أعفيني {رواية واقعية مشوقة ..~

[cαяless шнispeя]

بدون مقدمات بس افهموني هذي مقدمتي ّ!

في ليلة ماطرة وغيومها سودة سودة
بدوار الجمعية بمنطقة الدعية
( منطقة سكنية كويتية )
وقفت اتأمل بيت شخص عزيز علي
طقيت فلشر ابيه يوقف !
أأشر أأشر ابيه ينتبه !
وانتبهلي اخيرا
ريال عود عمره باخر الخمسينات
شعره ابيض وايد وايد مممم اظني لو
اصغر بالعمر شوي يمكن بيكون وسيم
ممم يعني ملامحه بالنسبة لعمره مقبولة جدا
وقف نزل من سيارته انحناءة
في رقبته من كبر العمر
هو : هلا يبا امري
نزلت دمعتي مو عارفة شقول
شيماء : ابي انت ممم يعني ,,
ماعندي شي اقوله
هو : مساعدة يا يبا
شيماء : يازين كلمة يبا !
هو : انتي تعرفيني ؟
شيماء : لا انا بس ابي البيت اللي قبل
شوي كنت صافط يمه انت منهم ؟
هو : لا بس انا مارهم الدوانية
سمي تبين احد معين ؟
شيماء : ممم انا
هو : ذكري الله عقب تحجي الدنيا بخير
يبا مافي شي يستاهل هالدموع











ولهت عليكم هذا المهم بالقصة !

 

[دلووول الكويت]

شكلها رووعه القصه
يعطيج ألف عافيه حبيبتي
وبانتظار التكمله =)

 

[cαяless шнispeя]

تسلمين دلولة خلج قريبة ^^

 

[cαяless шнispeя]

بقلبي اقول : وينك يبا لاهي بس بتجارتك
الفاشلة على قولة امي
وينك ياخوي يا مشعل ؟!
كنت الاقرب على قلبي من بد اخواني
وكنت لا قلت اخ !! اعنيها وكنت اقولها
جم مرة
مو ألم لا والله انما ابي اخوي
يرد نفس قبل
صج لا قالو الدنيا تلاهي !
اهو : شسمج ؟
انا : اخوي انا بس كنت ابي اسألك
عن هالبيت
اهو بيت ابو احمد ؟
اهو : لا ابو عبدالعزيز
انا : زين عبدالعزيز عنده من قبل اربع
سنوات سيارة كوبيه سودة ؟
اهو : قبل اربع سنوات تعرفينه ( بأبتسامة !!)
انا : اقول لا يكون عبالك انا بنت بارعة
وعندي خرابيط
ترا المسالة ومافيها انه كنت اعرفه صديق
وفي يوم قال انه هالبيت
بيت ابوه وانه ابوه فلان
( له نفوذ بمكان عمله وصلاحيات !!)
فعشان جذي قلت اسألك يوم شفتك طالع
من مواقف قصرهم
اهو : ها ها ها ضحكتيني هذا قصر ؟
انا : حسرة علي عايشة بشقة غرفتين
وصالة مع وابوي وخواتي الاربعة !شنو
رايك يعني اكيد بشوفه قصر
اهو : قولي الحمدلله على الصحة
والعافية يا ..
ماقلتيلي شسمج !
انا : شكرا اخوي ماني قايلتلك
مع السلامة أنا بروح
حركت من مكاني تركته
يناظر سيارتي مستغرب
ضحكت بيني وبين نفسي والله اني
عاهة شنو هذا
معقولة انا محتاجة انسان عادي
ممكن لو اقوله سلام انا شيماء
ماحتى يذكرني !!​

وقفت لأني ما قمت اشوف من الجام
والمشاشة مو ملحقة على المطر ماشاء الله
بمواقف مركز الاحقاقي لمرضى
السكر يتبطل علي باب سيارتي
من الجهة الثانية !
والا اهو @@
انا : امبيه شفيك شتبي
اهو : ابي سلامتج توني سألتلج عن
الرقم من خال الولد اللي تقولين اسمه أحمد
انا : ها ,, مممم لا لا خلاص ما ابيه
والله انا ما عندي خرابيط
اقول اخوي انسا انك شفتني
اهو : مشي دموعج يا شسمج !!
انا : ههههه سوري يننتك على
اسمي
اهو : اي شسمج خو ؟
انا : شيماء

اهو : توقعت اسم حلو
انا : عفوا عفوا
اهو : ترا تونسين !!
انا : اخوي ترا
قاطعني : ترا انا بنية ماعندي
سوالف براعة ومو خربوطية وانا ما
عرف احمد هههههههه بس عاد ما مليتي ^^
انا : والله احرجتني

اهو : شوفي بقولج انتي انسانة نظيفة
احمد اللي تقولين عنه مو خوش
ولد نصيحة ان كنتي تدورين عنه
وفري هالشي
لأن ما راح ييب همه !
انا : مممممـ حاضر من عيوني
اهو : اي صج ترا عيونج حلوة
انا : اخوي لو سمحت
اهو : مو بارعة ولا خربوطية ترا
كرهت نفسي ههههههههه
انا : انا بروح
اهو : تعالي نشرب قهوة مع بعض
بستار بوكس
انا : سهالة السالفة ؟

اهو : ما تحسين انج دشيتي عرض علي
وما قلت لج اي شي ؟
انا : اي خو انا امر بظروف
اهو : مستعد اساعدج
انا : وفر على نفسك اللي ساعدتني فيه
اهو انك حذرتني من شخص كان ممكن يوقف معاي الحين عاد انتهى بليز
برد البيت
اهو : شيماء
انا : هلا
اهو : تعرفين الفنار اكو يمه مجمع يديد
اسمه -----
تعالي انا بالدور الاول عندي هناك مكتب
هندسي
اذا تبين اي شي تعالي وسألي
عن بوفواز !
شيماء انطرج اوك ؟
انا : خير ان شاء الله ​

[/FONTI>

 

[6amni bs]

رد : أعفيني {رواية واقعية مشوقة ..~

يعطيج العاافيه
كملي

 

[MeeMeeYoo_2]

يعطيج العافيه


عاد انا حدي احب رواياتج


ناطرتج

 

[البارونه*_^رونه]

يسلمووو بداايه حلووه بس معقده شوووووووووووووووي

يعطيييج العاافيه

ناطرينج

 

[so_what]

يسلمووو ناطرينج

 

[Zozαĺiиaђ]

الله شكلهاا عجيببه

يعطيج العافيه

ناطرينج

 

[الجود اصلي]

رد : أعفيني {رواية واقعية مشوقة ..~

القصه حيييييل حلوه
يعطيج العافيه ناطرين​

 

[cαяless шнispeя]

حبايبي انتو برب اكمل ^^




ميميووو مس يو ياقلبي انتي ^^^

 

[Miss.blue berry]

رد : أعفيني {رواية واقعية مشوقة ..~

شكــــلها حلوه البــدايه ~~
لووول بس معقــده شوي ما فهمت شسالفة شيماء ~~
و ناطريــن البارت الياي ~

 

[MeeMeeYoo_2]

حبايبي انتو برب اكمل ^^




ميميووو مس يو ياقلبي انتي ^^^

مي تو حوووبيي

 

[AooDoo]

نااااااااااايس كملي حبيبتي

 

[cαяless шнispeя]

السالفة ومافيها انه هالاحمد اللي طلعت
ادوره او اني حسيت
ممكن انه يوقف يمي هو انسان تعرفت عليه بالنت
وقف معاي بازمة مادية ومادري عنه من ايامها يمكن لأني انخطبت!
ياترى لو يدري اني معجبة فيه كنت ومازلت ممكن يردلي؟!
طيب هل اهو ممكن اكون مريت على باله في يوم ؟
امبيه شنو هالشاعرية الزايدة عندي هل ممكن
انسان شافني مرة وحدة بداعي الشفقة
انه يذكرني ؟
غبية كالعادة احس الكل يهتم فيني !!
والكل معطيني طاف !
مممم طيب وين اروح حدي متضايقة
للحظة اضطريت افكر بهالريال العود اللي قبل شوي
اخيه يا شويش لو انه اصغر شوي
جان زي الود علقتيه

اصلا نظرته كانت كلها اعجاب
احم احم حلوة يا شويش

غبرة @@
بس عاد شيماؤوو يوزي بسج

تلفتين نظر نفسج

وانتي حتى محد مهتم لج !




رديت البيت في وقت متأخر
اسمع صراخ برا
اقول في نفسي : وع ردينا للهم يا ترى
اليوم منو منزف من امي والا ابوي

عايلة مفككة يا ساتر
بطلت الباب : السلام
بابا : انتي وين كنتي بعد

شيماء : بابا شفيك مو قلتلك رحت ادور
على وظيفة هذا وانا قايلتلك
بابا : دشي دارج لا اشوف ويهج
ماعندي بنات يشتغلون
يا بنت .......................
<< نفس كل مرة يسب
عمره واعليه ريال عود فديته استخف وقعد

امي : والله ما يفيدج الا وظيفتج مالج
شغل فيه كاهو
قاعد ابوج شنو سوالي انا اشتغل واوكلكم
شيماء : يما شنو عشانا
ماما : شيماء مالي خلقج دشي غرفتج لا بوج لابو ..............
<< انسبيت لسابع جد

!!
امبيه خو كلها لقمة !
شيماء : يما غرفتي هههههههههههه
امي: شيماؤووو بس عاد لو الله يا خذكم
وارتاح << تبجي
شيماء : بس يما بسج ترا انتي اللي يايبه
الهم حق عمرج

يما : ابوج اهو اللي كرهني دنيتي
والا انا ويني
وهالعيشة ...........وين ؟! << سبة ^^
الله يرحمك يبا كنت مهنيني وقطيتني عند
هالحقير اللي حتى بناته عنسو بسبة اخلاقه
شيماء : اوخ @@ يمه شدعوة شهالحجي
لا يسمعونج يما حرام شذنبنا خو
امي : من زينكم وزين بختكم
واعليه عليها ذممتج
شيماء شنو سبب حظكم الواقف
غير ابوكم
بابا رافع عقاله عليها
كلنا نصرخ كل وحدة اكبر من الثانية ما اهتم
ماما : مو منك من ريحتك يا مال الزقوم
اللي فبطنك انت لو ما تدردع وتجابل
سيادة الصلاة سنة كاملة ما تقوم
منها ربك ما يغفرلك
بابا: والله محد مطفرني بهيشتي
غيرج وغير ابوج
ماما : انا شمصبرني اروح انام عند اختي ابرك
افففففففففففففف حياة مقرفة لا ام لا ابو !
فضو المشكلة كل واحد بدار وامي بعدها كشخت
وطلعت وين ماندري على اساس عند اختها !
دشيت داري على قولة امي روححو خمدو ابرك من مجابل ابوكم هههههه
سرير طابقين ياربي
متى نكبر ويصير كل وحدة لها غرفة نوم !
شيماء : قوة بنات
وردة : شوشو يبتيلي زقاير
شيماء : لا بس اظني تلاقين بجنطتي
كنا اربع عوانس وحدة عكس الثانية
بس كلنا متفقين على انه حياتنا في بيت
اهلنا جحيم
كانت وردة تتمنى ان تتزوج واحد لو
فيه عيوب الدنيا وتبقى
تخدمه عمرها كله بس عشان تنفذ من بيت ابوي !!
وعندي بعد اختي امل هذي شاعرة عسى
ما كلمنااها كلمتنا بالاخلاق والادب والشعر !
كانت مغرومة بنزار قباني تقول هذا
لو يسلم اكيد براسله يتزوجني
ولما مات قلنالها انه اكيد مات من حبه لها وفراقها على فراق
مرته بلقيس خلو حياته جحيم

مممم واختي الاخيرة اسماء قمة بالوقاحة
اشكره تواعد عند البقالة
يمكن هذي بعد احدى اسباب عنوستنا احس
كل الديرة يعرفونها من سوالفها البارعة !
عبالها انها تكانة ومحد يدري
بس انا اشك حتى راعي البقالة تسولف معاه
مادري اهو نقص مدري تفاهة لأن مايصير
اقول مثلا انها تعاني من حالة غبية
لأن اهي الجامعية فينا !!
مطلقة من دكتور بالجامعة حبها ومات فيها وخانها بعد زواجها بشهر
على قولتها يقول انه فيها عيوب الدنيا
وانها واثقة من نفسها وايد
احلى ما في اسماء فلوسها
منتفته بالمصرف وكانت
كله تقط علي الفلوس على قولتها
قبل كنت اشتري والبس له الحين اييب حق منو
بشهادة الكل اسوم احلى وحدة فينا @@
اما اخوي لاهي مع مرته وعياله الخمسة
وماندري عنه من 7سنوات
من تطلقت اسومي !!
عشتو يقول تفشلون
في هالبيت كلمن يقول نفسي نفسي !
ما يجمعنا الا الغرفة !
والا ولا واحد فينا يتمنى شوفة الثاني
هذا احساسي يمكن لأن ابوي تصرفاته مو مقبولة !
دق تلفوني : العموووووووووووم جبو
هذا واحد يديد ^^
وردة : عفية خل يطلبلنا عشان حدي يوعانة
امل : اذا من برجر انا ابي وابر
اسوم : تسنعو العن اشكالكم وحدة امتن من الثانية
متى تنتبهون على كروشكم !
منو بياخذكم انتو
شيماء : جب قلت
الو هلا
المتصل : مساء الخير
شيماء : مساء الورد
المتصل : انا علي اللي بموقع كويت .....
شيماء : هلا والله
علي : ريما ؟
شيماء : هلا قلبي اي وصلت خير
علي :لفت نظي نك نيمج
شيماء : اشمعنه
علي : تقولين وحيدة اسمع يمج سوالف
شيماء : لا عادي انا وحيدة امي وابوي
علي : وين عايشة @@
شيماء في بيت خالي
علي: اهلج وين @@
شيماء : الله يرحمه الوالد وامي عايشة في بيت اخوها عرفت
علي : انا اسف اذا احرجتج
شيماء : لا عاادي ماقلتلي جم عمرك
علي : 22
شيماء : من صجك @@
علي : اي والله
شيماء : هههه انا اكبر منك
علي : ادري شنو فيها
شيماء يعني مادري احس منو بيتزوج وحدة اكبر منه
علي : اها ومنو بيتزوج من غفة الشات مثلا ؟!
للحظة سكت !
علي : ريم !
شيماء : عيون ريم لا مو عن كنت اتغشمر
علي : قوليلي اوصافج ابي اعرف
صوتج المبحوح شلون شكل صاحبته ؟
شيماء : انت شنو تحب
علي : احبج بس قوليلي خل اتخيل
شكلج طويلة قصيرة متينة ضعيفة
شيماء : اسمي ريم هل بكون مو حلوة مثلا
وردة ( تصرخ ) : يوعاااااااااااااانة
صكيت الخط بويه الولد
يا بقرة

شنو ما تحسين انتي
شنو بيقول عني مفجوعة ولا مو شايفة
خير خو نطري نمثل شوي

وردة : اسوم تكفين دقي على غالي خل ييبلنا عشا امج شكلها ماهي رادة البيت اليوم
شيماء : وردو ولا جني اتكلم صح
الريال قاعد يدق تكفين لا تفشليني نفس المينونة
وردة : انا مينونة زين انا اراويج
وتسحب مني التلفون وتنعم صوتها لدرجة الغباء
نبي عشا ممكن
علي : منو انتي
وردة : اخت دلال
اسحب التلفون اصكه
واكفخها يا ثولة اسمي ريم ياغبية @:
وردة واسوم وامل ماتو من الضحك
شيوم : بنات مليت ودي احب
امل : وينكم وين الحب تدورون الحب وهذي تصرفاتكم
وردة : خو وناسة
امل : واذا كبرنا بعد شوي شنو بتصير
السالفة مصاخة صدقوني ​

 

[cαяless шнispeя]

امي كله تقول انه انا وايد حساسة
وانه امل حبيبة درجة اولى
وأنه اسوم ماتخاف ولا تستحي
حشه مو بنية لول
ووردوو غبية وهبلة هذا اهم شي

ابوي ماعاد يحبنا نفس قبل كله ينام برا البيت
اسوم عادي تواعد رفيجها عند باب البيت ماهمها
شي ولا جيران ولا اسم
تقول لي متى احنا مسكرين علينا باب الفرح
كل تفكيرها انه الوناسة مع الرياييل اهي العمر !!
ماتدري انه العمر يمشي واذا كبرت بيعطيها اللي
كان يموت عليها طاف من قلب !
احاجيها ماتسمعلي ممممم مع اني اصغر منها
بس اعقل لوول
مرت الايام امس مثل اللي قبلها ومثل باجر
نبي نغير
نبي نعيش الحب
تماما مثل ما امل تعيشه بخيالها !!
امل : بنات يلا مشينا اربعتنا الامارات ناخذ امي نونسها شوي !
شيماء : ممم انا اظن انه...
نطت اسوم قاطعتني : موافقة بس بشرط انا غرفة
بروحي بالفندق
شيماء: زين انا اقول
نطت اسوم : قلنا موافقين موافقين يا شيوم

شيماء : ولين وبعدين معاج
وردة : خلاص لا تسون سوالف كلنا موافقين
امل : الحين طلعلج صوت يالسنعة
وردة : جب

امل : جب انتي لا تقلين ادبج لا انادي ابوي

وردة : ناديه خل يعبر امج بدال ما كل يوم مسوية مناحة

امل : يباااااااااااااااااا

ابوي دش الغرفة يصرخ شفيكم
نطيت لى فراشي اشخر

يعني نايمة

بابا : اشفيكم
امل: لا يبا بس ظهري يعورني مو عارفة شسوي
بابا : انا بعرف انتو ماخذيتيو مني شي
ماكو الا دلع ومياعة نفس امكم
رودة : شدعوة مدلع امي
بابا: شقلتي

وردة : لا يبا ما قلت شي احاجي شيموو
بابا : شيوم تعالي يبا ابيج بسالفة
اتقلب على فراشي : يبا نايمة خو

بابا : شيوم

نطيت من فراشي : تمام يا افندم

رحت معاه غرفته اللي اهي الغرفة الثانية في
بيتنا وماكو غيرهم
شيوم : يس دادي
بابا: تحجي عدل شيوم
شيما: يس اقولك

بابا : اقول يبا ماجربتي محمودي على ويهج
شيوم : علاوي ممكن حمودي لا ما حبه دمه ثقيل

ضحك ابوي حتى بين ضرسه الفضي المخشوش هههههه
شيوم : ياحلوك يبا تستانس لما املق على مخك
بابا: شيماء يايج معرس شقلتي
قمت اعدل من كشتي وارتب بجامتي
شيماء : من صجك يبا اكيد موافقة
بابا : صج جيل هالايام ما يستحي
شيما : وما ينتخي الله يسلمك

بابا : شنو

شيماء اتثاوب يبا

​

 

[cαяless шнispeя]

بابا: روحي فكري يبا لا تستعيلين
رديت الغرفة وانا حدي متشققة واخيرا ستوب للعنوسة

ممم هل اقول حق هالعوانس والا بيطقوني عين

امل : شفيها بنت ابوها
وردة : اكيد زفها

اسوم: سوسة هذي تطلع نفسها من المشاكل زي الورد
امل : هلوووووووووو يا معودة الوووو نحن هنا
شيماء : جب قيرلز :d
اسوم : بنات خلوها اهي تندقر يالله تتحجى سألوني
شيماء : بتزوج

وردة نطت على فراشي : حلفي
شيماء يا حقيرة لو انكسر سرير شنو بتفيديني
العن شكلج يا دبة
اسوم : جذابة منو بيرضى فيج
شيماء : ممممم اللي رضا فيج بيرضى فيني
وردة : بس بنات عن المعاير

اسوم : بقوم البس هدومي مواعدة مالي خلقكم
خل اشوف عبودي

ابرك من مجابلكم
امل : انا بعرف شنو اخرة سمعتج الخايسة
ليش ما تعيشين بروحج

شيماء : امبيه لا تخربون فرحتي
امل: انتي تعرفينه ؟
شيماء ( أقلد ابوي : ماعندنا بنات يتعرفون على ريايلهم
اسوم :

اشكرة زافج ابوي
شيماء ( أغني ) : ياعواذل فلفلو

اسوم : وي ماعوزج مالت عليج وعلى اللي يبيج
وردة : باجر نقعد على الحيطة ونسمع الزومبليطة
اسوم : الزيطة يا حظي

وردة : انتي شحارج خو حدج حدج مطلقة

شيماء : وردة عيب بس عاد مو لهلدرجة
اسوم دمعت عينها : انا لو مو جلب جان ما طلقني
لميتها حيل : ماعليه ياهل يا ااسوم مالج شغل فيها
دزتني : اقول عن التمثيليات اشكره غيرة انتي وخواتج لأني احلاكم
وردة : زين جذي قايلتلكم هذي مو مال احترام وخري عني




صرااااااااااخ مو طبيعي
بابا دش الغرفة معاه العقال !!
ياربي ليمتى ننكفخ جنه يهال خو كبرنا خو اصغر
وحدة فينا وردة عمرها 23
يعني بس عاد
بابا : شيوم قومي نظفي البيت طربااخ على قفاي

شيوم : اوك اوك على هونك خو اي اي بروح
بابا: وردو شعندج ؟ويلطش الباب بالعقال
وردوو: يبا ادرس
شيوم : شكو تطقني ماتطقها

جان يرد يكفخني

الكل يضحك كل وحدة خذت المقسوم !!
شيماء : نعيما عليكم << اركض ادش الحمام انخش من قطيع البقر اللي هجمو علي
وردة اسوم امول : فيج خير بطلي الباب !
شيوم : طسو زين انا مخطوبة وراي امور ابي
اجهز لها على الريحة

وردوو : ويييييييييع من يومج لوعة
شيوم : بنات مابي صوت بليز الموضوع
يبيله تركيز

امي دشت البيت اسمع صوتها :شيوم سيارتج
مسكرة على الريال برا
شيوم : يما خو اهو اللي صافطها مكاني !
امي: ميخالف ماما ريال عود شكله روحي حركيها
شيوم : اوكي . بطلت الباب وهجم القطيع كلمن يقرص
ويريرون بشعري
شيوم : ااااااااي يمااااااااا لحقيني
ماما : يا بنات يوزو خو الريال ناطر تحرك السيارة
وراه دوام
شيوم : اوه يما خل يذلف
وردوو يارة شعري : اي والله خل يذلف خو
مشغولة فديتها عروستنا
اسوم : بس حرام اعفو عنها

ماما : ياربي صبيان مو بنات شنو هالخلفة !!
لبست عبايتي بعد ما افرجو عني وطلعت احرك سيارتي
والا اصادف !!​

</B></I>

 

[cαяless шнispeя]

طلعت اشوف منو الغبي اللي واقف مكاني بالمواقف

شيما :مممم ماظني مو مقصودة هذا انت !!
اهو : انتي لحقتيني من الدوانية
ما حسيتي انها مقصودة @@
توج تحسين فيها ؟
شيوم : والله السالفة ومافيها اني
ابي اسألك عن شخص !
اهو : ركبي السيارة وقوليلي
شيوم : ليش يمه لهلدرجة انا طايحة من عينك
ياي صوب بيتنا وتبي احاجيك @@
اوكي ركب سيارتج ابيج بموضوع !
انا : خير

<< ركبت السيارة بحرك
اسمع صريخ خواتي !

اركض على البيت المح الغالي مسجى
على الارض ولا حركة !
مات ابوي واهو اللي كل زفرة منه
باسمي تعيشني دهر

انشل تفكيري صراخ بكل صوب
والغالي راح
امي اللي كانت دوم على خلاف معاه : قوم قوم
يا لغالي والله مالي غيرك بالدنيا !

بوفواز( الرجل الكبير بالسن اللي
وقفته اسأله بالدعية !)
تكفل بالامر كله واقام العزا واخوي
مايدري عن ابوي شي !!
مسافر مع مرته عشتو !
ودعت ابوي ودعت ادفا حضن

ودعت اقسى وارق عقال بالعالم
وردة بالغرفة تبجي : اخ بس لو ترد يبا

والله اخليك تطقني صبح ليل
اسوم : الله يرحمك يبا كنت فرحتنا في البيت
امول تلمني واهي تبجي : شوشو ابي ابوي ما
ابي احد غيره خل ياخذ من عمري بس يرد

وانا اسكت فلانة وعلانة ومن داخلي منهاااااااااارة

مات الله يرحمه بالسكتة القلبية !

 

[cαяless шнispeя]

خلال العزا كان اخوي مسافر كالعادة !
وقلنا محنا رادينه مخترع !
مع انه اجمعنا احنا البنات انه ماراح يهتم او يقص سفرته !!
محد وقف معانا حزتها الا خالي
وبوفواز اللي قلتلكم لحقته بالدعية !
ماقصر حقيقة كان يايبلنا ستاف الخدم
والكراسي للمعزين وحتى
البركة للمرحوم سوا لنا !!
ياترى ليش !
شيبي !!
ما طرا على بالي اسأله ما توالمنا الظروف انه نسولف مع بعض !!
اخر يوم عزا ياني مسج من رقم غريب
اي شي ناقصكم مايردج الا لسانج !!
اول من طرا على بالي قلت اكيد بوفواز وركض على
غرفتي ادق اشكره
انا : الو
بوفواز : البقا براسج يالشيخة
شيماء : راسك سالم وبيض الله ويهك اي والله ما قصرت
<< بجيت

بوفواز : سمعيني يبا ابوج مات انا ابوج الثاني
شيماء ...........................
بوفواز : ارتاحي اكلمج بعدين
وصك الخط !
ممم يا ترى شنو يبي فيني
امبيه حنون وايد ياترى يبي يتزوج امي مثلا ؟
اخذ حيز كبير من افكاري هالبوفواز !​

البيت حده كئيب وامي خذت على الوضع على مدار اسبوعين
اخوي ومرته وصلو ودرو بالخبر وكأن مافي شي
عزانا و ما اذكر انه بجا @@
ولا مرته مالمحت دمعة بعينها !​

من المفروض انه اخوي يقعد معانا خصوصا
انه ماعندنا ريال باليت بعد عين ابوي !
ولكن كلام مرته يمشي بلا ادنى شك !!

وخلانا وراح وزيارته لنا كل شهرين اذا
احنا دقينا وسألنا يعني مو من كيفه !
معاشالشؤون ما يكفينا خصوصا انه
بنات ونبي مصروف !
فكرنا باعمال هاند ميد وقلنا نعتمد على نفسنا لو انه
الامر متعب لكن بيقضي وقتنا بشي مفيد ومسلي !
ونزلنا معارض وشدينا حيلنا وماشاء الله كل وحدة عندها مبلغ فوق الالف بالبنك !
كل طموحي اني ابطل صالون !
في يوم قلت حق امي برجع ادق على بوفواز
واستفيد من علاقاته وبيزاته عشان يبطلي
مركز تجميل !
مارضت امي تقول اذا صاحبك عسل لا تلحسه كله
اسوم : يما بشتريلي سيارة
يما : اللي تبي تدفع حق نفسها ما قدر امنعكم لكن اني
اعطيكم لا والله يما ما عندي
اسوم : خلج كووول يماا بشتري لو بالاقساط

يما : سمعتي شقلت ؟ انا قلت لا ما عندي
الا فلوس اختج تشتغل وتعطيني تاخذينهم على اساس
دين والبنت تبي تسوي شي تشد حيلها فيه
بعدين تتوهق لا !!
ياني اتصال
شيماء : بوفواز يما اششششششششش خل اقوله
امي : لا لا تقوليلنه قوليله بشوفك وبعدين فتحي الموضوع
بوفواز : قوة يبا شلونج
شيماء : هلا فيك الله يسلمك بخير وانت
بوفواز : انا بخير بس ,,,
شيماء : بس شنو ؟
بوفواز : ولهان عليج
شيماء : @@ نعم

بوفواز : ولهان عليج
شيماء: المهم انا ابيك بموضوع
بوفواز : تذكرين يوم اقولج تعالي
مكتبي صوب الفنار
شيماء : اي بس ما عندي سيارة
بوفواز : اليوم برسم الخدمة الساعة اللي تبينها
دقي علي انا اطرشلج السايق !
شيماء : امل بتيي معاي
بوفواز : انا ابيج بروحج فيه مانع
شيماء : مممم شتبي بالضبط
بوفواز : بتيين تعرفين شنو ابي
شيماء : اوكي انا اشوفك على المغرب
بوفواز الحين اخلي السايق يزهب السيارة اللي تليق مقامج وييج
شيماء : ممممم شكرا <<< دخت

​

 

[cαяless шнispeя]

كنت اظن ان الحياة بعد ابوي بتوقف
لكن على ماقالو النسيان نعمة
اكثر الايام مشاكل اسرية ماتتعدى جر الشعر
كانت متعتهم طق بعض
على قولة ماما اسود مو بنات لول
اسوم هدت ماعادت نفس قبل تواعد
وتفرفر على راحتها !!
اظني حبت واحد واخلصتله !
امولة انخطبت بس مشاكلها ماتخلص كثر
ماتغار على خطيبها
اما وردة كل همها تلبس وتروح الجامعة
متأملين فيها خير
انا مممم طول الوقت افكر في ابوي وشلون مات !!
حتى كلامي مع ابو فواز كله عن ابوي
اهتمامه فيني غريب مرة ذهب مرة الماس
ومرة عشا برا
امنيتي انه يقولي انه مهتم فيني حتى لو لغرض في نفسه !!
ماكان يقول

تعلقت فيه الصراحة
من يوم ما قالي ناديني بابا

في يوم على طاولة الطعام في مطعم صنوبر
والجو يرد الروح
الساعة 8 ونص
بوفواز : منورة المكان
شيماء : هذا نورك باباتي

بوفواز : انتي منورة مو بس المكان انتي
من عرفتج نورتي حياتي !

شيماء : باباتي يوز عاد لا تتحرش
في نفسي كنت افكر في غايته مني !
معقول كاسره خاطرة !!
زين هل لو طلبت انه يتكلم ويصارحني ممكن يبعد !
بوفواز : شفيج سرحانة ؟
شيماء : ها @@ لا مممم
بوفواز : مو قايلج سرحانة ههههه
شيم : تبي الصج ؟
بوفواز : قاصرج شي يبا ؟
شيمو: ممم بصراحة اي
بوفواز : طلبي عيوني احطهم لج بالصحن اللي جدامج
شيماء : اغلى من عيونك ابي
بوفواز : جربي وطلبي
شيماء : حقيقة انت مو مقصر علي من توفى ابوي
وللحين صارلي 6 شهور اغلى
واحلى لبس وكل
شي بخاطري اسويه
للأمانة ماديا انت مكفي وموفي
بوفواز : وشنو تبين بعد ؟
شيماء : بابا ان احب فيك اهتمامك لكن !
بفواز مقاطعني : لكن شنو ؟
شيماء : لكن الأهتمام مو كل شي انت تغار علي صح ؟
ابوفواز : طبعا عندج شك بهالشي ؟
شيماء : ما اشك لكن تقدر تقول اني افكر معقول انت تحبني ؟
بوفواز : الاكل برد
شيماء : لا تتهرب صارلي مدة طويلة معاك رسيني على بر !!
بوفواز : شيماء اكلي يبا عشان بعد شوي نكمل
سوالفنا واحنا رادين البيت
قمت اكل جني مفجوعة ابي اخلص

بسرعة بفهم شنو السر
ردينا بالطريج وابد ما تكلم وكل ما اقول بنفسي ابي اصارحه
يدش بموضوع يديد بس مو نفس اللي بقوله له

ياترى لي متى !!​

</B></I>