أعز صديقة عندي بتولد شنو أهديها؟

[بلي ستيشن]

الله يخليكم صديقتي حامل بتوأم وراح تولد الأسبوع الجاي ساعدوني أبي هدية حلوة وغريبة

 

[بلي ستيشن]

اشدعوة محد رد

 

[سعوديه كويتيه]

والله مادري
حتى انا اعز صديقه بتولد ومحتاااااااااااااااااااااااااااااااااااااااره شنو اهديها
ان شالله يفيدونا

 

[<< أزيان >>]

ساعه خاتم له قيمه او طقم للبيبي او قسايم من محلات الشايع اهي تشتري فيهم على ذوقها او فلوس

 

[الباحثه]

الهديه علي حسب الميزانيه انتي قولي لنا ميزانيتج واحنا نقولج افكارنا

 

[النبيطة]

الهديه علي حسب الميزانيه انتي قولي لنا ميزانيتج واحنا نقولج افكارنا

:bbbiu::bbbiu:نفس الكلام

 

[Saroon]

خاتم او ليرة حق رفيجتج وهدووم حق البيبيز

 

[ebtsama-3re9'a]

انا اقول اذا فيها بنيه اشتريلها ذهب مثلا سوار او تراجي او قلب

او بروش

واذا كلش اشتريلها هدايا وايد كثر معزتج لها
مثلا ملابس واشياء جقها قميص نوم وجذي

وغلفي كل هديه بروحها او حطيهم بقواطي

ويصيرون وايد يعني خمس هدايا سته على حسب اشكثر شريتي

وبجذي انتي شريتي وايد اشياء

وراح تستانس كل شوي تفتح هديه غير

اتمنى افدتج

 

[بلي ستيشن]

مشكورين حبايبي على أفكاركم- بس هم محتارة أنا ميزانيتي بحدود 100 الي 200 دينار

 

[meen_ana]

شتري لها ملابس حق البيبيز
يعني شنو فيها اذا بنات ملابس البنات يشوقون
ولا شغلات تخص اليهال

ولا غلفي الفلوس وعطيها اياهم

 

[الريادة]

اخذيلها طقم أثاث(كبت بيبي صغير, طاولة و كرسي, رفوف تحط عليها ألعاب) حلو شوقني خذيته حق رفيجتي من red tag .

 

[سعوديه كويتيه]

حبيبتي الرياده
من وين احصله باضبط وكم اسعارها
شاكره لج

 

[بلي ستيشن]

حبيبتي الريادة اهي شارية غرفة كاملة فما ادري شنو اسوي

 

[al-zabarjad]

مممممم
انا توني شارية حق رفيجتي والدة ويابت بنوتة
طقم بجاما اهي وبنتها نفس الشي من اوشو بحدود حوالي 35 دينار
وشريت لها سوار ذهب يشوق من داماس ب 45 دينار مع تراجي

وفي شغلات تشوق من الانترنت حق البيبي مثل مصاصة شوارفسكي
ومصاصة الشبك حق الفواكه
ومهادات من كلا كلا
ومصاصة مالت الدوا
.........
تقدرين تشككلين لها تشكيلة حلوة من اللي قلت لج عنها

في طقم من بربري حق الاطفال عطر وشور جيل وكريم وصابون وشامبو وايد حلو الطقم وطبي لليهال

.......
عندج محل مامز اند بابز
في تشكيلة ملااابس تشوق للبنات والأولاد
....
عندج محل اوركسترا
يبيع شغلااات لنيو بورن وايد فظيعة
مثل جيااااس البيبي ويه لحافة
جنااط للبنات والأولاد
ووايد شغلات فناتق عندهم
..............
طولت عليج بس ان شاء الله اكون فدتج

 

[بلي ستيشن]

مشكورة alzabarjad وااااااااااااااايد استفدت

 

[نوره في وسط صوره]

انا حماتي ولدت رحت شريت صندوق وحطيت قش وشريت بدلتين من جونيورز وبدلتين من مذركير يهبلون الاطقم الكامله مالت المواليد عرفتيهم روووووووووعه وحطيتهم بالصندوق وشريت كاكاو سنع بنفس اللون الوردي وقطيتهم قط بالصندوق وشريت من محل يم رامز مال عيد الكيلاد تفافيخ على شكل بيبي ورديه وعلقتهم بالصندوق ووصار شكله تحفه
وشريت صنوق صغير وحطيت فيه قش وقلاص كبير شريتهخ من مارك سبنسر من ركن المزروعات وحطيت فيه بيض الصعو وكاكاو على شكل بيض ودبدوب وراه وظرف ماسكه الدبدوب لونه هم وردي وفبه 30 دينار وفكرت اني اشتري اسوار مال البيبي ذهب مكتوب عليه ماشاء الله بس قلت اكيد انها مصفره كل الي معاها من الاستقبال والولاده فقلت الفلوس احسن بس صج كان اشكالهم روعه والله كل الي قاعد انبهر باللي دشيت فيه

 

[$أنوووثه$]

انا لما ولدت رفيجتي الخااااااصه دزيتلها عالمستشفى بوكيه ورد فخم ولمازرتها بالمستشفى اخذت معاي صينية كاكاو كشخه طبعا هديتها خليتها لما تطلع من المستشفى وترتاح.. اما بالنسبه لهديتها فانا فضلت اعطيها فلوس عشان تستفيد منهم اكثر بس سويتهم بطريقه حلوة رحت لبوكيه الهدايا طبعا موشرط اهو عندج بوابة الهدايا اواي محل هدايا واخترت صندوق شكله حلو وخليته يعبيه قش وحطيت فيه 100دينار على شكل زقاير يعني كل عشرين لفها بروحها مثل الزقاره وربطها بشريطه ووزعهم بالصندوق وبعدها سكر الصندوق وغلفه طلع شكلهم كشخه وذرب.. اتمنى اكون فدتج..

 

[sho-sho_93]

ذهب

 

[بلي ستيشن]

مشكورين بنات على الردود ما قصرتوا والله:eh_s(6):

 

[الهنوووف]

ويينكم بناات نبي بعد افكاركم الحلوه والغريبه ومن ويين تشترون الصناديق واانا من زمان ادور البالونات اللي على شكل بيبي او شكل مميه وين بعد اماكن يبيعوونهم تتوقعون القى في مكتبة السنافر ؟؟