أغراض السفر.......

[اشتاق الى الجنة]

السلام عليكم ورحمة الله وبركاته

ربي لا تذرني فراد وانت خير الوارثين
الله ارزقني وارزق بنات هالقسم وجميع المحرومات بالذرية الصالحة المعافاة

بنات تكفون كل وحدة تكتب الأغراض اللي تاخذها معاها بالسفر والله اني انجنيت رايحة رادة مع دفتري وقلمي واكتب الطلبات وفي اشياء مهمة مو قادرة اتذكرها مخي وقف تكفون يا بنات ساعدوني

يالله اكتبوا وان شاء الله يستجيب الله دعاءنا ويرزقنا بالذرية الصالحة ونرد ديرتنا مجبورين الخاطر

وانا اول وحدة

دراريع
عبي
ملابس داخلية
قمصان نوم
تشقير للحواجب
بالطوا او جاكيت عشان البرد
فوط
فراش للسرير ومخدتين
عطور
تكرمون نعول للحمام
بجايم
دلاغات عشان ما يدشج برد برجولج وقت الدورة
معطر جو
عود مبخر
بخور عود
ميموري زيادة للكاميرا
مطارتين
فناجين
صينية
مكياج

يللا يا حلوات نفيد ونستفيد

 

[RAIN FALL]

أهلين يا مس جاندوفلي الله يسهل عليك انا عندي لستة لاغراض السفر منقولة حطيتها من قبل اعيدها لك انشاء الله تساعدك
بس انا عن نفسي راح اخذ ملفي مال الطبخ علشان اسلي نفسي بالطبخ و اشتري من هناك كتب اقري انشاء اللة
و تروحين بالسلامة


مستلزمات السفر
اولا معدات الحمام


شامبو +كونديشنر +شورجيل
مفراكه يفضل الدسوس تباع لدى بودى شوب
قطن اذون + قطن للوجه + فوط صحيه
صابون الحميمى للمناطق الحساسة
معجون اسنان + فرشه اسنان + غسول الفم + خيط اسنان وعيدان اسنان
نعال حمام او خف للغرفة
ابريج صغير
Detol

المكياج
منظف المكياج ومنظف العين
كريم النهار والليل وكريم العين وبروتكشن
فاونديشن +اسفنج للتوزيع
سبرى شعر
البودره – حمره – مايسكرا –كونسيلر-
عده الملقط + المبرد + مقص( علبة فيها كل شى )مقراضه
صبغ اضافر شفاف او لون
كريم الجسم + ديودرانت
عطورات للجسم وعطورات اخرى
لمحبى البخور ( مبخر صغير + ولاعه + فحم + بخور )
انتبه فى حال وضع البخور فان الدخان الكثيف يجعل صفارة الانذار تفتح بالفندق يفضل ان تختار غرفة مدخنين عادة تكون مناسبة لاصحاب البخور.


اخرى
علبه صغيره خياطة ( ابره وخيوط –جلاب- دبوس )
ورق للمرحاض يباع بالجمعيات للاماكن العامة
كلنكس صغير للشنطه +كلنكس على ديتول
سشوار + شباصات +تاج+مشط+كلبسات +كريم لترطيب الشعر (حسب الاستخدام )
موس حلاقة او مكينة براون للحلاقة +عدة الحلاقة للرجال

الادوية
بندول كولد اند فلو+بندول نايت +بونستان +بوسكوبان +ادوية للامساك والاسهال +
لزقات جروح

الملابس
يعتمد نوع الملابس على الدولة والجو هناك ونوعية لبس الشخص وسيتم ادراج جميع الملابس للتذكير فقط
قمصان +\بنطلونات ( جينز- قطن – لينن- رياضى )
جاكيت ( شتوى – للمطر – عملى جينز )
بلايز داخلية تناسب الملابس ( بدى ) ملابس داخلية
دلاقات +احذيه ( رياضة + عملى + سهره للضروره )
حجابات +سكارفات + لفات رقبه للشتاء + دسوس + شماسى للمطر
حزام + اكسسوارات حسب الملابس+
نظاره شمسيه + نظاره طبيه + عدسات لاصقة ومحلول العدسات




اخرى لكنها مهمة
قران كريم + كتب ادعيه
سخان شائ + مطاره + غلاس او اكواب للقهوه+ ملاعق
سكر +شاى او قهوه + زعفران + مكسرات + بطاطس + كوكاو

جنجفة للتسليه + gamepoy – اى العاب اخرى للاطفال او لتسلية الكبار فى الرحلات الطويلة +laptop + واير التلفون +الكاميرا + شاحنها +شاحن التلفون
موبايل اضافى فى حال فقدان التلفون الاساسى .
كتاب للقراءه او قصه لمحبى القراءه + اشرطة او سى دى للطريق اغانى
شنطه صغيره ( handbag ) فى حال التنقل .

الاوراق الاساسية
التاكد من وجود تذاكر السفر
التاكد من وجود الجوازات ( انظر سريعا الى تاريخ الانتهاء )
اوراق الخاصة بحجوزات الفندق
اوراق الخاصة بالتامين
التاكد من انك قمت باجراءات الدخول الفيزا

لا تنسى البحث بالانترنت عن افضل اماكن التسوق وافضل الاماكن السياحية مع طباعة العناوين وذلك لتوفيرالوقت عند السفر.

رحلة سعيده

 

[هداوي المطيري]

نصيحه حبيبتي لاتكثيرين عليج الاغراض ويصير وزن زايد عليج كل شي موجود اخذي الضروريات .....

 

[اشتاق الى الجنة]

المصيبة بالضروريات
والوزن فينا فينا

 

[اشتاق الى الجنة]

اشكرج يا الغالية رين فال

بس شنو اوراق التامين هاذي

 

[أم أفنان]

الـــظـــاهـــــر أنـــتــــم مــــهـــاجـــريـــن عـــلـــى الأغـــــراض هــــــذي

أنــــا بالـنــــســبــه لـــــي مـــتـــعـــامــــلـــه مـــع مــــكـــتــــب لــــشـــحـــن مـــن الـــــكــــويــــــت الــى لـــنـــدن

ســـــعـــــر الــــكـــيــلـــو 750فـــــلــــس مــــن الــــبـــاب ألـــي الـــبـــاب

 

[ام_مرام]

و الله اخذت اغراض شكثرهم و دفعت شي و أربعين دينار
و بالاخير طلعت ناسيه اغراض واااااااااجد من اللي نحتاجهم
نصيحه لا تكثرون

 

[RAIN FALL]

و الله الكلام صح بس يا ريت أم افنان اذا عندك رقم المكتب الي قلتي عنة دزيلي اياه اذا ممكن

 

[اشتاق الى الجنة]

يا بنات حطوا الاغراض اللي تحتاجونها هناك واللي بياخذ او يخلي اهو براحته كيفه

 

[اشتاق الى الجنة]

وينكم يا بنات والله ما توقعت منكم هالتطنيش:0bee2e8d89::0bee2e8d89:

مابي كل اشوي اتردد على السوق قولولي الحاجيات الضرورية وجزاكم الله خير

الله يسامحكم بس
انا زعلانة عليكم:bbbiu:

 

[اشتاق الى الجنة]

:eh_s(2)::eh_s(2)::eh_s(2)::eh_s(2)::eh_s(2)::eh_s(2):

 

[بنت السلف]

شوفي حبيبتي

لا تكثرون

والله النسرة لمن راحت لندن الروحة الاولي لها جابت الفدعة بنتها واااااااي فديت عيونها الله يخليها لها يارب .


ماخذه اغراض اشكثر تقولين رايحة البر او رايحة مكان منقطعة عن العالم الخارجي

بس قالتي نصيحة لا تاخذين اغراض وااااااايد كل شي موجود



بس انا عاد اشسويت فكرت ..

ولمن فكرت .. فكرت

واخيرا قررت

8

8

8

8


اني اقعد قعده حلوة مع نفسي واتخيل اني قاعده الصبح واشوف شنو احتاج الصبح من جميع النواحي .( هذا الصبح )


صار الظهر قعدت اشوف نفسي شنو بسوي الظهر واشوف شنو احتاج من جميع النواحي ( هذا الظهر )


وياج العصر قعدت مع نفسي افطر اشبسوي العصر وشنو احتاج من جميع النواحي ( هذا العصر )


وهكذا

لي اليوم الثاني


بس نصيحة يا بنات

والله من اخت احبكم في الله

لا تاخذون اشرطة اغاني ولا افلام ولا ما يعصي الله


انتي رايحة تطرقين باب من ابواب الرجاء والطلب والدعاء والحاجة من الله


اشلون تروحين وانتي ما خذه معاج ما تعصينه به ربك

والله يا بنات اتقوا الله


يقول النبي صلى الله عليه وسلم

( إتق الله حيثما كنت وأتبع السيئة الحسنة تمحها وخالق الناس بخلق حسن ) رواه الترمذي وقال : حديث حسن

 

[WaChoCha]

مس جاندوفلي.... حبيبتي كل شي متوفر في لندن لا تكثرين على نفسج
اخذي معاج تمر ...اخذي بهارات مشكلة ان كنتي ناوية تطبخين... اخذي معاج مضاد حيوي احتياطا ترى دكاترتهم وايد غاليين

 

[بنت السلف]

صج بسألكم


اخذ معاي مواعين ؟؟؟ بسيطه

او تتوقعون شقق مفروسه

بس ما احي استعمل اغراض غيري !!!!!!!!!!!!!!؟؟؟؟؟؟؟؟؟؟ شسوي

 

[اشتاق الى الجنة]

انا برايي اكثر من صحون السفري جميع الاحجام عشان ما تغسلون حنا يا بنات يبيلنا قبل العلاج وبعده راحة كافي الطبخ والاوتي نبي نقعد نغسل مواعين؟؟؟
بس لازم ناخذ معانا جدرين

 

[أسيل]

السلام يا حلوااااااااااات:tek: حبكم للمشترا والسوووووق صج حريم ......................................عدااااال اسمعوا بس من

اللي ينصح:dddds:

اولا شكو تغسلين مواعين .................................معظم الشقق برا فيهم غسالة مواعين صج راحه ما بعدها راحه

بعدين بما ان لندن فعلا غااااليه ضروري تاخذين مواعينج واغراض المطبخ من اجهزه وغيره من الكويت اكيد ارخص بس

من غير مبالغه

بالمشترا لا تكثرين اولا تاكدي من السكن اللي انت فيه اذا متوفر فيه مواعين لاتشرين واجد مجرد تكمله بس واذا تبين تاخذين

كل شي من

الكويت مره وحده راح اساعدج بهالقائمه..

(( المواعين ))

مطاطير القهوه والشاي والحليب وغواريها

فناجبل ومشخال العيش وثلاث قدور بأحجام مختلفه

صواني تقديم 3 احجام لريوق وغيره + صحون غرف صغار للخفايف وواحد لغرف غداج انت وبعلج

(( اجهزه كهربائيه ))

مطحنه + خلاط + فرامة بصل وثوم + عصاره برتقال ويفضل احجام صغيره

(( مواد غذائيه ))

تمر + هيل + زعفران + بهارات اكل + بهارات قهوه + البعض مما يحبه قلبج

+

ادوات ومواد التنظيف والتعقيم

والباااقي اغراض شخصيه انت ابخص فيها وانا شرحت بعضها في موضوعي دليلك في طرقات بلجيكا

 

[أسيل]

وحلوه فكرة الصحون السفريه

 

[نيبال الايمان]

ضى الايمان


خووووش فكرة يالغالية عاااد انا صارلى فترة اسال واسال شنو ناخذ وشنو الضرورى 000

اكتشفت وبعد عباله انه فعلا البهارات والقهوة المرة والتمر اذا انتم من محبينها اخذوها معاكم وطبعا المطاطير ملوت القهوة والشاى 000
وهم يقولون العيش والزيت وزيت الزيتون وركوة للقهوة الحلوة وماجى هذا بالنسبة للاكل هو صج كل شى موجود بس يقولون ناااااااااااااار ناااااااااااار الاسعار يعنى تخيلى علبة البيبسى تطلع عليج دينارين 000 وطبعا اخذى معاج عدة الشور والحف والتشقيروالاستشوار ودلاغات السيراميك عدة المرطبات والمكياج 00 وبيجامات داخلية لانه باليل يقولون يبرد الجو وطبعا جاكيت شتوى ومضلة احتياط عشان المطر هو الجو اللحين عندهم دافى بس يقولج بالليل برد ولازم شتوى 00 وبريج عزج الله للحمام ودسوس لغسيل المواعين لانه حماتى تقول هناك سعر الدس الواحد تقريبا بدينار فيعنى روحى لمحل بو مية وكثرى منهم 00 وغلاية الماى اكيد بتحتاجينها هناك
وطبعا الملابس اللى تحبينها من داخلى الى خارجى 00
هذول اللى اذكرهم اللحين بس اتذكر اقولج يا عمرى 000


ويعطيج الف عافية على هالموضوع المميز 000

وان شاء الله باذن واحد احد الله يجبر بخاطرنا وتكون هالسفرة سبب حمالنا اللهم امين يارب ويارب يارب يارب يتمم لنا على خير وما نرد الا وهم بحضنا اللهم امين يارب اللهم امين يارب اللهم امين يارب

 

[ام_مرام]

جاندوفلي يالغاليه ... انا كتبت هالقائمه ... قبل السفر
بعض الاغراض اخذتها و بعض خليتها بسبب الوزن .. ب احط لج القائمه :::::::


جواز السفر و الاوراق المهمه: الفيزا و موعد الدكتور
===
وصلة ميموري للكمبيوتر
كاميرا و شاحنها و ميموري
شاحن تلفون
مايك و سماعات و كاميرا كمبيوتر
==
علب بهارات بلاستيك كبيره للسكر
بهارات السفينه و للمجبوس و ملح بعلبه بلاستيك
مطارة شاي و قهوه
ابريق ل التشطيف بالحمام
فوط مطبخ
كلنكس ديتول
فليت و بودرة نمل
فرشه خفيفه بلاستيك للارض
قاموس انجليزي عربي اكسفورد او اطلس

فحم للبخور
مخدات
صحون و ملاعق بلاستيك
سلك و ليف مواعين
صابون مواعين
شنطة ظهر و على جنب
شاي و قهوه و هيل
قلاصات ماي و شاي و حليب
مقراضه و مبرد
فوط مطبخ
فليت و بودرة نمل
صحون عاديه
صحون و ملاعق بلاستيك
صواني فرن
جدر و قلايات و بايركس و صينية كيك
بطانيه خفيفه
دفتر صغير و قلم
بوصلة لمعرفة القبلة
قران
ملابس شتوي و صيفي
فوط عاديه
فوط صحية
عطور
أحذية و نعالات للحمام
دلاغات
كبوس
ملاعق كبيره و صغيره
شوك
سكاكين
كوايه
غلايه
غوري شاي
جنجفه و كتب و ألعاب للتسليه
عدة خياطه
دبابيس
سجادة صلاة
ملابس صلاه
ساعة منبه
فيش ابو 3 و 2
مشط
عود اذان
عود اسنان
صابون غسيل ملابس
صابون غسيل يد
شاور جيل
شامبو
ليفه
صابون مواعين
اسفنج و سلك مواعين
فرش و معجون
حليب سائل و كرنيشن
فكس
فازلين
مرطب شفايف
يولايه

=======
الاكل:
==
عيش
معكرونه
شوربة ماجي
معجون طماط
ملح
سكر
بهارات
زيت
فول معلب
تونه و سردين معلب
شاي ريد ليبل
عصير تانج و فيمتو
قصدير
سفرة
جبن معلبات كرافت و لبنه و قلاص
قيمر
مربى
عسل
بسكوت
طحين
==
أدوية:
==
حبوب رأس
و نشله
و دورة
و فيتامينات
بخاخ نشله
كلنكس عادي
و كلنكس ديتول
مطهر جروح
لزاق جروح
مقص
مقراضه
ماكينة ازالة الشعر
كريم حماية من الشمس
كريم مرطب جسم و وجه
كريم ل التسلخات : أبو زليغه
فليت
معطرات جو

 

[ام_مرام]

نسيت اقولج ... اهم شي بطانيه و جاكيتين لكل واحد منكم ... والله نفعونا حيل البطانيه و الجاكيتات