|| أصيـر خـدامتـك حبيبـي و تصيـر إنـت البيبـي ||

[اخت خالتهم]

حبيبتي الله يرزقج ان شاء الله ويعوضج ويفرح نظرتج
اسفه زعلتج لكن كلامي مو عنج ولاحقران فيج
توقعت مو متزوجه من الموضوع مااقصد شي شخصي بشخصج
ولاقللت من احترامج على عيني وراسي حتى لو مو متزوجه
كل قصدي ان هالحجي عادتن يكون من ضمن الاحلام الي قبل الزواج
عموما الله يهنيج وسوري حياتي :eh_s(7)::eh_s(7):

حصـل خير إن شـاء الله و الحمدلله لا اهو افـلام ولا مسلسلات وايد مطبقينه
والحياة سعيده ونهايتنا الموت خلنا نجرب كل شي بحياتنا

بعض الردود تعجبت منها
كل وحده وردها عرفت كيف تعامل زوجهامعها
عادي اقول لزوجي انا خداامتك مواهااانه يعني هو مايقووولك لك انا سووواقك اليوووم اي مكان تبين اوديك وامشيك هل هذي اهااانه له
والله ماعمرنافكرنا بالاهانه
مافيه اهانه بي الازواج
اكون امه وبنته وزوجته وخدااامته وممرضته وكل شي يريحه
(وبعدين اي موضوووع ع طول تقوولون ولد)ارتقو شوي


الردووود تحروتنرفز
يسلللللللللللمو حبوووووبه

فـديتج والله يا الغـاليـة حيـاج الله حبيبتي و الله يهنيج بحياتج

اللهم صل علي محمد وال محمد

سوري صاحبه الموضوع ..... مو شرط كل الردود تبرد الجبد .... كل وحدها ورايها ....وتقبلي الراي الاخر بصدر رحب بما انه ما فيه تهجم عليج وعلي شخصج ..... :eh_s(7):

حبيبتـي المحترم محتـرم يا الغـالية و اكيد مو انتي القصـد لكن في ناس تهجمت على كعضـوة والا الردود الثانية على عيني وعلى راسـي .. و بالعكس انتي احترمج ووايد احب ردودج

اليوم حبيبي مندمج بالفيلم و قاعد يضحك على مشهد سخيف ما يضحك

جان أقوله وي سلم قلبه حبيبي جنك بيبي بو 3 سنين :eh_s(22):
جااااااااااااان يعطيني ذيج الخزة اللي بطرف عينه
انا شخصيا أسوي هالحركات بين فترة و فترة و أذكر مرة بعد ريوله كانت بحظني قاعدة أهمزهم وبستهم
مافيها شي،، بس لا تزيد عن حدها هالحركات

وكل وحدة وعارفة زوجها يستاهل أو ما يستاهل..​

لوووووووووول انـا ريلي مو دايمـا يحبهـا بس لما يكون فااايئ و راااايئ عـادي
يعني عاد انتي حددي وقت حلو ..
والله يهنيج ويهنيه فيج

فيه جم عضوه كنت احترمهم وااااايد بس طاحو من عيني ؟!
شنو هالاسلوب ؟ اذا الموضوع مو عاجبج شيلي شلايلج واطلعي مو لازم هالردود المادري شلون صايره

حياتي اخت خالتهم موضوعج روووووووووووووعه ومطبقته من عرفت ريلي الحمدلله
خير انشالله شفيها لي صرت له خدامه وشفيها لي بست له ريوله ودلعته
اذا الريال يستاهل اصير له خدامه وكل شي
والحمدلله مدلعته ومخليته يادهينه لاتنكتين واهو بالمثل واكثر بعد
لا انهزت كرامتي ولا داس ع راسي ولا طحت من عينه
بالعكس كل مادلعته دلعني اكثر واكثر وعزني ورزني لبا عينه

اي كرامه واي كبرياء اللي بين الريال ومرته !؟!؟

وهالبنات اللي كل وحده داشه وشاده حيلها بالردود اللي تسم البدن تلقينهم بالصج مقطعييييييين نفسهم عند هالرياييل تقطع ومايبقى شي الا مايسوونه لهم بس اهني كل وحده منخشه ورا نك نيمها ومسويه لروحها برستيج

واعيد مره ثانيه موضوعج روووووعه واكثر من روعه
والله لايغير لا عليج ولا علي انشالله*

حبيبتي والله فديتـج و فديت مرورج ضحاوي وبغيت اقولج الله يرزقج انتي وامج الجنه على طريقة العناية بالدوووره لما طاح البيبي الدم ما كان راضي ينزل و طبقت كلامج بالموضوع وماشاءالله صار شلال وارررررتحت عسى الله يرزقج الجنه انتي وامج قولي ااامين
والله يهني زوجج فيج و امج فيج .. ونعم البنت

أمبي سوري حبيبتي اذا الكلمة أزعجتج ولو كنت ابي الطف الجو شوي

ماكان في بالي ان الموضوع جدّي عبالي انج تتطنزين ..

سامحيني

الله يسامحـج بس تلطيف الجو مو على حسابي انـا
على حساب اي كلمة من الموضوع غيري
عمومـا الله يسامحج

 

[عجمية ماتهاب]

ما عجبني الموضوع يعني اقومه من النوم واقوله انا اليوم خدامتك !!!! الحين الخدامة صارت احسن من الزوجه يكون مادحه عمري !

 

[غزل بنات]

بنات اي وحده تحط موضوع موشرط اطبقونه شوفي يناسبكم ولا لا الانه كل وحده عارفه رجلها ينفع معاه ولالا
وصاحبت الموضوع توجه كلام حق البنات الي رياجيلهم يحبون الدلع الي من هالنوع يعني في نوعين للرياجيل
واحد يمووت باللي ادلعه وواحد يحب الي تغلي عليه فهمتوني وهي قصدها ادلعينه موكل يووم لا بين فتره وفتره
واذا الجو رايق اعتقد فهمتوها غلط والبنت حبت تفيدكم الوهييييم انا من وجهة نظري الكلمه الحلوه لها اثر كبيير
عند زوججي وعادي ابوس رجوله ويبوس رجولي لانزلت من قيمتي ولاقيمته بالعكس درا اني احبه بزياااده وانا دريت
انه يمووت فيني وبعدين ماعتقد في وحده ماتزهب ريوق لرجلها واطلع ملابسه وتضبطها له هذي كله موخدمه؟؟ صح
انه علبالك خدامه يعني سيلانيه ولا هنديه ولاهي مسبه ترا حرام هالفئه تشتغل الانها انحدت الله لايحد احد وترا كلنا
عيال ادم حتي السيلانيه والهنديه والرجال متزوج يبي الي تهتم فيه وتراعيه وتقوم بواجباته ودايم يقولون صيري لزوجج
ام وعشيقه وكل شي عشان تكونين كامله بعيونه لاجا من برا يلقي الراحه في بيته ولافي بين الازواج كرامه في حب
واحترام بتصرفاتج تفرضين احترامج راح يحترمج ويحبج ويعزج بعد ومشكوره يااخت خالتهم

 

[sh000]

كلام مو مقنع

 

[اخت خالتهم]

غـزل حياج يا عمـررري نورتيني

 

[Blonde B]

...........................................

 

[ElN00R]

لوعتي جبده

 

[اخت خالتهم]

اينـور الله يهديلج زوجج او يهديج له يارب

 

[أحلا اثنين]

الموضوع حلو كتير
وما بعرف ليش البنات طارو ع صاحبة الموضوع
لا بالعكس زوجي بيستاهل اكون خدامته لانه هو بالمقابل مو مقصر معي
الله يوفقك ( اخت خالتهم)
وثانكيو ع الموضوع الحلو

 

[اخت خالتهم]

حبيبتي حياج الله والله يخليه لج

 

[ابـيـض واسـود]

اليوم حبيبي مندمج بالفيلم و قاعد يضحك على مشهد سخيف ما يضحك ​

جان أقوله وي سلم قلبه حبيبي جنك بيبي بو 3 سنين :eh_s(22):
جااااااااااااان يعطيني ذيج الخزة اللي بطرف عينه
انا شخصيا أسوي هالحركات بين فترة و فترة و أذكر مرة بعد ريوله كانت بحظني قاعدة أهمزهم وبستهم
مافيها شي،، بس لا تزيد عن حدها هالحركات
وكل وحدة وعارفة زوجها يستاهل أو ما يستاهل..​

هههههههههههههههههههههههههههههههههههههههههههههههه تخيلت الموقف :$

 

[دلوعه ksa]

قصدك ادلعه اوكي بس مو طريقه ان اخليه بيبي على طول لا غلط يعني مره من المرات امازحه وقول بس مو طول الوقت وانا ادلعه لا حبي غلطانه اذا قصدك على طول حلو ان رجال ابين رجولته وانتي الي تدلعي لان دلع للبنات دلعي نفسك وبدي نفسك عليه

 

[اخت خالتهم]

دلـوعه فديتج مو معقولة على طول
هذي مواقف مرة او مرتين بالاسبوع
بس لها اثر كبير
انا مو معقول طووول الايام بعيش جذي واهو مو ياهل يعني اهتماماته غير
بس حلو تحسسينه بين فتره وفتره ان من كثر حبج له ما يهمج ان قاعد يكبر وللحين صغير بحنانه و عطفه و خفة دمه .. مو بصفات ثانية

 

[LA TROO7]

اما الردود توجع الراس

اخت خالتهم احبج في الله

 

[المها الابيض]

بنات شفيكم كليتوهاااا بسم الله

كل وحده تعرف ريلها >>اذا يستاهل دلعيه وخدميه بعيونج
واذا مايستاهل وعلى قوله الاخت نونو العصله مثل الطابع
تفلب عليه عزج الله وبيلصق فيج

وخلااااااص
ليش معطين الموضوع اكبر من حجمه
واخت خالتهم اذا ريلج يستاهل الله يهنيج فيه ويهنيه فيج ويرزقكم
الذريه الصالحه يارب

 

[اخت خالتهم]

لا تـروح يا حبيبتي والله
الله يثلج صدرج ياارب


المها حياتي في وايد يستاهلـون
بس على قولتهم ريلج على ما عودتيه

 

[ترف بابا]

هذي فكرة حذروا منها ياقلبي

موكل ريال تصلح له ... اعتقد فهمتي!

 

[وآحشنــي زمآنـك]

الرياجيل عموما مثل البيبي

إذا مرض نجابلهم ونعطيهم أدويتهم

نجهز ملابسهم

نقعدهم

يعني باختصار نصير مستشفى مذكره منبه


ولا فيهاا منه كللش


يعني ماله داعي بوس الرجول والتمثييل

 

[*E.B.D.A.3*]

بالعكس انا واايد أأيد صاحبه الموضوع
وللامانه هالشي توني، صارلي شهر من بلشته
بسبة فصله عاطفية مريت فيها الدورة الي طافت خلتني افصل عليه حنان وعطف --> يعني بالغلط
الريال تغير 180 درجة ورب الكعبه !!!
وطبعا اكيد فضوله ما منعه من السؤال التالي " انتي ليش جذي الحين؟" هههههههه
قلتله فصله عاطفية بسبة الدورة بعد شسوي ..
جان يقولي والي يرحم امج لا اتغيرين عقبها!
امبيه حدي انصدمت من استجابته لعطفي وحناني واحساسي المتحسس بالاحاسيس

وقبل امس عور قلبي واايد!
جذي قاعده بدون سبب .. جان اقوله وااسلم قلبووووو تعال ييب راسك على صدري خل المك اشوي
عاد اهوه "بلية" كل شي فيه معضل حتى اسنانه طالعم لهم six packs --> كااك قاعده اتخيل لو صج يصير
وانا نتفه مايكفي، بغيت اسوي حق روحي كوبي بيست واحط وحده ثانية يمي عشان يكفي
جان يقولي كلمه بعد مالميته
" انا عمري 35، طول عمري ماجربت الا حضن امي ويدتي الله يرحمها، وكنت اصغير
محد حن علي ولمني عقبها، ولا قالي تعال خل المك"
يمه خنقتنييييييييي العببببببببببره
قتلنييييييي والله قتلنييييييييي

حسيت بتأنيب الضمير وحسيت اني وايد كنت مقصره معاه!!
فطررر قلببببببيييييي
والي عاد قضى علي مره وحده، انه نام بحضني
غرورقت عيوني .. وشلع قلبي من مكانه الله ياخذ عدوه قولوا امين

فعشان جذي انا وايد أأيد صاحبه الموضوع
يابنات انتو اذا ماحنيتوا على ازواجكم ترى يتم الي بقلبهم مكتووم ..
الريال مايعرف يعبر ،، ساعديه .. خلج حنونه عليه، قوليله انا من نظرة عيونك احس فيك شي داخل
جربت هالشي امس معاه، وقالي ايي .. بعدي عن عيالي خلق فراغ عاطفي فيني كبير!
حطمني وقلتله ماعليه،، الله بيرزقنا بأحمدووه انشالله ويسليك وينيسك الي راح !!

امبيه مادري ليش احس ببجي وانا اكتب هالرد
اف
عور قلبي صججججج صججججج

 

[amami al-kuwai]

ابداع

انا كل يوم اقوله تعال بلمك

ليما عيفته اللم

اما بخصوص الموضوع

في رجاجييل لي قلتي له انا خدامتك بيذلج عاد هم مو مقصرين بليا

وعلى قوله عضوه من العضوات بوسروال وفانيله ماينعطى وجه