أشهر محلات حلو القهوة بالكويت

[خذاني الشوق]

رد: شاركونا باحلى نوع ذقتيه من محل حلو القهوة للاستقبالات

اليوم رحت عرس حلاوياتهم من اوبرا شحلاتهم شكل وطعم وفي وحده تسوي حلوو علي برواز محدد بورد مجفف وردتين جوري وداخله الحلوو حده رووعه انا عجبني شكلهم وطعمهم ..

 

[كتكوته551]

رد: شاركونا باحلى نوع ذقتيه من محل حلو القهوة للاستقبالات

انا رحت شاتو دي كاتو بالروضه ماعجبني كلش وهمن تيستي مو حلو
اللي كل شغله واو اهوا واااو بصراحه لذيذ لكن ودي ادور بعد
بنات جم رقم بيت النصر الله؟ ووين جنيفا وبسكوته وجم ارقامهم؟ بلييييز

 

[Tangled]

رد: شاركونا باحلى نوع ذقتيه من محل حلو القهوة للاستقبالات

محل رهش عنده انواع حلوة والله ولذيذة مثل حلو شعر البنات والاوريو والسمسمية وعندكم الدكان بعد

وامبرس اغلب الانواع حلوة

واو شغلاته حلوة وثقيلة ومشالله ثقيلة عندهم التشيز كيك لذيذ وحلو الرمان بالكراميل حتى معجناته لذيذه عنده الكبب بانواعها انا كليت 3 انواع من كبة البرغل

 

[سراج الليل]

رد: شاركونا باحلى نوع ذقتيه من محل حلو القهوة للاستقبالات

بنااااااااااات لحقوني برقم وااااااااااااااااو بلييييييييييييييييييز



وأبي الحلى اللي مغلف بورد جوري وين أحصله وأبي طعمه حلو أو عادي ؟






والله يابنات أنا عليميه وماعرف بسوالف الحلى وهم أبي كل اللي ذكرتوهم في عندهم خدمة توصيل ؟


اللي تعرف أرقامهم يااااااااليت تحطهم والله بتنفعونا حييييييييييييييييل



من الحين قاعده أدور لستقبالي ان شالله

 

[أسـيـل]

رد: شاركونا باحلى نوع ذقتيه من محل حلو القهوة للاستقبالات

حلو واو 827070

 

[سراج الليل]

رد: شاركونا باحلى نوع ذقتيه من محل حلو القهوة للاستقبالات

حلو واو 827070

فديـــــــــــــــــــــــــتج أسيل ماقصرتي

 

[Lahoma]

رد: شاركونا باحلى نوع ذقتيه من محل حلو القهوة للاستقبالات

ما قصرتوا بنات

و ذبحتونا

و كتكوتة551 زين اللي قلتيلي عن تيستي انه مو ذاك الزود ، لان بنتين امدحولي اياه

و ترا بنات وااو عنده معجنات صغيرونه وايد شغلات غريبة و عجيبة ، بس لازم تدقين اول علشان يجهزولج Special Order
والا ما راح تشوفينهم
بس انا ذقتهم في استقبال بنت عمي و توصوا فيني ذوقوني كل الأنواع ، يدرون حامل و تدور هالسوالف هاذي

بس انا ودي اجرب من كلام البنات :
سلفرينا
بسكوتة
صافي

على يوم الأحد ان شاءالله و ابلغكم بالنتيجة

 

[( روعه )]

رد: شاركونا باحلى نوع ذقتيه من محل حلو القهوة للاستقبالات

شوقتونا على الحلو ... ماشالله سويتيوا دعايات حق هالمحلات .. المفروض هالمحلات عاد تسويلكم طلبيه هديه لأنكم فعلا أقنعتوني أني أروح و أذوق و أخذ منهم حق الولاده انشالله ....

بنات في محل بجمعية قرطبه اسمه مارشمالو صراحه حلوهم لذيذ ذقته عند ناس برمضان و عجبني وايد و رحت المحل شريت لي حق البيت (( مفجوعه)) صراحه لذيييذ .. جربوا عنده الجيز كيك مغلف بلون أزرق و جربوا الكيك اللي مغطى بجور الهند و عنده بعد واييييد أشياء ذوقوها و عطوني رايكم ......

 

[Lahoma]

رد: شاركونا باحلى نوع ذقتيه من محل حلو القهوة للاستقبالات

الله يهون عليج شجرة الورد

و مشكورة على نصيحتج عن محل المارشيميلو

 

[fraise]

رد: شاركونا باحلى نوع ذقتيه من محل حلو القهوة للاستقبالات

يعطيكم العافيه والله شوقتونا حق الحلو انا من مدح البنات باوبرا والصافي بروح اشوفهم وانا مجربه امبرس وسبيشل سويت من قبل عندهم اشياء وايد حلوه بس عفيه بنات انا اول بيبي لي ابي اعرف متى اروح احجز حق الحلو قبل لا ادخل شهري وبس اولد ادق عليهم يجهزونه؟ ماادري شلون الطريقه واللي تعرف مكان عنده الحلو والمعجنات والعصير والقهوه والشاي والسيرفس ويوصل حق المستشفى لان احجز كل شي من مكان واحد احسن عشان لا اتوهق وقت الولاده!!!

 

[Lahoma]

رد: شاركونا باحلى نوع ذقتيه من محل حلو القهوة للاستقبالات

اختي fraise

بصراحة البنات ما قصروا .... لازم انجرب و نشوف

بس عن طريقة الحجز ... تاخذين الصواني مالتج اللي تبين تحطين فيها الحلو و المعجنات و تحجزين

عاد المحل يكتب بورقة الكميات و النوع اللي تبينه و تقريبا متى وقت ولادتج
و عن التوصيل يعتمد على كل محل

و موفقة ان شاءالله

 

[Lahoma]

رد: شاركونا باحلى نوع ذقتيه من محل حلو القهوة للاستقبالات

للرفع

 

[rudy]

رد: شاركونا باحلى نوع ذقتيه من محل حلو القهوة للاستقبالات

مشاء الله خوووووووووووووش موضوع انا هاليومين محتارة من وين ايب الحلو والظاهر بمر واو واشوف شنو عندهم
ومشكوره الهام على الموضوع
وياحلو منتدانا اي شي انفكر فيه نلقاه
وياحلو بنات المنتدى ما يقصرون بالنصيحة

 

[مظلومه ياناس]

رد: شاركونا باحلى نوع ذقتيه من محل حلو القهوة للاستقبالات

مشكورين بنات ماقصرتوا

 

[Om Banati]

رد: شاركونا باحلى نوع ذقتيه من محل حلو القهوة للاستقبالات

بناااات عندي سؤال جم كيلو لازم نحط بكل صينيه ؟؟؟ وجم نوع 4 أنواع زين ؟؟؟

 

[كولوراديه]

رد: شاركونا باحلى نوع ذقتيه من محل حلو القهوة للاستقبالات

متابعه

 

[فرح العجرف]

رد: شاركونا باحلى نوع ذقتيه من محل حلو القهوة للاستقبالات

متابعه وياكم@@

 

[رقي]

رد: شاركونا باحلى نوع ذقتيه من محل حلو القهوة للاستقبالات

بنات وين صاير بسكوته
الحين استقبال اختي
ونبي نغير
كنت باخذ لها من الدكان روعه
وابي ماعون من سلفرينا

 

[جارتكم..(‘‘.)]

رد: شاركونا باحلى نوع ذقتيه من محل حلو القهوة للاستقبالات

بنات...واااو وين مكانه بالظبط؟؟؟؟

 

[Lahoma]

رد: شاركونا باحلى نوع ذقتيه من محل حلو القهوة للاستقبالات

مشكورة رودي اخجلتي تواضعنا

و ام بناتي
بالنسبة لعدد الكيلوات في كل ماعون يعتمد على حجم ماعونج و اهمه اللي بالمحل يقولون لج هذي الصينية اشكثر تاخذ
و بالنسبة للتنويع ،،، انا عن نفسي ما احب التنويع الزايد في نفس الماعون ، عندي كل ماعون نوع واحد او نوعين بالكثير
و على حسب الناس اللي راح اييولج الاستقبال اذا وايد و الا شوية يعتمد عليج بين ماعونين الى 4 مواعين ترا كافي لانها مو شبعة ، كل واحدة راح تاخذ حبة اة حبتين

و ان شاء الله اكون افدتج حبيبتي