أشرايكم بزيورخ بالأمانه بليزززز ساعدوووني

[~Ms. elegant~]

بنات بالأمانه أبي رايكم بزيورخ تسوي اروح لها والا لا
انا بروح زالمسي وميونخ وابي دوله ثالثه معاهم بليززززز ساعدووووني
بعيد عن ميلانو وجنيف وباريس جايتهم اول​

 

[FeShinGoOo]

زيوورخ اتهبل حلوه حيل وتقدرين تروحين منها حق انترلاكن ولوزان
لاتطوفينهم نصيحه واحلى من ميونخ بمليون مره .. اذا تبين تكنسلين كنسلي ميونخ اتظيق الخلق ومافيها شي وحر انا لما رحتلها والله كنت ماحب اطلع من الحر ولان مافيها شي كله قاعده بالفندق عكس زيورخ احلى ايام السفر كانت اهناك وحتى زوجي يقول نفس كلامي
وميونخ حسيت روحي بالخبر من كثر العرب اهناك روحي فرانكفورت احلى

 

[re78em]

موضوع جا بوقته انا رحت حق زيورخ وبصراحه مليت بسرعه صغيره وماكو اماكن زياده عن غيرها وحسيت شوي كئيبه مادري يمكن عشان كانت بعد جنيف ومونتروا احس مونتروا هي المركز الاول نفهه ومنظر البحيره خيال وهذي تجربتي وحبيت اسال عن انتر لاكن تسوي ولا نفس زيورخ وشكرا

 

[~Ms. elegant~]

مشكوره بنت ابيهااا
ميونخ بس ليله عشان المطار والا سامعه انها مووشي
بقعد بزالمسي واطلع منها لكابرون وسالزبورغ ويمكن فيينا بس بنفس اليوم وارد
وحبيت امر زيورخ وتخوفت من كلام البنات عنها مايمدحونها حيل
انا اذا بروح لها بقعد 3 او 4 ايام بس وين اروووح وشنو الاماكن اللي تسوااا​

 

[~Ms. elegant~]

ريم انا هذا اللي خايفه منه انها تكون ممله انا اخترت زيورخ لان عجبتني طبيعتها وان فيها مطار
لان النيه تكون الرحله كويت - زيورخ
ومن زيورخ نطلع ليورب بارك عقب زالمسي وعقب ميونخ
عشان الرده تكون ميونخ - كويت​

 

[~Ms. elegant~]

ياليت اي وحده تقرا الموضوع وعندها خلفيه عن زيورخ ترد علي بليززززز بنات لاني بحجز
ابي الاوكي منكم​

 

[sarona1010]

زيورخ حلوه و شرحه و السوق عجييييييب و البحيرة حلوه و تطلعين منها رحلات مثلا شلالات الرين اقل من ساعة طريج بالسيارة
انصحج فييييها

 

[~Ms. elegant~]

مشكووووووره ساروووووونه
طمنتيني ​

 

[[ Ms RoRo ]]

انا رحتلها
ما عجبتني كئيبه خصوصا بليل !!

في مدينه سويسريه حلوه صغيره اسمها بازل على الحدود الالمانيه
سكنوا فيها "احلى فندق فيها سكنا فيه سويس اوتيل"

و تقدرون تروحون منها حق ..
لوسيرن بـ سويسرا
فرايبورج بالمانيا
رست بالمانيا "فيها مدينه الملاهي اوربا بارك" حلوه لا اطوفونها

 

[مزيونة الهيلا]

زيورخ حلوة فيها : رحلة لكوخ هايدي_ مصنع شوكلاته _شلالات الراين روووعة _شارع باهنوف للتسوق _ نص ساعة لمنطقة لوزرين الي فيها قمة تتلس _ساعتين الاربع لالعاب يوروبارك في المانيا

انا بقعد فيها 4 ايام واحسنهم مو كافي وبينها وبين انترلاكن ساعتين وشي

لاتطوفج