أفــــــــكــارنـــــــــــا لخــــبرة الجمــــــــــــعية التعـــــــــــــــــاونية

[fofowa_q8]

ام شيخ العربان

مثل ماقالو البنات عقب المنبه تبدين تشرحين لهم اقسام الجمعيه

واللي فيها مثلا قسم الالبان - المعلبات - الفواكهه والخضار - لحوم- المنظفات ...

وتخلين الاطفال اييبون لج الاغراض من الاركان

وتقدرين تسوين بالصف ركن الجمعية التعاونية وايد راح يسااعدج تحطين

فيه ارفف وفيها قواطي ومعلبات حقيقيه وكاشير وعربانه راح يساعدج بالحلقه وايد..

ولا تنسين الهدف السلوكي اللي اهو مثلا يحافظ على نظافة الجمعيه وتقدرين تسوينه

عن طريق مشهد تمثيلي او مسرح العرايس او المصورات

واخر شي ينشدون نشيد الخبره .. ياليت اكون ساعدتج لو بشي بسيط :wqedqw:

 

[fofowa_q8]

بنااااااااااااات اهداااااافي

- يتعرف على قسم المعلبات والألبان

- يحرص على قراءة تاريخ الصلاحية

- يؤدي مسابقات مرتبطة بالخبرة

ساعدوني بالمنبه وسير الدرس بليييييز

اول مره تمر علي هالخبره :bbbiu:

 

[ام شيخ العربان]

ام شيخ العربان

مثل ماقالو البنات عقب المنبه تبدين تشرحين لهم اقسام الجمعيه

واللي فيها مثلا قسم الالبان - المعلبات - الفواكهه والخضار - لحوم- المنظفات ...

وتخلين الاطفال اييبون لج الاغراض من الاركان

وتقدرين تسوين بالصف ركن الجمعية التعاونية وايد راح يسااعدج تحطين

فيه ارفف وفيها قواطي ومعلبات حقيقيه وكاشير وعربانه راح يساعدج بالحلقه وايد..

ولا تنسين الهدف السلوكي اللي اهو مثلا يحافظ على نظافة الجمعيه وتقدرين تسوينه

عن طريق مشهد تمثيلي او مسرح العرايس او المصورات

واخر شي ينشدون نشيد الخبره .. ياليت اكون ساعدتج لو بشي بسيط :wqedqw:

مشكووووووووووووووووووووووووووره ياقلبي ما تقصرين والله ماتدرين شكثر خففتي علي جزاج الله الف خير
بس ولا عليج امر وين احصل الكاشير وشلون اسوي جمعيه بالصف
ادري غلبتج معااااااااااااااااااااي بس بليز ساعديني

 

[مخروووشة]

انا عندي كلمة عربة ما عافةشسوي فيها ؟؟؟؟

 

[جامعيه]

الله يجزاج خير fofowa_q8

انقذتيني كنت حدي متوهقة
ولكل اللي كتبت فكره بسيطة مشكورين و
ماقصرتوااااااااااااااااااااااااااااااا يا ابلات

 

[Eva-SS]

حطوا ارفف بواحد من الأركان وحطوا فيها اغراض الجمعية معلبات وخبز وعلب لبن .. وحطوا بعد مثل محصل الكاشير

تنفع طول الخبرة ..

 

[fofowa_q8]

العفـــــــو حبيباتي ماسويت شي

بالنسبة للجمعية التعاونية اللي تسوينها بالصف يا ام شيخ العربان

تسوينها بالركن المستحدث اللي اهو الركن اللي يتغير كل خبره

شوفي لج اي مكان فاضي بالصف وحطي لج طاوله عليها لعبة كاشير

( اللعبه تحصلينها بمحلات الألعاب ) وحطي لج عربانتين ( هم تحصلينهم

بمحلات الألعاب ) وحطي لج جم رف حطي فيهم الاغراض اللي قلت لج عنهم

اللي اهم قواطي ومعلبات وخضار وفواكهة ولحوم .. وكل قسم حطي فوقه

الصورة الصورة المناسبة لمحتوياته يعني اقسام الجمعيه

وتقدرين تحطين لبس المحاسب وفلوس حق اللي يبي يشتري عشان يدفع له

ولبس العامل اللي يرتب ارفف الجمعيه ... وتقدرين تحطين بعد بعض
الصورة اللي تبين اهمية المحافظه على نظافة الجمعيه .. وبس

 

[¤§ زيتونة §¤]

بسالكم ابلاتنا الحلوين



خبرة الجمعية حق مستوى اولى؟؟

عشان بطرش ويا بنتي صور للخبرة ان شاءالله >>>>>>>>> ام متعاونة مع الروضة

وشنو تقترحون صور مثل شنو يعني ؟؟؟ عشان بنتي تحب تاخذ وياها صور وجذيه


ويعطيكم العافية

 

[تفااحة]

بناااااااااااااااااااات بليز نبي منبة لكلمة عربة عفية الي عندهم لايبخلوون علينا..................

 

[Eva-SS]

زيتونه مشالله عليج ام متعاونه الله يخلي لج بنيتج ان شالله

خبرة الجمعية التعاونية مستوى اولى بس .. وممكن تحطين مع بنتج صور اقسام الجمعية و سلوكيات الصحيحة مثل يحرص على الطابور وما يزاحم الناس لما يحاسب شغلات جذي

 

[abla^nono]

عفية هدفي يتعرف على قسم المعلبات شنو المنبه وسير الدرس بليييز

 

[تفااحة]

بلييز يابنات اب منبة لكلمة عربة شفيكم كساااااااالى

 

[تفااحة]

اللة يخليكم متوهقة بالمنبة ........ كلمة عربة

بليز بنااااااااااااااات ساعدوني اول مرة امسك اولى والخبرات جديدة علي ومتوهقة بكلمة عربة سااااااااعدوني لو شي بسيط

 

[عهود الحب]

رد: اللة يخليكم متوهقة بالمنبة ........ كلمة عربة

ياعمري ليش تتوهقين
تعرفين للكمبيوتر سوي بوربوينت لصورة عربة
اسحبيها من النت
او اذا كلش ماتعرفين
سوي عن طريق جهاز العرض خيال الظل
حطي اعواد مصاص او ورق مقصصته مثل الخيوط وركبي شكل عربة وضيفي له مغطاتين صمغ يوهو { اكيد عندج بالصف }
يصيرون تواير وعصاية من فوق ويصير شكلها عرررررررربة




ماتعرفين كلش او ماكو جهاز عرض وتوهقتي
نفس القصة قص ولصق عالسبورة ركبيها جدامهم
مممممممممممممممممماعجبج
اخذي قوطي لبنة فاضي ولزقي عليه مغاطي لبن على شكل تواير
وعقب غزي فيه عودين اسنان ووصلي بينهم بعود المصاص يصبح يدة العربة
ويصير عندج عربة وااااااو جونان



شرايج بعد


هم تبين ؟؟؟؟؟؟؟؟؟؟؟

 

[عهود الحب]

رد: اللة يخليكم متوهقة بالمنبة ........ كلمة عربة

وهذي صور عررررررربة طلعتهم لج من النت عشان تسوين فيهم بوربوينت ان حبيتي ياعيوني

تبين بعد صور؟ _03BA:

حطي كلمة Supermarket Kart

بقوقل وسوي بحث عالصور

 

[fofowa_q8]

منبه كلمة ( عربـــه ) يكون عن طريق مشهد تمثيلي في ركن الجمعية الموجوده في الفصل

ان ام وبنتها راحو الجمعيه بيشترون مجموعه من الاغراض ( المعلمه معاها طفله )

وشالو الاغراض وكانت اطيح منهم من كثرها ومااقدر يشيلون كل الاغراض اللي يبونها

شيسوون شنو الحل ؟؟؟


انهم يستخدمون العربه .. واطلعين العربه والكلمة موجوده داخلها وخلاص

 

[QUMAR]

تفاحه فيه بالصفحه الأولي منبه لعربه كتبته وحده مو متذكره أسمها
عباره عن مربع ودوائر ومستطيل وتكونين منهم شكل عربه

أنا شنو المنبه اللي في بالي
بسوي مجسم عربه بس لونه أسود
وبطبع صورة عربه وصوره مختلفه
يعني المقصد يركب الصوره الملونه
يعني مثل الظل
اتمني تكونين فهمتي قصدي
$ :

 

[fofowa_q8]

رد: اللة يخليكم متوهقة بالمنبة ........ كلمة عربة

كتبت لج منبه بموضوع الجمعيه التعاونيه المثبت

 

[*أم*خالد*]

رد: اللة يخليكم متوهقة بالمنبة ........ كلمة عربة

اسهل شي واونس شي
اخذيلج صورة من النت وقصصيها وخلي الأطفال اييبون القطع من أركان او من خلال لعبه ويركبونها وعند كل قطعه سئليهم شنو ممكن تكون

 

[anona79]

قسم الأجبان والألبان

أبي منبه عن قسم الأجبان والألبان