بنت حمايل
New member
للأقبال الشديد على انزال موضوعي بصفحة بروجها
نزلت عشان الكل يستفيد
وحاضرة لأي استفسار
بالنسبة للبنات اللي يقترحون كوبون مساج اولا قديمة هالحركة وبعدين مو الكل يحب مساج ترى ، يعني ييبي شي حلو وتستخدمة ويدوم عندها راح اعطيج افكار بحدود ميزانيتج :
الفكرة الاولى :
عطر حلو توه نازل بحدود 20 دينار + سوار من شوارفيسكي تقريبا 40 او 45 دينار + تغليف غريب من بوابة الهدايا
الفكرة الثانية :
تذكرة سفر من الجزيرة او الوطنية بحدود 50 - 60 دينار مفتوحة لمدة 6 أشهرالديرة ممكن تحطينها دبي - مصر
الفكرة الثالثة :
في محل ذهب يسوي قلب على اسمها مع سواره واذا مو متحجبة ممكن تراجي بس حلوة وايد نقشته مو مثل ملوت اليهال احلى واتكن بحدود 70 - 80
الفكرة الرابعة :
تجهيزات الكترونية شنو تحب بالالكترونيات او ممكن عدة ستريو او اكسسوار للسيارة مثلا
الفكرة الخامسة :
تروحين لاسنزا وتاخذين لها روب حمام + نعال وانتي بكرامة + بابلز للشاور + قميص نوم ناعم او بيجاما + فوطة مع تغليف حلو وناعم وتحطين علبة حلاو او كاكاو غوديفا وياه - يطلع شي حلو
او تعطينها كوبون من لاسنزا
الفكرة السادسة :
جلسة عناية بشرة مع مساج لفروة الراس من سبا رويال حياة مع كوفي وسناك من اللوبي اللي عندهم - ترى محد سواها هالحركة غيري - يعني انتي الثانية اللي بتجربينها
الفكرة السابعة :
تحجزين لها مركب او يخت مع غداء انتي وياها من يخوت سوق شرق وتقديم لها هدية عادية ست عطور او مجموعة القرشي ، واليخت اهوا يوفر الوجبة ترى
الفكرة الثامنة :
اشتراك بنادي صحي راقي بأي وقت مدفوع مسبقا لمدة شهر- ممكن بلاتينيوم او فت بالدسمة او شامبييز
الفكرة التاسعة :
في تنزيلات بالصالحية الحين محلات جيفينشي وفندي 60% اخذي لها بوك ناعم وممكن تلقين شنطة صغيرة عملية ب70 دينار لحقي انا توني خامة منهم
الفكرة العاشرة :
عزومة عشا او غدا ناعمة وحلوة تتذكرون فيها الجامعة بأي فندق وتسوين لها سبرايس بكيكة مع هدية ييبها الجرسون وفرة بالليموزين
حياكم
:klhfl:
:ggdw::ggdw::ggdw:
