أفــــــــكــارنـــــــــــا لخــــبرة بلــــــــدي الكــــــــــــويـــــــــــــــت

[عهود الحب]

احاول اليوم اسوي لكم مثيرات بالروضة واجيبها
لكم

بس حددولي شنو تبون واحاول اسوي لكم لعبة بالبوربوينت للتعلم الذاتي

 

[أم شواقه]

:eh_s(6):اشلووونكم ابلااات

خلصت الموجهه ونااااااسه :ggdw:

وااايد استاانست الحمدلله

درسي كان مطبخ :gathering:


بس بناااااات طلبتكم

ابي منبه عن المهن القديمه ،، بس المشرفه ماتبي مهنه الغواص او القلاف اتقولن خلوهم للبحر

فبغيييت مثلا عن البناي او اي شي

بلييييييييز

ويفضل بوربوينت خواااتي ادري انكم ماراح اتقصرووون

 

[ابيار]

بنات الله يخليكم ضروري


الموجهة بتييييي
وعندي حلقة اهدافها
يتعرف على العرس الكويتي
ويشارك جيرانه افراحهم

اول مرة يمر علي الهدف
وما اعرف التسلسل
ابي شئ يبيض الوي و فنتق
الله يخليكم لا تخلوني وادري انكم ما تقصرون

 

[nero]

ام شواقه

جنج حسفتيني على درسي باجر

بسوي القلاف والغواص .. بس ماني عارفه ابي منبه

والا شرايكم ؟؟ اغير المهن؟؟

 

[أم شواقه]

nero

حلو القلاف والغواص ،،، اذا عادي ادرسينه خوووش احلى من المهن الثانيه

سوي قصه بنت معزومه على عرس شنو تحتاج ،،، لما يقولونلج عقد مثلا من اللولو ومن وين ناخذه ومنو يحضرة ،، يعني تتكلمين عن الغواص والطواش لأنه مرتبط فيه تاجر اللولو

 

[أم شواقه]

منبه للألعاب الشغبيه

معلمه سوته اليوم واستانست عليه الموجهه

يابت لابتوب وقالت لهم ،، انا ودي العب معاكم بالاعاب بالجهاز ايشرااايكم ولما حاولت اتشغله ما يشتغل وازعلت ،، قالولها الاطفال ييبي الشاااحن قالت نسيته بالبيت ،، المهم اتقول يلا عطوني افكار نبي نلعب العاب حلوة ،،، لما يذكرون لعبه شغبيه وعاد ادخلت بالالعاب ولعبتهم جم لعبه وبسسسسسسسس


وااايد استانست منها الموجهه

 

[nero]

مشكوره ام شواقه

خلاص غيرت درسي تماما

خليته قصة بناء السور وخلاص

وبتكلم شوي عن البناي

 

[ابيار]

الله يهداكم
ليييييييييييييييش مطنشينيييييييييييييييي؟

 

[أم شواقه]

بنات الله يخليكم ضروري


الموجهة بتييييي
وعندي حلقة اهدافها
يتعرف على العرس الكويتي
ويشارك جيرانه افراحهم

اول مرة يمر علي الهدف
وما اعرف التسلسل
ابي شئ يبيض الوي و فنتق
الله يخليكم لا تخلوني وادري انكم ما تقصرون

شوفي الصفحه 6 عهود الحب كاتبه درس حلووو عن العرس ان شاء الله يعجبج

 

[عهود الحب]

بنات الموضوع متروس دروس
اقروه تلاقون كل بنت تدش تقول شسوت امس

بعدين بنات اكتبوا لما تخلصون دروسكم شنو سويتوا
واذا في صور حطوها
جذي تثرون المووضوع ويستفيدون خواتكم

ومالكم الا الاجر ترى

ولاخير في كاتم العلم


وبالكويتي خلوا النحاسة عنكم هههههههههههههههههههههههههههههه

 

[عهود الحب]

العرس الكويتي حلو
لا يوهق ولاشي
حطي كل مستلزمات العرس الكويتي القديم
وشريط هب السعد لفطومة ولبسي بنوتة دراعة خضرة وخامة خضرة
وسويلها جلوة
ومع اللواليش والبنات يرقصون يقزر الدرس


بس لاتطولينها

بالنسبة للمثير ممكن تحطين علبة الحنة مثير بسيط
وممكن تسوين المثير اللي ببالج عاد انتي


حطي مستلزمات العرس مقططين بالصف او بالاركان
وخل يجمعونهم لج
الدزة { صندوق مبيت} سوارات العروس وقلايدها مو تحطين ذهب
دراعة
بخنق

وحطي مسابقات ثانية
وريهم صور من مجلة لعرس حديث
او صور عرسج :/
وخلاص :>



ممكن تسوين لعبة شعبية اثناء سير الدرس وتحطين في صندوق طرحة او فستان بنوتة ابيض وبخنق
وتسألينهم
شنو تشوفون بالصندوق
ويختارون لج من مستلزمات العرس القديم الدراعة والحنة والخ الخ
والطرحة عاد بالوقت الحالي



انا كتبته لج بشكل مبسط
وانتي واسلوبج

هذا انا نسخت لج درس العرس

والله تصدقون قبل كنا نتخامط انا ومكملتي درس العرس
لأنه يونس ونعزم الصف الثاني جمهور للعرس
ومرة خلينا العروس من صف والمعرس من صفنا
وجهزناهم ووناسة حيييييييييييل


ومرة دخلت المعاريس الي بالوقت الحالي يعني الجدد

على سيارة بنتي الي تنشحن
المعرس يسوق والبنت متكية يمة والطرحة واللواليش كان خوش شي



ليش ماتسوون جي ؟؟؟؟؟؟؟؟؟؟؟
افكار بسيطة تطلع الدرس روعة ويونس
عقب اجرت السيارة عالصفوف الثانية هههههههههههههههههههههههههههه
وبالفرصة كل واحد من عيالي ياخذ فرتين فيها

 

[عهود الحب]

ترى الامهات جدا متعاونات بهالسوالف هههههههههههههههههههه
قوليلها بزوج بنتج ولا ولدج ومالج الا تلبسينه وتكشخينه وتجيبين الكاميرا ونصورلج العرس كامل
من صجكم وناسة وناسة




والله لو احلف لكم عندي صور اول عروس ومعرس زوجتهم يمكن ماتصدقوني


بصورهم لكم بكاميرتي الموبايل لانه ماعندي سكنر
بس للحين محتفظة بصورهم البنت كانت عصلة واعليه والمعرس كان دايخ
الظاهر توهق وهون عن العرس




فصلة الفجر انا
قاعدة من الساعه 5 وافتر مادري شسوي

 

[أم شواقه]

good after nooooon :eh_s(6):

اشلووونكم ابلااات يلا منو خلصت من الموجهه بعد ؟؟؟ بشرووونا

اليوووم رفيجتي خلصت بعد معاي بالصف درسها كان عن المهن القديمه تكلمت عن البناي والكندري
المنبه // قالتلهم انا بالامس ذهبت مع عائلتي الى البحر وفرحنا كثيييرا واحضرت معي رمل من الشاطئء

يلا فكروات معابي شنو انسوي من الرمل ؟؟؟ وبعدين اسالتهم واذا حطين معاااي شيصيررررر ؟؟؟ طبعا طييين ،،، بربس ،،، لووووول

المهم

اطفال هذا الطين يذكرني بالكويتيين اول ماذا يفعلووون به

ما شاااء الله عطونا اجابات حلوة ،، وواااحد فلته اسم الله عليييييييه قال ايييييه ابله ،،،، فلااانه // يقصدني هي هي هي

سوت لنا طابوق من الطين حق السووووووووور

واتكلمت عن البناي الي بنى السور والبيوت قديما

واربطته بعدين بالكندري

قالت لهم ،،، انزين اطفال عندما كان البنائوون يشعروون بالعطش من اين يحضروون الماء ،،، ما اغرفوا وقالو البقاااله لووووول


يحلوووهم


كان هناك رجل الى البيوت ليبيع الماااء اتعرفووونه

فدخلنا طفل لابس وزاار واجريييمبه وشايل العصا وعليها دلوييين للمااي وكان يقووول ،،، مااي مااي منو يشتري ماااااي

وبعدها غنينا كايا راعي الماااي كاياا كاايا راعي الماااي

واعلرفوا الكندري

ظلوا طووول اليوووم يغنووون اغنيه الكندري يحليييلهم


والتربيه العمليه ما شااء الله ابدعت ودرسها كان حلووو ،، العدد 11 ،، ومنبها بور بوينت صورة متدرجه للبوووم


هاااا اشراااايكم بدرووووسنا


يلا فيدووونا شنو سويييييييييتوا


عهووود

ذكرتيني مرة كانت فقرتنا التحرج العرس ،، امبييييه العروووس حدها مستاانسه والبنات يرقصووون لها

والمعرس نااااايم لووووووووووووووول داااح وقت التصوييييييييير

 

[عهود الحب]

ياحلوهم تقولين نايم وقت التصوير
يااخي طفل وش عرفه بالعرس وهالخرابيط
ذكرتيني بمرة كنا مسوين فقرة عرس لخبرة بلدي الكويت
ام العرووس { سنافيه } ثاني يوم جايبه ريوق للابلات هههههههههههههه
تقول من صباحة العروس :d
وناسة درس العرس الصراحة
شكلي بسوي عرس الاسبوع الجاي


ذكرتووووووووووووني باللذي مضى وكان

روضتي هذي ماتشجع على اي شي
قسم بالله ادش بس اادي شغلي لعيالي واطلع لبيتي
ما اكلم احد كلش
والي قهرني ذاك اليوم اسمع ثنتين احبهم حيييييييييييل ويموووووووتون فيني
يمدحون بمنتدى رياض الاطفال كويتيات
اخيه عليكم
كرهت روحي تدرين
قررت اهاجر هههههههههههه والسبة مادري منو اهمه
شكلهم سايلنت يبوقون ويطلعون

 

[عهود الحب]

افكارج حلوة يا ام شواقة
انشهد انج سنافية وبنت اجاويد
ماقصرتي
< تبي مصلحة


يلا نزلي لنا البوربوينت خخخخخخخخ



عاد اليوم مسوية بوربوينت عن الزي الشعبي
بس تدريجي احوليت وانا اسويه

 

[أم شواقه]

شكلها روضتكم موووش ي حياااااج انتقلي عندنااااا

سااالفه الريووووق حدها عجيييييبه

اذكر لما كنت تربيه عمليه فصل امسوي فقرة تخرج العرس وام البنت اموديه بنتها الصااالو امسويه لها تسريييييييحه عروووووس ومكياااج غروووووووووس كااامل حدي انصدمت طبعا بروووحي انا ما علقت ما كان فيها براااائه لووووول وامسويه لها باااقت عرووووس


والله والله لووو اعرف انزل بور بووووينت جااااان نزلت ماااعرف


والمشكله لابتوبي يديد والبنامج vesta مو ويندوز وموعارفه طريقه البوربوينت ماله عدل اوووف


قلتلج علميييييييييينييييييييييي

 

[عهود الحب]

هههههههههه مايبيله تعليم
روحي لموقع لتحميل الملفات وحمليه من جهازج مثل ما تحملين الصور
وبعدها انسخي الرابط هني

http://www.m5zn.com/

وهذي صورة اول عروس ومعرس زوجتهم

تم ازالة الصورة :s
لاحظوا اني سترت البنت لانها صارت مرة سبحان الله اهلها يدرون يطالبوني بحق هههههههههه

وهم غطيت وجيههم لزوم محد يصيد الاطفال ويعرفني منو انا

والمصيبة انه التصوير من صورة قديمة لتلفوني فصار مو كلش

 

[عهود الحب]

المعرس بشته كان مقصمل
شنسوي عاد
شوفي الصورة بسرعة بامسحها ههههههههههههه

 

[أم شواقه]

يحلوووهم :eh_s(6):

احلى شي انج امغطيه ازنووودها لووووول :dddds:

انزييين الموقع الي احمل منه اهوا الي اسمه طق طق ،،، اسمه يضحج :dddds:

يعني احط البوربوينت فيه وبعدين انزله عندي يعني :eh_s(6):

 

[أم شواقه]

http://file13.9q9q.net/Download/74827149/--------------------.ppt.html

مادري اذا صار ولا لأ قاعده اجرب شوفي هذا بوربوينت الكويت بلد عربي مسلم