( أغانـــي الصفافات .... )

[شذاروان]

مشاركة: ابي اغنيه الصفاقات

رووووووووووووووووووعه

 

[mnoo33]

تكفون قصايد الصف...يابنات البدو

:eh_s(17): ممكن طلب منكم

ابي قصايد الصف اللي مشهورين فيها حريم الكويت .... شلون احصل عليها ..... اللي عندها الله يجزاها خير تزودني فيها لاني محتاجتها ضروري
الله يعطيكم العافية
ترى هذا موروث لازم مانهملة لازم انمية ابي منكم وعد انكم تحطون اللي تقدرون علية وانا انشاء الله راح احط اللي اقدر احصلة

 

[دوللي]

رد: تكفون قصايد الصف...يابنات البدو

ان شاء الله يساعدونج البنات

 

[***ريماس***]

رد: تكفون قصايد الصف...يابنات البدو

وو أنا بعد أبيهم
وأنا أطلب من المشرفه على القسم جزاها الله خير
تثبت هالموضوع لأنه صح راح يصير فيه افاده للكل

تحياتي ,,,,,,
***ريماس***​

 

[mnoo33]

رد: تكفون قصايد الصف...يابنات البدو

شكراً لوضع هذا الموضوع انشاء الله انا اببدأ فيكم بس وعد كل وحدة تحط من عندها

هذي القصيدة لدخلة العروس لاجات
هلا هلابك يوم جيتي تخطين ... هذي العروس اللي ربح من كسبها
بنت الامير اللي يفك المساجين ... عشر الاصابع في يدينة بصمها
وخوالها اللي ينطحون المعادين ... افعالهم بالجود كلن ذكرها
وهذي القصيدة للمعرس
مبروك والفين مبروك ... ( اسم المعرس) عساة يتهنى
ربعة على الزين زفوة ... على الهنوف المحنى
تسلم اخوانة مع ابوة ... وامة عسى ماتونة
القصايد اللي اللحين مو للمعاريس للحظور (مصدقة عمرى)
1
جتكم تخطى ال(قبيلة البنت) .. تعد الخطاوي بممشاها
هلا هلابك ياحورية ... وكل الهلا في محياها
ابوك يستاهل الجية ... وامك على الراس شلناها
2
ياماحلا جول الاصايل .. في ساعة ماحسبوها
تركي عل الكبد الغلايل .. والطايلة ربعي خذوها
لعيون ظافية الجدايل .. واللي خذا الناموس ابوها
3
كلن يقول الطيب والجود حنا .. حنا لنا افعال الرجال المشاكيل
كل يقول اليوم كنا وكنا .. وما تنفع القولات لاجات حواميل
انشد وتلقى طالب العلم عنا .. يوم الصحايف روحت بالمراسيل
واليا انتخوا بالجود كلن وجدنا .. حنا هل الفزعات حنا هل الهيل
4
الا يالعذارى وسعو ساحة الميدان .. وشوفو غزال معجب الناس بفنونة
ترى جدها معروف من لابة (القبيلة) .. وابوها حبيب وكل ربعة يحبونة
واخوا الشجاع وجدها مقدم الفرسان .. وخال عريب الساس والناس يطرونة
5
برق سرى محلا رعودة ... جعلة على ديرة هلنلي
جعلة على ناقض جعودة ... صافي الجبين اللي محني
يالليت جدي من جدودة ... وينزح الحجير عني
6
امر تدلل واقول السمع والطاعة .. يابو عيونن يموت اللي يراعيها
ياعود موز مع النسناس مهزاعة .. والعنق عنق المها والضلع جاديها
يامنوت القلب ياصيفة ومرباعة .. ياللي على شانك الاقدام محفيها

هذاني حطيت بعض ماأحفظ والبركة طبعا بعجوزي الله يخليها لي ..
ابي منكم طلب ؟؟؟
اللي عندة قصيدة يحطها الله يجزاة الف خير
مع تحيات أختكم الkحيلة

 

[خبيرة اعشاب]

رد: تكفون قصايد الصف...يابنات البدو

يادارنا لاترهبي يومك سعيد........حنا حماة الدار وشب اشعالها
هذي عنيزة مانبيعه بالزهيد......... لافرعن البيض نحمــي جالها
************************************************
يالابتي شيالة الحــــمل الثقيل ........اللي على الطاغي رجح ميزانها
أنتم هل العادات الياتاه الدليل ........إلىاخـــــتلط يوم للقــــاء دخانها
******************************************
يقول المولع اللي لايجور ولا يداني الجور ........عسى الله ينتصف من ولعو قلبي
وخلوني أنا ماتريــــــد النفـــــس ياحظ الندم مقهور................إلى مني بغيت مواصــلتهم حيل من دوني..

********************************************

 

[خبيرة اعشاب]

رد: تكفون قصايد الصف...يابنات البدو

داشه عرض ::::::::::::::::::: صراحه اسمج يا الكحيله كل ما شفته اتذكر جدتي ...اتقول بيعت الكحيله بعشا ليله ...ربما ويانا بنات بالمنتدى ما يعرفون قصه الكحيله وودنا لو اتحطينها لنا في منتدى القصص و الروايات ....

 

[mnoo33]

رد: تكفون قصايد الصف...يابنات البدو

هلا فيك..seule12 لية الكحيلة لها قصة اول مرة اسمع فيها انا حاطة اسمي كذا لان ابوي دايم يسمونة كحيلان ...

 

[رقي]

رد: تكفون قصايد الصف...يابنات البدو

وناسه شكرا خواتي
انا بولادتي سوولي جذيه
اذكر بعد كم بيت
يهلا بالمسير والقصير
ها شرايكم
لايغركم حضريه بس العرق يمد لسابع جد
وعلي فكره انا اموت علي عرضات الرياييل خصوصا القديمه
وساعات اتابعها في ديوانيه شعراء النبط
وابوي لي يومكم مقدس عنده الاحد عشان ديوانية شعراء النبط
بس اعلمكم ابوي حده حضري
ويدتي الله يرحمها تموت عالعارضات قبل تروح ساحة العلم بالعيد الوطني عشان تنطرب
قلت لكم قصت حياتي
خخخخخخخخخخخخخخخ

 

[فـــــــــــــــــز1عـــه]

رد: تكفون قصايد الصف...يابنات البدو














أبـــــــــــــــــــشـــــــــــــــــــــــــــــــــرن

مــــاطــلــــبـــــــتن شــــــــــــــي

 

[ღღغــ الدنــيــا ـــلاღღ]

رد: تكفون قصايد الصف...يابنات البدو

ابشررررررري ماطلبتي الا عزطج

هاج القصيدة...

:eh_s(9):
ويلي على واحدن ضااابط... ويشتغل بالمديرية..

ياليتني نجة عقاله والا .. مسامير جوتية..

:eh_s(9): بونسج


وهاذي
:eh_s(9):
(( فلانة )) بنت ابوها و10 اللي خطبوها.. واحد يقول لواحد كم هو مهر ابوها..


وهذي

:eh_s(9):

قالوا الزين واجد قلت خله.. غير (( فلانة)) ومابالزين ثاني..

بيت((فلان)) ..ابو فلانه لووول.. ولد ((فلان)) ندله..

منزله عالي بين المباني ..

ان عطاني عطيته المال كله..
وان رفضني لاجيب شيخ وعواني..

:eh_s(9): :eh_s(9):

وهذي

انا ماني سوات اللي تخون اخوانها سرقا.. على درب الخطا تمشي لها رجلين منساقة..


:eh_s(9): :eh_s(9):
والسموووووحة ماطرت على بالي الا هالقصايد ولي عوده..:eh_s(9):

 

[خبيرة اعشاب]

رد: تكفون قصايد الصف...يابنات البدو

بنت كحيلان ..............حسبتج اتعرفينها

الكحيله كانت فرس لواحد كريم وجاه ضيوف و ما لقا ش يذبح لهم ..راح يم راعي غنم و قال له خلي الكحيله ( اي فرسه) عندك عطيني ذبيحه للقوم و اجيب لك الفلوس باجر الصبح و ان ما جيتك ترا الكحيله لك
و راح ذبح لضيوفه و استانسوا ذيك الليله ...يوم قعد الصبح راح يم اهله يبي احد يسلفه حق الذبيحه ما لقا احد يعطيه و خذا الراعي الكحيله و تراها كانت فرس اصيله غاليه .....
فقال الرجال مقولته +++++ بيعت الكحيله بعشا ليله+++++++++++
بس القصه طويله و حلوة انا اختصرتها لكم لاني ما احفظها كلها

 

[mnoo33]

رد: تكفون قصايد الصف...يابنات البدو

مشكورة حبيبتي للتوضيح......
حبيت اوضح للأخت رقى هذي القصايد للحريم مو الرياجيل...

 

[عرووووس الكون]

رد: ابي اغنيه الصفاقات

وهذي لعيونكم ؟؟؟؟

انا ياهيه لوتدري اساوي لمعة البرقا عفيفه طاهره واشري وابيع العز بأسواقه
انا ماني سواة اللي تخون اخوانها سرقا على درب الخطا تمشي لها رجلين منساقه


وفيه بيت ميته ادور كمالته بس مالقيتها اللي تعرف هالقصيده بليز تحطها لنا لانها روعه
وهذي بدايتها
( الا ويلي على النذل يا قل حيلتي فيه )

 

[اميره^]

رد: ابي اغنيه الصفاقات

يا حلوكم حلوه


يازين اغانيكم

من زمان ما رقصت صفين


الله يعطيكم العافيه

 

[سارية]

رد: ابي اغنيه الصفاقات

موضوع روعه

لأني احب الصفق :eh_s(9):

هههههههههههههههههههههه

ولكم اغنيه في كل عرس لازم يصفقنها :

يا حسين انا عيني سهيرة ما تذوق المنام

يا من يلوم العين بحباب لها غايبين

واظن من مثلي سهريا بوعلي ما يلام

على غزال راح قفوا به أهله كاشتين

امشي وادور خيمته يا حسين بين الخيام

محدٍ ذكرهم لي ولا ادري وين هم نازلين

محد عطاني عن عديل الروح حمض الكلام

لا واعذابي ضاعت افكاري وقلبي حزين

واحترت مدري وين منزال اهل بدر التمام

مدري جنوب اصويحبي والا مع المشملين

ايام غابوا كنهن يا حسين عشرين عام

لا وهني من شافهم في بيتهم راجعين


تحيااااااااتي​

 

[شهدQ]

¨° ( بـــــدويات حياكم بنلعب صفين ولايهنون الحضريات الي يعرفون بعد يدخلوون) °"

يالله شيلووو الصفين


فرشنا الزل من عصر

على السعاده والنصر

يافلانه فالك النصر

سكنتي عالي القصر


منو الي وراي؟؟​

 

[***ريماس***]

رد: ابي اغنيه الصفاقات

أنا كل مابغيت أجيب كشكول
الصف عند أختي انسى
في قصايد قديمه بس حلوه
ان شاء الله ترقبوا كم يوم
وبكتب لكم القصايد ​

 

[lala2]

رد: ¨° ( بـــــدويات حياكم بنلعب صفين ولايهنون الحضريات الي يعرفون بعد يدخلوون) °"

البارحة يوم اذن التالي
يانجر ابو فلان يدنونه
نحرتهم شربت فنجان هيل مع بن يدنونة
شفت الغزال اللي برا حالي
...........
عاشوووا

 

[Ga6waah83]

رد: ¨° ( بـــــدويات حياكم بنلعب صفين ولايهنون الحضريات الي يعرفون بعد يدخلوون) °"

امبييييييييييييييه انا حدي مو فاهمه شسالفه

سوري على اللقافه <<<<<<<<<<< ملقوفه هههههههههههههههههههههههه