أصد نفسه وإلا شسوي؟؟؟؟؟؟؟؟؟؟؟

[روحي تحبه غصب]

حبيبتي شوفي النوعيه هذي من الرجال

مايحب المشاكل من الاساس ..والمثل اللي يقول الزعل ملح الحياة ماينطبق عليهم

لانهم عقلانيين وحساسيين ويميلون للهدووووء وينجرحون من ابسط كلمه وللاسف يخشونها بقلوبهم

بعكس اللي يصرخ ويخانق تلقينه يطخ بسرعه لانه يفرغ الغضب بسرعه

فعشان جذي وبسبب هدوءهم وعقلانيتهم يتطلبون وقت طويل عشان ينسى ويشيل السالفه من قلبه والغالب انهم صعب ينسون


الحين عرفتي نوعيه زوجج اوكي


الحل كالتالي :
1/ خلج عقلانيه كثر ماتقدرين بالتعامل وياه ..وفكري فكري قبل ماتقطين اي كلمه . ..وخلج جدا متوازنه وهاديه

2/ تلافي المشاكل معاه ..هالنوع يحب الهدوء والاستقرار ..واذا زعل يبتعد عنج عشان يدور الهدوء اللي يحبه وتراكم المشاكل ممكن يفقده اعصابه بيوم من الايام على ماقال المثل (اتق شر الحليم اذا غضب )

3/اخذيه اللي تبينه منه بالحوار والهدوء واذا صارت اي مشكله ..مسكي اعصابج وحطي تحت هالكلمه الف خط احمر ..لانه ماينسى الكلام اللي ينقال ومايقدر انج قلتيه بحاله غضب ..بعكس اللي يصارخ ويعصب راح يعذرج لانه يستخدم هالطريقه

4/الرجل الهادي العقلاني ..يحب ويعشق لكن بهدوء ..تعبيره عن حبه عن غضبه مايكون بشكل صريح ..حتى لويعشقج ..فلا تعتبرين صدته عدم محبه ..بالعكس يحبج بس هذي طريقته بعلاج غضبه ..تكيفي معاها
ومثل ماقلتلج ابتعدي عن المشاكل قد ماتقدرين عشان مايتراكم عليه ..لان صعب جدا ينسى اي مشكله

5/لاسمح الله لاحصلت مشكله ..ابتعدي عنه فتره ..هالنوع يحب بختلي بنفسه ..يرضي نفسه بنفسه ..وكل ماركضتي وراه لاشعوريا بيبتعد اكثر لانه يحب يحل اموره بنفسه ..يحب يفكر ..
فخلج طبيعيه معاه لاتسالينه شفيك ..شفتيه معصب مايكلمج خليه علا راحته حتى لو تضايقتي من الداخل ..ضغطي علا نفسج..كل ماقربتي اكثر منه كل ماحنيتي ..كانج تقولين له (انا الغلطانه ) وبما انه عقلاني ويحكم الامور بعقل راح يكون تفكيره (بما انها غلطانه لازم اعاقبها ) لكن اذا خليتيه عادي ..وعشتي حياتج بــ راحه ..راح يحس انه بالغ برده فعله ..انج ماتقصدين والدليل انج موحاسه بالذنب ..ولانج عطيتيه مجال يفكر ويرضي نفسه ويفرغ اللي بداخله ..فراح يرجعلج بسرعه
مثل مايقول دكتور فيل ..الرجل اذا تضايق يروح لكهفه ..يحب يكون لوحده حتى لو انه يعشقج وكل ماركضتي وراه كل ماطولتي من فتره مكوثه بالكهف
وهذي تسمى الدوره الشهريه للرجل ..يحب يبتعد ..يحب يكون بروحه يصفي ذهنه ..وتعتمد مده هذي الدوره بحسب شخصيه الرجل


لكن هذا مايعني انج بكل الحالات تتركينه وتطنشينه ..طبعا اكيد اذا الغلط واضح منج ..بعد فتره لما يهدا ونقول مثلا 3 ايام طرشي مسج ووضحي الامور (بعقلانيه ) مو بكلام عاطفي ..ووخري ..وخليه اهو يقتنع ..انتي بررتي والباجي عليه

6/عشان تخففين من الطبع هذا (وطبعا ماراح يتغير نهاءيا )لكن نوع من تخفيف هالطبع عنده ..خلج انسانه مرحه ..انثى ..دلوعه ..الهادي الحساس يحب الاتثى اللي ترجعه للطفوله ..يحب المرح ..يحب الحركه ..يحب الشطانه ..خليج لهلوبه ..ضحكي ..غني ..دلعيه ..تغنجي ..خلج طفله ..خلي لج لمسه بحياته ..حركه عوديه عليها مثل مسج الصبح مثل قعده العصاري والقهوه ..مثل بوسه ..اي شي ينطبع فباله ويكون يحبه ..فلا زعل ووخر راح يفقده ..ويحتاجه ويرجع لج اسرع من كل مره


والله يسخره لج ويريح بالج
اتمنى اني ساعدتج​

ماشاء الله عليج وكلامها صح وعرفت شخصية ريلج

ودلتج عالى الدرب الصحيح والحين دورج

 

[هيبة ملك]

حبيبتي والله يعينج انا تقريبا نفس حالتج لكن انا المشكله عودته من شهرين انه يزعل وانا اراضيه لكن انه يزعل شهرين وثلاث اتوقع هذي مصاخه اهو لو ماكان شايف انج انتي تدقين وتطرشين مسجات ومتطمن وواثق فيج جان ماخلاج كل هالوقت اول شي انتي عندج عيال والا للحين وشنو وضعه يدرس يسافر سياحه؟؟ يعني انتي جربي اول مايزعل قوليله لاتقعد تتزعل وتسوي حركات ترى صدقني اليوم وباجر انا اللي اصالحك لكن الانسان له طاقه وكل شي زاد عن حده انقلب ضده ممكن اسكت الحين لكن بعدين صدقني راح امل واتعود على بعدك وفراقك واذا اهو فعلا شاريج بيخاف و راح يطخ وصدقيني اهو حاط ايده بماي باااارد لانه وااااثق انج تموتين بدباديبه عشان جذيه نافش ريشه الريال مره عطيه الحنان والدفى ومره حسسيه انه سهل انج تستغنين عنه ابدا لايحس انه بدونه بتموتين وتضيعين لانه راح يعرف انج خاااتم بايده هالمره لاتسوين ولا شي حقريه مرررره وحده وامسكي نفسج كثري من الاستغفااااار بنية انه يردلج وسورة البقره وكثري من الصدقه والدعاء انه ربي يسخر قلبه وانتي بعد اشتغلي على نفسج ولهي نفسج شوي عنه لانه اذا تميتي حاطته فبالج ماراح ترتاحين خليه وبروحه بيرجع واذا رجع خليج عااادي وقمة الهدوء والبرود واذا اهو فتح الموضوع قوليله انا حبيت اخليك على راحتك وانا بعد لهيت بنفسي وماله داعي نفتح موضوع قديم اهو بينصدم @@ واهني راح يدق ناقوس الخطر عنده انه بأيده خرب على نفسه
موفقه يارب

لا ماعندنا عيال للحين

وهو يدرس هناك

والله إنه تعبني

 

[هيبة ملك]

حبيبتي انتي فهميه ان انتي مو لعبه
ولازم تناقشون
واذا راح وما رد على اتصالاتج لمن يرد بلهفا وقفيه عند حدا
وفهمي كبر الموضوع لان ترا مو شي عادي وما تردينله على كيفه
لااا
انتي مو لعبه
ترا بعدين ما يعملج اي حساب صدقيني

أدري والله

الله يسخر لي مشكورة ياقلبي

 

[هيبة ملك]

ألحين دوري؟!!

لي رد بعد كم شهر بسوي ماقالت

مشكورة روحي تحبك

 

[" أضـــــوى "]

ماشاءالله عليييج يا اضوى والله جنج قاعدة تتكلمين عن ريالي فعلا بالضبط اهو جذيه برافو على التفسير العقلاني والسليم والمنطقي 100% وراح احفظ تعليقج عشان كل ماسويت شي اقرلاه واتذكر هههههههه

حبيبتي تسلمييييييييييييييين

عيوني لج ..

 

[زوجة فرعون]

سؤالين ؟؟
الاول لما يسافر مايدق كللللللللللللش؟؟؟ طيب اذا بتطلعين ماتستاذنين منه؟؟؟؟ مايدري عنج تعبانه حية ميته؟؟؟
شالسالفه ماكو شغل حبيبتي انا احس نوعيتج من كثر ماتحبينه لاشفتيه وقالج اسكتي سكتي؟؟ غلط انصحج لادقين دامج عارفه ماراح يرد احفظي ماي وجهج وانا اختج لان جد غريبه طريقته كلنا نزعل مع رجالنا شكو 3 و4 شهور مايرد خو هو زوجج مو رفيجج ....
انصحج لاجا ابجي وابجي وابجي لاشفتيه وسوي نفسج ضايقة ولاتكلمين ولالكمه ولاسالج قولي متضايقه من نفسي والله تلاقينه هو يحن عليج تكلمي وجربيها وقولي لي

 

[هيبة ملك]

وين استأذن اقولج مايدق ولا يسأل

ولا حتى يرد على مسجاتي أبد

لو مهما أقوله

نفسي أسوي مثله

ليتني أقدر

أنا موضعيفه لكن أحب الوضوح وأحب أحل كل شئ

ماحب أركن شئ وراي

وهو لا خلاص انتهى ولاتبطلين مواضيع منتهية


هذا الفرق بينا


زوجة فرعون هو زوجي وحبيبي وعمري كله

الله يهديه قولي أمين

ومشكورة على تواجدج

 

[al-musk]

يعني هو في صفات حلوة بس المشكلة بالصدة الطويلة..لازم يفهم انج كيان وانه مايقدر يستمر بطريقته هذي..والله يعينج

 

[هيبة ملك]

والله مافيه مثله

لكن هذي طباعه



مشكورة المسك

 

[هيبة ملك]

على فكره

ترى هو عمره مازعلني لكن تصير أمور بسيط نختلف عليها خلاف عادي

نشد فالكلام خاصة مني هو عاد يسكت

يمشي إذا سفر سافر

إذا يروح مزرعه يروح لين يحصل حجز

بكل هالفترة أبد مايرد علي

يرد على كل الناس إلا تلفوني

الله يهديه

 

[ديانا سبنسر]

حركته كلش موحلوة ولازم تلقين لها حل جربي الحقران واذا مافاد جربي طريقة ثانية لغاية مايترك هالطريقة

 

[اشتياق]

اتوقعه ياخذ نقاهه عشان لايمل

صدي نفسه ولاتدزيله شي وعامليه بطريقته راح يكرهها

موفقه خير

 

[زوجة فرعون]

قولي اللهم يامسخر الجن والشياطين لنبينا سليمان ومسخر النار لنبينا ابراهيم وجاعلها بردا وسلاما سخرلي زوجي فلان ابن فلان وجعله غضبه بردا وسلاما بحولك وعزتك وقوتك انت ولي ذلك والقادر عليه عن تجربه وربي

 

[BiiShOoO]

الله يسهل اموركم يا رب بس عاملي مثل ما يعاملج بصده

 

[ساندريلا]

حبيبتي ريلج تعود على انج انتي الي تراضينه
ولدج على ماتربيه وزوجج على ماتعودينه
لو من البدايه معلمته ان الغلطان اهو الي يبدي بصلح جان ماصار جذيه بصراحه سالفه الزعل بينكم وايد طول ليش توصلونها لي شهرين القلب جذيه ويد يقسى ويتعود

 

[(100%)]

شكو يسافر هذا شكله يبيها من الله عشان يسافر واكيد في شي ملهيه عنج اللي عادي شهري ولا حتى يرد على اتصالاتج بس ممكن اعرف وين يسافر بالضبط عشان ما نسيء الظن

 

[هيبة ملك]

لا ياقلبي هو مستقر برا عشان دراسته وأنا كنت معاه بالعطلة

لكن ردينا عشان نصوم رمضان بالكويت

لاتسيئين الظن فيه هو طبعه جذيه

 

[هيبة ملك]

بعد عمري أنتم ليرد بحاول أغير من طبعه ومن طبعي

مشكورين ماقصرتوا والله يعيني على صيام رمضان بدونه

 

[ألماسة ثلجية]

هذا طبعه وبوطبيع ما ايوز عن طبعه الظاهر فيه من الطفولة عامليه مثل اليهال يعني حقريه ولاطالت السالفة ساحليه الله يهديه




*بنات بسكم معردين على الحياة الزوجية تعالوا أدعوكم للمشاركة بموضوعي غيروا جو

يرجى احضار البطاقة ويمنع اصطحاب الاطفال وطوال اللسان

http://www.q8yat.net/showthread.php?t=658719

 

[ام القمرالمطيري]

انا مابي اخوفج

بس معقوله يصبر عن مرته واهله شهرين ..؟ ويسافر اشهالميزانيه الي بتصمد معاه شهرين واكثر

والله انه يخوف .. هو له اهل برا ..؟ طيب ماعنده دوام ..؟

اانا ببالي افكار بس مابي اخوفج بس بفهم الموضوع اكثر

والله يفرج همج