أقالوه ... لأنه أنتقدهم فقط

[فنون خليجيه]

المصدر

http://sabq.org/sabq/user/news.do?section=5&id=19981

"العربية" تقيل "الميرازي" بعد انتقاده اللاذع للإعلام السعودي


سبق – متابعة :

أفادت عدة وسائل اعلام عصر اليوم أن قناة "العربية" الإخبارية قررت فصل الإعلامي المصري حافظ المرازي، إثر استضافته للإعلامي المصري حمدي قنديل أمس، وانتقاده الإعلام السعودي بشكل حاد ولاذع، أدى إلى نشوب خلاف بينه وبين القناة، حسب ما ذكرت صحيفة "اليوم السابع" المصرية.


وذكرت الصحيفة ذاتها إن الشيخ الوليد بن إبراهيم، رئيس مجلس إدارة القناة التابعة لمجموعة mbc، أصدر قرارا عاجلا بإعفاء الميرازي مقدم برنامج "استديو القاهرة" من العمل في قناة "العربية".

وقبل أن يودع الميرازي مشاهدي القناة ،قال : "ان لم تشاهدوني فى الحلقة القادمة فمعناه أنى أودعكم" .




تعليقي :

اين حرية التعبير التي تتكلم عنها قناة العربيه ؟؟؟؟؟؟؟؟؟؟​

 

[ليلكي]

السلام عليكم


اختي انا شفت اللقاء و كان اسلوبه وقح و استفزازي في انتقاد المملكة العربية السعودية رغم ان الموضوع كان عن ثورة مصر بس اهو اللي تحرش بالسعودية لان المفروض ان يتكلم عنهم باحترام و هو كان مبين عليه انه متعمد يعني مو زلة لسان

ومشكورة على نقل الموضوع

 

[نوووور الشمس]

رد : أقالوه ... لأنه أنتقدهم فقط

اذا اسلوبه وقح والله يستاهل اللي جاه

 

[قاهره عذالي]

رد : أقالوه ... لأنه أنتقدهم فقط

سبب غير مقنع

بس تدرين

دام صاحب القناة سعودي

عادي هالشي ومو غريب

لان اصلا بالسعوديه

ما اعتقد في حرية تعبير كافيه

 

[مشـــــاعل]

رد : أقالوه ... لأنه أنتقدهم فقط

http://www.youtube.com/watch?v=sk7wa2BFEe8

هذا المقطع الي بسببه فصلوه العربيه تقريبا

اعتقد عنده اوفر من قناة الجزيره واتمنى انه لما يروح هناك يجرب يقول نفس الكلمه عن الامير حمد ال ثاني والحكومه القطريه ويشوف اذا بيطوول بالقناه وبعدين انا ماني فاهمه يعني اذا انت شاك بحياديه القناه وبسياسة القناه ليه مشتغل عندهم كل هالسنين ولهط فلوس عاد هو بالذات ماينزلي من زوز هالمذيع..الظاهر ان المصريين استخفو صار عندهم ثقه زايده من بعد ما تنحى مبارك الله يرحم ذيك الايام :eh_s(8):

 

[جوانا2010]

رد : أقالوه ... لأنه أنتقدهم فقط

الواحد يقول رايه بس باادب مو يطول لسانه ويقول حرية راي..........

 

[سواري الليل]

اذا الموضوع عن مصر شكو يدخل السعوديه وبعدين السعوديه شأن السعوديين محد له شغل في شأنهم اذا يبون اهم يتحجون ماكلفوه محامي

يسلمو

 

[emankuwaiti]

لا حول ولا قوة الا بالله

 

[بنوتــ AD ــة]

رد : أقالوه ... لأنه أنتقدهم فقط

ما اشوفه قال شي غلط .,
هو انتفد الاعلام السعودي ما تطاول ع السعوديه نفسها أو ع شخص الملك ربي يحفظه
وصحيح مقصد كلامه .. اللي ما ترضاه على عمرك لا ترضاه لغيرك
يعني حتى الأعلام الخاص صار مسيس ..؟!!!!
ولا اصبح نقد توجهات اعلام ما من التابوهات الحين ..!!!
عيل وين حرية الرأي اللي صرعوا رأسنا به
(طبعا اقصد الاعلام المهني المحابد والنزيه اللي ما يتعمد التجريح في الشعوب والحكومات )

 

[نوره 99]

هو قالها تحدي ... وهم ماعجبتهم لهجة التحدي
ع العموم مافي قنوات عربيه عندها شفافيه
حتى الجزيره ماعتقد أنهم بيخلونه يتكلم عن قطر وعن الأشياء اللي مايبونه يتكلم فيها

 

[مضاوي 75]

انا ماشفت المقطع

لكن اذا تطاول على اسياده يستاهل ماجاه

لي رجعه مع الموضوع بعد ما اشوف المقطع

 

[ToOoTi]

ياليتهم يقدرون على سكوب والحثالة اللي فيها

عشان نفتك منهم

 

[ام الحلوه والمزيون]

كلامه صحيح لان الحقيقه علي البعض مره *

 

[^^ريهام^^]

رد : أقالوه ... لأنه أنتقدهم فقط

هو ما انتقد الحكومة والشعب السعودي

هو انتقد عدم وجود حرية اعلام في السعودية

وكلامه صح

يعني العربية والجزيرة ينتقدون كل الدول ما عدا السعودية وقطر

خل يورونا حرية الراي شلون صايرة وينتقدون الاوضاع في بلادهم

وحافظ الميرازي الظاهر جاله عرض قوي من قناة مصرية (خصوصا الحين الاعلام عندهم صار حر)

وقال بنفسه خل اعمل نفسي بطل علشان يطلع من العربية بضجة ويسوي دعاية لنفسه

لعبته مكشوفة

 

[اجمل نساء 2011]

رد : أقالوه ... لأنه أنتقدهم فقط

انا غير متابعين لقناة العربية اصلا واذا كان مستفز اهل السعودية يستاهل ماجاه

 

[aṕriliå]

رد : أقالوه ... لأنه أنتقدهم فقط

ما آحسه غلط

 

[^عطور^]

القنوات والصحف المصريه كانوا دايم والى الان يتكلمون في السعوديه والسعوديين والخليجيين كله ذم وسب واذا اتصل سعودي مثل الشيخ قال رايه قالوا له شدخلك انت ويكلمه بكبر وعجرفه وهم بنفس البرنامج يتكلمون بالخليج والسعويه !!
هم بعد شدخلهم بقضايا الخليج؟
الحين هالمذيع يدري ان القناه سعوديه ليه يقدم ؟! يوم شبع وجمع فلوس ؟! انقلب ؟!

صحيح ان اكرمت اللئيم تمردا

 

[بسوين]

رد : أقالوه ... لأنه أنتقدهم فقط

مع اني ماشوفه قال غلط
بس اساسا قنواتنا ماعندها شفافيه ابدا وهذا الشي واضح
لا في الجزيره ولافي العربيه

 

[بسوين]

رد : أقالوه ... لأنه أنتقدهم فقط

سبب غير مقنع

بس تدرين

دام صاحب القناة سعودي

عادي هالشي ومو غريب

لان اصلا بالسعوديه

ما اعتقد في حرية تعبير كافيه

مادري ايش قصدك ماعندنا حريه
اذا قصدك الحريه الي خلت الجويهل وسكوب يطلعون ويتشمتون بخلق الله ويثيرون فتن لا الحمد لله ماعندنا
اذا سيااسه فاقري مقالات خلف الحربي انتقاد قوي وماحد يرضى يتكلم عليه بكلمه وقبل كم يوم استضافوا عضو مجلس شورى سابق بالاخباريه وهي قناه حكوميه تكلم على امراء المناطق وحملهم المسوليه وهذا هو لليحن عايش

 

[Ghadosh]

رد : أقالوه ... لأنه أنتقدهم فقط

مادري ايش قصدك ماعندنا حريه
اذا قصدك الحريه الي خلت الجويهل وسكوب يطلعون ويتشمتون بخلق الله ويثيرون فتن لا الحمد لله ماعندنا
اذا سيااسه فاقري مقالات خلف الحربي انتقاد قوي وماحد يرضى يتكلم عليه بكلمه وقبل كم يوم استضافوا عضو مجلس شورى سابق بالاخباريه وهي قناه حكوميه تكلم على امراء المناطق وحملهم المسوليه وهذا هو لليحن عايش

:eh_s(15):