نتوفه]

لا تقولين له
عشان يحس ليما يسافر ومايقول لج
واذا قال ليش ماقلتي لي قوليله مااادري راح عن بالي

 

[ديمة بنت غنيمة]

رد : أقـول لـريلي وإلا لأ ... هو ما يقـولي

تسلمـون على الردود بنات :*



احترت اكثر بنات
ناس تقول طاف اهو ماقالج واقول اي والله صاجين

وناس يقولون قوليله


جد احترت


بس اذا بقوله بقوله قبلها بساعه مثل ما قالت الاخـت دهن العود

 

[ديمة بنت غنيمة]

رد : أقـول لـريلي وإلا لأ ... هو ما يقـولي

نتوفـه اي صح

أو أقولـه مثل ماقالت ضرس العقل

ان مادري ما يه على بالي

او ان عند اهلي

 

[love love]

على حسب شنو طبيعته؟

اذا ريلج حبوب بس بيعصب من هالاموور وبتصير سالفه مالها داعي وانتي رايحه عمره يعني بتروحين عباده لا تسوين شي يغضب ريلج وربج


واذا ريلج حسيتي انه يتعمد يسوي جذيه علشان بعد الزواج خلاص يكرر فعلته لا اهني لا تقولين له واذا زعل وقوليله انا كله اقول وانت مااتقول توقعت عادي عندك مو الا انقول يعني موقصدي شي ليش ان قصدك شي لما ماتقولي؟؟

شوفي ريلج شنو طبعه

بس لو منج انا بمسك العصايه من النص

بقوله اني امسافره وبالنفس الوقت اقوله مابغيت اقولك علشان تحس بالي تسوييه بس ماهان علي مااقول واسمع صوتك قبل لا اسافر>>>>>قوليها بطريقه حلوه مو هواش

 

[ديمة بنت غنيمة]

رد : أقـول لـريلي وإلا لأ ... هو ما يقـولي

اهو حبوب ومو عصبي وطيب وكلش مو نظاه يتعمد او ان انا ريال ما اقول لا مو جي كلش


بس مادري ليش مايقولي غريب !!!