أقدر ادخل عيالي مدارس خاصة؟؟؟

[+بسبوسة+]

....
حبيباتي..

بما انكم انتوا اهل الخبرة في المدراس الخاصة حبيت اسألكم...
او افض فض لكم على الاحرى...

انا وزوجي حده ودنا ندخل عيالنا مدارس خاصة...
بس الكل يخوفنا ان ماراح نقدر على الرسوم...
ابيكم تفهموني ليش؟؟؟
ليش اهلي يخرعوني...وحمولتي بعد...

انا وزوجي تقريبا دخلنا بالشهر 1700...هذا الصافي بعد الاجار والاقساط..

وانا عندي حاليا ولدين اصغار...والثالث بأذن الله بالطريج...

ومبدئيا خطتنا اذا الله سبحانه رزقنا تقريبا 5 عيال... بغض النظر عن العمر بينهم...:ioljnmlk:

ودي عيالي يكونون متميزين...فاهمين...حافظين قرآن...

تهقون نقدر وللا مانقدر...:eh_s(22):

انتوا اشلون تضبطون مصاريفكم ماشاء الله...

صج راح احكر نفسي عدل؟ولا سفر؟ولا نوادي بالصيف؟
مع العلم اني مومن النوع الي اصرف على كشختي وايد الا بالمواسم..
وغالبا معاشي على ولاشي يروح...

وتهقون الامور تياسير وياليت تتيسر...

انا خايفة ليش الكل يعارض!!:080402ask_prv:

​

غيرة! حب! خوف!

دلوني الله يوسع عليكم دنيا وآخره...:bbbiu:

 

[ريماا]

حيااتى اللى تشوفينة صح سوى اهم شى انتى مقتنعة وقاادرة اذا بتمشين وراى راى فلانة وعلانة بتتعبين الكل يقول على حسب تجربتة وتفكيرة
شوفى ارخص شى المدارس الباكستانية بالسنة تقريبا 400 دينار
اما المدارس الثانية كلها تتراوح للرياض الاطفال من 1000 وخردة الى ال2000
وعليج الحسبة ..جم طفل عندج حاليا ابيدخلون؟ طفلين يعنى تقريبا ابتدفعين للاثنين بالسنة 3000 اذا كانت المدرسة رسوم دراستها للروضة بالسنة 1500 وهذا للاغلبية جذى اسعارهم
يعنى من شهر 9 الى شهر 6 راح تدفعين 3 الاف وانتى دخلج بالشهر 1700 يعنى اذا وفرتى كل شهر300 دينار تقدرين تدخلينهم
هذا من غير ماتوفرين بشهر 7 و8
بس اهم يستلمون اول دفعة قوية ويخلون القسط على ثلاث مرات عرفتى
انتى عاد رتبى امورج على تواريخ اقسااطهم
وبالتوفيق

 

[+بسبوسة+]

حيااتى اللى تشوفينة صح سوى اهم شى انتى مقتنعة وقاادرة اذا بتمشين وراى راى فلانة وعلانة بتتعبين الكل يقول على حسب تجربتة وتفكيرة
شوفى ارخص شى المدارس الباكستانية بالسنة تقريبا 400 دينار
اما المدارس الثانية كلها تتراوح للرياض الاطفال من 1000 وخردة الى ال2000
وعليج الحسبة ..جم طفل عندج حاليا ابيدخلون؟ طفلين يعنى تقريبا ابتدفعين للاثنين بالسنة 3000 اذا كانت المدرسة رسوم دراستها للروضة بالسنة 1500 وهذا للاغلبية جذى اسعارهم
يعنى من شهر 9 الى شهر 6 راح تدفعين 3 الاف وانتى دخلج بالشهر 1700 يعنى اذا وفرتى كل شهر300 دينار تقدرين تدخلينهم
هذا من غير ماتوفرين بشهر 7 و8
بس اهم يستلمون اول دفعة قوية ويخلون القسط على ثلاث مرات عرفتى
انتى عاد رتبى امورج على تواريخ اقسااطهم
وبالتوفيق

مشكورة حبيبتي..
انا مقتنعه بس خايفة..
يعني حسب كلامج احتاج اوفر لكل ياهل 150دينار بالشهر..
امممممممم
احس سهلتيلي الموضوع..
يبيلي اشد حيلي من هالمعاش:ggdw:

وشهر 7 و8 معاشهم اتدلع فيه...

 

[Fouz]

أتوقع تقدرين مادري انا دايما أقول الفلوس رايحة رايحة خلها تروح على مستقبل العيال، و اذا ما شاءالله صافي معاشاتكم زين حاولي تشيلين منه كل شهر 500 دينار و انسيهم بالمرة و يبقى لج مبلغ زين و صدقيني من هالمبلغ اللي يبقى هم تقدرين تشيلين منه خاصة اذا انتي مو من النوع المسرف الحمدلله
و السفر مو شرط كل سنة، وديهم سفرة قصيرة و العروض تصير مغرية بالصيف، وديهم شاليه و الياهل ما يفرق معاه، انا عندي اني أقصر على الامور الثانوية الثانية و اركز على الاساس، و كل شخص و مقدرته يعني ما يصير معاشي 500 و ابي ادخل عيالي انجليزية او امريكية لاني بضطر اتسلف او انطر موعد الجمعية او بقصر بأشياء ثانية مهمة

اتمنى اكون فدتج

 

[+بسبوسة+]

أتوقع تقدرين مادري انا دايما أقول الفلوس رايحة رايحة خلها تروح على مستقبل العيال، و اذا ما شاءالله صافي معاشاتكم زين حاولي تشيلين منه كل شهر 500 دينار و انسيهم بالمرة و يبقى لج مبلغ زين و صدقيني من هالمبلغ اللي يبقى هم تقدرين تشيلين منه خاصة اذا انتي مو من النوع المسرف الحمدلله
و السفر مو شرط كل سنة، وديهم سفرة قصيرة و العروض تصير مغرية بالصيف، وديهم شاليه و الياهل ما يفرق معاه، انا عندي اني أقصر على الامور الثانوية الثانية و اركز على الاساس، و كل شخص و مقدرته يعني ما يصير معاشي 500 و ابي ادخل عيالي انجليزية او امريكية لاني بضطر اتسلف او انطر موعد الجمعية او بقصر بأشياء ثانية مهمة

اتمنى اكون فدتج

:aha:

مشكككورة حبيبتي...

صراحة وايد فديتي..وصرت متفائلة اكثر واكثر..

واذا على ال500بحاول من هلشهر اسوي استقطاع..

وعيالي اغلى ماعندي..واذا سويت نصيحتج اعتقد
ماراح انحكر وايد بس احتاج ترتيب اولويات..:fun22:

​

وانا كنت ناوية ادخل عيالي روض الصالحين على اساس اسلامية
بس مادري ليش قلبي قارصني..:gr4uu:
بسأل عن الابداع اذا في مجال اسجل بحضانتهم للسنة الجاية..

وايد مشكووورة
وترى اذا طرالي اي شي استأذنج شكلي بدزلج على الخاص

 

[sHa6o0ra]

تفكيرج حلو انتي وريلج لان الفلوس الي تقطونها على مدارس الياهال قاعدين تستثمرونها حق المستقبل مومثل السفر وباجي الاشياء الي بغمضة عين تروح وماتستفيدون شي

اهم شي اختاري مدرسة قويه عشان ماتحسين ان فلوسج راحت بس جذي دخليهم مدرسه تهتم بجوانب نفسيه واجتماعيه ودينيه موبس حشو مناهج

الفلوس مقدور عليها يعني اذا كبدايه هذي معاشاتكم وعندمن ياهلين يبيلكم بالسنه 2000-4000 دينار حسب المدرسه الي بتختارينها
وانتو معاشكم 1700*12= 20400
يعني عشرين الف واربعميه يعني اذا دخلتيهم احسن مدرسه بو 4000 بالسنه للطفلين يعني تكونين حطيتي 20% من معاشكم على المدرسه
يعني ولا شي !! ترى المعاش ربعه تصرفينه على اشياء تدرين شنو اهيا وثلاث ارباعه تيين اخر الشهر ماتدرين على شنو راح

والدفعات راح يقولولج غالبا دفعي على 3 دفعات او 4 فا اخر السنه تقدرين تيمعين حق السفر بالصيف والنوادي

اهم شي حطي في بالج ان انتي قاطه فلوسج على استثمار كبير نتايجه كبيره ماراح تحسين انه خساره

واذا تبين مدارس قويه عندج

البيان
كويت برتش سكوت
كويت انقلش سكول
الاكاديميه الامريكيه

واذا انتي يهمج الجانب الديني اكثر من التعليمي دخليهم روض الصالحين او الرؤية

او تقدرين تدخلينهم العصر تحفيظ قران او القاعده الحلبيه

الله يوفقج

 

[Miss_Tiger79]

انشالله تقدرين
وكلامي نفس كلام البنات
اذا قدرتي توفرين كل شهر 400 انشالله تقدرين على اسعار المدارس
ولازم تحطين ابالج انه كل ما كبرو كل ما الي توفرينه راح يزيد
والله يعينا ويعينج على تربيه عيالنا

 

[شانيل نمبر 5]

ماشاءالله البنات ماقصورا

 

[أ.س.م.ا.ء]

اتوقع ان شاء الله راح تقدرون تدخلونهم مدرسة قوية وباذن الله ما راح تتاثرون وايد يعني ماراح تنحرمين من السفر او من اشياء ودج تشترينها
شوفي حبيبتي اذا حطيتي ببالج ان كل ياهل يدخل المدرسة بتسوين له استقطاع 150 د.ك او 200 د.ك راح تمشي معاج الامور باذن الله وبيضل في مبلغ زايد بالحساب
وحاولي تخلينه استقطاع ثابت ... يعني ما توقفينه بالصيف لأ خليه مستمر عشان ما تتوهقين
وفي شي وايد مهم حطيه ببالج
ان راتبج انت وريلج ان شاء الله بزيد - الله يبارك لكم فيه - يعني لا زادوا عيالكم - الله يحفظهم ويخليهم - بتكون رواتبكم بعد زادت
توكلي على الله وسالي عن مدارس زينه وقوية واهم شي يكونون يهتمون بالدين لانه في مدارس خاصة الدين عندهم وايد ضعيف ودخلي عيالج وخلي استثمارج فيهم
الله يهون عليج ان شاء الله ويبلغج بعيالج بلاغ الصالحين

 

[+بسبوسة+]

تفكيرج حلو انتي وريلج لان الفلوس الي تقطونها على مدارس الياهال قاعدين تستثمرونها حق المستقبل مومثل السفر وباجي الاشياء الي بغمضة عين تروح وماتستفيدون شي

اهم شي اختاري مدرسة قويه عشان ماتحسين ان فلوسج راحت بس جذي دخليهم مدرسه تهتم بجوانب نفسيه واجتماعيه ودينيه موبس حشو مناهج

الفلوس مقدور عليها يعني اذا كبدايه هذي معاشاتكم وعندمن ياهلين يبيلكم بالسنه 2000-4000 دينار حسب المدرسه الي بتختارينها
وانتو معاشكم 1700*12= 20400
يعني عشرين الف واربعميه يعني اذا دخلتيهم احسن مدرسه بو 4000 بالسنه للطفلين يعني تكونين حطيتي 20% من معاشكم على المدرسه
يعني ولا شي !! ترى المعاش ربعه تصرفينه على اشياء تدرين شنو اهيا وثلاث ارباعه تيين اخر الشهر ماتدرين على شنو راح

والدفعات راح يقولولج غالبا دفعي على 3 دفعات او 4 فا اخر السنه تقدرين تيمعين حق السفر بالصيف والنوادي

اهم شي حطي في بالج ان انتي قاطه فلوسج على استثمار كبير نتايجه كبيره ماراح تحسين انه خساره

واذا تبين مدارس قويه عندج

البيان
كويت برتش سكوت
كويت انقلش سكول
الاكاديميه الامريكيه

واذا انتي يهمج الجانب الديني اكثر من التعليمي دخليهم روض الصالحين او الرؤية

او تقدرين تدخلينهم العصر تحفيظ قران او القاعده الحلبيه

الله يوفقج

مشكوورة يالغالية..
وحطيتي ايدج على الجرح..
صح انا ودي بمدرسة تربي صح..
مابي بس معلومات لان المعلومات مقدور عليها...
بس شنو اكثر مدرسة فيها جانب تعليمي واهي اسلامية..
لان شرط ريلي لا موسيقى ولا اختلاط...:080402ask_prv:

​

 

[+بسبوسة+]

انشالله تقدرين
وكلامي نفس كلام البنات
اذا قدرتي توفرين كل شهر 400 انشالله تقدرين على اسعار المدارس
ولازم تحطين ابالج انه كل ما كبرو كل ما الي توفرينه راح يزيد
والله يعينا ويعينج على تربيه عيالنا

مشكورة على النصيحة..
وقفتكم معاي ما انساها:eh_s(15):

​

 

[+بسبوسة+]

ماشاءالله البنات ماقصورا

وانتي بعد ماقصرتي...

مشكورة

​

 

[+بسبوسة+]

اتوقع ان شاء الله راح تقدرون تدخلونهم مدرسة قوية وباذن الله ما راح تتاثرون وايد يعني ماراح تنحرمين من السفر او من اشياء ودج تشترينها

ان راتبج انت وريلج ان شاء الله بزيد - الله يبارك لكم فيه -
الله يهون عليج ان شاء الله ويبلغج بعيالج بلاغ الصالحين

:blueSmCLR:


والله صاجة..
انا كنت متخوفة..
بس وايد الموضوع سهل عندي..
وصرت بعد افكر بالابداع عقب ماكنت متوقعة اني مستحيل اقدر عليها
مشكوووووووووووووورة
والله يطمن قلبج مثل ماريحتيني

​

:blueSmCLR:

 

[Fouz]

:aha:

مشكككورة حبيبتي...

صراحة وايد فديتي..وصرت متفائلة اكثر واكثر..

واذا على ال500بحاول من هلشهر اسوي استقطاع..

وعيالي اغلى ماعندي..واذا سويت نصيحتج اعتقد
ماراح انحكر وايد بس احتاج ترتيب اولويات..:fun22:

​

وانا كنت ناوية ادخل عيالي روض الصالحين على اساس اسلامية
بس مادري ليش قلبي قارصني..:gr4uu:
بسأل عن الابداع اذا في مجال اسجل بحضانتهم للسنة الجاية..

وايد مشكووورة
وترى اذا طرالي اي شي استأذنج شكلي بدزلج على الخاص

العفو يالغالية و الساعة المباركة اللي تدزين لي فيها على الخاص

 

[+بسبوسة+]

العفو يالغالية و الساعة المباركة اللي تدزين لي فيها على الخاص

تسلمين..
عيل انوم الصغير وارجع لج:eh_s(6):

 

[اي اسم]

هلا اختي وكاني استجبت لدعوتج
انا برايي اول شي تشوفين شنو المدرسة اللي بتحطين فيها عيالج وجم رسومها وبتحطين عيالج لاي مرحلة وجم طفل راح يكونون يدرسون مع بعض وبعدين تشوفين ميزانيتكم وهل راح تقدرون او لا
بس اهم شي المساواة بين الابناء يعني مو تدخلين واحد وتخلين الثاني
وتذكري ان الله لا يكلف نفسا الا وسعها
فانت لا تصعبون الامور على نفسكم اذا ما قدرتوا وعندج مدارس المستقبل اللي اهي المدارس الحكومية النموذجية هم فكري فيها
ولا تنسين بعد ان ان شا الله معاشج انت وزوجج يزيد مع الوقت بس يمكن الغلاء يزيد بعد
يعني بالنهاية انت وزوجج اللي لازم تقررون بعد ما تركزون تفكيركم على 3 مدارس على الاقل وتسوون حساباتكم

 

[+بسبوسة+]

هلا اختي وكاني استجبت لدعوتج
انا برايي اول شي تشوفين شنو المدرسة اللي بتحطين فيها عيالج وجم رسومها وبتحطين عيالج لاي مرحلة وجم طفل راح يكونون يدرسون مع بعض وبعدين تشوفين ميزانيتكم وهل راح تقدرون او لا
بس اهم شي المساواة بين الابناء يعني مو تدخلين واحد وتخلين الثاني
وتذكري ان الله لا يكلف نفسا الا وسعها
فانت لا تصعبون الامور على نفسكم اذا ما قدرتوا وعندج مدارس المستقبل اللي اهي المدارس الحكومية النموذجية هم فكري فيها
ولا تنسين بعد ان ان شا الله معاشج انت وزوجج يزيد مع الوقت بس يمكن الغلاء يزيد بعد
يعني بالنهاية انت وزوجج اللي لازم تقررون بعد ما تركزون تفكيركم على 3 مدارس على الاقل وتسوون حساباتكم

مشكورة يالغالية وماقصرتي..

ببدى ان شاء الله جولتي باجر..

خاصة ان عيالي توهم صغار بس اجيك..

بالحضانة..

وبالنسبة لمدارس المستقبل..

كنت افكر فيهم..

بس عقب ماثنتين من زميلاتي انتقلوا يدرسون هناك

صرفت النظر نهائيا...

لان تفكيرهم تدرس حكومي..
وتدريسهم حدة تقليدي ونمطي
ووضع مدارس المستقبل مايبشر بالخير..
في احتمال ينلغى:eh_s(10):



جزاك الله خير..

​

 

[حلم الطفولة]

هلا بسومه الحبوبه .. بالنسبه للأهل والناس اللي يقولون ماتقدرين ,, المسأله مو خوف ولا حسد .. كل مافي الأمر أنهم ناس فيهم واقعيه أكثر من اللازم .. ويكلمونج من باب النصيحه بما يعتقدون انه صح.
وهذا حال أغلب الكويتيين .. وماينلامون ..

الانسان اللي يبي يكون متميز بحياته لازم يجازف .. لازم يحط مع الواقع القليل من الجرأه والقليل من الحلم والتخيل .

أعتقد انج راح تقدرين تدخلينهم دام عندج هالإصرار .. وبالنسبه للدخل المادي .. أعتبر دخلكم ممتاز حق أول سنتين ..
لكن لازم تشوفين زوجج عنده الرغبه نفسها وللا لأ ؟؟؟ وراكم التزامات وديون وللا لأ ؟؟

وإذا كان زوجج موافقج بفكرتج وكنتي متأكده انه بيساعدج بتحمل المصاريف ,, فأنا أبارك لج مقدما وأقول ( راح تقدرون بإذن الله )

لكن خلي في بالج الاصرار ولا تنهزمين من أي شي .. ومهما صعبت الظروف دايما خلي طموحج في عيالج يكون دافع قوي لخلق حلول ماديه .. من الحين فكري بأشياء تزيد مدخولكم .. حق السنوات القادمه وحق تقدرين تكملين لاخوانهم اللي بالطريج.

قنني المصروفات .. دخلي معارض .. الغي من حياتج بعض الكماليات الغير ضروريه..........

والخطه المهمه في هذا كله : شيلي من راتب زوجج وراتبج أول كل شهر ( 200 منه و 200 منج ) .. وحطيهم بظرف بالتجوري وكتبي عليه << أقساط مدارس الأطفال... >> وأي وقت نهاية الشهر يزيد من راتبج أو راتبه ولو دينار .. دخليه مع الظرف.

وهذا الظرف لو شنو تمرين فيه من ظروف ما تجيسين منه ولا فلس .
تخيلي لما ترفعين هالمبلغ اللي مجموعه 400 وشوي بالشهر لمدة عشر شهور تكونين وفرتي 4000 من راتبكم خاصه بالمدارس فقط.

صدقيني المبلغ المرفوع شهريا مو وايد .. لأن يالغاليه الـ 200 إذا مارفعتيها بتطير على جنطه اشتهيتيها .. وكاكاو .. وقلم من المكتبه .. ومجله شدج عنوانها...... وبتطير على أشياء مالها حاجه قصوى ولا لها فايده ولاهي حتى نوع من الكماليات..
الوفره الماليه هي السبب الرئيسي لتبذير النقود في أمور مالها داعي .. و الـ 400 كل شهر ماراح تضر في احتياجاتكم الشهريه.

(( وأبشرج .. بعد راح تسافرون وراح تدخلينهم أنديه ان شالله .. )) .. والله المستعان .. توكلي على رب العالمين .. ودخليهم بالتوفيق يارب .
وحجزي من الحين سفرة الصيف

 

[mr000]

لا حبيبتي لاتحاتين انشالله راح تقدرين والواحد والله يشتري راحته بفلوسه بدال ماالفلوس رايحه على ألعاب وهدوم وخرابيط وآنا ماأقصد الراحه يعني ماكو مجابل ولاتدريس بالمره لا كل المدارس لازم اتابعين الياهل وتشوفين واجباته واتدرسينه حق الأمتحانات عالأقل لي نهاية الأبتدائي بس أقصد راحة البال والله آنا ألحين كل ماأسمع خواتي أشلون يشتكون من المشاكل اللي تصادف عيالهم بالحكومه ومره طاقينه ومره بايقين أغراضه والا مشققين دفاتره والله أحمد ربي أن دخلت ولدي مدرسه خاصه والحمدلله مدرسه زينه مو أي كلام ولا أتحسف على الفلوس اللي قاعده أقطها عالمدرسه مع أني متقاعده وولدي بالمتوسط يعني أدفع له 2900 تقريبا غير التقويه 100 الشهر بس طبعا موكل شهر حسب الحاجه! بس مثل ماقالولج الخوات سوي أستقطاع شهري ونظمي ميزانيتكم وأنشالله ماراح يأثر عليكم

 

[أم أسيل]

حبيبتي سوي استقطاع من هالشهر 100 دينار كل شهر وحطيهم في ظرف وكتبي مصاريف مدرسة ومهما صار وماتاخذين منهم شي واغلب المدرسة دفعات يعني بين الدفعه والثانيه 3 شهور تقريبا يعني اذا وفرتي تقدرين ان شاءالله

والله انا بديت من هالشهر استقطاع 100 دينار لان بنتي بتدخل كي جي 1 ان شاءالله

وان شاءالله تتعدل الظروف ونخلص الديون والاقساط اللي علينا ونزيد الاستقطاع لي 200 او 300 دينار ان شاءالله
ادعولي يا بنات