أغيب بأجر او لا أنا محتارة

[love-hate-78]

كل عام وأنتم بخير يا مدرسات الأجيال أنا حامل ووالدتي شهر 3باذن الله خائفة وانا من النوع اللي ما اقول لا للمدرسة ودي أغيب من بأجر الا يوم ولادتي شلون ويصير ما اروح الدوام بأجر او مشكلة لانه بعد عطلة أفيدوني الله يخليكم حيييييييل محتارة ودي تراعي صحتي

 

[احلى.قمر]

داومي وقوليلهم انج تعبانه واستأذني او اذا تعبانه حيل ومالج خلق أخذي طبيه

 

[درة أهل الطولات]

رد : أغيب بأجر او لا أنا محتارة

انتي ادرى بحالتج

لو مو قادرة لا تروحين

 

[المستغفرة 74]

رد : أغيب بأجر او لا أنا محتارة

اذا ما تقدرين خلاص في شيء اسمة طبية والله يهون عليج
الزم ما عليج راحتج

 

[love-hate-78]

مشكورين بس ما اقدر استأذن لانهم مايراعون أنا مجربتهم بس يصير طبية من اول يوم

 

[@الخياله@]

رد : أغيب بأجر او لا أنا محتارة

الله يهون عليج ..


لا غيبي طبعا .. ومعاج عذرج .!

 

[قـہۈه فـرنسيـہ™]

راااحتج أهم ,,,

اخذي طبيات ما بقى شي على ولا دتج ... أو داومي هالأسبوع ....وبعد العيد الوطني اشخطي لي الولاده

 

[ضايعه بالطوشه]

رد : أغيب بأجر او لا أنا محتارة

داومي باجر و استأذني

الله يقومج بالسلامة

 

[moony77]

الزم ما عليج صحتج العمر يخلص والشغل ما يخلص لا تستهينين بصحتج والدوام ما يحسون بالواحد

 

[Katkota_46]

راحتج ثم راحتج ثم راحتج
:eh_s(15):

 

[Programmer.Girl]

الزم ما عليج راحتج

العمر يخلص والشغل ما يخلص

والله يقومج بالسلامه

 

[>>روضـة الحسـن<<]

عادي اخذي طبيه اهم شئ صحتج

 

[بارقة الكويت]

رد : أغيب بأجر او لا أنا محتارة

إختي عادي يصير تاخذين طبية أول يوم بعد العطلة ....أهم ماعلييج راحتج والله يهون عليييج

 

[عزتي مالها حد]

رد : أغيب بأجر او لا أنا محتارة

اخذي طبية

ان شالله تقومين بالسلامة

 

[@سيدة نفسي@]

رد : أغيب بأجر او لا أنا محتارة

والله انا نفسج بالضبط

وتوني داشة التاسع بس ناوية

أداوم هال8 أيام من فبراير وبعدين بسحبهااا

لحد ماالله يسهل علي وأوووولد بالسلامة :yaaaaaarb:

 

[بحر الذكريات]

غييييييييييييييبي والله معاج

انا بروح سهرانه:krkrkr:

 

[*ريما*]

رد : أغيب بأجر او لا أنا محتارة

غيبي
صحتك اهم

 

[&& قيثاره &&]

صحتج اهم شى داومى الحين لانا ماكو شغل وكله عطل وعقب صكيهم غياب لين الله يسهل عليج:eh_s(7):

 

[قمر الكويتية]

رد : أغيب بأجر او لا أنا محتارة

شوفي نفسك إذا تعبانه حيل غيبي

و إذا تقدرين تداومين روحي داومي

يارب يسهل و لادتك