أفضل دكتورة نساء وولادة جربتيها ؟؟؟

[كتكوته551]

ولدت اختي باردة ما عجبتني وكل ما نناديها يقولون السسترات تصلي واختي صراخها بالممر هلكت علي ما ولدت بعدين اختي تقول حسرت فيني ما شفتها الا اخر شي

سبحان الله عاد اشكثر يمدحونها​

 

[احلى من الحلى]

بنات لو سمحتوا الى فالت زينه واتينن توضحلنا ليش بالتفصيييييييييييل
والى قالت مو زينه وبارده هم ليش نبى انعرف
ومشكورين

 

[ام غلا]

صوتي ل قوزية القظان

 

[children's link]

يا ريت توضحون بكل مشاركة عن الدكورة اللي تتكلمون عنها
لأن لازم نرجع جم صفحة عشان نعرف من الأول عن أي دكتورة تتكلمون

 

[sweet.sweet]

انا اصوت لناهده العلي لاني مرتاحه عندها وايد وخواتي ورفيجاتي عندها خوش دكتوره

 

[ZajiL]

موفقييييييييييييين ان شاء الله

 

[bebe_b]

Dr. Ma39ooma etyaneeeeeeeeeeeeeeeeeeeeeeeeeeeene

 

[المرأه الأسد]

والله أنا مرتاحه حق نجيبة القطان وأشوفها أحسن من ماجده اليتامى بوايد لأني بالبداية كنت أراجع عند ماجده اليتامى وحيل اتخوره وياي بس يالله كله عدا على خير ومشكورين

 

[الفرح والدلال لي]

انا اصوت حق الدكتورة امل عبدالعزيز توها راحت حق مستشفى رويال حياة بالرغم من انج موحاطة اسمها

 

[nouna82]

انا اصوت حق بهواني ترى وايد ممتازه بالولادة و خياطها فظيييع بس مشكلتها زحمة وايد عليها وهذي مو مشكلتها اهي بس مشكلة كل الدكتورات لكن احسن شي ان قامت تعطي مواعيييد و ترى صارت استشارية و بس عندها عييب وااحد !!!!! انها بالهادي لان الحين انا مضطرة اولد بالهادي التعبان عشانها و انشالله بعد فترة نسمع انها راحت حق مستشفى ثاني

 

[nouna82]

انا اصوت حق بهواني ترى وايد ممتازه بالولادة و خياطها فظيييع بس مشكلتها زحمة وايد عليها وهذي مو مشكلتها اهي بس مشكلة كل الدكتورات لكن احسن شي ان قامت تعطي مواعيييد و ترى صارت استشارية و بس عندها عييب وااحد !!!!! انها بالهادي لان الحين انا مضطرة اولد بالهادي التعبان عشانها و انشالله بعد فترة نسمع انها راحت حق مستشفى ثاني _03ba:

 

[je t'adore]

بصراحة انا ماجربت هالدكتورات

انا علطول عند د.ليلى أبو الليل في عيادة انترناشونال كلينك

بصراحة تهبل

 

[مناره الكويت]

انا أصوت لمعصومه مخصيد

 

[محاميه الغد]

اصوت لفوزيه القطان

 

[espresso]

آنا جربت اليتامى بامراض النسا ما ارتحت .. كان فيني حكة عادية .. هولت الموضوع اهيا و شيرين وسوتلي فحوصات ما كان لها داعي ب 40 دينار ولما طلعت النتيجة .. وكانت صارفتلي أدوية غالية .. قالت لي .. حبيبتي احنا عطيناك أدوية أقوى من اللي تحتاجينه هذي حكة عادية
قلتلها يعني شسوي قالت الظاهر تروحين الحمام وايد " عاد هذا حجي عاد ؟؟" قالت لي اكوي البانتي عدل !!
طلع فيني اكزيما !!
بس الصراحة نفسها حلوة اهي و شيرين
ورحت عند فوزية القطان ولدتني في بنتي ... واايد مادية .. والتنسيق الاداري عندها اي شي .. غير النطرة اللي بالساعات تدخل خمس حريم خمس .. وتخليج منسدحة ومكشفة نص ساعة والله العظيم اني انطرها نص ساعة منسدحة .. ينكسر ظهري وآنا ميتة من الثقل وبعدين خمس دقايق و تطلعين
اسعارها غالية .. يمكن لان عليها زحمة ..
بس الحق ينقال تهبل وشغلها حلو .. وما طنشت فيني بالولادة وخياطها حلو

 

[ام معيوف]

انا احب دكتور ماحب دكتوره
دكتوري جمال الافغاني بالموساه

 

[nouna82]

ترى كل الدكاترة صار ضغط عليهم بكل مكان لازم تنطرين و كلهم صاروا ماديين والله قبل لا احمل صار فيني التهابات ماتتخيلون شلون د.معصومة نهبتي بالفلوس كل زيارة تصك 90 دينار وغير النطرة والادوية

 

[بنت البحر]

اصوت حق حبيبتي الي ولدتني على بنتي حبيبتي وبعد تجاربي مع الدكاتره انا اكثر وحده مفتره ناااااااهده العلي احسن وحده

 

[a7la hoda]

انا ارشح الدكتوره معصومه الرضي بمستشفى دار الشفا دكتوره ممتازه ماشاالله عليها

 

[lomy]

انا ارشح الدكتوره شاديه ،، مواساة سابقا ،، وحاليا عيادة خاصة