أفكار حلوة للمخيم والبر؟

[فرفورة2]

السلام عليكم حبيباتي
وعساني منحرم منكم ومن أفكاركم الحلوة قولوا أمين

أنا وزوجي سوينا مخيم خاص فينا حقنا وحق اعيالنا وخلص والحمدالله بس أبي أفكاركم وأقتراحاتكم شنو أحط شغلات بالمخيم علشان يصير واو روعة لانه بعد مايجهز بالكامل بسوي عزايم فيه قولوا لي شخط حق اليهال وشنو الشغلات الجديدة الهابين فيها بالمخيمات هالايام عطونا من خبراتكم يا اصحاب المخيمات
وجزاكم الله كل خير يالغاليات

 

[قلوووب]

بهالجو الحلو والحلو فيه التخييم والحلو وناست اليهال والجمعااات بهالمخيمات..الله يوفقكم ويهنيك
شوفي يالغاليه
اذا مافي تكلفه عليكم
تقدرون تحطون ملعب مو شرط وااايد عود بس الشبك مال كرة طايره
وداخل المخيم طبعا التلفزيون والفيديو زهبي اشرطه فكاهيه مسرحيات افلام فكاهيه يفضل تونسكم
وسويلكم جدول معين للعب والوناسه بطلعتكم العاب معينه مثلا
بدون كلام
شد الحبل
الأونو
الغاز ومسابقات حتن لو تشترين هدايا رمزيه من ملوت بو اميه..بس للوناسه
نكت
وبعد هاللعب اكيييد عصافييير بطونهم توصوص بهالبرد
للغذا مادري بعد.؟؟الكويتيين معروفين بالبر..شغل المموش او المربين شغال خاصه للغد يدفي
وللعشا تكونون امزهبين الشوي والشوربه اللي ادفي والشاااي والقهوه ..الله أناااااا تشوقت
ولا تنسون الحلويات حتن لو شغل الجمعيه كاكاو وخرابيط
وهني وعافيه

 

[فرفورة2]

مشكورة عالرد

 

[~ام خالد~]

عندج النطاطيات النفخ حق اليهال يونسون حتى الكبار
يلعبون فيهم
واكو النطاطيات المدوره اللي حواليهم شبك حلوين بعد

 

[فرفورة2]

يعطيج العافية ام خالد وصج كنت مفكرة بالنطاطية
واختي قلوب أفكارج حلوة وروعة خصوصا ملعب كرة الطائرة فكرة ممتازة

 

[AL-BaNDry]

احنا نبني خيمة خاصة لليهال فيهابليستيشن وكراسات والوان والعاب ونجمع فيهم الخدم لأن تعرفين بالليل مانقدر نطلع عيالنا
ومرات اضطر اروح للمخيم بدون زوجي ومع عيالي مخيمنابعيد عن الطريق تقريبا كيلو داخل البر وانا خوافه ومن الخوف اخترع اخوي اللزاق المضيئ بالليل جاب قواطي بيبسي ودفنهاولف راس القوطي باللزاق تلقينه بلوازم العايلة من بداية الطريق لحد باب مخيمنا دربين يلمع بالليل امشي عليهم لحد ماأوصل للمخيم واشكثر ناس استفادو من طريقة اخوي

 

[فرفورة2]

واي ياقلبي اتروحون بدون ريال بالهزمن اللي ماله امان الله يستر عليكم يارب
وفكرة اخوج روعة وعجيبة
يعطيج العافية

 

[Lady^bird]

وناااسه والله المخيمااااات .. ماكو غيرها بالشتا كله مطيحين هناك
واحنا افكارنا تقريبا نفس اختي قلوووب .. حطي بعد دوارف حق اليهال
يعني نوعي من الشغلات اللي قالتها علشان اليهال ما يملون
وعليكم بألف عافيه

 

[ملح بدويه]

حلوه حركه البيبسي بالشريط المضئ

 

[الكــــــــايدهـ]

بناااااااااااااااااااااااااااااااااااااااات نبي أفكــــــــــــــار بعــــــــــــــــــد


لا تبخلوووووووووووووووووو علينا


نبي أشياء تووووووووونس مو بس حق مظاهر وتكشخ



يالله انطررررررركم