أطمح لتحقيق الكثير .. ومتفائله بذلك |يومياتي للوصول لرشاقتي|

[مـذهـلـه]

بسم الله الرحمن الرحيم ..



بدايه \

حبيت أفتح هالموضوع عشان أستمر وأتشجع بالرجيم

وعلى فكره بما إني خبره بالرجيم وسويت السنه اللي طافت وضعفت
وخسرت كيلوات واايد الحمدلله ,
بس بديت هالسنه أردهم وتكيسلت شوي ..
حبيت أبتدي من يديد ما دام إنا بعطله خل أستفيد من وقتي ع الأقل

نظامي :

تخفيف بدون حرمان + رياضه + ماي :rerrerek:

عشان أستمر فيه وما أهده وأخليه أسلوب حياتي إن شا الله :eh_s(7):
هذي أهم نقطه عندي إني ما أسوي رجيم قاسي وأضعف حييل وفجأه أتركه
وأرد مثل ما كنت :eh_s(1):

إن شا الله تستفيدوون الموضوع راح يحتوي على معلومات غذائيه ..




برب :eh_s(17):

 

[مـذهـلـه]

معلومات عني


طولي : 155

الوزن الحالي 68
الهدف الأول 65
الهدف الثاني 60
الهدف الأخير 55

 

[مـذهـلـه]

معلومات عن النظام


تخفيف باستمرار وأنظمه غذائيه متنوعه

أكثر من شرب الماي

يوميا رياضة الدرج 12 مره قبل الغدا وقبل العشا

يوم وترك أسوي رياضة الغزال الطائر

أستعين بالجاي الأخضر

راح أبتدي إن شا الله اليوم 11-6-2012

وبإذن الله أوصل للوزن اللي أبيه 11-7-2012

يعني المده شهر وإذا ما كفاني راح أكمل برمضان نفس السنه اللي طافت إن شا الله ..

 

[نورالدنيا***]

متابعينج شدي حيلج بسم الله

 

[مـذهـلـه]

النظام ..

الريوق : إذا قاعده متأخر 3 حبات جوز
وإذا قاعده مبجر توست وجبن أو بيض مفيوح + توست + حليب كرنيشن أو نسكافيه + قفشة شكر وحده,
+ 2 ماي .

قبل الغدا 12 مره رياضة الدرج.

الغدا : إيدام + 4 قفشات عيش + سلطه أو خضره + 2 ماي.

السناك : كتكات أو 3 تمرات + قهوه أو عصير أناناس أو برتقال + 2ماي.

قبل العشا 12 مره رياضة الدرج.

العشا : 2 شريحة توست + جبن أو حلوم أو لبنه أو بيض مفيوح أو مقلي بزيت + عصير أو حليب + قفشة شكر+ 2ماي.

___

ملاحظات /

رياضة الغزال الطائر إن شا الله بتكون يوم وترك ..
راح أسوي رياضه لشد الزنووود بعدين بكلمكم عنها إن شا الله ..
اليوم اللي أكون فيه معزومه أستغني عن وجبتين الغدا والسناك وأزيد من رياضة الدرج 12 مره + جاي أخضر.

 

[مـذهـلـه]

نور الدنيا نورتي حبيبتي

 

[مـذهـلـه]

أول شي ودي أقولكم ليش إخترت الجوز بالذات يكون بنظامي ..

أذكر لكم فوائد الجوز (عين الجمل) :

أول شي أحسه يسد الشهيه بشكل فظييع ما تقدرين تاكلين شي عقبه ..

ثاني شي له مفعول كبير في تقوية الذاكره والحمايه من الزهايمر , وانا الصراحه ملاحظه نفسي وايد أنسى هالأيام

 

[مـذهـلـه]

فوائد رياضة الدرج :

هالمعلومات من دكتورة التغذيه فوزيه العوضي ..

إن صعود ونزول الدرج يعادل المشي نص ساعه تقريبا ..
و هالرياضه تساعد في تقسيم الجسم للنساء , إذا كنتي تشفطين بطنج مع المشي ..

وأثبتت لي هالمعلومات هالكلام اللي بالإقتباس
لقيته بموضوع عن فوائد رياضة الدرج :

يساعد على التخلص من العيوب التي تشوه القوام وينمي
عضلات المؤخرة والردفين والساقين في فترة لا تتجاوز 5 أسابيع

صعود الدرج لمدة 20 دقيقة يحرق من 200 إلى 300 سعر حراري أي ضعف
عدد السعرات التي يحرقها الجسم خلال السير على الأقدام لمدة طويلة

شدي جسمك كله واشفطي البطن ولا تنحني للأمام مع ملاحظة
أن يكون الكتفان في وضع استرخاء للخلف

 

[Enthusiastic]

بالتوفيق :ggdw::eh_s(17):

 

[exanon]

موفقة يا رب

 

[&كرز&]

انا بسوي رجيم التخفيف معك بس متى توزني
انا عندي سفر تقريبا الاسبوع الثاني من شهر 7
فقلت خلي اسوي رجيم الى ان يجي وقت السفر
وزني بالستينات ما اعرف كم بالضبط باجر اوزن واكتبه هنا
وطولي 158

بس باي يوم بالاسبوع نوزن؟​

 

[مـذهـلـه]

منوريني بنـآت ..

كرز حياتي خلاص اوكيه بما إني خربطت اليوم للأسسف !!
راح أبدي إن شا الله تاريخ 15-6-2012 << هذا التاريخ كنت حاطته فبالي من قبل بس تحمست مع المواضيع
وخربتها اليوم وقلت لااحقه موعدي الأول 15 ;s
المهم خلاص إن شا الله تاريخ 15 نقيس وزنا مضبوط ونبدي بإذن الله ;*

 

[فواصل]

بالتوفيق

 

[فجر79]

هلا خواتي ،،،،

انا حابه أشارك معاكم عندي زيادة في وزني وودي وزني
يصير مثالي ،، بديت 9 - 6
ومتبعه التخفيف ورياضة الاوربتراك وتمارين المعدة .

ويالله شدوا الهمة .. انا معاكم ....

 

[مـذهـلـه]

اووكي إن شا الله باجر أقولكم تفاصيل يومي << متحمسسه ..

وبروح إن شا الله أقيس وزني وأشتري أغراض

 

[مـذهـلـه]

صبـآح الخيير ..

اليوم شربت قلاصين ماي ..

ناويه أتريق شريحتين توست + جبن + طماط + حليب كرنيشن وقفشه وحده شكر ..

قبل الغدا بسوي رياضة الدرج 12 مره ..

الغدا إن شا الله بيكون صينية دياي بالفرن + سلطه بزيت زيتون وخل وليمون + يمكن أحط 4 قفشات عيش أبيض أو خبزه ..

إحتمال ما أتعشى لأني مخربه نومي وبنام قبل العشا

وبوزع 4 الى 6 قلاصات باليوم ..

 

[كيكه توفي]

بالتوفيق

 

[فجر79]

هلا خواتي ،،
ان شاء الله نوصل للمطلوب انا عجبني ريجيم الدكتور محمد ربيع وأحاول اطبقه
والحمدلله ،، بس ماقلتوا متى نحط الوزن

 

[مـذهـلـه]

هلاا فجر اي كنت أسويه حييل حلو ومريح ما يتعب ..
مادري انا مخربه نوومي

..

منورين

 

[مـذهـلـه]

بناات أمس ما مشيت على اللي كتبته إتفقت إني أنزل اليوميه بعد ما أسويها لأن ظروف الأيام تلخبط ..
أمس كان زواره صمت كل اليوم بس كليت صحن منوع لأطباق الزواره + 5 قلاصات ماي باليوم كله ..
سويت رياضة الدرج مرتين

اليوم تريقت بيضه وحده مقليه بزيت + توست + جاي حليب إحتمال أنام ما أقعد الا متأخر