أفضل الاسواق الشعبيه / شاركوناااااا

[supermarket]

بنات ابي اعرف سوقة خيطان اي صوب بالضبط لما اكون صوب سوقة الفروانية وانا طالعة تكون جدامي خيطان من تحت الجسر وبعدين اي صوب اروح؟؟

 

[روزالكويت]

بنات رحت سوق شعبي بالجليب شحلاته اسمه السلطان سرداب
قمصان النوم تهبل والمواعين شحلاتها لرمضان.لايطوفكم ترى اول مره ارح الجليب ولا اعرف اوصف بس اسمه السلطان.

 

[وهــج]

الجووهره

مستووره

الشاهبندر

سيتي سنتر

وايد يمدحوون اسواق الجليب البنات اللي اهني

ودي ارووح اجووفهم..

 

[folaaaaa]

السلام عليكم ورحمة الله وبركاته
في دريم مول اللي بالشويخ على الدائرى الرابع حلو وفى صفاة الغانم فيها اكسسوارات للبيت للحمام وهم فيها اثاث واجهزه كهربائيه وخامات نسائيه وخامات للتنجيد

 

[وهــج]

دريم مول اللي بالشويخ على الدائرى الرابع حلو

إي عدل فيه جم محل اكسسوارات وجواتي اتيننن

 

[الملكيييية]

لبدل الاطفال فى سوق الجميع فى بالنقره الجنوبي والفروانيه والمباركيه وخيطان عنده بدل ماركات عالميه وبنفس الوقت اهو يعتبر سوق شعبى وبدله تقريبا نفس اللى ينزلونهم المحلات الراقيه وبنفس الوقت غسيل ولبس

خواتي وين المحل اللي تكلم عنه الاخت فله
اللي بخيطان وفيه بدل ماركات؟؟؟؟؟؟؟؟؟؟؟؟شنو اسمه؟؟؟:eh_s(20):

 

[toota]

السلام عليكم ورحمة الله وبركاته
(الشهبندر) على مستوى بالفحاحيل
فضيع كل شى تحصلينة :eh_s(2):
حتى المكياج
رخيص وماركة :eh_s(15):

 

[folaaaaa]

السلام عليكم ورحمة الله وبركاته
اختى الملكيه سوق الجميع فى له افرع فى كذا مكان فى الكويت فى له فرع بالمباركيه
وفى له فرع فى النقره الجنوبي بالسرداب وفى بالفروانيه بمجمع الدبوس وفى بخيطان فى مجمع البوس اول ما تقابلين المجمع جنه على يدج اليمين بس ماادرى اذا اللى بخيطان للحين مفتوح والا لا

 

[روزالكويت]

فللللللللللله امبيه ياكبرها قويه قويه البدليه مجمع البوس هههههههههههههههههههاى

 

[استغفرك يارب]

الله يقطع ابليسك روز ههههههههههههه المهم وين صاير مجمع الشهبندر اللي بالفحيحيل ولاتقعدون تغروني بالجليب تري اسويها واروح بروحي عاد يخرع سوقهم ما ادري ليش ما ارتاح له اروح فحيحيل بروحي واقعد اتفرفر ولا اوطوط الجليب احس اللي هناك يخرعون

 

[دوللي]

السلام عليكم ورحمة الله وبركاته انا عاشقة المواعييين والتجديد احلى سوق للمواعين التقديم في المعلم كل شي فيه الغالي والرخيص اللي في حولي

 

[ام الغزال]

مرحبا بنات ...

آنا ذاك اليوم كنت في خيطان طالعه من صالون الشرقيه ...

و لا أروح صوب سوق إسمه سوق ميقات الشعبي ..

يا بنات ..

لا يطوفكم ...

بصراحه عندهم سوالف لليهال .. ب نص دينار .. حلوه حيل و اللي أحلى و أحلى ...

والأحلى ..

الملابس الداخليه ...

بنات على دينارين و دينار و نص .. و خمسه ..

شغلات عجيبه والله .. بس انتو فتحو عيونكم ...

سوالف القصات الأمريكيه ... القصيره و المشخلعه ..

عجيب ..

غير الأقطان عندهم خياليه ..
بنات أقسم بالله العظيم إني دايما أشتري قمصان النوم من الأيوب ...

ولا أحب إلا الشغلات الغاليه ..
بس في شغلات تنمل خصوصا القصه الأمريكيه القصيره و اللي تكون شفافه حيل و جذي ... هذول لبستين وخلاص تملينهم ..

أما الحراير و القمصان الراقيه لا و الله أقط عليهم لأني آنا أحب ألبسهم بشكل دايم و عادة آخذهم مع الروب .. من الأيوب أو الجميع ..

بنات .. لا يغركم المكان ترا في كنوز محفوظه بين الحطام...

و هم قسم الملابس النسائيه .... تلقون بديات حلوه ...

آنا ما خذيت بس حلوين ..

تحياتي ..

مراسلتكم من خيطان ..

أم الغزال ...

 

[الغاليه نونو]

انا احب اروح سوق الباشا حق الماعين يهبلوووون هناك واسعارهم حلوه وخصوصا المطاطير حق القهوه والجاي انا وامي كله نشتري منهم

وسوق المعلم بحولي متعتي هناك حق التمشي وفيه كل شى


محاميد خيطان وناسه لي صار عندي مناسبة عيد ميلاد أو حفلة نجاح اليهال اروح اخم الالعاب من هناك واييبهم هدايا رخاص وحلوين اخرتهم بيتكسرون وينقطون ليش التبذير

وعندكم بعد سوق الايرانيين بالري حلو اشتري منه التحف وشغلات حلوه حق البيت
وبعد سوق رامز يهبـــــــــل

هذولا الاماكن اللي اروحلهم بالوقت الراهن

 

[>جود<]

السلام عليكم

بنات ايش احسن سوق للمكياج ؟؟؟:eh_s(21):

 

[روزالكويت]

جودحبيبتى اذا تبين مكياج ماركه عندج فيسس وبيضون وفافافوم والمركز الفرنسي
اذا موماركات قويه عندج المنصور يهبل بالفحيحيل وسرداب الشايع بالمباركيه

 

[xxx]

مشكورين على المشاركة

رحت سوق شعبي جديد توه فاتح يم دريم مول

اسم مترو او شي جذي

 

[قمه النعومه و الأنوثه]

انا برد اتقرى الموضوع صح ...حبيت سوق المحاميد فروانيه اروحله بالسنه مرتين وكل ما اروح اقول ودي كل مره ايي وما اروح...

سوق السالميه المعلم ...رحت قبل 5 ايام شريت يونيفورمات حق الخدامه و لقيت نفانيف قطن حدهم كيوت 2 ونص خذيتلي ودشيت سيتي سنتر هناك ولا في دايسو اينن طبعا دايسو شريت منه صحون انتف حق الكجب والمايونيز و قطع نفس المطارات الماي ما ادري شسمهم اللي انحطهم على ظهرنا اذا يعورنا ينحطون بالمايكرويف بس مو ماي نفس ملوت قبل اعتقد داخلهم جل ...​

 

[توت عنكبوت]

سوق قصر سلطان بالفحيحيل روعه مواعينهم روعه وكل شي جديد عندهم قبل الاسواق الثانية .
من ناحية للبس وبجايم الجوهرة للأطفال

 

[فرحانه]

بنات عندكم سوق الباشا عندهم كفرات وايد حلون وسوق الجوهره بعد
ملابس اطفال تونس وجينزات حق البنات

 

[رمش العين]

سوق الامارات (الشاهبندر) حلو في منه بالجهرا و بالفحيحيل
سوق الوافي بالجهرا
سوق الباشا بالجهرا مواعينه حلوه وهم اللي يشتغل في المكياج عنده سوالف حلوه
وانشاالله بأقولكم الباقي