أشرايكم بسوي هالعمليتين ؟؟ ولي تساعدني لها الأجر من ربي بأذن الله

[كويتية أصيله]

هلا حبيبتي

اي السعر شااااامل كل شي : 85 تحاليل +30 سونار+17 فتح ملف وزيارة طبيب التخدير+1800 دفعه واحده للمستشفي

وإذا عندج فيزا بيت التمويل فيه خصم 15%


شوفي حبيبتي رووووحي زوري الطبيب في العياده وأستشيريه أحسن إحنا ما نقدر نقرر(15) دينار الإستشاره


إنتي الوحيده إللي تعرفين قدرتج علي الإلتزام بالتعليمات وطبايعك بالأكل


أتمني لج التوفيق من كل قلبي لأني حااااااااااااااسه فيج...

 

[عمري الخالد]

رفع لعيوووووونج الله يسخرلج زووووووووووجج ان شاء الله

 

[laura mercier]

وبعد خلصنا بأذن الله بسوي حلقة المعده .... فخوذي شغبر فيهم ؟؟؟؟ أنزين بعد عملية الحلقه بحت شعري ؟؟؟

 

[laura mercier]

الووووووووووووووووووووووووو

 

[LuLiTa]

حبوووبة استخيري قبل كل شي ,,,و الله يخلي لج ريلج و يهديه لج ,,,

 

[ام عبادي 22]

نصيحه مني لا تسوين حلقه لانه لازم تسوين ريجيم معاها
انا صارلي سنتين مسويه ما نزلت واايد لانج لازم تحافظين على اكلج

 

[laura mercier]

أشرايكم بنات قبل الحلقه أروح التشيك بس شهر ...؟؟؟.

 

[laura mercier]

تهقون يبين علي ولو شويه بمصحة ؟؟؟

 

[laura mercier]

أب أب

 

[ام خنفووسه]

حبيبتي لا اتحاتين واااايد
اول شي الحين محد ايحاتي المتن لووول
كل شي طلع من عمليات من اجهزة من حبووب من اعشااب
اهم شي الاراده
اتسوين عملية لازم معاها رياضه عشان ما تسوين شي وتهدمين شي ثاني
انشالله زوجج ما ايجووف غيرج وتكونيين احلى وحدة بعيينه

 

[حرم الحوت]

انا اقول من رايي تسوين تحويل وتنزلين الوزن اللي زايد كله عقب شفطي وشدي على كييييف كيقج يا بطوطتنا

 

[كرسبي كريم]

لا تسوين حلقه ولا تحوير
الحين احسن عمليه واضمن عمليه تدبيس المعده((التكميم))
ريلي سوي العمليه عند الدكتور الجار الله بمستشفي السلام والحمد الله الحين كمل 3 شهور من العمليه ووووايد متغير
استخيري وتوكلي الله ولا تصبرين لان حرام كتله جسمج 47
وانا ودي اسويتها بس الدكتور مو راضي لان كتله جسمي 33 لزم توصل 35 علشان يرضي اسوي لي العمليه

والله يوووفقج يارب ويسخر لج ريلج وما يشوف الي غيرج
يااااااااااااااااااااااااااااااااااااااااااااااااااااااااااااااااارب

 

[كرسبي كريم]

اهلج موافقين علي العمليه !!!!!!!

 

[laura mercier]

مشكورين بنااات ماقصرتو .... رحت لكذا دكتور كلهم انصحونيي بالتكميم وكرهوني بالحلقه مع إني موزود مع الحلو كلش ملش...والله ما عرفنالهم ...ابي أفكار وفناتق للي عندها خبرة بأجهزه اذابة الشحوم الليبو وربعه صج ولا جذيبو؟؟؟

 

[bintmishref]

هلا وغلاااااا بلورااا..
شلونج شخبارج؟؟
بعد قلبي شوفي خل اقولج تجارب الوالده الله يحفظها.. كانت مسويه الحلقه ب2000 و ضعفت بس طبعا مع رجيم و عقبها تعبت و كل قامت ترجع وانتي بكرامه و سوت عمليه ثانيه عشان تعدلها لان صار خلل فيها.. بس هم ما ترقعت يا حياتي تعبت بعد و قررت تشيلها.. و من عقبها طاشت طاشت ورد وزنها مثل قبل و بدى فيها الضغط و السكر وكل مالها خلق شي..
راحت استشارت د.محمد العجمي عيادته بالجابريه و عقب الفحوصات قال لها سوي باي باس احسن شي لان امي تحب الحلو وايد..
مع ان الوالده مسويه عمليات وايد وفيها التصاقات كثيره بس الحمدلله الدكتور قدر يسوي العمليه..
و بالتدريج قاعد ينزل وزنها الحين الحمدلله راح الضغط وراح السكر..
سوتها بالهادي ب2900 و يسويها الدكتور بالسلام بعد

لورا ترى في عمليه مثل الباي باس بس بالطول يسمونها الطوليه هذي حق اللي ما ياكلون حلو وايد بس الموالح مشكلتهم (هذا كلام الدكتور)

واي سؤال تامريييين؛)

 

[laura mercier]

هلا وغلا في بنت مشرف : شخبارك وشعلومك ولهاااانه عليك ...دايما معاي بالسراء و الضراء ... والله محتارة يا وخيتي كل دكتور يفتي لك بشغله ...واليوم رحت لدكتور غده يقولي لالالالالا وخري عن اي عمليه !!! محتاااره ومرات اقول اروح مصحه ..مادري في مصحاات في لبنان؟؟؟

 

[bintmishref]

هلا والله فييييج
بخير الله يسلمج انتي شحوالج؟!
الاجهزه و الميزو و هالسوالف تنفع للي فيها كتله صغيرونه بمكان مو عاجبها بس حق الجسم ككل لأ!!
ترى المصحه ينفع بس اكون صريحه معاج اذا رديتي الديره و رديتي على نفس حياتج راح تردين مثل قبل
هذي يبيلها تغيير كاااامل بحياااتج كلها و بيومياتج.. اتوقع حتى الهرمونات راح تتسنع عقب ما تنزلين جم كيلو..
بس لازم تكونين حازمه و تقررين لان ماكو وقت يا لوراااا.. و الاراء الكثيره راح تشتتج.. توكلي على الله و قرري باللي تحسينه اقرب لقلبج و اريح لج..

 

[laura mercier]

صج انا حتى العضوات ماقامو يعطوني ويه من كثر تخبطي وعدم جديتي وتهاوني و أبو الشباب صار عيد ميلاد ولده ولا عبره بأتصال

أو هديه الله يهديه ورجعه لنا ويقويني على الأصلح زوجة حماي تقول كل مايدش ويطلع من البيت أهذر بالموبايل يعني ثبتت الرؤيه

الريااااال أخوني أشكره

 

[laura mercier]

ودي أروح مصحة تخسيس بلبنان او الأردن واختلي بنفسي وانزل وزني وارتب اوراقي وأبعد عن الكل ...عندي احساس انه الحل الأفضل

 

[كرسبي كريم]

صج انا حتى العضوات ماقامو يعطوني ويه من كثر تخبطي وعدم جديتي وتهاوني و أبو الشباب صار عيد ميلاد ولده ولا عبره بأتصال

أو هديه الله يهديه ورجعه لنا ويقويني على الأصلح زوجة حماي تقول كل مايدش ويطلع من البيت أهذر بالموبايل يعني ثبتت الرؤيه

الريااااال أخوني أشكره

هلا فيج لورا
حبيبتي استخيري ربج وتوكلي علي الله وسوي التدبيس المعده((التكميم))
للعلم وايد ناجحه ومالج شغل بالدكاتره تري كل واحد بطلع نفسه ان اهو احسن
والتكميم اول اسبوع عذاب وبعدها وناسه وتنسين كل عوار مر عليج

ومالج شغل بكلام احد وتوكلي علي الله ولا تهدمين بيتج علشان متن وشحم وقوي قلبج واستعيلي اليوم قبل باجر

ريلي الحين كل ماله ويضعف بعد العمليه وانا قاعده اعابل بنفسي علشان احلو بعينه لان الريايل مالهم امان :flower::eh_s(16):