أفــــــــكــارنـــــــــــا لخــــبرة بلــــــــدي الكــــــــــــويـــــــــــــــت

[أم شواقه]

روحي رياضيه ،،، ان شاء الله ما يقصرون بنات اولى وياااج ،، ودرس النشأة جنه صعب

فوفوا ،، شوفي البوربوينت الي حاطته عهود الحب حلوووو عن السووور

 

[أم شواقه]

زووزوو هذا درس المطبخ

بالنسبه لموجهتنا اهيا اتحب منبهات اللاصفي اتكووون بسيييييييييييطه وعادي اذا مباشرة لأن اهم شي اهوا الشغل في هالفترة

واهم شي الي اتحققينه سلوكيات المطبخ ، بعدين المنبه ، بعدين اعدادالطبق انتي اول بعدين الاطفال


اول شي تبدين السلان على الاطفال ،، اين نحن ؟؟ في مطبخ الروضه ماذا نشاهد حولنا " ممكن اذا كنتوا حاطين اجهزة يذكرونها " او اين نشاهد المطبخ ايضا " في البيت " ماذا يوجد بالمطبخ ؟؟ ما هي الاشياء الخطرة التي لا نقترب منها ؟؟

واذا احتاجنا الي شي نقول لمن ؟؟ للكبار

،، مع الشرح اتكونين وضحتي عدم الاقتراب من الادوات الخطرة

وماذا ارتديتم للمطبح ؟؟ الصداري ؟؟ لماذا

وماذا فعلنا قبل ان نأتي ؟؟ غسل الايدي

اهني خلصتي السلوكيات


المنبه : يرن التليفون ،، الو وعليكم السلام ،، نعن ،، أطفال الصف معزومين بروضتكم ؟؟ بمناسبه الاحتفالات بالعيد الوطني ؟؟ ان شاء الله سوف نأتي وراح انييب معانا طبق مميز للاحتفال ؟؟


اطفال احنا معزومين على روضه ثانيه علشان نحتفل معاهم بالعيد الوطني ؟؟ وراح انودي معانا طبق شنو ؟؟

انا احضرت معي اشياء من الجمعيه التعاونيه ؟؟ عرض الاغراض " ما هذه؟؟

توست

طمام ، خيار ، زيتون اسود ، لبنه

اهني تناقشين الاطفال بفايدتها

وبعدين ،،، تسألينهم شنو ممكن انسوي من هالاشياء ؟؟ ايشرايكم اسويلكم طبق حلو وانشوف مع الابله ؟؟

تبدين تشتغلين وانتي تشتغلين شرحي شيتسوين ،، دهني التوسته بلبنه وبعدين حطي الزيتون على جنب والخيار فوق والكطماط فوق بيطلع شكله علم

واتراوينه اليهال واتقوليلهم الحين انا ودي اذوق السندويتش بس هااا في شي نسيييته منو يذكرني ؟؟ شي انسويه قبل الكل وماننسااه ؟؟ الدعاء ،، يذكرون الدعاء معاج وبعدها وزعي على اليهال اطباقهم

 

[الملح كله عندي]

الله يجزاكم خير ويعطيكم العاافيه استفدت منكم وانا تربيه عمليه ياااربي يسخرلكم رياجيلكم ويوفقكم ويسخررلي زوجي ويهدديه









ياررب تاخذون امتياز واخذ معاكم

الله يجزاها خير صاحبة الموقع ويجزاكم خير


جوري لا تسوون عن الغزو انا بغيت اسوي عن الغزو بس صعبه واحنا ميداني فقلت بسوي ركن المطبخ ابررك يا اختي تونا بالحمد لا تمكنا سوينا قصة







يسلمووووووووووووووووووووو

 

[روحي رياضية]

أبلات مستوى أول ..

ندااااااااااااااااء .. الى ابلات مستوى أول

وأبلات مستوى ثاني ما نستغني عنكم ..

شلون بتشرحون درس نشاة الكويت .. ؟ ضروري حبايب قلبي بليز ..​

 

[عهود الحب]

مشكورة ام شواقة على درس المطبخ
احلى شي البدليات
احس تكتبين وانتي مشتطة هههههههههههههه
فديتج

 

[عهود الحب]

رد: طلعب صغير اذا ممكن

ممكن منكم مساعدتي في تقديم هذا الحلقة نظرا لعدم معرفتي بالطريقة التي اقدم فيها الحلقة واهدافي هي :

يربط العدد 11 بمدلولة ( العرس الكويتي القديم ).
يحرص علي المشاركة في المناسبات الاجتماعية.
يؤدي بعض الحركات التنشيطية مع العد .

ارجوكم هذة اهدافي اريد منكم طريقة التقديم من المنبة اي ختام الحلقة اول مرة بقدم يربط في كل مرة اقدم يتعرف

وعليكم السلام حبيبتي ورحمة الله وبركاته

احنا وصلنا فعلا للعدد 11


شوفي كل منطقة تعليمية تختلف عن منطقة اخرى
انا بكتب حسب منطقة الفروانية التعليمية وموجهتنا


واقول واكرر لااااااااااااااازم تسألون مشرفاتكم الفنيات وتستفسرون منهم !!!!
لان كل توجيه يختلف وكل روضة تختلف


ان كان يربط


فالمثير لازم بالعددي يكون بسيط وسريع جدا عرفتي لأن بروحه زحمة ولويه

بعد ما تناقشين المثير بشكل بسيط جدا دشي سيدا بالتصنيف
والتصنيف خليه فقط 11 عنصر وبس اللي اهمه بتصنفينهم عرفتي
مثال 11 علبة حنة سريعة { لزوم العرس} او 11 سوار للعروسة أو 11 قلادة للعروسة بعد
[ واعليه المعرس ماله شي هههههههههههههه ]
وخلي طفل يستخرجهم من العلبة ويعدهم وبعدها يقولج كم عنصر بالمجموعة 11 عنصر
اذن يا اطفال من يحضرلي من اركان الفصل العدد 11
ويجيبه لج
بما انه اجابته صح شجعوا الولد 11 مرة صفقي 11 مره له عرفتي ومنها عديتي ومنها صفقتي وعززتي الحركي


عقبها بلشي مسابقاتج العديي حسب ماتعودتي
ممكن ابسط مسابقة انه توزعين اطواق بالصف والطفل يستخرج لج منها 11 عنصر وتكونين حاطه اشياء من الصف الوان كور مكعبات اي شي


ممكن ترتبون الاعداد تنازلي وتصاعدي
وتنطون للعدد
وتلعبون لعبة شعبية وبالنهاية الي يفوز ياخذ الهدية وهي بداخلها العدد
ممكن تحطين طلبات باوراق ملونة والاطفال كل طفل يسحب ورقة يطلع له طلب
مثال حظ اوفر / نط 11 مرة / احضر 11 كرة من ركن الالعاب / ابحث عن العدد 11 من الاركان



وسلامتج

 

[عهود الحب]

على فكرة الهدف الاجتماعي لازم تعززينه بمثيرج عرفتي !
انا احب الهدف الاجتماعي يكون بسيط وقت الدرس العددي حتى لاياخذ وقت اكثر وخاصة العدد كبير

 

[عهود الحب]

بنات هدف صعبه يتعرف على نشأة الكويت ؟ حق أولى ..

منو تعرف القصه المبسطه واشلون اوصلها بقصه أحسن استخدم عرائس ولا شفافيات ؟

ولكم كل الشكر ..

تصدقين مافهمت كلامج
قريته جم مرة ومافهمت الطلب


نشآة الكويت يعني شنو ؟؟؟؟؟؟؟؟؟؟؟؟؟؟؟
لا اكيد صعب وصعب وصعب
المستوى الاول حسب اهدافج عاد انتي بس دايمن حاولي تحطين لهم شي يعرفونه وعايشينه بشكل يومي
الملابس الشعبية والالعاب الشعبية ومعالم الكويت

ماادري شنو اهدافج الاسبوع الاول بس اتوقع جي صح اغلبيتنا الحين ماضي الكويت


بالنسبة للقصة المبسطة انا مافهمت طلبج بس ياليت تقولين لي
هي جزء من الدرس او الحلقة
ولاتقصدين نشاط لاصفي


تبينها كتعزيز للكلمة او العدد
او تبينها كتعزيز سلوكي

ياليت توضحين وابشري

 

[عنوان]

سور الكويت

قووه بنات شلونكم شخباركم


وشلون الدوام وياكم.............شرايكم بخبره بلدي الكويت صراحه اعتبرها احسن خبره حلو الواحد يبدع فيها الا في درس واحد وهو:::






معالم الكويت قديما وخصوصا السور...ياليت تساعدوني واكون شاكره لكم
ابي منبه حلو ومناسب لمستوى اول

 

[الدلال]

هالاسبوع الهدف العام يتعرف على الكويت حديثا

وباجر درسي يتعرف على معالم الكويت الحديثه

 

[أم شواقه]

مشكورة ام شواقة على درس المطبخ
احلى شي البدليات
احس تكتبين وانتي مشتطة هههههههههههههه
فديتج

لووووووووووووول شفتي اشلوووون الخبرة اتسوي شغل اكتب بسرعه لووووووووول :eh_s(6):

 

[عهود الحب]

رد: أبلات مستوى أول ..

ماتحسين الهدف شوي صعب
غيريه ترى الابلة مسموح لها تحط الاهداف اللي تناسبها
وتناسب بمستوى اطفالها

 

[الدلال]

رد: أبلات مستوى أول ..

عطيهم درس ثاني

الهدف جامد وتحقيقه صعب لان هذول اطفال

 

[fofowa_q8]

بنات عندي المهن القديمه لازم اختار مهنتين

فكرت اختار الغواص والصياد لانهم مرتطبين ابعض وحلوين

يعني الغواص راح اتكلم عن اللولو وعن ادوات الغواص اتذكر وحده مره يابت ادواته الصجيه

مادري من وين بس اعتقد من المباركيه وراح اتكلم عن المخاطر اللي كانت تواجه الغواص

وانهم كانو يروحون بسفينه ويقعدون بالبحر شهور وهالشي كان وايد صعب فلازم نفتخر باللي

سوه اجدادنا وانا اتكلم عن البحر ادخل الصياد وهم اشتري قرقور صغير وشبك وسمج

واخلي طفل يدخل لابس وزار وبيده الشبك ونتكلم عنه شوي

وبعدين مسابقه مثلا يجمع صور ادوات الغواص والصياد

 

[أم شواقه]

درس الالعاب الشغبيه القديمه

ابي منبه حلووووو وطريقه الدرس

في بالي اني العبهم لعبه شغبيه ،، هدف حركي

الوجداني التعاون اثناء اللعب

بس اشلون احقق العقلي شنووو اقووول ؟؟

 

[روحي رياضية]

رد: أبلات مستوى أول ..

هلا عهود ودلال .. قلت للابله اللي وياي قديمه .. قالت لازم هالهدف ..

قلتلها ع الاقل اخذيه .. قالت لي لازم اول الاسبوع يا حلوة ..

جد الهدف معكر مزاجي .. وعندي ورشه يعني مو متفرغه له ..

لذلك ابي اي فكره تملكونها لو كانت بسيطه .. ولكم مني كل الشكر ..

 

[روحي رياضية]

مشكوره عهود ومشكوره ام شواقه فديتكم ..

خلاص كرهت الدرس .. واحتمال اغيب باجر >>> حده احباط

 

[عنوان]

وين ابداعاتكم

 

[روض81]

رد: تكفــــون لا تردووووووني

قوه بنـــــــــــــــــات اشلــــوووونكم


تكفوووون حبايب قلبي طلبتكم يوم الاحد عندي حلقه تعبيري يتعرف على نشئة تاكويت بصراحه وايد صعب ما ادري اشلون اسويهــا

الي عندها قصه عن الشي هذا ولا كانت مقدمه درس نفس الطريقه يالييييييييييييييييي تساعدني


وانتو شنو حضرتوووو حق الاحــد اول يـــوم ؟؟

ممكن تاخذين ماعون البلاستك مال وجبة الاطفال و تحطين داخلة ماي و تحطينة على جهز العرض وبلشي بقصة عن البحر وعاشو عند الكويتيين

 

[عهود الحب]

روحي رياضية ليش الغياب
انا بس بفهم شنو يعني نشأة الكويت وابشري بالمساعدة