أصد نفسه وإلا شسوي؟؟؟؟؟؟؟؟؟؟؟

[هيبة ملك]

السلام عليكم

بنات أبي حل سرييييييييييييييييييييييع


أنا أحب زوجي وهو يحبني وأنا متأكدة من هالشئ لكن المشكلة !!!!!!!!!!!!


المشكلة :

إنه لا صار بينا أي زعل مهما كان بسيط وتافه مهما كان يصمت ويسافر

ومايرد على اتصالاتي أبد مهما أدق ومهما أكتب له من مسجات

يتم شهرين ثلاثة على هالحال

ومتى مابغى يرد يكلمني وكأن شئ ماكان وبلهفة بعد

ويرفض إنا نناقش موضوع الخلاف اللي صار

وعلى هالحال أحنا

مع العلم إنه ماعمره غلط علي ولازعلني حتى بمسج حتى في ثورة خلافنا يظل محافظ على هدوءه

ووقاضب لسانه ولا عمري سمعت منه كلمة تزعل ولاقصر معاى يشئ

بس طريقته هذي موعاجبتني أنا احاول اتصل بنهي الخلاف لكنه مطنش

وألحين أعرف راح يأخذ شهرين على هالحال ويرد

وأنا مليت

أنا مولعبة متى مارضى يجيتي ومتى مازعل يصد

بنات ساعدوني شووروا علي

شسوي معاه ؟

أصد نفسه؟

ولا دق مارد أنا بعد

وإلا شسوي؟

 

[هيبة ملك]

هو مستقر برا عشان دراسته وأنا توني رادة من كم يوم عشان نصوم هني

وهو بعد لولا الخلاف البسيط اللي صار بينا

 

[كنوشة 2009]

بصراحة زوجك امره غريب ولازم تحطين نهاية حق اللي قاعد يصير واذا رجع تفتحين معاه نقاش وان يحط النقاط على الحروف
والي متى وانتو على هالحال واهلج ما يدرون عن اللي قاعد يصير معاج والله يهديه

 

[ام الدرر]

زوجج ياقلبي تعود يزعل وانتي تراضين حتى لو هو الغلطان استحلى السالفة وصار مثل الياهل يزعل عشان تراضينه
عشان تكسرين العادة اذا صار مشكلة طنشي لاتسالين ولاتدزين مسجات ولا تحاولين تتقربين منه باي حال
اكيد بتقولين ما اقدر
حبيبتي جربي ويوم عن يوم بتقدرين وتصبرين
راح تلقينه بروحه يجي ويكلمج و لو كلمج لا ترضين من اول شي سوي فيه نفس مايسوي طنشي
خليه يحاول كذا مرة ويجرب الحالة اللي كنت تعانين منها مرة مرتين صدقيني بيغير طبعه
عن تجربه ترى مو بس كلام_shh_:

​

 

[هيبة ملك]

لا والله ماعمري قلت لحد عن مشاكلنا

مع انه أمر بسيط والله ماينذكر

يعني على طلعة على كلمة طلعت بالغلط على تأخره برا

يعني شغلات عادية جدا

ماتستدعي كل هذا


المشكلة لارد مايسمح بفتح الموضوع أبد

يقول موضوع وانتهى خلاص لاتبطلينه

واسكت
لكن تقعد بقلبي ويحز بخاطري اللي قاعد يسويه

خاصة إنه يرد كأن شئ لم يكن دون حتى كلمة يطيب خاطري فيها

أو يحسسني إنه غلطان

مشكورة أختي

والله يهديه لي


والله إني أحبه من كل قلبي

 

[هيبة ملك]

آآآآآآآآآآآآآه يام الدرر

ليتني أقدر


لكني بحاااااااااااول

والله من شهر 4/5/ وهو زعلان

رد يادوب سافرنا شهر سبعه وزعل ألحين

يعني يبي له ألحين 3شهور عشان يجي بينا كلام

 

[عاشقة_الجمال]

شالسالفه كل ما زعل طق تذكره وسافرر!!@!!

انتي قولي له ترضى ان اسوي الطريقه هذه بعد

اهدك واكشت فيك وما ارد على تلفووناتك ومتى ما رديت البيت رديت على كيفي

 

[miss-winter]

يطق تذكره ويسافر ليش هالتصرف غريب بصراحه والله يعينج

 

[احلى سماء]

لانه لقاج

اذا رد

جنه شي ما صار
واذا شفتيه رافض النقاش بالخلاف سكتي

لا حبيبتي

اذا رد لج

قوليله انا مو لعبه وهذي مو حياه
زوجي وتاج راسي واحبك

بس مو طريقه هذي للحياة

انت زوجي ومن حقي اتناقش معاك

 

[هيبة ملك]

والله عورني قلبي

ذبحني

أقول لكم لا رد مايسمح بفتح الموضوع أبدا

وقاعدة تتراكم عندي كل الزعلات والخلافات اللي طافت لين ضاقت في

 

[هيبة ملك]

إيه معج حق

أظنه لقاني

أحلى سما

قلبي يعورني والله

 

[العز58]

زوجج ياقلبي تعود يزعل وانتي تراضين حتى لو هو الغلطان استحلى السالفة وصار مثل الياهل يزعل عشان تراضينه
عشان تكسرين العادة اذا صار مشكلة طنشي لاتسالين ولاتدزين مسجات ولا تحاولين تتقربين منه باي حال
اكيد بتقولين ما اقدر
حبيبتي جربي ويوم عن يوم بتقدرين وتصبرين
راح تلقينه بروحه يجي ويكلمج و لو كلمج لا ترضين من اول شي سوي فيه نفس مايسوي طنشي
خليه يحاول كذا مرة ويجرب الحالة اللي كنت تعانين منها مرة مرتين صدقيني بيغير طبعه
عن تجربه ترى مو بس كلام_shh_:

​

وازيد على كلامها لاترضين الا بهدية قيمه او فلوس علشان يعرف شلون يزعل من كيفة:gr4uu:

 

[" أضـــــوى "]

حبيبتي شوفي النوعيه هذي من الرجال

مايحب المشاكل من الاساس ..والمثل اللي يقول الزعل ملح الحياة ماينطبق عليهم

لانهم عقلانيين وحساسيين ويميلون للهدووووء وينجرحون من ابسط كلمه وللاسف يخشونها بقلوبهم

بعكس اللي يصرخ ويخانق تلقينه يطخ بسرعه لانه يفرغ الغضب بسرعه

فعشان جذي وبسبب هدوءهم وعقلانيتهم يتطلبون وقت طويل عشان ينسى ويشيل السالفه من قلبه والغالب انهم صعب ينسون


الحين عرفتي نوعيه زوجج اوكي


الحل كالتالي :
1/ خلج عقلانيه كثر ماتقدرين بالتعامل وياه ..وفكري فكري قبل ماتقطين اي كلمه . ..وخلج جدا متوازنه وهاديه

2/ تلافي المشاكل معاه ..هالنوع يحب الهدوء والاستقرار ..واذا زعل يبتعد عنج عشان يدور الهدوء اللي يحبه وتراكم المشاكل ممكن يفقده اعصابه بيوم من الايام على ماقال المثل (اتق شر الحليم اذا غضب )

3/اخذيه اللي تبينه منه بالحوار والهدوء واذا صارت اي مشكله ..مسكي اعصابج وحطي تحت هالكلمه الف خط احمر ..لانه ماينسى الكلام اللي ينقال ومايقدر انج قلتيه بحاله غضب ..بعكس اللي يصارخ ويعصب راح يعذرج لانه يستخدم هالطريقه

4/الرجل الهادي العقلاني ..يحب ويعشق لكن بهدوء ..تعبيره عن حبه عن غضبه مايكون بشكل صريح ..حتى لويعشقج ..فلا تعتبرين صدته عدم محبه ..بالعكس يحبج بس هذي طريقته بعلاج غضبه ..تكيفي معاها
ومثل ماقلتلج ابتعدي عن المشاكل قد ماتقدرين عشان مايتراكم عليه ..لان صعب جدا ينسى اي مشكله

5/لاسمح الله لاحصلت مشكله ..ابتعدي عنه فتره ..هالنوع يحب بختلي بنفسه ..يرضي نفسه بنفسه ..وكل ماركضتي وراه لاشعوريا بيبتعد اكثر لانه يحب يحل اموره بنفسه ..يحب يفكر ..
فخلج طبيعيه معاه لاتسالينه شفيك ..شفتيه معصب مايكلمج خليه علا راحته حتى لو تضايقتي من الداخل ..ضغطي علا نفسج..كل ماقربتي اكثر منه كل ماحنيتي ..كانج تقولين له (انا الغلطانه ) وبما انه عقلاني ويحكم الامور بعقل راح يكون تفكيره (بما انها غلطانه لازم اعاقبها ) لكن اذا خليتيه عادي ..وعشتي حياتج بــ راحه ..راح يحس انه بالغ برده فعله ..انج ماتقصدين والدليل انج موحاسه بالذنب ..ولانج عطيتيه مجال يفكر ويرضي نفسه ويفرغ اللي بداخله ..فراح يرجعلج بسرعه
مثل مايقول دكتور فيل ..الرجل اذا تضايق يروح لكهفه ..يحب يكون لوحده حتى لو انه يعشقج وكل ماركضتي وراه كل ماطولتي من فتره مكوثه بالكهف
وهذي تسمى الدوره الشهريه للرجل ..يحب يبتعد ..يحب يكون بروحه يصفي ذهنه ..وتعتمد مده هذي الدوره بحسب شخصيه الرجل


لكن هذا مايعني انج بكل الحالات تتركينه وتطنشينه ..طبعا اكيد اذا الغلط واضح منج ..بعد فتره لما يهدا ونقول مثلا 3 ايام طرشي مسج ووضحي الامور (بعقلانيه ) مو بكلام عاطفي ..ووخري ..وخليه اهو يقتنع ..انتي بررتي والباجي عليه

6/عشان تخففين من الطبع هذا (وطبعا ماراح يتغير نهاءيا )لكن نوع من تخفيف هالطبع عنده ..خلج انسانه مرحه ..انثى ..دلوعه ..الهادي الحساس يحب الاتثى اللي ترجعه للطفوله ..يحب المرح ..يحب الحركه ..يحب الشطانه ..خليج لهلوبه ..ضحكي ..غني ..دلعيه ..تغنجي ..خلج طفله ..خلي لج لمسه بحياته ..حركه عوديه عليها مثل مسج الصبح مثل قعده العصاري والقهوه ..مثل بوسه ..اي شي ينطبع فباله ويكون يحبه ..فلا زعل ووخر راح يفقده ..ويحتاجه ويرجع لج اسرع من كل مره


والله يسخره لج ويريح بالج
اتمنى اني ساعدتج​

 

[ونات الخفوق]

الصراحه بدون زعل طريقة زعله مثل الحريم
سوي فيه مثل ما يسوي فيج
طنش طنشي
ما يدق لا تدقين
ساكت اسكتي
بس العتاب بعد الرضى

 

[دانة الدنيا1]

حبيبتي والله يعينج انا تقريبا نفس حالتج لكن انا المشكله عودته من شهرين انه يزعل وانا اراضيه لكن انه يزعل شهرين وثلاث اتوقع هذي مصاخه اهو لو ماكان شايف انج انتي تدقين وتطرشين مسجات ومتطمن وواثق فيج جان ماخلاج كل هالوقت اول شي انتي عندج عيال والا للحين وشنو وضعه يدرس يسافر سياحه؟؟ يعني انتي جربي اول مايزعل قوليله لاتقعد تتزعل وتسوي حركات ترى صدقني اليوم وباجر انا اللي اصالحك لكن الانسان له طاقه وكل شي زاد عن حده انقلب ضده ممكن اسكت الحين لكن بعدين صدقني راح امل واتعود على بعدك وفراقك واذا اهو فعلا شاريج بيخاف و راح يطخ وصدقيني اهو حاط ايده بماي باااارد لانه وااااثق انج تموتين بدباديبه عشان جذيه نافش ريشه الريال مره عطيه الحنان والدفى ومره حسسيه انه سهل انج تستغنين عنه ابدا لايحس انه بدونه بتموتين وتضيعين لانه راح يعرف انج خاااتم بايده هالمره لاتسوين ولا شي حقريه مرررره وحده وامسكي نفسج كثري من الاستغفااااار بنية انه يردلج وسورة البقره وكثري من الصدقه والدعاء انه ربي يسخر قلبه وانتي بعد اشتغلي على نفسج ولهي نفسج شوي عنه لانه اذا تميتي حاطته فبالج ماراح ترتاحين خليه وبروحه بيرجع واذا رجع خليج عااادي وقمة الهدوء والبرود واذا اهو فتح الموضوع قوليله انا حبيت اخليك على راحتك وانا بعد لهيت بنفسي وماله داعي نفتح موضوع قديم اهو بينصدم @@ واهني راح يدق ناقوس الخطر عنده انه بأيده خرب على نفسه
موفقه يارب

 

[انا مو هني]

حبيبتي انتي فهميه ان انتي مو لعبه
ولازم تناقشون
واذا راح وما رد على اتصالاتج لمن يرد بلهفا وقفيه عند حدا
وفهمي كبر الموضوع لان ترا مو شي عادي وما تردينله على كيفه
لااا
انتي مو لعبه
ترا بعدين ما يعملج اي حساب صدقيني

 

[هيبة ملك]

مشكورة العز على نصيحتج

تسلمين ياقلبي

 

[دانة الدنيا1]

ماشاءالله عليييج يا اضوى والله جنج قاعدة تتكلمين عن ريالي فعلا بالضبط اهو جذيه برافو على التفسير العقلاني والسليم والمنطقي 100% وراح احفظ تعليقج عشان كل ماسويت شي اقرلاه واتذكر هههههههه

 

[هيبة ملك]

إيه ألحين فهمت يمكن يكون من هالنوع

الله يعيني عليه

أضوى

ماقصرتي ياعمري

 

[هيبة ملك]

آه ياونات

الله يعين قلبي عليه