أفكــــــــــــار لــــــخــبرة الــــــــــــــــــــــــــــــــــــــــبر ؟؟؟

[anona79]

الخبرة الجاية حق مستوى أولى هي خبرة البر
يله بنات همتكم بالمنبهات
وآنا حلقتيي يوم الأحد عن البيئة البرية الكويتية أبي منبه حلو تكفوووووووووون
واللي تبي منبهات ثانية تقولي شنو حلقتها وانشاءالله ماراح أقصر وياها

أرجووووو التثبيت

 

[kokah]

رد: أفكار حق خبرة البر ؟؟؟

مرحبا سوي من علب اللبن خيمه لبسيها لون ابيض يعني ممكن تبدين بمشروع المثير

 

[طيرشلوا]

سوى تركيب بيت شعر بالبوربوينت او جهاز العرض العلوى

 

[مزيونة الهيلا]

وانا درسي عن اهمية البر شسوي منبه؟ساعدوني

 

[anona79]

سوي منبه خيمة اما ظل او شفافية تراكمية

 

[fankuosha]

قوة بنات أنا عضوة يديده دايما كنت ادش اقرا مشاركاتكم وماشاء الله عليكم وايد استفيد الصرااحة

 

[fankuosha]

طبعا انا معلمة رياض أطفال وانشاءالله بفيدكم من خبرتي المتواضعه

 

[*أبلة*]

هلا والله فنكوشا
حياج الله بينا
__________

بحط لكم منبيهين لخبرة البر
1- رمال عليها آثار وبسؤال الاطفال والمناقشه يتبين انها للحية .
2- منبه يحتاج الى ادوات بسيطه * ورقة a4 لون بيج او بني او اصفر* لون اسود او بني شيني * ورقة صغيره جدا لونها احمر مقصوصة على شكل لسان * لزاق او صمغ * مقص .
الورقة تلفينها بالطول , وتلزقينها ( جنها رسالة بس بالطول ) .. تروحين عند طرف واحد منها وتقصينه بشكل نص دائرة ,
تالي تخططين ظهر الروقة الملفوفة بخطوط متباعدة نوعا ما , وبعدين عند نفس الطرف اللي قصيتيه تلزقين الورقة الصغيرة الحمراء اللي على شكل لسان , واخر شي ترسمين العيون .
صار عندج حية .
انا استخدمت ورق قص ولصق لونه بني .. والمنبه كان جدا مشوق ..
على فكرة : المنبه ممكن استخدامه لاكثر من هدف مو شرط بس هدف الحيوانات الضارة .
​

 

[ملاك-77]

هدفي يتعرف على البيئة البريه في الكويت

منبهي بزل للجمل يركبونه ومنها اسئلة مااسمه اين يعيش اين نشاهده؟
الى ان يتوصلون للبر ومنها ادخل بسير الدرس

ممكن منبه ثاني رسم خيمه على السبورة او على جهاز العرض
اول شي مثلث بعدين اعمده وخطوط الى ان يتوصلوا للخيمه

او سيارة فيها اغراض كثيرة وتخمين اين سوف تذهب هذه الاسرة؟
يسافرون ... الخ ليما يتوصلون للبر

 

[ام عمار]

موفقين

 

[الغـ(Q.8)ـلا]

شوفي حبيبتي يبي فلين على شكل مستطيل وحطي فوق صمغ قوي بعدين حطي فوقة رمل وبعدين حطي ديكورات من الحيوانات " جمل ، حية ، عقرب ، شجر صغير ، صخر " وغيرها من ديكورارت بس اهم شي يكون متناسق الاحجام والاشكال يعني ما يكون العقرب اكبر من الجمل وبعد سويلج بيت شعر بكرتونة البن الي على شكل مستيطل قصية وسوية على شكل بيت شعر بس انا اقولج لو تسوين على كرتونة " علبة " العصير يكون وايد اسهل عليج وغطية بخام اسود او خيوط الصوف يعني سويلج مجسم على البيئة البرية وابدي درسج على شكل قصة عشان يكون خيالج واسع وتقدرين تشرحين البيئة البرية

 

[كويتيه بنت عز]

السلام عليكم

بنات شنو اهدافكم انا اول سنه وماخذيت اهدافي

انا يوم الاحد عندي حلقه بس مادري شنو هدفي

عن شنو اتكلم اول يوم وشنو اقول

 

[anona79]

انزين شنو اتكلم عن البيئة البرية بالضبط ؟
الحيوانات والنباتات وبس والا في شي بعد ؟؟؟؟؟

 

[*أبلة*]

انزين شنو اتكلم عن البيئة البرية بالضبط ؟
الحيوانات والنباتات وبس والا في شي بعد ؟؟؟؟؟

تتكلمين عن طبيعة البر والرمال الكثيرة وحيوانات البر و سكان البادية ونباتات البر يعني الدرس يكون فرشة للخبرة
بمعنى مقدمة شامله للخبرة
ولا تنسين تذكرين ندرة المياه بالبر ​

 

[كويتيه بنت عز]

بنات هذي اهدافي ليوم الاحد

يتعرف على البيئه البريه
يحافظ على نظافة البيئة
يركب منظر للبيئة البريه

بغيت منبه للدرس

ابله تسلمين والله ماقصرتي

 

[ابيار]

بنات
شنو اهداف الاسبوع الاول؟
كنت غايبة الخميس وما ادري شنو التحضير

 

[fankuosha]

كويتية بنت عز انا بعد درسي الاحد مثل اهدافج بالضبط ببدي بمنبه على جهاز العرض خيمه واسألهم الى ان يتوصلون للبر
عقب انتقل لجهاز الكمبيوتر بوربوينت اسألهم ماذا تشاهدون في البر ؟؟ طبعا يكون مثل منظر تكون الشمس ساطعه مع ذكر الالوان والغيوم والرمال الكثيره والنباتات الخضراء والزهور منها النوير والفراشات والخيام الكثيره يعدون 2 او ثلاث
بجذي سويتي منظر عام عن البر............. وتكونين من قبل مزهبه مثل مسابقه علب ملونه كل طفل يختار لون وتطلعله علبه صغيره (( اكون حاطه فيها نفس الاشياء الموجوده في منظر البوربوينت بس طابعتهم على ورق مقوى وقاصتهم وحاطة وراهم مغناطيس بحيث انهم يلزقون على اللوحة المغناطيسية )) يعني مثلا اختار اللون الاحمر في علبه حمره بالاركان يبحث عنها يفتحها يلقى داخلها مثلا شمس يحطها على اللوحه ..... الخ الى ان يكونون نفس المنظر اللي بالبوربوينت حلوووووووووو
وبجذي حققت الحسي الحركي نرجع عاد حق الاجتماعي قصة قصيره استنتاجيه
ويخلص الدرس

 

[حبـــاري]

المنبهات اللي حاطينها عاديه و قديمه الحين يبون فناتق

 

[منورة]

فية لوحة وبرية للبر تنفع للمنبهات وممكن للسلوكيات انتي وطريقتج حصلتها قبل اسبوع بايام زمان لكذا منظر ومنها للبر تنفع اشتروها تنفع لمنبة للبيئة البرية















لحظة لحظة عشان ما تنفشل واتعرض للسخرية <<<فيني النوم خخخخخ

خام الجوخ تعرفونة اللوحة مصنوعة منة يعني نسميها وبرية صح ولا جوخية احسن ههههههه ابييييييية احس سؤالي غبي يلا تالي الليل تضيع علومنا ^ـــــ^

 

[*أبلة*]

سويت لكم منبه خيمة باستخدام PowerPoint ان شاء الله تستخدمونه وينفعكم ​

​

تحياتي للجميع​