أعلنت جامة الكويت نسب القبول الفوري .. وعزة الله توفقنا !

[tratel3D]

حمدلله والشكر !
شفيهم جذي ؟
يبا افتحو جامعه ثانيه عشان تخفف الضغط وتقل النسب

 

[هوآي إنته]

شدعووه شهـ النسب !!
ليش جذي زايدين الهندسه والعلوم الاجتماعيه !!
لا بعد من غير القدرات يبؤؤي مو من صجهم

 

[KelyAmanii]

بنات حبايبي انتو

ماعليه لا تحاتون النسب هذي قبول فوري

يعني الاداب الفوري 82 بيقبلون من اتوقع 79 وفوقها !

كذلك التربيه .. وباجي الكليات ...الخ ، يعني لا تحاتون ..

انا نسبتي كانت زفت 79 وما انقبلت بالاجتماعيه اللي ميته عليهـآ

قطوني اداب اللي ماحبهـ لكن الحمدلله ع كل حال اهم شي جامعه

وبحول اجتمآعيه ..

وين ماتنقبلون لا تتضايقون يكفي تقدرون تحولون لكليات تبونهم ..

وسهالات التحويل ..


> معآكم طآلبه ادب هع

اي شي تبونه بوقت التسجيل للجامعه من مواد تسألون عن دكآترهـ

اللي ماتعرف شي بالجآمعه ومآعندهـآ من يسآعدهآ ترسلي ع الخآص ايميلهآ

واعلمهآ ع كل شي

وان شاءالله كلكم كقبولين بالجامعه وبالكليات اللي تبونها يااااارب

 

[مسك وورد]

ووووول ليش هالاحباااط
حراااام عليهم شهالنسب
بعد عمري اختي بنتصدم

 

[الحسن الرقيق]

هذا النسب الفوريه ..
اما النسب لدخول الجامعه العلمي 70 والادبي 78 ..
وعاد بعدين اللى يبي يحول يقدر يحول ..

 

[Dalal.al3tibi]

الله يوفقكم

 

[سمراء اليل]

اففف يا بنات شوفو نسب الصبيان اقل من نسبنا اهم يغششونهم واحنا لا واهم مسهلين المنهج عليهم واحنا لا لييييش ترا حراااام ندرس ونتعب ونموت من الدراسه واهم يدلعون عمرهم والله منقهره اهيييي اهييي تعبت

 

[MiṦs ♥ fĩẍ]

مو حاطين الطب !

بس اسراء هذيلة النسب بعد القدرات و لا بس نسب المعدل التراكمي ؟

 

[بالروح احساس]

امبييييييييييييه شدعوا عليييييييييهم بصكوون فووق الميه مو ميه بس .!!!!!!!!!!!!!!!!
بطني قاعد يعورني شنو هاذا ..يعني بالعيييد ندش ...............لااااااااااااااااااااا بنط من الدريشه شكلي حطموو طمووحي اهي اهي ..
بنات لاتنسوووون هم القرار الجديد للحامعه عدد محدوود مومثل قبل مفتووحه ..يارب انشاء الله ينزلووونها السنه الياااايه يااارب
ترى قراراتهم صايره تعجيزيه

 

[بـآربيـآ]

العلووم الاجتمااعيه كم موو واااضح عفيا كم العلووووم الاجتماعيه

 

[بـآربيـآ]

علوم الاجتماعيه بس حاطين علمي شسالفه لايكون انا مضيعه

 

[KelyAmanii]

علوم الاجتماعيه بس حاطين علمي شسالفه لايكون انا مضيعه

حبيبتي انتي نسبه القبول 87 الفوري لـ الأدبي والعلمي

وممكن يقبلون من 82 وفوق

الله يوفقج ويوفق الجميع يَ رب :eh_s(17):

 

[KelyAmanii]

بنات لا تحاتون وااايد

ان شاءالله كلكم ناجحين يَ رب

بشووني لا طلعت نتايجكم !

 

[الليدي ديانا]

اي شي ما اقول غير مالت بس مالت .. احنا اكثر دفعه كليناها دايما امتحاناتنا صعبه .. شكو يرفعون .. امبيه ليش مو راضين يستوعبون الشعب كل يوم يزيد فتحو جامعات عفيه وين تروح الفلوس الدوله ؟ .. دوله من اغنى دول العالم ما عندنا غير جامعه حكوميه وحده و لا بالغصب تقبلنا .. و جان زين جامعه سنعه كل الطلبه يشتكون من ظلم الدكاتره .. الواحد يقعد 7 سنين بجامعتهم .. بعدين يقولون ليش احنا دول ناميه .. شوفو قطر شسوو ماشالله عليهم و شعبهم اقل من شعبنا بوايد تبنت جامعات من اقوى جامعات العالم قالت انا ابي شعب متعلم .. قلبي متروسه

 

[♥MaSteRiyA♥]

موفقين جميعا
الله يسهل عليك ياخوي حبيبي وتدش
المكان اللي بخاطرك

:eh_s(17)::eh_s(17)::eh_s(17):​