أفكار للنشاط الصباحي (( خبرة البر والنفط ))

[Om-s3od-2009]

رد: افكار للنشاط الصباااحي لخبره النفط والبر

اي والله
حتي انا متوهقه ما ادري شسوي

 

[عهود الحب]

رد: افكار للنشاط الصباااحي لخبره النفط والبر

صحيح النفط شوي غثيثة
بس انتوا رقعوا الوضع بخبرة البر
ترى حيل حلوة وغنية
فيها شكثر افكار
شاعر المليون
ديوانية شعراء النبط
عن حيوانات البادية
عن الحياة قبل بالبر { البدو يعني
عن طب الاعشاب من اعشاب البر
القصص شتبون خذ وخل
ان بغيتوا تمثيل ولاجاهز
انا احب قصة الراعي والذيب لما يجذب عالناس واخر شي ماصدقوه
ترى بالتمثيل تطلع تهبل
والراعية الصغيرة


الشعبي خروف مسلسل
سويرة راحت البر
انا الذيب
يامن عين الضاله

مسرحية الواوي وبنات الشاوي مالت هدى حسين روعة



الرياضي عاد كيفكم مومهم يكون له علاقة بالخبرة

الابداع هم مولازم مرتبط بالخبرة
المسابقات خو مايبيله



اهو اكثر تعب بالقصة والشعبي
وسلامتكم

 

[عهود الحب]

رد: افكار للنشاط الصباااحي لخبره النفط والبر

النفط بعد حلوة وفيها شغلات
ممكن تحطون عن الكويت قبل النفط شلون الحياة بسيطة
ممكن تحطون عن فوايد ومنتجات النفط
اطفاء اخر بير
عن قصة نشوء النفط يعني الدينصورات وجذي

والله في افكار بس يبيلكم ترتبونها

 

[كربونها]

رد: افكار للنشاط الصباااحي لخبره النفط والبر

الرياضي ممكن اتسوون فريقين كرة قدم عالمسرح ا

 

[saroona-84]

رد: افكار للنشاط الصباااحي لخبره النفط والبر

بعد عمررري عهووود مااقصرتي ..
انتي رووعه وافكااارج رووعه..
الله يجزاج خيررر .. ويخليج ذخر للمنتدى كويتيات..(هذي الدعوه الاولى)
الدعوه الثانيه,, انشالله يااارب يااارب...كل ماشافج زوجج على الاب توب يقول عفيه عالشاطره اللي تساعد خواتهااا وينتهي رعب الكبسات المفاجاه .. لووول..
بصراحه الله يعينج .. بالدوام كبسات و بالبيت كبسات

 

[عهود الحب]

رد: افكار للنشاط الصباااحي لخبره النفط والبر

ههههههههههههه شدراااااااج عن كبسات زوجي امبيه

تذكرت شغله قلت اقولها لكم قبل لا انسى

سوي عرس بدو
صف ورقص
يووووونس
بيوم الشعبي

 

[الجود العنزي]

رد: افكار للنشاط الصباااحي لخبره النفط والبر

يعطيج العافية على الافكار الحلوة صج ماشاء الله عليج الله يخليج لنا يا عهود الحب

 

[a7la_3emya]

رد: افكار للنشاط الصباااحي لخبره النفط والبر

يعطيكم العافية ...

بس شنو عندكم افكار حق اليوم الابداعي ( هذي المصيبة )

كل الايام يهونون إلا هاليوم ... والمشكله الاكبر انا مناوبة الخبرة

 

[عهود الحب]

رد: افكار للنشاط الصباااحي لخبره النفط والبر

في اغنيه لسعاد عبدالله قديمة عن البادية
تهببببببل
ياساكني بيت الشعر

حلووووووة


حطوا عن المخيمات وعن الحفاظ عالبيئه
حطوا عن محمية صباح الاحمد لو فيلم بتحصلون اكيد

 

[*أبلة*]

رد: افكار للنشاط الصباااحي لخبره النفط والبر

الاخت اللي تسال عن اليوم الحر
سوي أطفال يتنافسون
فريقين على المسرح وانتي المذيعه او سوي ابطال الروضة او اي مسمى انتي تبينه
فريقين طبعا تسئلينهم اسئله واهم يتشاورون بينهم ويجايبون واللي اجابته صح ياخذ نقطة
وممكن تسوون سينما
انا السنه اللي طافت سويت سينما .. لبسنا تشيرتات طابعين عليها كلمة سينما وعقبها اسم روضتنا ويبنا نفيش وشعر بنات ولما خلص عرض الفلم اللي حطيناه بالداتا شو وزعنا على الاطفال النفيش والشعر بنات .. وطبعا زينا النشاط في بوسترات توحي انج قاعده بقاعة سينما .. هاليوم كان وايد وايد حلو .​

 

[*أبلة*]

رد: افكار للنشاط الصباااحي لخبره النفط والبر

في مسرحية انا سويتها استخدمت مسرح العرايس فيها وكانت وايد حلوة .. تحكي قصة الكويت قبل النفط وبعد النفط .
ادواتها : عرايس ملابسها قديمة وباليه .(طبعا العرايس حريم ورياييل واطفال) . عرايس ملابسها جديدة ونظيفة .. برج نفط .. نقود .. شريط اسود من اي شريط فيديو ما تبينه .. صور للمجاعة والفقراء .
القصة كالآتي : تحكي القصة عن ماضي الكويت وانا كانت دولة صغيرة وتعتمد اعتماد كلي على البحر والسفر في كسب الرزق هني تظهر العرايس اللي ملابسها قديمة .. لان اغلب الناس كانت حاتهم صعبه بهالوقت .. ولما كانت الناس تحفر للحصول على الماء ظهر شي اسود له رائحه قوية ( هني تظهرين الشرائط السودة كأنها نفط يتفجر من الارض ) .. طبعا بعدين عرفوا انه نفط ( يظهر برج النفط ) وانه غالي والكويت باعته واستافادت منه باشياء وايد وتغيرت الحال الى الاحسن ( هني تظهر العرايس اللي يبين عليها الخير ) وزاد الرزق وتعددت اسباب الربح لله الحمد وهني تنثرين الفلوس الكثيرة دليل على الخير .. مع ذلك الكويت ما نست الفقراء والمحتاجين ودائما كانت ولازالت تساعدهم ( هني تعرضين صور المجاعة والفقراء ) .. وبالختام الدعاء لله تعالى بحفظ الكويت واهلها وشكر الله على نعمة النفط .
طبعا كل معلمة واسلوبها بالسرد . .
تحياتي للجميع​

 

[*أبلة*]

رد: افكار للنشاط الصباااحي لخبره النفط والبر

في يوم لبست قناع على صورة وجه ماما أنيسة
ودخلت على الأطفال وسلمت عليهم وسالتهم جم سؤال وكان منبه حلو حق يوم المسابقات
ويبت معاي جياس ذربة فيها هدايا للي يجاوبون
ومره سويت شكل البرقع الاماراتي ورشيته ذهبي انا ورفيجتي ( مدرسه معاي) وطبعا سوينا لبس مقارب حق الشخصية ..أول شي كلمت الاطفال من ورا الستاره وعرفوا منوا انا وطلعت لهم ( أم خماس ) وتالي ناديت صديقتي( ام علاوي ) وسوينا مشهد مضحك جدام الاطفال وبعدين غنينا معاهم الاغاني الكويتية القديمة ( المرتبطه بخبرة البر طبعا ) بما ان احنا في ضيافة الكويت وكان يوم شعبي ممتع .
ومره وحده من المدرسات دربت البنات من قبل بيوم على اغنية سناء الخراز الهوادج .. البنات لابسين دراريع وبراقع .. فقرة روعة الصراحة​

 

[كبرت وراحت على]

اب اب لعيونك

 

[استاذه كول]

هااي بناات اليوم سمعت فكره من وحده من رفيجااتي مسوينها بروضتهم وهي باليوم الابداعي مسويت اطول صموونه << واااااااااااوو

وحااطين جبن ولبنه وزيتون وطماط وكل صف يحشي له ويقص له ولعياله ويااكلونها بالاركاان

 

[مواهب متعدده]

 

[moody-q8]

اغنيه لخبرة البر
على لحن اغنيه للمطرب عيضه المنهالي ( .........) نسيتها الحين نطروا باجر اقول لبناتي يذكرووني

حنا البدو نرعى الغنم...........وزادنا تمر ولبن
نبي نكشت لبر المطلاع........على عشب ورووضن خضر
يالله ننصبها ننصبها .....هالخيمه ونزينها
نفرش لها بساط السدوو.......وعندها بيت الشعر
شبوو الفحم شبو الفحم.......في لياالي السمر
الله ياحلو جمعتناااا ..........على ضي ونور القمر

 

[*أبلة*]

هااي بناات اليوم سمعت فكره من وحده من رفيجااتي مسوينها بروضتهم وهي باليوم الابداعي مسويت اطول صموونه << واااااااااااوو

وحااطين جبن ولبنه وزيتون وطماط وكل صف يحشي له ويقص له ولعياله ويااكلونها بالاركاان

يعطيج العافية حبيبتي خوش فكرة
بس بغيت اعرف .. أهم يابوا صمون وايد وحطوه يم بعض والا شلون سووها ؟!​

 

[عشوشه]

و الله يا حبايبي أدري ردي متأخر بس انشالله أحد يستفيد منه
ممكن لليوم الابداعي تسوون اليوم الأصفر ( yello day )في سبيل تفعيل النوير الموجود بالبر ثم الحديث عن الأشياء الموجوده في حياتنا و تحمل اللون الأصفر و بهاليوم كل المدرسة تلبس أصفر و الهدايا تكون أشيا صفرا و تغليفها أصفر و المسابقات تلوين تفاح أصفر فريقين يبطون بالونات صفرا لعبة الكراسي بكراسي صفرا و بنهاية النشاط وزعنا فليك على كل المدرسه ووزعنا أيس كريم موز للمعلمات و الاداره و كنا مطيرين بالونات صفرا في صالة النشاطو دمتم .
أيضا مرة سوينا الابداع مشهد عن نظافة البيئه و ان في عامل ينظف عند باب الروضه و بعدين قعد و هو تعبان فشافو أطفال و سألو شفيك قالهم كثر ما أنظف ما يخلص الوسخ لأن في ناس ترمي المهملات بالأرض و ما تفكر باللي ينظف المكان فيساعدونه بالتنظيف و نزلو للأطفال تحت ووزعنا على كل الروضه قفازات نايلون و طلعنا كل الروضه ينظفون الساحات ووزعنا أكياس لكل فصل لجمع المهملات فيها و طبعا كنا قاطين قراطيس علشان يشيلونها و مع أغنية حافظ على بيئتنا مالت جمعية حماية البيئه.
و ملرة سوينا عالم الصحه المفيد ان ولد يدخل من نص النشاط على السكوتر و لم يوصل عند المسرح يلقى حاجز و في سهم لليمين و سهم لليسار يحتار شنو يختار و يسأل الأطفال شنو يختار و بعدين يختار العالم اللي بجهة اليسار و هو عالم غير نظيف فيه بنات (أبلات) لأن الطفل لا يمثل السلوك السلبي المكان مليء بالحشرات و المهملات على الأرض و وحده مريضه فيكره الولد هذا العالم الغير صحي و لا يستطيع البقاء معهم و يذكر هؤلاء البنات بأننا في بلد مسلم و الله نظيف يحب النظافه و أن الكويت بلد نفطي فيه الكثير من منتجات النظافه (الصناعات الوطنيه) و يخرج تاركا المكان متوجها للعالم الآخر فيجد فتاة تغسل أسنانها و أخرى تمشط شعرها و ثالثه تغسل الملابس و المكان نظيف و بكل ركن سله للمهملات فيقول ماشاءالله المكان جميل و صحي هذا العالم المناسب للحياة انه عالم الصحه المفيد و لكن يحزن فتسأله البنات مابك فيخبرهم بالعالم الغير نظيف الذي وجده فيتشاركون معه و يتعاونون لتنظيف ذلك العالم.
و بالنسبه لسم اليوم ممكن بالفلين تقصون شكل برميل النفط و بنصه اسم اليوم.
و ممكن صور المنتجات النفطيه على مقاس a3 و مغلف حراري و معلق فيها اسم اليوم.
و ممكن تقصون بالفلين شكل خيمه و تلونونها و بآخرها اسم اليوم.
انشالله أكون أضفت شي مفيد و سامحوني على الاطاله

 

[*أبلة*]

الله يلبسج العافية عشوشه
أفكار وايد حلوة​