أفكار قرقيعان من ايد أم علي الرفاعي (متجدد) بالصور

[أم علي الرفاعي]

السلام عليكم

شلون الكويتيات ان شالله تمام ؟؟!!!


بما ان رمضان قرّب
والمنافسة بدت تلعب لعب بالأمهات

وبما اني بطلت اسوي قرقيعان >> حدي تعبت 4 سنوات !!


وبناءا على طلب الزباين المتكرر

قررت احط لكم كل يوم صورتين
من صور قرقيعاني على مدى السنوات اللي طافت
(صورة للكبار وصورة للصغار)

مع طريقة العمل والأدوات المطلوبة
عشان الكل يستفيد

واللي ايدها حلوة بالشغل
تقدر تسوي قرقيعان عيالها بايدها
واللي ماتعرف تقدر توصي اي احد يسويلها
الصور في متناول ايديكم


والاستفسارات بالموضوع نفسه
هم عشان الكل يستفيد



يالله نبلش



بسم الله الرحمن الرحيم

.
.
.
.
.
.
​

 

[أم علي الرفاعي]

(1)​

سلة توزيعات للأطفال​

الأدوات :​

قاعدة فلين مضغوظ قياس 50 * 60 >> من المكتبات​

قاعدة خشب تقريبا 50*40 >> من النجار​

سلة / تحفة شعبية / رول / شرايط / ورد للتزيين (صغار وكبار) / ورق كريشة ​

/ مسدس السيليكون >> محلات الهدايا​

طاسة شوربة >> الأسواق الشعبية​

خام سدو سميك >>> البلوكات​

حلويات >> الشويخ​

#طريقة العمل:​

- التوزيعات:​

*نقطع رول الكريشة والرول اللي فوقه مستطيلات متساوية​

*نعبي الحلويات​

*نلفهم بشرايط من اختيارنا ​

*نحط عليهم اما وردة أو نقدر تحت الوردة نحط فيونكات تور >> مثل ما انا مسوية​

*بالنهاية نقص الكشة اللي فوق عشان يتساوون ​

- القاعدة:​

*القاعدة الفلين نغلفها بسدو بترتيب​

*نحط عليها سلة حلوة من اختيارنا بالزاوية عشان يصير لنا مجال نزيّن​

*اثبت الطاسة واحط ورد جدامها ولازم لازم قطعة تراثية تدل على المناسبة
*ناخذ اللوحة الخشبية ونحط عليها الغرا ونحط القاعدة الفلين عليها ، نضغط عليها ونتركها
تقريبا يبيلها يوم عشان تنشف وتثبت
(طبعا هالقاعدة الخشب بمثابة دعامة تقوي القاعدة عشان ما تنكسر معاج ..​

بنات تنسيق الألوان يلعب دور كبير بجمال القطعة اللي تسوينها​

وتنسيق الورد نفسه مهم جدا جدا جدا​

شجعوني عشان أكمل ،،،​

 

[أم علي الرفاعي]

(2)
الصندوق





الأدوات:​

صندوق خشبي
فلين للتعبئة
ورد / شرايط
ورق سلوفان
خام ستان
خام تور بولمعة
حلويات
قرآن صغير
مسدس سيليكون​

طريقة العمل:​

*بما ان صندوقي عميق >> عبيته من داخل بفلين
*نلبس الصندوق من الداخل بالستان
*نزين بالتور والورد بطرق فنية
*نحط الحلويات بورق السلوفان مثل البكشة
تقدرين تحطين اي شي تبيه داخل الصندوق
كهدية للحريم الكبار
(عن نفسي حبيت بهالشهر الفضيل اني اهديهم كتاب الله)​

وسلامتكم​

وانتظروا جديدي ​

 

[تحيااا الكويت88]

الله يقويج

 

[ام رتووج الشطي]

تسلم الايادي ام علي
شغلج يهبل ومتعوب عليه
والله انج طيبه يالغاليه وغيرج ما يسويها الا القليل
ربي يبارك لج بمالج وعيالج ويسعد حالج يالغاليه
الف شكر
وراح اتابع للنهايه مع العلم اني اول مره ادخل هالقسم ولفتي نظري
الله يجزاك خير

 

[عطورات المطيري]

ماشاءالله شيجلووو

 

[اليازيه2000]

بالتوفييييييييييييييييييق

 

[Om_Ksha]

وااااو ماشالله شغلج حلووو ورااااقي مااااقصرتي عالافااااااده ،،
متاااابعينج ويريت لو تكتبين من وين تنشرى هالاشياء مو بكل مكان نلقاهم

 

[أمووورة الكويت]

ماشاء الله تبارك الله


تسلم ايدج ع الشغل الروووعه


الله يوفقج يارب

 

[Joy Designs]

ماشاءالله عليج شغلج حلوووو

كملي

 

[يبيلك قلب مايتعب]

مشكوره حبيبتي​

 

[أم علي الرفاعي]

وهذا تزيين ثاني لنفس الأدوات

(أفكارللتزيين)

http://www.q8yat.com

http://www.q8yat.com



http://www.q8yat.com






















http://www.q8yat.com

http://www.q8yat.com

http://www.q8yat.com​

 

[ميشووو]

تسلمين يالغاليه


الله يقويج


متابعين >>>

 

[ايطاليه]

ماشاءالله


شغل متعوب عليه يعطييج العافية حبوبة

ممكن تعلمينا شلون نلبس الخام بالصندوق ويصير معفس نفس اخر صورة؟؟؟

 

[om_dodo]

تسلم ايدينج

 

[ايطاليه]

اب اب اب


ناطرينج...

 

[أميرة طفولتي]

رووووووووووووووعه

تسلم ايدج ومشكووووووووووره على الافكار
ولايوقف

 

[ام الحوراء زينب]

تسلم ايدج ناطرينج

 

[أم علي الرفاعي]

ماشاءالله


شغل متعوب عليه يعطييج العافية حبوبة

ممكن تعلمينا شلون نلبس الخام بالصندوق ويصير معفس نفس اخر صورة؟؟؟

الله يعافيج...

بالنسبة للخام

أهم شي تكون قطعة الخام اللي بيدج كبيرة
عشان ماتقصر وياج بالشغل وتتوهقين !!

أول شي
نثبت الخام (لي داخل) من زاوية الصندوق
بعدين نمشي شوي شوي باتجاه داخل الصندوق
نعفس ونثبت بنقطة سيليكون
والأطراف لازم تتثبت وتالي نقصها ..

وعشان اطراف الصندوق لا تطلع مو مرتبة
عندكم وايد أشياء تتغطى فيها

اللي يطلع معاها مرتب>>> (كان بها)
واللي لأ >> تقدر تحط مثلا مثل اللي انا حاطته
ببعض الصناديق

((مادري شسمه اللي مثل الحبل المبروم))

هذا يغطي العيوب

وترى تلبيس الصندوق يبيله تدريب
وكل ماكان الخام يبر
كل ماكان أسهل

يعني انا انصحكم بالمخمل
شكله فخم وتقدرون تتحكمون فيه
أكثر من الستان ...

ان شالله قدرت أفهمكم الدرس ​

 

[أم علي الرفاعي]

(3)
توزيعات للأطفال​

​

# الأدوات:​

قاعدة فلين 50*60
قاعدة خشب >> من النجار
((ملوت السراير يبيعونهم كباااااااااااااااار))
النجار يقطعها بالقياس اللي نبيه ..​

صندوق خشب صغير>> محلات الهدايا مثل الزهور الشرقية
اللي بمجمع بياع الورد مقابل مستشفى دار الشفا​

مبخر صغير >> الأسواق الشعبية​

سلة قش مفلطحة ​

تلبيس القاعدة >> عبارة عن ستارة تنباع بـ ايكيا !!!
روووووووول كامل اشتريه ويسوي معاي كذا قاعدة​

(شكله حلو مثل القش وينفع للتلبيس)​

ورد للتزيين >> الزهور الشرقية​

قطعة تراثية >> مثل حجينا بوطبيله​

خيش بني >> بالمكتبات​

رول لتغليف الحلويات >>> الزهور الشرقية​

شرايط \ أغصان \ كور بولمعة >>> كلهم راح نستخدمهم حك بكشة الحلويات​

مسدس سيليكون​

# طريقة العمل:​

* نغلف القاعدة الفلين من ستارة ايكيا
(التغليف راح يكون بس على الجزء المسطح اللي فوق )
لأن ما ينفع ننزله لي تحت القاعدة ، بحكم طبيعته اللي تتكسر ..​

* نقص الخيش مثل الشريطة الطويلة ونلزقها على الأطراف
(حتى لو كانت الشريطة مقسمة قطعتين او ثلاث .. أقصد مو وصلة وحدة)​

* نثبت السلة شوي ورى​

* نلزق الصندوق والمبخر والقطعة التراثية​

* ننسق الورد بشكل حلو
وبنات بعض الورد ايي معاه سوالف الخرابيط >> افضّل انكم تشترونها
وبعضها ما معاها شي
(تلقون هالخرابيط على شكل أغصان بروحها .. تقطعونها وتضيفونها للورد)​

* بالنسبة للبكش:نقطع الرول مستطيلات ونعبي حلويات
ونسكر بالشرايط والتزيين مثل ما انتو شايفين
ولا تنسون تقصرون كشة كل بكشة عشان يتساوون ويصيرون ذربين​

* بالنسبة للمبخر حطيت داخله فحم وثبتّه بشوية سيليكون
والصندوق حطيت فيه بخور وولاعة ليزر​

ووقت التقديم نحط قرقيعاننا على الطاولة مع قرقيعان باجي المعازيم
ونشب الفحمة ونحط بخورتنا وبجذي بيصير قرقيعانكم مميز
لأن الوحيد اللي قاعد يطلّع بخور ما بين باجي القرقيعان ​