أفـــكـــارنـــا لخـــبرة .. اســرتي .. واقـــاربي .. وجــيرانــي

[الرزينه]

الرزينه شنو قصدج بلعبة الكراسي او الالوان شلون يعني ؟؟

لعبة الكراسي نفس لعبة الكراسي العاديه بس بدال الكراشي كوشيات واحط تحتهم الصور يلعبون الاطفال مع الموسيقى واللي يطلع نشرح الصوره اللي تحته لين نخلص
لعبة الالوان بطاقات ملونه تحتها صور اطلع طفل يختار لون اقوله ماهذا اللون مثلا يقول احمر احمر بالانجليزي يعني اهوه يقول رد طبعا اكون معلمتهم على الالوان بالانجليزي واذا ماتبين بالانجليزي عادي

 

[الرزينه]

تكفون درس عن دور الاب

تقدرين تسوين بوك من الورق الاسود وين نشوف مثل هالبوك لين يقولون عند ابونا بعدين تدخلين على اعمال الاب

 

[ابيار]

بنات حلقة يتعرف على مفهوم
بعد المنبه والمنبهات وااايد عن المفهوم

بعدين شغبر بالباجي
شنو احط اجتماعي وشلون احققه؟

 

[Om_Ksha]

ماكو تطبيقات عن الام ..

 

[وردة عسل]

بنات ابي التحضير الله يخليكم

 

[fofowa_q8]

مشكووووووورة الرزينة بعد عمري ماتقصرين

 

[fofowa_q8]

بنات اللي تبي منبه حق يتعرف على مفهوم الاسرة

تقدرين تبشين بخور بالصف وتبخرينه واول مايدشون الاطفال تسئلينهم ماهذه الرائحه؟

راح يقولون لج بخووور وين نشم البخور؟ راح يقولون بالبيت بالدوانيه ... بعدين تقولين لهم

نشمه بمكان يتيمعون الناس ويغنون ويصفقون وفيه كرسي كبير تقعد عليه وحده لابسه ابيض

راح يقولون عرس واذا ماعرفو تقدرين تورينهم صورة عرس وبعدين تسئلينهم ومنو بالعرس؟

اللي يقعدون على كرسي كبير وحده لابسه ابيض وواحد لابس بشت راح يقولون لج عروس ومعرس

العروس والمعرس لما يخلص العرس وتمر الايام والاشهر راح اييبون طفل ويصيرون ام وابو وعقبها طفل ثاني

وراح يكونون الاسره اللي تتكون من الام والاب والابناء

 

[fofowa_q8]

بنات ابي منبه حق ( منـــــزل )

 

[دنياك دنياي]

برنامج الوورد طلعي شكل مثلث ومربع ومسطيل حق الباب درايش

ويبي اذا عندج لوح جيوب وحطي الاشكال هذا داخلها ولعبي لعبه مع الاطفال تقمين واحد يختار جيب و ويحط ايده داخل ويطلع الشكل واناقشهم بالشكل وشنو ممكن يكون لما اطلع كل الاشكال واحطهم على اللوحه من غير ما اركبهم اذا م عرفو ان بيت قوليلهم اطفال من يركب لنا الصووووور طلعي طفل يحط المربع وفوقة المثلث والباب والدرايش صار بيت

ويبيعون لعبه بمحل الالعاب وبالمحاميد والاسوقه الشعبيه يمك قيمتها 3 دنانير عبارة عن بيت واثاث حطي البيت في اد الاركان وخلي طفل يدور عليه مع صوت الموسيقى بعدين ناقشيهم بالغرف الموجوده في البيت وتكونين حاطه الاثاث الضغار يمج مثلا قالو مطبخ قوليلهم يالله من يساعدني ويركب المطبخ واااااااااااااايد حلووووووووووووووووه اللعبه ويبيعون بدسمات منعا على مغناطيس

 

[أم سعـود]

بنات شنو اللاصفيات ملوووتكم لاعت جبدي من الاستنبات والقصه مادري شسويلهم

وعفيه اذا ابي مرسم المشروع مجسم بيت شسوي ؟؟ شنو الخطوات

 

[DoOoOoha]

ام كشخه انا عندي تطبيقات وايد عن الام يهبلون منزلتهم من النت

بس ما اعرف احطهم اهني علموووني ؟؟؟


دنياي دنياك حلو منبج وااايد رووعه

وهمن حبيبتي تقدرين تسوين بيت بالبوريوينت

ام سعود فيه لاصفيات وايد اتذكر موجهتنا مره قالت ليش ما تسوون لاصفي مسابقات رياضيه يعني كله مسابقات فيه حركه

وفيه لاصفي انا سامعه فيه بس ما سويته ولا مره وهو حر لاصفي بالرمل

يعني تستخدمين ركن الرمل في كل شي تحطين صور شخصيات يشكلونها بالرمل

والرمل الملون يستخدمونه بالتشكيل على شخصيات وانتي وافكارج

اما اذا تبين مرسم تقدرين تسوين شخصيات الام والاب والابناء من القفاش الخشب اسهل ومنها تسوين اسره وتثبتينهم في بطل

ماي صغير فيه رمل

واذا مجسم بيت حلو تسوينه من الصلصال اللي بسرعه يبس وتكملين عليه بالالوان والاشغال الفنيه


انشاءالله افدتكم

 

[DoOoOoha]

حبيباتي

انا عندي مكتبه باجر

وابي طريقه حلوه في طرح الاسئله ما اعرف اشتغل على البويرويت ولا جان سويت لهم اسئله منه

ويبون طريقه جاذبه في طرح القصه وانا عيالي ماشاءالله ما يقعدوون بالمكتبه

شلووون ابي طريقه حلوه ويديده ؟؟

 

[abla^nono]

بنات ابي ضروري درسي يقارن بين الاسرة القديمة والاسرة الحديثة شلون شحط ؟

 

[DoOoOoha]

درسج شكله صعب الله يعينج يا ابله نونو

بس اتوقع اذا بتحطين منبه اكيد بتخلينه قديم عشان تتدرجينيعني يا تسوين بيت قديم منه تتدخلين على الاسره

وانها كانت كبيره وممتده وتدخلين على الحاضر هل هذا موجود حاليا وتكملين

مادري انشاءالله البنات يكملون ويفيدونج

 

[روحي رياضية]

بنات درس دور الأب لقيته بمنتدى ثاني وحبيت انفعكم ..

درس دور الاب.:
المنبه: قصدير...خيط أسود
جيبي قصدير وقصيه شريطه طويله ولفيه أطفال ماذا نشاهد في يد المعلمه؟؟
قصدير..
ومن أي ركن أحضرنا القصدير؟؟ ركن المطبخ
<<تلفينه بشكل اسطوتني وتسوينه دائره>>..أطفال ماذا صبح لدينا؟؟واخذي الاجوبه..
ولفي الخيط الاسود دار مدار القصدير مع المناقشه...

ماذا نشاهد؟؟وماذا قد يكون هذا الشكل؟؟ليما يقولون لج عقال..
عقبها يبدأ النقاش:
من يلبسه؟؟ الأب.. ومن أين يشتري الاب العقال؟؟ من السوق؟؟من وفر السوق للناس لكي يشتروا منهم حاجاتهم ؟>>>>>تحقيق الوطني
أطفال تحبون تسمعون قصة سالم؟؟
كان سالم يا أطفال دائما يحب أن يقلد والده في اللبس وكان يعبث بملابس والده ويقوم بتخريبهافغضب عليه ابوه وحزن من أفعال سالم... أطفال ما ذا نقول لسالم؟؟؟ان تصرفه خاطئ ويجب علينا طاعة الوالدين>>>سلوكي وديني
أطفال من يحظركم في الصباح الى الروضه؟؟الاب
وبعدها اين يذهب الاب ؟؟الى العمل
ومن يخبرني عن واجبات لاب؟؟ يرسنا..يدودينا السوق...الجمعيه..المستوصف..وخلي الاطفال يتكلمون عن انفسهم
وأحسن شي خلي الصور موزعه في الصف عشان اذا توهقتي بشي تلعبين معاهم يجيبون لج الصوره واتم المناقشه...

 

[معلمة متقاعدة]

الله يعطيج العاافيه

 

[أم سعـود]

دوده انتي ابدااااااااااااااااع

حدددددج ثانكس حبيبتي

 

[Eva-SS]

بنات كله منبهاتنا بهالخبرة بيييييت بييييت بيييت

احس الاطفال لاعت جبدهم .. كله يشوفون بيوت اول الحلقة متوقعه الاسبوع الجاي من قبل ما اعرض المنبه بيجاوبون هههههههههههههههه


الحين حلقتي هالاسبوع يتعرف على صورة اسرة .. شنو ممكن احط منبه غير البيت لانه متوقعه عندي حضور اذا مو هالاسبوع .. الاسبوع الجاي اكيييد بيحرقوني دخول

 

[طيرشلوا]

تكفون درس عن دور الاب

ابدى المثير بورقة مستطيلة فاضية على اللوحة المغناطيسية وتناقشينهم فيها وبعدين تحطين زراير الدشداشة وشوى حطى

الجيب وبعدين ارسمى او حطى راس للاب وشرحى لهم اعمال الاب وتقليد دور الاب والدينى والسلوكى مع مناقشة المثير

واللة الدرس حلو

 

[DoOoOoha]

Eva-ss

وانتي صاااجه كله منبه بيت

بس هذا الاحلى بس انا عندي لج منبه حق صورة اسره تقدرين تسوين بالقفاش اشكال اشخاص

ومنها تدخلين على افراد الاسره والافضل تحطين صورة اسره داخل برواز بركن البيت

وتسوين منبه حلو وبسيط عشان تدخلين له

وانشاءالله اكون افدتج