أعـامل رفيجــتي جنها تشتغل عنــدي -مشـكله- !!

[دمبوووشه]

عاآآدي مرت علي شخصيات مثل شخصيتك
بس عني أنا اللي ماتحترمني تدور وحده مثلها أنا اهم شي عندي بالصداقه الإحترام والثقه
وصديقتك مثل بعض البنات عندنا تحب تكون مثل العجينه كلن يعجن فيها علي مزاجه وهي تستاهل أجل شخصيتها علي أهلها وانتي سمعآ وطاعه
وترا فيه نوعيه من الحريم مع صديقاتها ومع زوجها تحب تكون منقاده ماعندها كرامه ولا شخصيه واللي يدلعها تتسلط عليه ههههههههههههه
صديقتك ترا منهم
هذا رأي اللي شاف نوعيه مثلي بيعرف وش مقصدي واللي ماشاف ان شاء الله مايشوف

ياإاي حتى انا مرو علي بنات جذي ماكو شخصيه واذا احد عطاهم وجه يركبووونه يعني ماينعطون وجه
بس الصراحه لازم تغيرين من نفسج عشان ماتخسرين رفيجاتج وتصيرين وحيده <<< اخيس شعووور

وطبعا مو تنسين تقوليلنا التطورات يعني اذا صارحتيها وتأسفتي منها قوليلنا ردت فعلها<<<< ياحبج للسوالف :d

 

[Mjnont '3lay]

والله حبوبه كل شي وله حدود لا تحسبين سكوتهم طيبه يمكن مايبون يخسرونج كصديقه لانج من سنين وياهم سواء 3 سنين او اكثر بس هذي اسمها عشرة عمر بعد بس مو معناه انه مرح يجي اليوم اللي ينفجرون بوجهج ويقولون لج مصختيها ترى وكل فعل له ردة فعل اكيد وانتي عارفه هالشي
يعني مثلا انا نوعي اسكت واسكت لانه رفيجتي ومابي اجرحها واقولها على فكره مليغه لا تستخفين الدم بس بنفس الوقت كل شي عندي اذا زاد عن حده يقلب ضده يعني لو انتي رفيجتي ومسويه فيني جذي ايه بسكت مره مرتين ثلاث بس لمن انفجر رح ارد عليج برد عمرج ماسمعتيه ورح اجرحج والله لانه الكتم الزايد يولد الانفجار ويقوولج مو زين الواحد يكتم واجد لانه اذا انفجر مصييييبه يطلع الاكو والماكو يعني شي انتي ناسيته تلاقيني اقولج عنه وللحينه بقلبي عشان جذي كوني حبابه معاهم ولا تكونين متسلطه ومو معناه ساكتين يعني راضيين انتي رفيجتهم ماقلنا شي تمونين عليهم ماقلنا شي بس الا الكرامه والميانه لها حدود يعني مثلااااا انا امون على رفيجتي اقوووم من باب الميانه اسب امها واغلط على ابوها !! هذي اسمحي لي تعتبر قلللة ادب مو ميانه

 

[Green tea 93]

ذكرتيني برفيجه اختي انا اختي معانا ما ترضى على نفسها بس رفيجتها جذي تعاملها نفس ما انتي تعاملين رفيجاتج


الصراحة انغثيت منها

لا تمصخينها مع رفيجتج اذا كان حبيبك عسل لا تلحسه كله اهيا جذي معاج لأن تعزج بس بيي يوم تكرهج فيه

 

[Patcholli]

حرام عليج خافي ربج ..!!
ولاتخلين الناس ياخذون عنج انطباع بشع و مشوه .. الصراحه لو عندي صديقه جذي مثلج جان كسرت خاطري وقلت هاذي فيها عقده نفسيه يمكن من جذي رفيجتج تسكت .. تظن ان فيج شي نفسي ؟؟ هاذا الي اتوقعه ماتوقع انها ماتعرف ترد عليج

 

[الحيا]

غيري اسلوبك ياعسل

 

[الهنوؤوفـ]

بشري شو سويتي

ما حاولتي شوي تتغيري هاليومين من بعد الردود؟؟؟؟

ما اعتذرتي لربيعتج؟؟؟؟

كثري من ذكر الله ترى ابليس يجيبلج العصبية


لا اله الا الله محمد رسول الله

 

[lolO29]

انتي هبله مو صاحيه

 

[سمر شمر]

مع احترامي لج ماحب نوعيتج ولا افكر اختلط فيهم

انابنت عمتي رابين مع بعض وكشيت منها لانها مثل اسلوبج

مهما كانت حجم العشرة الواحد عندة كرامه وصعب هالكرامه تزعزع

هذي شلون صابرة عليج انا خواتي لو يفشلوني احاجيهمعلى يم

شلون هالدوور رفيجة مهما كانت عشرتي معاها يمكن انتي حطمتي ثقت رفيجتج بنفسها

وخليتيها مثل الخداامه ياويلج من الله صححي غلطتج وسنعي اسلوووبج

 

[brettey]

لاتزعلين لو انا مكان ربعج ما اسكت لووووول ما اتحمل احد يتامر عليي وينتر عليي للاسف انا بعد عصبيه وااايد بس انا ما اتامر ولا احب احد يامر عليي
والله ابي حل حق عصبيتي

 

[باقة ورد]

الحمدلله والشكر
العقل زينه

 

[نعم نعم شنو]

سبحانه الله يمكن اهى تعامل اهلها جذية فسلطك الله عليها

لأن اهم شىء معاملة الأهل
والله يعين لأن ساعات نفلهااااااا على اهل طيبن والله المستعان

سبحان الله نفس الكلام الي كنت بقوله والله العظيم

كنت بقول ربي مسلط عليها وحده نفس ما اهي تعامل اهلها

 

[نعم نعم شنو]

حبيبتي اول شي توقيعج اكبر غلط لانه اذا شفتي التوقيع راح تعززين هالشي بمخج

انج صح ماتقدرين اما لو كاتبه اقدر جان كل ما قريتيه قلتي اي صح اقدر

و كلمتج "ماقدر" هذي دمااااااااااااار لانه عقلج الباطني راح يتم يعززها فيج

اكثر واكثر

ثاني شي تبين شي يخليج هاديه ؟؟



ماكو غيره اهوا شي واااااااااحد تقرين سورة البقره كل يوم والله العظيم مو تكونين هاديه

الا اكثر من هاديه وعلى طول قولي لا اله الا الله استغفر الله

اكيد ماراح تتغيرين بيوم وليله بس مع الاستمرار ومع العزيمه والاراده انج

تتكلمين مع نفسج وتعززين الروح الايجابيه فيج انج تقدرين وانا واثقه اني اقدر لانه الله معاي

وبهالحجي ومع استمرار قرايه سورة البقره ان شالله تتغيرين باذن الله

 

[αησмα]

؟؟؟؟


لو عندي وحده واتعاملني نفس معاملتج رفستها بوجها للعلم


شنو تعاملينهم جذي تتسلطين على رفايجج بهالطريقهـ شخليتي لاهلهم ؟


سنعي اسلووبج مع البنات باجر بتقعدين برووحج <<<<<<<<<<<<<<

 

[الوردة المكنونة]

العيب مو فيهم فيج

ومهما صبراو عليج مردهم بهدونج اذا تميتي جذي

وسكوتهم عليج احترام لعشرة السنين اللي بينكم

بس كل شي يزيد عن حده يقلب ضده

عدلي اسلوبج معاهم وهالنوعيه من الاصدقاء نادره حافظي عليهم لا تخسرينهم وتندمين

 

[مرمووور]

لازم تعدليين طبعج
بااجر البنات يملون من اسلووبج
وماتلقين ولا وحده يمج
؛

 

[ريتاف]

اسلوووبج غلط الله يهديج بس هي ساكته عليج موضعف منها تقدرالعشره الي بينكم


بعدين راجعي نفسج ولا تسمعين كلام الناس فيها انتي اذاتحبينها كان ماسمحتي لاحد يسبها عندج



الله يخليكم لبعض ويبعد عنكم الحسااااااااد

 

[Ai-chan]

تذكريني ب ربيعتي


انا وهي واااايد وبا بعض و دوم نفرح و نحزن لبعضنا و تدافع عني

مرات أحس جنها ريلي مثلاً تسأل عن طلعاتي و تعصب إذا ما أرد عليها

بس هي مرات أحسها متسلطة و مرات ما تتقبل رايي

و بعض الأحيان تستوي حساسية من بيننا بسبة هالشي


بس بعد الحمدالله اللي عطاني ربيعة شراتها
لو ألف ما بحصل وحدة تحبني مثلها

إنتي حاولي تخفين عليها و تهدين معاها

 

[عود جبريت]

انا قريت كل الردود وخذيتها بعين الاعتبار سواء رد جارح او لا اعتبرته نصيحه

انا مستحيل اعتذر يعني انسوا هالموضوع

ولكن حاطه ابالي اغير طريقة تعاملي بالتدريج وبغض النظر عن الاشياء التافهه اللي تخليني اطنقر واحط الحره برفيجاتي

وبصراحه محد يحس بصعوبة الشي الا اللي مجربه يعني تقولون غيري اسلوبج وهالشي مايصير بيوم وليله

بس راح احاول وبديت احاول هالفتره اللي طافت لكن للحين ماقدرت اتحكم بأعصابي عدل

مشكورين كلكم وحده وحده ماقصرتوا .. واذا فيه نصايح ثانيه وممكن انها تساعدني تفضلوا

 

[عود جبريت]

لاتزعلين لو انا مكان ربعج ما اسكت لووووول ما اتحمل احد يتامر عليي وينتر عليي للاسف انا بعد عصبيه وااايد بس انا ما اتامر ولا احب احد يامر عليي
والله ابي حل حق عصبيتي

العصبيه مالها حل

 

[وجع قلبي]

اكره اللي يقولون هي سااكته و ليه ماتدااففع عن نفسها دام مو عاجبها !!!!!!!!
ماحطيتي في بالك انها حاشمتك لانها تححبك و ماتبي تخسسسرك
و الدليل طبعها هذا بس معااك انتي
حطي نفسك مكانها
مثل ماانتي ماترضين على نفسك المفروض ماترضين علييهااااااا
و ترا مرد الواحد ينفججججر