أفكــاركم حــق عيـد ميــلادي..!!

[بنت الدلال]

مساء الكــادي


شخباركم



عيد ميلادي بعد 16 يوم .. وابي اسويه تنكري ..


بس ماني عارفه شنو البس ومن وين وابي فناتك حـلــوه.. قلت يمكن اييب طقاقات ههه


وماعندي افكــار ســاعدوني والحفله تينرجيه يعني ابي فيها اكشنات



ســاعدوني :eh_s(1):

 

[بنت الدلال]

up !!

 

[برميتا]

أول شي سالفة الطقاقات مايسوى حق عيد ميلاد
تقطين اميات على طقاقات وما يونسون أصلا
فأحسن لج حطي دي جي تقدرين تبدعين بالأغاني

وحفلة تنكرية ونااااااسة بس اللبس ماتوقع اتحصلين شي حلو اهني
بالإنترنت فيه بس لازم انتي والمدعوات كلكم تطلبون من الإنترنت

أو

إنج تسوين مسابقات هم وناسة بس يبيله ترتيب عدل
إذا التجهيز صار عدل ومرتب الحفلة تصير مرتبة وحلوة



و

happy birthday darling

 

[شهووده]

فكرة الحفله التنكريه حلوه ..

برايي أحلى وأذرب من بيجاما أو هلاقه بارتي ..

شوفي اللبس التنكري سهل ..

ساري هندي وإلا جلابيه مصريه وربطة راس وإلا كيمونو ..

أو تقدرين تستعينين بقمصان النوم اللي تيي على زي تنكري .. شرطيه ونحله وساحره ووووو

طبعا أحلى وأونس شي الدي جي ولاتفكرين بغيره ..

وبالنسبه للأفكار نفس ماقالت برميتا تفنني بالمساابقات ..

واشتري هدايا بسيطه حق رفيجاتج اكسسوارات وسوالف بنات من كليرز وهالأماكن ..

وسوي مسابقه حق أجمل زي تنكري بالحفله ..


هذا اللي فبالي حاليًا ..

ان شالله أكون قدرت أعطيج شوية أفكار ..




Happy Birthday In Advanced =))

 

[bnt_7waa]

شوفي بارتي لاند المارينا في لبس تنكري اهناك وسوالف وااايد حق العيد ميلاد ..

 

[بنت الدلال]

أول شي سالفة الطقاقات مايسوى حق عيد ميلاد
تقطين اميات على طقاقات وما يونسون أصلا
فأحسن لج حطي دي جي تقدرين تبدعين بالأغاني

وحفلة تنكرية ونااااااسة بس اللبس ماتوقع اتحصلين شي حلو اهني
بالإنترنت فيه بس لازم انتي والمدعوات كلكم تطلبون من الإنترنت

أو

إنج تسوين مسابقات هم وناسة بس يبيله ترتيب عدل
إذا التجهيز صار عدل ومرتب الحفلة تصير مرتبة وحلوة



و

happy birthday darling

برميتا :


صـج مايونسون انا قلت ابي شي مو مسوينه من قبل ... رفيجاتي اختارو شنو يبون بس انا ولازم اصير غير عنهم لاني صاحبة الحفله وودي يكون التجهيز كله على حسب نفنوفي .. ابي سندريلا سنوايت تهقين القاهم ؟....

والمسابقات ماعندي اي مسابقه براسي الحين يبيلهم قعــده

 

[بنت الدلال]

فكرة الحفله التنكريه حلوه ..

برايي أحلى وأذرب من بيجاما أو هلاقه بارتي ..

شوفي اللبس التنكري سهل ..

ساري هندي وإلا جلابيه مصريه وربطة راس وإلا كيمونو ..

أو تقدرين تستعينين بقمصان النوم اللي تيي على زي تنكري .. شرطيه ونحله وساحره ووووو

طبعا أحلى وأونس شي الدي جي ولاتفكرين بغيره ..

وبالنسبه للأفكار نفس ماقالت برميتا تفنني بالمساابقات ..

واشتري هدايا بسيطه حق رفيجاتج اكسسوارات وسوالف بنات من كليرز وهالأماكن ..

وسوي مسابقه حق أجمل زي تنكري بالحفله ..


هذا اللي فبالي حاليًا ..

ان شالله أكون قدرت أعطيج شوية أفكار ..




Happy Birthday In Advanced =))

شهــوده :

ايي اكيــد اذرب ماحب البيجاما بارتي والسنه اليايه بسوي شي ثاني بعد .. فكرت بالمصري بس ودي اصير سنوايت او سندريلا يمكن القاهم بمحلات قمصان نوم ... اي فكرت بـأجمل زي تنكري واسوي تصويت ..

بس انا ودي اصير غير عنهم شوي لاني صاحبه الحفله

 

[انا كويتية]

ليش ماتسوين حفلة ابيض واسود او اي لونين وبالدعوة تكتبين البس ابيض واسود والحفلة كلها تصير بهالونين حتى الكيكة او أحمر دامكم صغار ...او crazy hair party كل وحدة توي شعرها بطريقة غريبة مو دارجة او in out clothes ل وحدة تلبس هدومها مقلوبة.... او اذا عندكم حمام سباحة swiming pool party
وكل عام وانتي بخير

 

[nero]

تقدرين تخيطين البدله

دام باقي 16 يوم يمدي

اشتري خام من بو نص دينار المتر .. والخياط يمكن 10 دنانير ما يكلفج وايد

احسن من الفراره لان ماكو كبرج كله سوالف يهال


الا اذا انتي صغيره ونعومه روحي برووي ترا عنده هالسوالف كشاااكش تونس لوول

 

[زيـنـه]

ما قصروا البنات ..

و تقدرين تزينين بورق الكريشه تقصصينه مثل شرايط (يعني على نفس لفته بس قصقصيه بالعرض) و اذا فجيتيهم يصيرون جنهم شرايط و علقيها من السقف لي الارض .. و اخذي الوان متعدده و تحكمي بالطول

والبالونات من بو 100 فلس هم خليهم الوان و بالارض

 

[بنت الدلال]

شوفي بارتي لاند المارينا في لبس تنكري اهناك وسوالف وااايد حق العيد ميلاد ..

بنت حوا :


اي بــروح اشوفهم بس اخاف ماكو قدي احسهم ملوت صغاار ... :eh_s(6):

 

[بنت الدلال]

ليش ماتسوين حفلة ابيض واسود او اي لونين وبالدعوة تكتبين البس ابيض واسود والحفلة كلها تصير بهالونين حتى الكيكة او أحمر دامكم صغار ...او crazy hair party كل وحدة توي شعرها بطريقة غريبة مو دارجة او in out clothes ل وحدة تلبس هدومها مقلوبة.... او اذا عندكم حمام سباحة swiming pool party
وكل عام وانتي بخير

انا كويتيه :


والله خوش افكــار بس بخشهم لان البنات تهيـأو حق التنكري .. السنين يايه ان شالله :eh_s(6):

 

[بنات حواء2]

هابي بيرثدي تو يو <<<<<<<<<<<<<<< بالعربي لووووووووووول

 

[الاسطورية]

انا سويتها مره وكانت عجيبه
لبست سنوايت وسويت كيكه على تفاحه حمره
والبنات بدعو باللبس الغجريه والفرعونه والمصريه والهنديه و الطراره والطباخه والشرطيه والممرضه

على فكره تلقين الملابس بقمصان النوم بس

زيديها شغلات مثلا بلايز ولقنقات

انا شريت سنووايت من محل قمصان نوم امريكي بالنت وكان في منه بعدين نزل بالكويت كان قصير زدته جيبون احمر اطول منه بشوي طلع عجيب
وتوني طالبه لبس الجميله والوحش حده يونس

وبعد لبسو من هاواي وايد حلو اذا تبين تلبسين هاواي وتسوين كيكه على ورده وتسوين جو بحر

وايد افكار حلوه

 

[ليدي عنونه]

احلى شي هندي لبسيلج ساري هندي الوانهم عجيبه وييبي اكل هندي وحطيلج اغاني هنديه