أقدر اطلب تمديد اجازة الأمومة بعد ما باشرت الدوام ؟

[أميرة طفولتي]

السلام عليكم

بنات انا كنت باجازة امومه الناظره وافقتلي على شهرين
ومباشرة عملي كانت يوم الثلاثا الي طاف تاريخ 1-3
اقدر اكلم الناظره وتمددلي اجازة الامومه اخذ الشهرين الي بقولي ولا مايصير لاني باشرت العمل ؟

اذا ماوافقت في اجازه اقدر اخذها ؟؟
اقدر اقولها ابي اجازة خاصه ؟؟
الي اعرفه الاجازه الخاصه مدتها 30 يوم بس مادري اذا براتب ولا بدونه
انا مو هامني الراتب كلش بس المهم اطلع باجازه اي نوع كانت
دبرووووووني بنات بليز شسوي ابي اجازه ماقدر ادوام !!!
وحراام اخذ مرضيات قاعده احاتي البنات هذيله امانه انا اخاف الله فيهم
ابي اطلع باجازه اضمن ان في ابله معينه بتمسك الصف مو كل يوم تدخل عليهم وحده
:eh_s(16):

 

[أميرة طفولتي]

اب


اب

 

[أميرة طفولتي]

بنات شدعوه ولا وحده عندها معلومه تفيدني

 

[أمواج^الكويت]

هالووو أمووورة ..

لووووووول طقت جبدج ههههههههههههه أنا طاقه جبدي من زمان

أتوقع تقدرين تاخذين إجازة رعاية أسرة بس بدون راتب هذي يعطونها حق اللي عندها طفل عمره أقل من سنتين وجنه مدتها سنتين

والأفضل إنج تروحين قسم الإجازات والدوام التابع لمنطقتج وسإليهم ..

وإنشالله تتسهل أمورج وتقدرين تاخذينها ..​

 

[قصــب سكــر]

لج الحق تاخذين اجازه الامومه في اي وقت تبين بشرط ماتجاوزين وقتها

مثلا اخذتي شهرين وباشرتي وتبين تاخذين اللي بقالج خل نفرض داومتي شهر تقدرين تاخذين الشهر الاخير

وتقدرين تاخذينه ايام او اسابيع مو شرط شهر كامل مثلا عندج ظروف تقدرين تاخذين اسبوعين امومه بدال المرضيه

وتردين تباشرين عااادي مافيها شي بس بشرط تكونين ضمن الاربع شهور

لا تجي وحده وتقص عليج وتقول مايصير ترى هالبند موجود وشارحته لنا وكيلتنا الله يجزاها خير

بس المشكله والخوف من النقل عق هالامومه وبس

والحمدلله على سلامتج ومبروك ما جبتي

 

[**ريــــــــم**]

اب اب

مشكورين على التوضيح ونبي بعد ارائكم