@ أفضل بخور جربته @

[Maryomah_q8]

أحسن شئ بخور ملكي من القرشي

 

[ابلة رسم كتكوته]

بخور القريشي مو القرشي واهو موجود بالديره وبالافنيوز فيس 2 بين محلات العبي
التوله اللي ب5 دنانير حددددددده حلو حق البيت وعنده بو 10 استخدمه حق المناسبات واتبخر فيه
اطلع وارد الشقه ريحتها تينننننننننننننننن وثابت البخور
حتى حق التبخر فيه حلو مع العطر
مع الرشوش اللي اسمه تسنيم او روح البخور وادعي لي لي جربتيهم

 

[مناكير احمر]

 

[LuLiTa]

يسلمو,,

 

[sara81]

يسلمووووووووو

 

[شانيل نمبر 5]

تسلمين

 

[lo0ola]

مشكورة حبيبتي

 

[@الجود@]

بخور المعاريس من امل الكويت

وعود العبدالمحسن



وسلالامتكمم



بس ع قولتكممم مشكله السنترال والرخام انه ماايمسك البخوور كلش

 

[D.asmaa]

حق البيت عندج معموول حنان من العبدالمحسن روعه وااايد حلو وفيه عند الشايع التولة ب 6 دنانير وااايد حلو هذا البيت يعني عقب الغدا او مع التنظيف بس استعمال شخصي ماكو على بخوور امل الكويت ما جربت مثله والعربيه بعد اخذ حق الدواام

 

[روحها لكويت]

أنا احب الرصاصي يهبل وبعد أحط معاه ياوي وااااااو تمسك ريحته عدل عدل كل مادش شقتي صراحه روعه الريحه تمسك يومين

بس اذا سيراميك لا حسافه تروح شقتي القديمه سيراميك كنت عالفاضي أبخر بس هذي الجديده فرشتها غصب زوجي ما رضا قلت له كيفي مملكتي وحره والحين البخور روعه بصراحه حتى هو يقولي مغيره البخور قلت له هذا الفرش اللي مو راضي فيه .

 

[ساره.]

انا اشتريه شغل بييت ... شايب ولد العثمان يسويه الله يطول بعمره

 

[& حبات اللولو &]

يسلموووووو حبيبتي
وانا دايما ابخر شقتي يشفط السنتر ولا مايشفط ابخر يعني ابخر
وبخوراتي المسني والورد الطائفي وبخور من الرصاصي نسيت اسمه
والمرشات خلطه اسويه بنفسي لليل وخلطة اكوا البنفسجيه لنهار

 

[مناكير احمر]

ان شاء الله يعجبكم..

 

[مطيريه ماركه]

يآس معروف على مستوى غميضة مو موجود بـ آلكويت !

 

[كويتية ذهب]

يسلممموووو

 

[الريادة]

البخور اليومي أو حق البيت معمول حنان العبدالمحسن .. و جربت شكثر أنواع بخور تولتهم غاليه من القرشي اللي بالسعودية ما عجبني .. ليلحين ما طحت على بخور ينن .

 

[queen2020]

احصل بخور امل بالسعوديه؟

 

[ام^صالح]

بخور الياس موجود في مجمع الراشد بالخبر

 

[miss_layali]

انا من الامارات وفعلا بخور ياس لايعلا عليه

بس نحن نتعامل ويا الحريم اكثر من الشركات لان احلا بوايد
وربي يوفق الجميع

 

[miss_layali]

وعلي فكره خلطة بخور ياس هيه انتاج حرمه امراتيه بس تبنتها الشركه وخلتها حصريه لها